MAKI 1
1
Chɔn‑na Yataa bai sa, a si Chisɔsi ma
(Matiu 3:1-12; Duku 3:1-18; Chɔn 1:19-28)
1Sakana bai chɛndɛ kuu sɔɛ an nɛ, a si Chisɔsi Chasi ma, Yataa 'a denɛ. 2Ɛ wan yɔ Yataa 'a gbonka chɛ mɔɛ Aisaya‑a min fɔ. A na‑a a nyɛn fan suun a 'a gboo ɔ, a ɔ, mbɛ Yataa ɔ te a 'a denɛ ma, a ɔ,
a yen ko, ɛ a 'a dɛya sɔ tena wan a ya ɔ,
min mbe dɔbɛnɛ chɛ‑a a ko a.
3Aisaya‑a a nyɛn fan to, a ɔ,
“Mɔɛ yen ko gbonka chɛ‑a fuinɛ ma, a ɔ,
mɔɛ n ni tan Yataa tena.
A ɔ, an ni an fandi n dɔ bɛn Mansa Yataa ya ɔ,
yɔ an mbe chia ɔ bɛn buɛ min dɔ an 'na mansa n ya ɔ.”
4Chɛ ko a, mɔɛ na‑a wan fuinɛ ma, min tɔ ni Chɔn. A bun‑da yii chɛ‑a mɔɛ n kunɛ ɔ, Yataa chia a. A ni yɛ wan to, a ɛ Yataa bai ɔ yian mɔɛ n na. A ɔ, an ni an kan kɔ sɔ an 'na ko yama n na, a ɔ, mbɛ a‑a yii chɛ an kunɛ ɔ, Yataa ni a boo bɔ an 'na ko yama n dɔ. 5A sin, mɔɛ n gbɛɛ ni ka wan Chuusaɛn duu ɔ, an mbe ka duu tɔɛ n dɔ, Chudia chɛnyɛ ɔ. An ni na wan, mbɛ an‑na Chɔn tan. An ni dɔn fan ko yama n ma, an na‑a miin ma. Chɔn ni yii chɛ wan an kunɛ ɔ, Yataa chia a, Chɔdan yii ɔ.
6Chɔn ma chii ni koa min na, a nyanden ni soe#1:6 An soe chɛ tɔ ni nyɔkɔmɛ. ti an na. A bu tɛ chiienɛ ni soe gboo an na. A 'a daun fenɛ sin ni kondonɛ an na, a basan kumin tuu a. 7Chɔn ni a fɔ wan mɔɛ chɛ n ye, a ɔ, “Kai min mbe na tena, n gbaa chia a, a 'a gbasaya benden mu n ta ma. A mɔ ma n na, n ni n ma bun, a 'a kɔɔwa yuu gbu wɛɛ fuin koe a. 8N tana, n mbe yii an chɛ wo kunɛ ɔ, Yataa chia a. Chɛɛ mɔɛ chɛ min mbe na‑a, ɛ Yataa Nyina an na yii‑a, ma koe a wo fɛ.”
Chɔn‑na yii chɛ Chisɔsi kunɛ ɔ, Yataa chia a
(Matiu 3:13—4:11; Duku 3:21-22; 4:1-13)
9A tima chɛ a, a ɔ nii ma yansan ni, mbɛ Chisɔsi na‑a, a ka Nasaɛti duu ɔ, Kadidi chɛnyɛ ɔ. A‑a Chɔn tan, mbɛ a‑a yii chɛ wan Chisɔsi kunɛ ɔ, Yataa chia a, Chɔdan yii ɔ. 10Mbɛ Chisɔsi bun‑da bɔ‑a yii chɛ ɔ, a sɛ tindi ma. Chɛ ɛ ma‑a dechee, mbɛ a‑a banda yen, a da a ka‑a dɔndɔ a. Ɛ ta ta‑a Yataa Nyina yen‑da yii‑a a kun ma, yɔ bugbɔɛ, mbɛ a si‑a a kun ma. 11Mbɛ kuiɛ a min‑da gbankon, a ka banda bu ɔ. A ɔ, “I mu n 'na denɛ an na, min ko a di n ye kaka. N faa chimaen mu i ko a.”
12Mbɛ a ya kɔɔɛ a, Yataa Nyina chɛ‑a Chisɔsi ya, a ta‑a a a fuinɛ ma. 13Chisɔsi ni nɔ wan, tee bi naanin ko a, Sitana ɛ a yiima yan‑da, ni ɛ ko yama ma‑a wan. Chisɔsi ni nɔ soe yama n fan tɛ, maeka n mbe basan‑da a ma.
Chisɔsi‑a kamin naaninɛ n chee, nyɛ gbain mɔɛ nu
(Matiu 4:12-22; Duku 4:14-15; 5:1-11)
14Mbɛ an‑na Chɔn sa pimbi chenɛ a. Chɛ gbakɔ, Chisɔsi ta‑a Kadidi chɛnyɛ ɔ, Yataa 'a sakana bai chɛndɛ sa koe a mɔɛ n tena. 15A‑a a fɔ, a ɔ, “Tima gbu che‑a gbɛ. Ɛnden fan to‑a gbɛ, Yataa ni a 'a mansaya ɔ yian. Wo wo kan kɔ sɔ, wo 'a ko yama n na, wo ni dan sakana bai chɛndɛ chɛ a.”
16Tee dɔndɔ a, Chisɔsi to‑a tachɛ an na, Kadidi yii wa fɛ, mbɛ a‑a kamin fea n yen, nyɛ gbainɛ a. Saimɔn ni ma, an fea a dɔɛ Anduu a, an mbe an 'na yaa a dɛ‑a yii ɔ. 17Mbɛ Chisɔsi ɔ an ma, “Wo bea n fɛ. N ni wo kan, wo e kun buɛ min dɔ, wo ni na mɔɛ n na n tena, yɔ wo e nyɛ gbain buɛ min dɔ.” 18A ya kɔɔɛ a, an‑na an boo ka nyɛ gbain yaa chɛ n na, mbɛ an bea‑a Chisɔsi fɛ.
19A sɛ‑a ɛnden fan na, yii chɛ a sanɛ, mbɛ a‑a kai Sɛbɛdi 'a den kaima fea n tan. Chimisi ni ma, an fea a dɔɛ Chɔn na, an mbe dɛndɛ ɔ, an 'na nyɛ gbain yaa, an mbe an dɔ bɛn‑da. 20Chisɔsi‑a an yen kɛn dechee, mbɛ a‑a an bɛɛ chee. Mbɛ a ya kɔɔɛ a, an fa Sɛbɛdi, a basan a 'a wai chɛ mɔɛ n na, a 'a den chɛ n‑na an to an dɛndɛ ɔ, mbɛ an bea‑a Chisɔsi fɛ, an ta‑a.
Chisɔsi‑a nyina yama gbain, kaminɛ min fɛ
(Duku 4:31-37)
21Mbɛ Chisɔsi na‑a Kapanaun duu ɔ, an bɛ a fɛ denɛ n na. A sin, Chu n 'na suin tee che‑a kɛn, Chisɔsi ta‑a wan an 'na samun chɛ chenɛ a. Mbɛ a bun‑da mɔɛ n kan‑da nɔ, Yataa koe ma. 22A‑a miin kan ka, an da ɔ gbaa‑a wan, a 'a kan chɛ buɛ a. A ta kanɛ, gbasaya wa, an ni a ɔ, a ben mɔɛ chɛ n ma, miin ni Chu n 'na sawa kan.
23Yatina, kaminɛ ni wan nɔ, an 'na samun chɛ chen chɛ a, nyina yama ni min fɛ. Mbɛ a ya kɔɔɛ a, a‑a yee tɛ, 24a ɔ, “Chisɔsi, Nasaɛti mɔɛ, i ma nn tɔɔ. I na‑a nn kasaa koe an na? N‑na a ɔ sɔn fan, i mu mɔɛ min na. I wan mu mɔɛ a tenchen, Yataa‑a min sɔ, a 'a wai chɛ koe a.”
25Chisɔsi‑a a fɔ wan nyina yama chɛ ma, a ɔ, “I da a tɔn, i ni ka kamin chɛ fɛ!”
26Nyina yama chɛ‑a kamin chɛ bondan fan gbasaya a, a‑a yee wa tɛ, mbɛ a ka‑a a fɛ. 27Mɔɛ miin gbɛɛ ni nɔ, an da ɔ gbaa‑a wan. An bun‑da a fɔ‑a, an nyɔn ye, an dɔ, “Fen koe e nɛ? Kan chɛ buɛ nama an nɛ. Ɛ a fɔ wan nyina yama n bɛɛ ye, an mbe koe min ma. An sin, a 'a gbasaya chɛ, an mbe a ya wan.”
28Mbɛ a ya kɔɔɛ a, Chisɔsi ma tɔɛ ta‑a wan kan kɔ kan Kadidi chɛnyɛ ɔ.
Chisɔsi‑a gbandi mɔ sɛsɛ baun
(Matiu 8:14-17; Duku 4:38-41)
29Mbɛ Chisɔsi bɔ‑a Chu n 'na samun chɛ chen chɛ a, an bɛ Chimisi a, ni Chɔn, a basan a fɛ denɛ tɔɛ n na. Mbɛ an ta‑a dɔndɔ gbe, Saimɔn n 'na chenɛ a, an fea a dɔɛ Anduu a. 30Mbɛ an‑na a tan, Saimɔn bian musu ɛ sa ɔ sofa a, chima bɔndenɛ ɛ a ma. Mbɛ a ya kɔɔɛ a, an‑na a ɔ yian Chisɔsi a. 31Mbɛ a ta‑a musu chɛ tena, a‑a a bia a boo ma, mbɛ a basan‑da a ma, a kɔɔ sɔ koe a. Mbɛ chima gbu bɔ‑a a ɔ, a bun‑da tawa chɛ‑a an ye.
32A duina chɛ, tee beaenɛ gbakɔ, mɔɛ n na‑a wan gbandi mɔɛ n na Chisɔsi tena. An na‑a wan chɛ n bɛɛ a, nyina yama ni miin fɛ. 33Mbɛ mɔɛ n gbɛɛ Kapanaun duu chɛ ɔ, an na kan‑da wan a ma chen da a. 34Chisɔsi‑a mɔɛ n baun fan gbandi sɛsɛ n dɔ. A‑a nyina yama n gbain fan, mɔ sɛsɛ n fɛ. A sin, a ee dɔn, nyina yama chɛ n ni koɔ, koe min na mu, an‑na a ɔ sɔn fan, mɔɛ min sima mu a a.
Chisɔsi‑a Yataa bai sa Kadidi chɛnyɛ ɔ
(Duku 4:42-44)
35Sayi ma pimbi ɔ, Chisɔsi‑a a kɔɔ sɔ, mbɛ a bɔ‑a chenɛ a. Mbɛ a‑a duu boo ka, a ta‑a, mɔ ɔ mɔ nii kaina min, mbɛ a‑a samunɛ chɛ. 36Chɛɛ Saimɔn bɛ a bɔɛ n na, an ta‑a wan ben‑da an ya a kan‑da Chisɔsi a. 37An sin‑na a yen kɛn, an dɔ, “Mɔɛ n gbɛɛ, an mbe ka i wan yan‑da.”
38Chɛɛ Chisɔsi ɔ an ma, “Mmɔ ka nɛ, mmɔ ni ta duu tɔɛ n dɔ ben‑da, min mbe a ma, n ni Yataa 'a sakana bai sa an bɛɛ ɔ. Koe min na mu, n na‑a wai chɛ an chɛ koe a.”
39Mbɛ an ben ben‑da Kadidi chɛnyɛ gbɛɛ ɔ, ɛ ta‑a Yataa 'a bai sa‑a Chu n 'na samun chɛ chenɛ n na, a basan nyina yama n gbainɛ a, mɔɛ n fɛ.
Chisɔsi‑a a ma, mɔ kaima dɔndɔ baun‑da
(Matiu 8:1-4; Duku 5:12-16)
40Tima dɔndɔ a, mɔ kaima dɔndɔ na‑a wan Chisɔsi tena, gbandi yama bɔen ni min gboo gbɛɛ ma. Mbɛ a‑a a kumbai gbangban, Chisɔsi chen kɔɔ, disa ɔ, a ɔ, “Fa, ni a a di i ye, e kun fan i ni n baun.”
41Chinchincha‑a Chisɔsi gboo fa wan gban. Mbɛ a‑a a boo a ta, mbɛ a tu‑a kamin chɛ a. A ɔ, “A a di n ye, i ni bauncha ma sɔn. Baun gbɛ gbandi chɛ ɔ.” 42Mɔ kaima chɛ gboo gbongbon‑da wan, a baun‑da a ya kɔɔɛ a. 43-44Mbɛ Chisɔsi‑a dasi gbau gbau be a ma, a ɔ, “I too ma sɔ. I ma koe chɛ ɔ yian mɔ ɔ mɔ a. Chɛɛ ta dɔndɔ gbe mɔɛ chɛ tena, min mbe mmɔ tɛ ɔ, Yataa a, a ni i ma mɛn. Mbɛ min mbe a ma, mɔɛ gbɛɛ ni a ɔ sɔn, mbɛ i baun‑da, i ni yasi chɛ bɔ, min mbe sawa chɛ ɔ, min be‑a Mosisi ma.” Mbɛ Chisɔsi‑a a ma, kamin chɛ ta‑a.
45Chɛɛ a ta‑a kɛn dechee, a bun‑da koɔ‑a boo ka boo ka, a‑a a ɔ yian kan kɔ kan. Chɛ‑a a ma wan, Chisɔsi nii che to bɔ‑a ya a ma, duu kan kɔ kan dɔ, fanka fanka ma chianɛ ko a. Chɛɛ a ni gbɛ ben‑da tanda n fan dɔ, mɔ ee kaina. Chɛ gbɛɛ ɔ, mɔɛ n ni bɔ wan kan kɔ kan, an mbe na a tan.
Currently Selected:
MAKI 1: KONONT
Highlight
Share
Copy
Want to have your highlights saved across all your devices? Sign up or sign in
New Testament in Kono © The Bible Society of Sierra Leone, 2006.
MAKI 1
1
Chɔn‑na Yataa bai sa, a si Chisɔsi ma
(Matiu 3:1-12; Duku 3:1-18; Chɔn 1:19-28)
1Sakana bai chɛndɛ kuu sɔɛ an nɛ, a si Chisɔsi Chasi ma, Yataa 'a denɛ. 2Ɛ wan yɔ Yataa 'a gbonka chɛ mɔɛ Aisaya‑a min fɔ. A na‑a a nyɛn fan suun a 'a gboo ɔ, a ɔ, mbɛ Yataa ɔ te a 'a denɛ ma, a ɔ,
a yen ko, ɛ a 'a dɛya sɔ tena wan a ya ɔ,
min mbe dɔbɛnɛ chɛ‑a a ko a.
3Aisaya‑a a nyɛn fan to, a ɔ,
“Mɔɛ yen ko gbonka chɛ‑a fuinɛ ma, a ɔ,
mɔɛ n ni tan Yataa tena.
A ɔ, an ni an fandi n dɔ bɛn Mansa Yataa ya ɔ,
yɔ an mbe chia ɔ bɛn buɛ min dɔ an 'na mansa n ya ɔ.”
4Chɛ ko a, mɔɛ na‑a wan fuinɛ ma, min tɔ ni Chɔn. A bun‑da yii chɛ‑a mɔɛ n kunɛ ɔ, Yataa chia a. A ni yɛ wan to, a ɛ Yataa bai ɔ yian mɔɛ n na. A ɔ, an ni an kan kɔ sɔ an 'na ko yama n na, a ɔ, mbɛ a‑a yii chɛ an kunɛ ɔ, Yataa ni a boo bɔ an 'na ko yama n dɔ. 5A sin, mɔɛ n gbɛɛ ni ka wan Chuusaɛn duu ɔ, an mbe ka duu tɔɛ n dɔ, Chudia chɛnyɛ ɔ. An ni na wan, mbɛ an‑na Chɔn tan. An ni dɔn fan ko yama n ma, an na‑a miin ma. Chɔn ni yii chɛ wan an kunɛ ɔ, Yataa chia a, Chɔdan yii ɔ.
6Chɔn ma chii ni koa min na, a nyanden ni soe#1:6 An soe chɛ tɔ ni nyɔkɔmɛ. ti an na. A bu tɛ chiienɛ ni soe gboo an na. A 'a daun fenɛ sin ni kondonɛ an na, a basan kumin tuu a. 7Chɔn ni a fɔ wan mɔɛ chɛ n ye, a ɔ, “Kai min mbe na tena, n gbaa chia a, a 'a gbasaya benden mu n ta ma. A mɔ ma n na, n ni n ma bun, a 'a kɔɔwa yuu gbu wɛɛ fuin koe a. 8N tana, n mbe yii an chɛ wo kunɛ ɔ, Yataa chia a. Chɛɛ mɔɛ chɛ min mbe na‑a, ɛ Yataa Nyina an na yii‑a, ma koe a wo fɛ.”
Chɔn‑na yii chɛ Chisɔsi kunɛ ɔ, Yataa chia a
(Matiu 3:13—4:11; Duku 3:21-22; 4:1-13)
9A tima chɛ a, a ɔ nii ma yansan ni, mbɛ Chisɔsi na‑a, a ka Nasaɛti duu ɔ, Kadidi chɛnyɛ ɔ. A‑a Chɔn tan, mbɛ a‑a yii chɛ wan Chisɔsi kunɛ ɔ, Yataa chia a, Chɔdan yii ɔ. 10Mbɛ Chisɔsi bun‑da bɔ‑a yii chɛ ɔ, a sɛ tindi ma. Chɛ ɛ ma‑a dechee, mbɛ a‑a banda yen, a da a ka‑a dɔndɔ a. Ɛ ta ta‑a Yataa Nyina yen‑da yii‑a a kun ma, yɔ bugbɔɛ, mbɛ a si‑a a kun ma. 11Mbɛ kuiɛ a min‑da gbankon, a ka banda bu ɔ. A ɔ, “I mu n 'na denɛ an na, min ko a di n ye kaka. N faa chimaen mu i ko a.”
12Mbɛ a ya kɔɔɛ a, Yataa Nyina chɛ‑a Chisɔsi ya, a ta‑a a a fuinɛ ma. 13Chisɔsi ni nɔ wan, tee bi naanin ko a, Sitana ɛ a yiima yan‑da, ni ɛ ko yama ma‑a wan. Chisɔsi ni nɔ soe yama n fan tɛ, maeka n mbe basan‑da a ma.
Chisɔsi‑a kamin naaninɛ n chee, nyɛ gbain mɔɛ nu
(Matiu 4:12-22; Duku 4:14-15; 5:1-11)
14Mbɛ an‑na Chɔn sa pimbi chenɛ a. Chɛ gbakɔ, Chisɔsi ta‑a Kadidi chɛnyɛ ɔ, Yataa 'a sakana bai chɛndɛ sa koe a mɔɛ n tena. 15A‑a a fɔ, a ɔ, “Tima gbu che‑a gbɛ. Ɛnden fan to‑a gbɛ, Yataa ni a 'a mansaya ɔ yian. Wo wo kan kɔ sɔ, wo 'a ko yama n na, wo ni dan sakana bai chɛndɛ chɛ a.”
16Tee dɔndɔ a, Chisɔsi to‑a tachɛ an na, Kadidi yii wa fɛ, mbɛ a‑a kamin fea n yen, nyɛ gbainɛ a. Saimɔn ni ma, an fea a dɔɛ Anduu a, an mbe an 'na yaa a dɛ‑a yii ɔ. 17Mbɛ Chisɔsi ɔ an ma, “Wo bea n fɛ. N ni wo kan, wo e kun buɛ min dɔ, wo ni na mɔɛ n na n tena, yɔ wo e nyɛ gbain buɛ min dɔ.” 18A ya kɔɔɛ a, an‑na an boo ka nyɛ gbain yaa chɛ n na, mbɛ an bea‑a Chisɔsi fɛ.
19A sɛ‑a ɛnden fan na, yii chɛ a sanɛ, mbɛ a‑a kai Sɛbɛdi 'a den kaima fea n tan. Chimisi ni ma, an fea a dɔɛ Chɔn na, an mbe dɛndɛ ɔ, an 'na nyɛ gbain yaa, an mbe an dɔ bɛn‑da. 20Chisɔsi‑a an yen kɛn dechee, mbɛ a‑a an bɛɛ chee. Mbɛ a ya kɔɔɛ a, an fa Sɛbɛdi, a basan a 'a wai chɛ mɔɛ n na, a 'a den chɛ n‑na an to an dɛndɛ ɔ, mbɛ an bea‑a Chisɔsi fɛ, an ta‑a.
Chisɔsi‑a nyina yama gbain, kaminɛ min fɛ
(Duku 4:31-37)
21Mbɛ Chisɔsi na‑a Kapanaun duu ɔ, an bɛ a fɛ denɛ n na. A sin, Chu n 'na suin tee che‑a kɛn, Chisɔsi ta‑a wan an 'na samun chɛ chenɛ a. Mbɛ a bun‑da mɔɛ n kan‑da nɔ, Yataa koe ma. 22A‑a miin kan ka, an da ɔ gbaa‑a wan, a 'a kan chɛ buɛ a. A ta kanɛ, gbasaya wa, an ni a ɔ, a ben mɔɛ chɛ n ma, miin ni Chu n 'na sawa kan.
23Yatina, kaminɛ ni wan nɔ, an 'na samun chɛ chen chɛ a, nyina yama ni min fɛ. Mbɛ a ya kɔɔɛ a, a‑a yee tɛ, 24a ɔ, “Chisɔsi, Nasaɛti mɔɛ, i ma nn tɔɔ. I na‑a nn kasaa koe an na? N‑na a ɔ sɔn fan, i mu mɔɛ min na. I wan mu mɔɛ a tenchen, Yataa‑a min sɔ, a 'a wai chɛ koe a.”
25Chisɔsi‑a a fɔ wan nyina yama chɛ ma, a ɔ, “I da a tɔn, i ni ka kamin chɛ fɛ!”
26Nyina yama chɛ‑a kamin chɛ bondan fan gbasaya a, a‑a yee wa tɛ, mbɛ a ka‑a a fɛ. 27Mɔɛ miin gbɛɛ ni nɔ, an da ɔ gbaa‑a wan. An bun‑da a fɔ‑a, an nyɔn ye, an dɔ, “Fen koe e nɛ? Kan chɛ buɛ nama an nɛ. Ɛ a fɔ wan nyina yama n bɛɛ ye, an mbe koe min ma. An sin, a 'a gbasaya chɛ, an mbe a ya wan.”
28Mbɛ a ya kɔɔɛ a, Chisɔsi ma tɔɛ ta‑a wan kan kɔ kan Kadidi chɛnyɛ ɔ.
Chisɔsi‑a gbandi mɔ sɛsɛ baun
(Matiu 8:14-17; Duku 4:38-41)
29Mbɛ Chisɔsi bɔ‑a Chu n 'na samun chɛ chen chɛ a, an bɛ Chimisi a, ni Chɔn, a basan a fɛ denɛ tɔɛ n na. Mbɛ an ta‑a dɔndɔ gbe, Saimɔn n 'na chenɛ a, an fea a dɔɛ Anduu a. 30Mbɛ an‑na a tan, Saimɔn bian musu ɛ sa ɔ sofa a, chima bɔndenɛ ɛ a ma. Mbɛ a ya kɔɔɛ a, an‑na a ɔ yian Chisɔsi a. 31Mbɛ a ta‑a musu chɛ tena, a‑a a bia a boo ma, mbɛ a basan‑da a ma, a kɔɔ sɔ koe a. Mbɛ chima gbu bɔ‑a a ɔ, a bun‑da tawa chɛ‑a an ye.
32A duina chɛ, tee beaenɛ gbakɔ, mɔɛ n na‑a wan gbandi mɔɛ n na Chisɔsi tena. An na‑a wan chɛ n bɛɛ a, nyina yama ni miin fɛ. 33Mbɛ mɔɛ n gbɛɛ Kapanaun duu chɛ ɔ, an na kan‑da wan a ma chen da a. 34Chisɔsi‑a mɔɛ n baun fan gbandi sɛsɛ n dɔ. A‑a nyina yama n gbain fan, mɔ sɛsɛ n fɛ. A sin, a ee dɔn, nyina yama chɛ n ni koɔ, koe min na mu, an‑na a ɔ sɔn fan, mɔɛ min sima mu a a.
Chisɔsi‑a Yataa bai sa Kadidi chɛnyɛ ɔ
(Duku 4:42-44)
35Sayi ma pimbi ɔ, Chisɔsi‑a a kɔɔ sɔ, mbɛ a bɔ‑a chenɛ a. Mbɛ a‑a duu boo ka, a ta‑a, mɔ ɔ mɔ nii kaina min, mbɛ a‑a samunɛ chɛ. 36Chɛɛ Saimɔn bɛ a bɔɛ n na, an ta‑a wan ben‑da an ya a kan‑da Chisɔsi a. 37An sin‑na a yen kɛn, an dɔ, “Mɔɛ n gbɛɛ, an mbe ka i wan yan‑da.”
38Chɛɛ Chisɔsi ɔ an ma, “Mmɔ ka nɛ, mmɔ ni ta duu tɔɛ n dɔ ben‑da, min mbe a ma, n ni Yataa 'a sakana bai sa an bɛɛ ɔ. Koe min na mu, n na‑a wai chɛ an chɛ koe a.”
39Mbɛ an ben ben‑da Kadidi chɛnyɛ gbɛɛ ɔ, ɛ ta‑a Yataa 'a bai sa‑a Chu n 'na samun chɛ chenɛ n na, a basan nyina yama n gbainɛ a, mɔɛ n fɛ.
Chisɔsi‑a a ma, mɔ kaima dɔndɔ baun‑da
(Matiu 8:1-4; Duku 5:12-16)
40Tima dɔndɔ a, mɔ kaima dɔndɔ na‑a wan Chisɔsi tena, gbandi yama bɔen ni min gboo gbɛɛ ma. Mbɛ a‑a a kumbai gbangban, Chisɔsi chen kɔɔ, disa ɔ, a ɔ, “Fa, ni a a di i ye, e kun fan i ni n baun.”
41Chinchincha‑a Chisɔsi gboo fa wan gban. Mbɛ a‑a a boo a ta, mbɛ a tu‑a kamin chɛ a. A ɔ, “A a di n ye, i ni bauncha ma sɔn. Baun gbɛ gbandi chɛ ɔ.” 42Mɔ kaima chɛ gboo gbongbon‑da wan, a baun‑da a ya kɔɔɛ a. 43-44Mbɛ Chisɔsi‑a dasi gbau gbau be a ma, a ɔ, “I too ma sɔ. I ma koe chɛ ɔ yian mɔ ɔ mɔ a. Chɛɛ ta dɔndɔ gbe mɔɛ chɛ tena, min mbe mmɔ tɛ ɔ, Yataa a, a ni i ma mɛn. Mbɛ min mbe a ma, mɔɛ gbɛɛ ni a ɔ sɔn, mbɛ i baun‑da, i ni yasi chɛ bɔ, min mbe sawa chɛ ɔ, min be‑a Mosisi ma.” Mbɛ Chisɔsi‑a a ma, kamin chɛ ta‑a.
45Chɛɛ a ta‑a kɛn dechee, a bun‑da koɔ‑a boo ka boo ka, a‑a a ɔ yian kan kɔ kan. Chɛ‑a a ma wan, Chisɔsi nii che to bɔ‑a ya a ma, duu kan kɔ kan dɔ, fanka fanka ma chianɛ ko a. Chɛɛ a ni gbɛ ben‑da tanda n fan dɔ, mɔ ee kaina. Chɛ gbɛɛ ɔ, mɔɛ n ni bɔ wan kan kɔ kan, an mbe na a tan.
Currently Selected:
:
Highlight
Share
Copy
Want to have your highlights saved across all your devices? Sign up or sign in
New Testament in Kono © The Bible Society of Sierra Leone, 2006.