MAKI 2
2
Chisɔsi‑a mɔ kaima baun, min namaaenɛ ni
(Matiu 9:1-8; Duku 5:17-26)
1Tee kuunden gbakɔ, Chisɔsi yɛ‑a to Kapanaun duu ɔ. Mbɛ sakana kuiɛ a fasan‑da a ɔ gbɛɛ ɛ, mbɛ ɛ chenɛ a. 2Mbɛ mɔ sɛsɛ n na sɔn‑da wan a ma, kaina nii to chenɛ bu ɔ, a basan pɛsa wɛɛ a, mɔɛ n ko a. A sin, a ni wan sakana bai chɛndɛ chɛ ɔ yian‑da an na. 3Mbɛ mɔ kaima naaninɛ nu, an bɔ‑a a a, an mbe na‑a kaminɛ a Chisɔsi tena, a namaaenɛ ɛ. 4Chɛɛ chɛ gbɛɛ ɔ, an nii che na‑a kamin chɛ a Chisɔsi tena. Koe min na mu, mɔ fanka da a ni koo. Mbɛ an sɛ‑a chenɛ gbu kun ma, mbɛ an‑na kaina ɛnden ma ka, Chisɔsi kun ma chia a.#2:4 Chudia chɛnyɛ ɔ, mɔɛ n ni chenɛ miin sɔ, an kun tɛ n maen fan ni boofɛ. A sin, an ni a nyan boo an dɔ, an ni boo da nyan min nyɔn sima a. An ni sɛ chenɛ kun tɛ sitɛpi min na, a wɛɛ nyanden ni sen faenɛ an na. An ban‑da kɛn chen chɛ ma ka‑a, an kaina chɛ, mbɛ an‑na kamin chɛ a yii nɔ, sa ɔ yaa ɔ, an na‑a a a min dɔ. 5Chisɔsi‑a a ɔ yen kɛn, danaya wa min ni mɔɛ chɛ n dɔ, a ko a, mbɛ a koɔ‑a namaa chɛ tena. A ɔ, “N 'na den, n‑na n boo bɔ i 'a ko yama n dɔ.”
6Mbɛ Chu n 'na sawa kan mɔɛ chɛ dɔ nu, miin ni nɔ si ɔ, an bun‑da an yii na chii‑a, bai chɛ ma. 7An dɔ, “Fen ko a mu, mɔ bonda chɛ ɛ bai chɛ sima fɔ‑a? Ɛ ka baa an bɔ tena Yataa ma. Yataa dɔndɔ gbe, an mbe che a boo bɔ‑a mɔ gbu 'a ko yama n dɔ, chɛɛ mɔ gbu ma.”
8Chɛɛ Chisɔsi‑a a ɔ sɔn fan, a ya kɔɔɛ a, koe min ni tachɛ tena an yiima ɔ. Chɛ ko a, a ɔ an ma, “Wo sɛmbɛ wo yii na chii koe a ka. 9A ɔ ma gbɛ a fɔ koe a namaa chɛ ye, mbɛ n‑na n boo bɔ a 'a ko yama ɔ. Chɛɛ a ɔ gbɛ wan a ma koe a, a ni a kɔɔ sɔ, a ni a 'a yaa ya, a ni tachɛ chɛ. 10N mbe a ɔ yian‑da wan wo a gbɛ sanche, mbɛ n fan, Mɔ gbu 'a Denɛ, gbasaya ɛ wan n boo ɔ, dunya chɛ ɔ, n boo bɔ koe a mɔɛ n 'na ko yama n dɔ.” Mbɛ a koɔ‑a ka wan namaa chɛ tena, 11A ɔ, “I wan, n mbe a fɔ tena i ye, mbɛ i ni i kɔɔ sɔ, i ni i 'a yaa ya, i ni ta i 'a chenɛ a.”
12A ya kɔɔɛ a, an gbɛɛ ya to‑a ka wan kamin chɛ a, a‑a a kɔɔ sɔ, a‑a a 'a yaa ya, mbɛ a ta‑a gbae. An gbɛɛ da ɔ gbaa‑a wan gbechee, mbɛ an‑na Yataa tando. An dɔ, “Nn ma koe ɔ yen nin bɛ, yɔ chɛ nyɔn sima.”
Chisɔsi‑a Difai chee, a bea koe a a fɛ
(Matiu 9:9-13; Duku 5:27-32)
13Mbɛ Chisɔsi bɔ‑a duu chɛ ɔ, mbɛ a yɛ‑a to Kadidi yii wa fɛ. Mɔ fanka na‑a wan a tena, mbɛ a‑a a kuu sɔ an kan‑da Yataa wakoe ma. 14A to‑a tachɛ chɛ an na, mbɛ a‑a pawa bia mɔ dɔndɔ yen, an ni min chee Difai, Afiɔsi 'a denɛ. A ni si ɔ a 'a wai chɛ tena wan. Mbɛ Chisɔsi ɔ te a ma, “Bea n fɛ.” Mbɛ a‑a a kɔɔ sɔ, a bea‑a a fɛ.
15Chɛ gbakɔ, Chisɔsi n ni wan si ɔ daun chɛ tena, Difai 'a chenɛ a. A tima chɛ a, pawa kain mɔ sɛsɛ nu, a basan mɔ dɔ mende n bɛɛ a, miin nii sɔ ɔ Yataa 'a chia ma, an gbɛɛ ni wan Chisɔsi fɛ. An sin, a sɛsɛ na‑a wan, an bun‑da daunɛ chɛ‑a an bɛ Chisɔsi a, a basan a fɛ denɛ n na. 16Mbɛ Fayisii#2:16 Fayisii n ni Chu mɔɛ dɔ n fan na, miin ni Mosisi 'a sawa nu, ni an ta sawa n bia gbau gbau. mɔɛ chɛ dɔ nu, miin ni sawa kan min be‑a Mosisi ma, an ni wan nɔ. An na‑a Chisɔsi yen fan daunɛ chɛ‑a, an bɛ mɔɛ n na, miin nii sɔ ɔ Yataa chia ma, a basan pawa kain mɔɛ chɛ n na. Mbɛ an dɔ a fɛ denɛ n ma, an dɔ, “Kai chɛ nii daunɛ chɛ ɛnden bɛɛ a, an bɛ mɔ bonda chɛ n na.”
17Mbɛ Chisɔsi‑a a min kɛn, an ni min fɔ tena, mbɛ a ɔ, “Danda chɛ mɔ ma gbɔsɔ ee gboo ɔ bɔ tɔ ma, mɔɔ dechee chɛ nu, miin gbandien mu. Chɛ an fɛ mu, mɔɛ miin mu mɔ tandenɛ n na Yataa tena, n ma na ni an fan ko a. Chɛɛ mɔɛ miin mbe ee sɔ ɔ Yataa 'a chia ma, n na‑a an fan ko a.”
An‑na Chisɔsi ɔ tisa, a si sun bia ma
(Matiu 9:14-17; Duku 5:33-39)
18Tima dɔndɔ a, Chɔn, min ni yii chɛ mɔɛ n kunɛ ɔ, Yataa chia a, a fɛ mɔɛ n ni wan sun bia a. Mbɛ Fayisii mɔɛ chɛ nu, an na‑a a tena, an dɔ, “Chɔn fɛ denɛ n mbe sunɛ bia#2:18 Ni Chu n‑na a fɔ an mbe sunɛ bia a, an mbe ee daun chɛ tee a, ni pimbi wɛɛ ɔ. wan tima ɔ tima, mbɛ an‑na samunɛ chɛ. Nn fan Fayisii n bɛɛ, nn fɛ denɛ n bɛɛ mbe a ma ka wan. Chɛɛ i ta fɛ denɛ n mbe daunɛ an chɛ tun, an mbe ee sun bia. Fen ko a mu, an mbe chɛ ma tena?”
19Mbɛ Chisɔsi ɔ, “Ni mɔɛ‑a musu si bɛnɛ chee, mbɛ a bɔɛ n na kan‑da, daun chɛ koe a mu. An mbe ee to nɔ a chen kɔɔ, an ni kɔnkɔɛ a dɛ an fandi ma. Tima min na wɛ musu si kai chɛ ɛ nɔ, mɔɛ chɛ n mbe kun fan, an ni daunɛ chɛ, an mbe ee to nɔ, an ni sunɛ bia. 20Chɛɛ tima ɛ che‑a wan, tima min na mɔɛ n mbe musu si kai chɛ ya‑a an tɛ, a tima a mu an mbe sunɛ bia‑a.”
21Mbɛ Chisɔsi‑a tai tɛ wan an tena, a ɔ, “Mɔ ɔ mɔ ee che, i ni doma nama tɛ a a, doma kɔma dombo koe a. Ni mɔɛ‑a chɛ ma, a gba ma ee nyan‑da. Koe min na mu, woe an mbe to‑a doma nama chɛ ɔ, a koaen ba a. 22A yɛ to, ni mɔ ma‑a gbɛ chɛ‑a gbɛ chɛ soe gboo#2:22 Baa ko nii Chu chɛnyɛ ɔ suun. An ni an 'na gbɛ chɛ soe gboo an dɔ. An nii gbɛ chɛ soe gboo dɔndɔɛ ɔ gba fea. ɔ, e a chɛ tena soe gboo nama an dɔ, ɛ to kaina aan a a ni kɔɔ. Chɛɛ mɔ ee gbɛ nama chɛ gbɛ chɛ soe gboo kɔma ɔ, a a kɔɔ koe a, ɛ a te wan, mbɛ i fo‑a gbɛ a, a basan soe gboo a. Mɔɛ ɛ min ma, e gbɛ nama chɛ soe gboo nama an dɔ.”
Chisɔsi an mu suin tee ma mansa a
(Matiu 12:1-8; Duku 6:1-5)
23Chu mɔɛ n 'na suin tee dɔndɔ ma, Chisɔsi ni ben tena wan chia a sɛnɛ dɔndɔ tɛtɛ ma, an bɛ a fɛ denɛ n na. Mbɛ a fɛ denɛ n bun‑da sɛnɛ chɛ ɔ, chin fenɛ tɛ‑a an boo a. #2:23 Mɔɛ ni kun fan, ni a ma‑a ben‑da mɔ dɔ mende 'a sɛnɛ ɔ, a ni chin fen chɛ tɛ a boo a, yɔ Chu n 'na sawa na‑a a fɔ buɛ min dɔ. Chɛɛ an nii dɔn a ni a tɛ mɛ a. 24Mbɛ Fayisii chɛ nu, an dɔ, “A yen bɛ, i fɛ denɛ n mbe koe min ma tena, a ma nyin. Mmɔ 'a sawa ma dɔn ni chɛ ma, suin tee ma.”
25Mbɛ Chisɔsi ɔ, “Ɛ wan n yii ma, mbɛ wo‑a a kan fan Yataa 'a gboo ɔ, Mansa Defidi na‑a koe ma wan tima dɔndɔ a. Kɔnkɔɛ na‑a a bia wan tima dɔndɔ a, an bɛ a fɛ mɔɛ n na. 26Mbɛ a don‑da wan Yataa 'a chenɛ a, mbɛ biidi chɛ min been ni Yataa ma, a‑a a ya, mbɛ a‑a a daun. A yɛ‑a wan to, mbɛ a‑a a tɔɛ be a fɛ mɔɛ n ma. A na‑a mmɔ 'a sawa an yɔn ka, a mu min na, mmɔ 'a sawa na‑a a fɔ wan, mbɛ mɔ ɔ mɔ ee an biidi chɛ daun, mɔɔ dechee mɔɛ chɛ nu, miin mbe mmɔ tɛ ɔ Yataa a. Chɛɛ chɛ na‑a ma wan, tima min na Abiata ni Chu n 'na tɛ mɔ wa a, Yataa tena.”
27Mbɛ Chisɔsi danka‑a gbɛ min fɔ‑a an ye, a ɔ, “Suin tee chɛ, a bɔ‑a mɔ gbu an ko a, chɛɛ mɔ gbu an ma bɔ ni suin tee ko a. 28Chɛ an fɛ mu, n fan, Mɔ Gbu 'a denɛ, n fan mu mansa a suin tee wɛɛ ko a.”
Currently Selected:
MAKI 2: KONONT
Highlight
Share
Copy
Want to have your highlights saved across all your devices? Sign up or sign in
New Testament in Kono © The Bible Society of Sierra Leone, 2006.
MAKI 2
2
Chisɔsi‑a mɔ kaima baun, min namaaenɛ ni
(Matiu 9:1-8; Duku 5:17-26)
1Tee kuunden gbakɔ, Chisɔsi yɛ‑a to Kapanaun duu ɔ. Mbɛ sakana kuiɛ a fasan‑da a ɔ gbɛɛ ɛ, mbɛ ɛ chenɛ a. 2Mbɛ mɔ sɛsɛ n na sɔn‑da wan a ma, kaina nii to chenɛ bu ɔ, a basan pɛsa wɛɛ a, mɔɛ n ko a. A sin, a ni wan sakana bai chɛndɛ chɛ ɔ yian‑da an na. 3Mbɛ mɔ kaima naaninɛ nu, an bɔ‑a a a, an mbe na‑a kaminɛ a Chisɔsi tena, a namaaenɛ ɛ. 4Chɛɛ chɛ gbɛɛ ɔ, an nii che na‑a kamin chɛ a Chisɔsi tena. Koe min na mu, mɔ fanka da a ni koo. Mbɛ an sɛ‑a chenɛ gbu kun ma, mbɛ an‑na kaina ɛnden ma ka, Chisɔsi kun ma chia a.#2:4 Chudia chɛnyɛ ɔ, mɔɛ n ni chenɛ miin sɔ, an kun tɛ n maen fan ni boofɛ. A sin, an ni a nyan boo an dɔ, an ni boo da nyan min nyɔn sima a. An ni sɛ chenɛ kun tɛ sitɛpi min na, a wɛɛ nyanden ni sen faenɛ an na. An ban‑da kɛn chen chɛ ma ka‑a, an kaina chɛ, mbɛ an‑na kamin chɛ a yii nɔ, sa ɔ yaa ɔ, an na‑a a a min dɔ. 5Chisɔsi‑a a ɔ yen kɛn, danaya wa min ni mɔɛ chɛ n dɔ, a ko a, mbɛ a koɔ‑a namaa chɛ tena. A ɔ, “N 'na den, n‑na n boo bɔ i 'a ko yama n dɔ.”
6Mbɛ Chu n 'na sawa kan mɔɛ chɛ dɔ nu, miin ni nɔ si ɔ, an bun‑da an yii na chii‑a, bai chɛ ma. 7An dɔ, “Fen ko a mu, mɔ bonda chɛ ɛ bai chɛ sima fɔ‑a? Ɛ ka baa an bɔ tena Yataa ma. Yataa dɔndɔ gbe, an mbe che a boo bɔ‑a mɔ gbu 'a ko yama n dɔ, chɛɛ mɔ gbu ma.”
8Chɛɛ Chisɔsi‑a a ɔ sɔn fan, a ya kɔɔɛ a, koe min ni tachɛ tena an yiima ɔ. Chɛ ko a, a ɔ an ma, “Wo sɛmbɛ wo yii na chii koe a ka. 9A ɔ ma gbɛ a fɔ koe a namaa chɛ ye, mbɛ n‑na n boo bɔ a 'a ko yama ɔ. Chɛɛ a ɔ gbɛ wan a ma koe a, a ni a kɔɔ sɔ, a ni a 'a yaa ya, a ni tachɛ chɛ. 10N mbe a ɔ yian‑da wan wo a gbɛ sanche, mbɛ n fan, Mɔ gbu 'a Denɛ, gbasaya ɛ wan n boo ɔ, dunya chɛ ɔ, n boo bɔ koe a mɔɛ n 'na ko yama n dɔ.” Mbɛ a koɔ‑a ka wan namaa chɛ tena, 11A ɔ, “I wan, n mbe a fɔ tena i ye, mbɛ i ni i kɔɔ sɔ, i ni i 'a yaa ya, i ni ta i 'a chenɛ a.”
12A ya kɔɔɛ a, an gbɛɛ ya to‑a ka wan kamin chɛ a, a‑a a kɔɔ sɔ, a‑a a 'a yaa ya, mbɛ a ta‑a gbae. An gbɛɛ da ɔ gbaa‑a wan gbechee, mbɛ an‑na Yataa tando. An dɔ, “Nn ma koe ɔ yen nin bɛ, yɔ chɛ nyɔn sima.”
Chisɔsi‑a Difai chee, a bea koe a a fɛ
(Matiu 9:9-13; Duku 5:27-32)
13Mbɛ Chisɔsi bɔ‑a duu chɛ ɔ, mbɛ a yɛ‑a to Kadidi yii wa fɛ. Mɔ fanka na‑a wan a tena, mbɛ a‑a a kuu sɔ an kan‑da Yataa wakoe ma. 14A to‑a tachɛ chɛ an na, mbɛ a‑a pawa bia mɔ dɔndɔ yen, an ni min chee Difai, Afiɔsi 'a denɛ. A ni si ɔ a 'a wai chɛ tena wan. Mbɛ Chisɔsi ɔ te a ma, “Bea n fɛ.” Mbɛ a‑a a kɔɔ sɔ, a bea‑a a fɛ.
15Chɛ gbakɔ, Chisɔsi n ni wan si ɔ daun chɛ tena, Difai 'a chenɛ a. A tima chɛ a, pawa kain mɔ sɛsɛ nu, a basan mɔ dɔ mende n bɛɛ a, miin nii sɔ ɔ Yataa 'a chia ma, an gbɛɛ ni wan Chisɔsi fɛ. An sin, a sɛsɛ na‑a wan, an bun‑da daunɛ chɛ‑a an bɛ Chisɔsi a, a basan a fɛ denɛ n na. 16Mbɛ Fayisii#2:16 Fayisii n ni Chu mɔɛ dɔ n fan na, miin ni Mosisi 'a sawa nu, ni an ta sawa n bia gbau gbau. mɔɛ chɛ dɔ nu, miin ni sawa kan min be‑a Mosisi ma, an ni wan nɔ. An na‑a Chisɔsi yen fan daunɛ chɛ‑a, an bɛ mɔɛ n na, miin nii sɔ ɔ Yataa chia ma, a basan pawa kain mɔɛ chɛ n na. Mbɛ an dɔ a fɛ denɛ n ma, an dɔ, “Kai chɛ nii daunɛ chɛ ɛnden bɛɛ a, an bɛ mɔ bonda chɛ n na.”
17Mbɛ Chisɔsi‑a a min kɛn, an ni min fɔ tena, mbɛ a ɔ, “Danda chɛ mɔ ma gbɔsɔ ee gboo ɔ bɔ tɔ ma, mɔɔ dechee chɛ nu, miin gbandien mu. Chɛ an fɛ mu, mɔɛ miin mu mɔ tandenɛ n na Yataa tena, n ma na ni an fan ko a. Chɛɛ mɔɛ miin mbe ee sɔ ɔ Yataa 'a chia ma, n na‑a an fan ko a.”
An‑na Chisɔsi ɔ tisa, a si sun bia ma
(Matiu 9:14-17; Duku 5:33-39)
18Tima dɔndɔ a, Chɔn, min ni yii chɛ mɔɛ n kunɛ ɔ, Yataa chia a, a fɛ mɔɛ n ni wan sun bia a. Mbɛ Fayisii mɔɛ chɛ nu, an na‑a a tena, an dɔ, “Chɔn fɛ denɛ n mbe sunɛ bia#2:18 Ni Chu n‑na a fɔ an mbe sunɛ bia a, an mbe ee daun chɛ tee a, ni pimbi wɛɛ ɔ. wan tima ɔ tima, mbɛ an‑na samunɛ chɛ. Nn fan Fayisii n bɛɛ, nn fɛ denɛ n bɛɛ mbe a ma ka wan. Chɛɛ i ta fɛ denɛ n mbe daunɛ an chɛ tun, an mbe ee sun bia. Fen ko a mu, an mbe chɛ ma tena?”
19Mbɛ Chisɔsi ɔ, “Ni mɔɛ‑a musu si bɛnɛ chee, mbɛ a bɔɛ n na kan‑da, daun chɛ koe a mu. An mbe ee to nɔ a chen kɔɔ, an ni kɔnkɔɛ a dɛ an fandi ma. Tima min na wɛ musu si kai chɛ ɛ nɔ, mɔɛ chɛ n mbe kun fan, an ni daunɛ chɛ, an mbe ee to nɔ, an ni sunɛ bia. 20Chɛɛ tima ɛ che‑a wan, tima min na mɔɛ n mbe musu si kai chɛ ya‑a an tɛ, a tima a mu an mbe sunɛ bia‑a.”
21Mbɛ Chisɔsi‑a tai tɛ wan an tena, a ɔ, “Mɔ ɔ mɔ ee che, i ni doma nama tɛ a a, doma kɔma dombo koe a. Ni mɔɛ‑a chɛ ma, a gba ma ee nyan‑da. Koe min na mu, woe an mbe to‑a doma nama chɛ ɔ, a koaen ba a. 22A yɛ to, ni mɔ ma‑a gbɛ chɛ‑a gbɛ chɛ soe gboo#2:22 Baa ko nii Chu chɛnyɛ ɔ suun. An ni an 'na gbɛ chɛ soe gboo an dɔ. An nii gbɛ chɛ soe gboo dɔndɔɛ ɔ gba fea. ɔ, e a chɛ tena soe gboo nama an dɔ, ɛ to kaina aan a a ni kɔɔ. Chɛɛ mɔ ee gbɛ nama chɛ gbɛ chɛ soe gboo kɔma ɔ, a a kɔɔ koe a, ɛ a te wan, mbɛ i fo‑a gbɛ a, a basan soe gboo a. Mɔɛ ɛ min ma, e gbɛ nama chɛ soe gboo nama an dɔ.”
Chisɔsi an mu suin tee ma mansa a
(Matiu 12:1-8; Duku 6:1-5)
23Chu mɔɛ n 'na suin tee dɔndɔ ma, Chisɔsi ni ben tena wan chia a sɛnɛ dɔndɔ tɛtɛ ma, an bɛ a fɛ denɛ n na. Mbɛ a fɛ denɛ n bun‑da sɛnɛ chɛ ɔ, chin fenɛ tɛ‑a an boo a. #2:23 Mɔɛ ni kun fan, ni a ma‑a ben‑da mɔ dɔ mende 'a sɛnɛ ɔ, a ni chin fen chɛ tɛ a boo a, yɔ Chu n 'na sawa na‑a a fɔ buɛ min dɔ. Chɛɛ an nii dɔn a ni a tɛ mɛ a. 24Mbɛ Fayisii chɛ nu, an dɔ, “A yen bɛ, i fɛ denɛ n mbe koe min ma tena, a ma nyin. Mmɔ 'a sawa ma dɔn ni chɛ ma, suin tee ma.”
25Mbɛ Chisɔsi ɔ, “Ɛ wan n yii ma, mbɛ wo‑a a kan fan Yataa 'a gboo ɔ, Mansa Defidi na‑a koe ma wan tima dɔndɔ a. Kɔnkɔɛ na‑a a bia wan tima dɔndɔ a, an bɛ a fɛ mɔɛ n na. 26Mbɛ a don‑da wan Yataa 'a chenɛ a, mbɛ biidi chɛ min been ni Yataa ma, a‑a a ya, mbɛ a‑a a daun. A yɛ‑a wan to, mbɛ a‑a a tɔɛ be a fɛ mɔɛ n ma. A na‑a mmɔ 'a sawa an yɔn ka, a mu min na, mmɔ 'a sawa na‑a a fɔ wan, mbɛ mɔ ɔ mɔ ee an biidi chɛ daun, mɔɔ dechee mɔɛ chɛ nu, miin mbe mmɔ tɛ ɔ Yataa a. Chɛɛ chɛ na‑a ma wan, tima min na Abiata ni Chu n 'na tɛ mɔ wa a, Yataa tena.”
27Mbɛ Chisɔsi danka‑a gbɛ min fɔ‑a an ye, a ɔ, “Suin tee chɛ, a bɔ‑a mɔ gbu an ko a, chɛɛ mɔ gbu an ma bɔ ni suin tee ko a. 28Chɛ an fɛ mu, n fan, Mɔ Gbu 'a denɛ, n fan mu mansa a suin tee wɛɛ ko a.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
New Testament in Kono © The Bible Society of Sierra Leone, 2006.