MAKI 3
3
Chisɔsi‑a kaminɛ baun, min boo faenɛ ni a ma
(Matiu 12:9-14; Duku 6:6-11)
1Mbɛ Chisɔsi yɛ‑a to Chu n 'na samun chɛ chenɛ a. A na‑a kaminɛ tan fan nɔ, min boo faenɛ ni a ma. 2Mɔɛ dɔ n ni wan nɔ, miin toen ni an ni Chisɔsi bia a chen kɔ. An ni wan gbɛ a ma fɛn‑da, a ɔ yen koe a, ni ɛ kamin chɛ a baun‑da wan, suin tee wɛɛ ma. 3Mbɛ Chisɔsi‑a a fɔ kamin chɛ ye, min boo chɛ faen ni ka a ma, a ɔ, “I a sɔ, i ni na sɔ mɔɛ gbɛɛ ya kɔɔ.” Mbɛ a na‑a, a sɔ‑a an ya kɔɔ. 4Mbɛ Chisɔsi ɔ, “A nyin fan mmɔ ni a ɔ sɔn, mmɔ 'a sawa dɔnden mu fen ma suin tee ma. Mmɔ 'a sawa dɔnden fan mu mɔ ni mɔɛ baun, a ben a fa koe ma. Mmɔ 'a sawa dɔnden fan mu to mɔ ni ko chɛndɛ ma, a ben ko yama ma koe ma.”
Chɛɛ an ma bai fɔ ni, a si chɛ ma. 5Mbɛ Chisɔsi‑a an gbɛɛ ya kɔɔɛ ma fɛn dɔndɔ dɔndɔɛ a a 'a tindanɛ. A faa tɛenɛ ɛ an ma, a yɛ to, ɛ faamɔnɛ ɔ, a si an 'na faa a kɔɔɛ ma. Mbɛ a ɔ kamin chɛ ma, “I boo ɔ tan.” Mbɛ a‑a a boo ɔ sawan, mbɛ a boo baun‑da, yɔ a dɔndɔɛ ni buɛ min dɔ. 6Mbɛ Fayisii chɛ n bɔ‑a baa ma. Mbɛ an bɛ mɔɛ chɛ n na, miin ni Mansa Ɛdɔdi 'a mɔɛ n na,#3:6 Mansa Ɛdɔdi 'a mɔɛ chɛ nu, Chu mɔɛ n fan nii nɛ gbasaya ni koo miin boo ɔ. Mansa Ɛdɔdi Andipasi, mansa ni min na Kadidi chɛnyɛ ɔ, a dia nyɔɛ ni an na. An bɛ Fayisii n na, an nii bɛn. Koe an ni a ma dechee, an ni bɛn samun chɛ tena. an bun‑da an kun puin‑da kaina dɔndɔɛ, an mbe ma buɛ min dɔ, an ni Chisɔsi fa.
Chisɔsi‑a mɔ sɛsɛ a baun, Kadidi yii wa fɛ
7Chisɔsi ta‑a wan Kadidi yii wa fɛ, an bɛ a fɛ denɛ n na. A sin, mɔ fanka wa bea‑a wan to nɔ a fɛ. Mɔɛ chɛ n na‑a ka Kadidi chɛnyɛ ɔ wan, a basan Chudia a. 8A yɛ to, an ka‑a wan Chuusaɛn duu ɔ, an ka‑a Idumia tanda ɔ, an ka‑a tee bɔ tena, Chɔdan yii tɔnfɛ dɔndɔɛ, mbɛ an ka‑a to Taya duu wa a a tindanɛ, a basan Sidon duu wa a. Mɔɛ chɛ n gbɛɛ na‑a wan Chisɔsi tena. Koe min na mu, an na‑a koe n na min fan, a ni miin ma tena. 9Fanka wa min na‑a ka, a na‑a a ma wan, Chisɔsi‑a a yii na chii a ma ta koe a, an ma na tindi tindi a ma. Mbɛ a ɔ, a fɛ denɛ n ni dɛndɛ ɔ bɛn, a ko a. 10A mu min na, a na‑a mɔ sɛsɛ n baun fan an 'na gbandi n dɔ. Chɛ na‑a a ma wan gbɛ, gbandi mɔɛ tɔɛ n gbɛɛ, an ni wan gbɛ an fandi fɔkɔ fɔkɔ‑a, fanka chɛ ɔ, tu koe a Chisɔsi a. 11A sin, nyina yama ni ka miin gbɛɛ fɛ, ni an na‑a Chisɔsi yen dechee, an ni bea wan a chen kɔɔ, an mbe yee tɛ. An dɔ, “Yataa 'a denɛ mu i a!”
12Mbɛ Chisɔsi‑a dasi gbau gbau be nyina yama chɛ n ma. A ɔ, an ma a fɔ mɔ ɔ mɔ ye, mɔɛ min sima mu a a.
Chisɔsi‑a a fɛ denɛ n ya, an mɔ tan kun ma fea
(Matiu 10:1-4; Duku 6:12-16)
13Mbɛ Chisɔsi sɛ‑a kɔnkɔɛ ɔ. A to‑a nɔ wan, a‑a mɔ kaima chɛ n chee, a toen ni miin na, bea koe a a fɛ. Mbɛ an gbɛɛ na‑a a tena. 14Mbɛ a‑a an mɔ tan kun ma fea n ya, a‑a an chee a 'a sɔ mɔɛ n na. Mbɛ a ɔ, a‑a an ya, an bɛ ni ma. A ɔ, a sin mbe an sɔ‑a wan, a ɔ, an ni ta mɔɛ n kan, a si Yataa ma. 15A sin to, a ɔ, ɛ gbasaya be‑a wan an ma, nyina yama n gbain koe a mɔɛ n fɛ.
16-19Chisɔsi na‑a mɔ tan kun ma fea miin ya, ma koe a a fɛ, an fan nii nɛ. Saimɔn ni ma, Chimisi, ni a dɔɛ Chɔn. Anduu n fea Fiipi a, ni Batɔɔmiu. Matiu ni Tɔmɔsi. A yɛ to, Chimisi dɔndɔɛ wɛɛ, ni Tadayɔsi. Saimɔn dɔndɔɛ wɛɛ, ni Chudasi Isikayɔti. Saimɔn saa saa, a‑a min ya, a‑a tɔ dɔ gbɛɛ be wan a ma, a ɔ, Pita. Chimisi ni a dɔɛ Chɔn, an fa tɔ ni Sɛbɛdi. Chisɔsi‑a an bɛɛ tɔɛ si wan, a ɔ, banda mɛn kaminɛ nu.#3:16-19 An ta chɛnyɛ koɛ ɔ, a na‑a a fɔ ka wan, a ɔ, “Boanekɛsi.” (Koe min na mu, an ni kosan koɔ‑a kaka). Chimisi dɔndɔɛ fa tɔ ni Afiɔsi. Saimɔn dɔndɔɛ wɛɛ ni mɔɛ an na, min ni a 'a chɛnyɛ ma chɛɛ chɛ tena. Chudasi Isikayɔti tana, an na‑a danka Chisɔsi ma tachɛ‑a.
An‑na kunɛ si Chisɔsi kun ma, nyina yama n 'na mansa ko a
(Matiu 12:22-32; Duku 11:14-23; 12:10)
20Mbɛ Chisɔsi yɛ‑a chenɛ a, a yiaenɛ ni kaina min. Nɔ wɛɛ to, fanka fanka wa koa‑a wan an ma. Chɛ‑a a ma wan, an bɛ a fɛ denɛ n na, tima nii nɔ daun chɛ koe a. 21Chisɔsi waa mɔɛ n‑na chɛ a min, mbɛ tima ee a boo ɔ, daun chɛ koe a. An ta‑a wan, a ka an baa a, a bia koe a, gbasaya a. Koe min na mu, mɔɛ dɔ n ni a fɔ tena wan, an dɔ, a woo‑a.
22Chu n 'na sawa kan mɔɛ chɛ dɔ nu, an ni wan nɔ, a ka Chuusaɛn duu ɔ. An ni wan a fɔ‑a, an dɔ, “Nyina yama n 'na mansa chɛ, min tɔ mu Bɛɛsɛbu, an mbe a fɛ. A sin to, an mbe ka gbasaya chɛ be tena a ma, nyina yama n gbain koe a mɔɛ n fɛ.”
23Mbɛ Chisɔsi‑a an chee, a koɔ‑a an tena, tai ɔ. A ɔ, “Sitana ee a wandi gbain, mɔɛ n fɛ. 24Ni chɛɛ ma‑a mɔɛ n tɛ chɛnyɛ kan kɔ kan dɔ, an chɛnyɛ chɛ ɛ yɔn fan. 25Suunɛ wɛɛ ɛ ka wan, koɛ ɛ a yɔn fan. A yɛ to, ni koɛ ma‑a suun chen kan kɔ kan da a, an suun chɛ ee che sɔ‑a. 26Chɛ an fɛ mu, ni Sitana fɛ mɔɛ n bɛɛ n dɔ du‑a koɛ ɔ, mbɛ a bea‑a, a wandi gbu 'a mansaya danka che‑a.”
27A ɔ, “Tea gbu sin ko a, mɔ ɔ mɔ ee don ka dechee kamin gbasayaen ba a chenɛ a, i ni a 'a feanka n punka. Ni a chiienɛ an ma‑a, mbɛ a boo fenɛ n mbe che wan punka‑a, a 'a chenɛ a.”
28A ɔ, “N ni chɛ ma din wo tena, mbɛ Yataa ɛ mɔɛ n to‑a wan nɔ, an 'na ko yama n ko a, a basan main chɛ n na, an mbe miin chɛ n na. 29Chɛɛ ni mɔ ɔ mɔ‑a Yataa Nyina main, Yataa ee a boo bɔ‑a a mɔ sima chɛ 'a main chɛ ɔ. Chɛɛ a mɔɛ chɛ‑a ko yama ma, kuɔ fɔ ko a.” 30Chisɔsi na‑a chɛ fɔ, a tɛ‑a bai chɛ an ma, mɔɛ dɔ n ni min fɔ tena. An dɔ, “Nyina yama, an mbe mɔna chɛ fɛ.”
Chisɔsi de na‑a, an bɛ a dɔ kaima n na
(Matiu 12:46-50; Duku 8:19-21)
31Mbɛ Chisɔsi de na‑a a tena, an bɛ a dɔ kaima n na. An sɔ‑a baa ma, mbɛ an‑na mɔɛ a ta, a chee‑a. 32Mɔ fanka ni wan si ɔ, Chisɔsi 'a tindanɛ. Mbɛ an dɔ, “A yen ko, i de ni ma, ni i dɔ kaima nu, an bɛ i dɔ musuma n na, an mbe baa ma sɔ ɔ, an toen mu an ni i yen.”
33Mbɛ Chisɔsi ɔ, “Wo a fɔ n ye, n de mu mɔɛ min na. A yɛ to, ni n suun ma nyɔɛ mu miin na.” 34Mbɛ a‑a mɔɛ n ma fɛn, miin ni ka si ɔ a 'a tindanɛ. Mbɛ a ɔ, “Wo yen bɛ, n de yen ko nɛ, a basan n suun ma nyɔɛ n na. 35Mɔ ɔ mɔ, min mbe Yataa faa chima koe ma‑a, n de an nɛ, n dɔ musuma an nɛ, n dɔ kaima an nɛ.”
Currently Selected:
MAKI 3: KONONT
Highlight
Share
Copy
Want to have your highlights saved across all your devices? Sign up or sign in
New Testament in Kono © The Bible Society of Sierra Leone, 2006.
MAKI 3
3
Chisɔsi‑a kaminɛ baun, min boo faenɛ ni a ma
(Matiu 12:9-14; Duku 6:6-11)
1Mbɛ Chisɔsi yɛ‑a to Chu n 'na samun chɛ chenɛ a. A na‑a kaminɛ tan fan nɔ, min boo faenɛ ni a ma. 2Mɔɛ dɔ n ni wan nɔ, miin toen ni an ni Chisɔsi bia a chen kɔ. An ni wan gbɛ a ma fɛn‑da, a ɔ yen koe a, ni ɛ kamin chɛ a baun‑da wan, suin tee wɛɛ ma. 3Mbɛ Chisɔsi‑a a fɔ kamin chɛ ye, min boo chɛ faen ni ka a ma, a ɔ, “I a sɔ, i ni na sɔ mɔɛ gbɛɛ ya kɔɔ.” Mbɛ a na‑a, a sɔ‑a an ya kɔɔ. 4Mbɛ Chisɔsi ɔ, “A nyin fan mmɔ ni a ɔ sɔn, mmɔ 'a sawa dɔnden mu fen ma suin tee ma. Mmɔ 'a sawa dɔnden fan mu mɔ ni mɔɛ baun, a ben a fa koe ma. Mmɔ 'a sawa dɔnden fan mu to mɔ ni ko chɛndɛ ma, a ben ko yama ma koe ma.”
Chɛɛ an ma bai fɔ ni, a si chɛ ma. 5Mbɛ Chisɔsi‑a an gbɛɛ ya kɔɔɛ ma fɛn dɔndɔ dɔndɔɛ a a 'a tindanɛ. A faa tɛenɛ ɛ an ma, a yɛ to, ɛ faamɔnɛ ɔ, a si an 'na faa a kɔɔɛ ma. Mbɛ a ɔ kamin chɛ ma, “I boo ɔ tan.” Mbɛ a‑a a boo ɔ sawan, mbɛ a boo baun‑da, yɔ a dɔndɔɛ ni buɛ min dɔ. 6Mbɛ Fayisii chɛ n bɔ‑a baa ma. Mbɛ an bɛ mɔɛ chɛ n na, miin ni Mansa Ɛdɔdi 'a mɔɛ n na,#3:6 Mansa Ɛdɔdi 'a mɔɛ chɛ nu, Chu mɔɛ n fan nii nɛ gbasaya ni koo miin boo ɔ. Mansa Ɛdɔdi Andipasi, mansa ni min na Kadidi chɛnyɛ ɔ, a dia nyɔɛ ni an na. An bɛ Fayisii n na, an nii bɛn. Koe an ni a ma dechee, an ni bɛn samun chɛ tena. an bun‑da an kun puin‑da kaina dɔndɔɛ, an mbe ma buɛ min dɔ, an ni Chisɔsi fa.
Chisɔsi‑a mɔ sɛsɛ a baun, Kadidi yii wa fɛ
7Chisɔsi ta‑a wan Kadidi yii wa fɛ, an bɛ a fɛ denɛ n na. A sin, mɔ fanka wa bea‑a wan to nɔ a fɛ. Mɔɛ chɛ n na‑a ka Kadidi chɛnyɛ ɔ wan, a basan Chudia a. 8A yɛ to, an ka‑a wan Chuusaɛn duu ɔ, an ka‑a Idumia tanda ɔ, an ka‑a tee bɔ tena, Chɔdan yii tɔnfɛ dɔndɔɛ, mbɛ an ka‑a to Taya duu wa a a tindanɛ, a basan Sidon duu wa a. Mɔɛ chɛ n gbɛɛ na‑a wan Chisɔsi tena. Koe min na mu, an na‑a koe n na min fan, a ni miin ma tena. 9Fanka wa min na‑a ka, a na‑a a ma wan, Chisɔsi‑a a yii na chii a ma ta koe a, an ma na tindi tindi a ma. Mbɛ a ɔ, a fɛ denɛ n ni dɛndɛ ɔ bɛn, a ko a. 10A mu min na, a na‑a mɔ sɛsɛ n baun fan an 'na gbandi n dɔ. Chɛ na‑a a ma wan gbɛ, gbandi mɔɛ tɔɛ n gbɛɛ, an ni wan gbɛ an fandi fɔkɔ fɔkɔ‑a, fanka chɛ ɔ, tu koe a Chisɔsi a. 11A sin, nyina yama ni ka miin gbɛɛ fɛ, ni an na‑a Chisɔsi yen dechee, an ni bea wan a chen kɔɔ, an mbe yee tɛ. An dɔ, “Yataa 'a denɛ mu i a!”
12Mbɛ Chisɔsi‑a dasi gbau gbau be nyina yama chɛ n ma. A ɔ, an ma a fɔ mɔ ɔ mɔ ye, mɔɛ min sima mu a a.
Chisɔsi‑a a fɛ denɛ n ya, an mɔ tan kun ma fea
(Matiu 10:1-4; Duku 6:12-16)
13Mbɛ Chisɔsi sɛ‑a kɔnkɔɛ ɔ. A to‑a nɔ wan, a‑a mɔ kaima chɛ n chee, a toen ni miin na, bea koe a a fɛ. Mbɛ an gbɛɛ na‑a a tena. 14Mbɛ a‑a an mɔ tan kun ma fea n ya, a‑a an chee a 'a sɔ mɔɛ n na. Mbɛ a ɔ, a‑a an ya, an bɛ ni ma. A ɔ, a sin mbe an sɔ‑a wan, a ɔ, an ni ta mɔɛ n kan, a si Yataa ma. 15A sin to, a ɔ, ɛ gbasaya be‑a wan an ma, nyina yama n gbain koe a mɔɛ n fɛ.
16-19Chisɔsi na‑a mɔ tan kun ma fea miin ya, ma koe a a fɛ, an fan nii nɛ. Saimɔn ni ma, Chimisi, ni a dɔɛ Chɔn. Anduu n fea Fiipi a, ni Batɔɔmiu. Matiu ni Tɔmɔsi. A yɛ to, Chimisi dɔndɔɛ wɛɛ, ni Tadayɔsi. Saimɔn dɔndɔɛ wɛɛ, ni Chudasi Isikayɔti. Saimɔn saa saa, a‑a min ya, a‑a tɔ dɔ gbɛɛ be wan a ma, a ɔ, Pita. Chimisi ni a dɔɛ Chɔn, an fa tɔ ni Sɛbɛdi. Chisɔsi‑a an bɛɛ tɔɛ si wan, a ɔ, banda mɛn kaminɛ nu.#3:16-19 An ta chɛnyɛ koɛ ɔ, a na‑a a fɔ ka wan, a ɔ, “Boanekɛsi.” (Koe min na mu, an ni kosan koɔ‑a kaka). Chimisi dɔndɔɛ fa tɔ ni Afiɔsi. Saimɔn dɔndɔɛ wɛɛ ni mɔɛ an na, min ni a 'a chɛnyɛ ma chɛɛ chɛ tena. Chudasi Isikayɔti tana, an na‑a danka Chisɔsi ma tachɛ‑a.
An‑na kunɛ si Chisɔsi kun ma, nyina yama n 'na mansa ko a
(Matiu 12:22-32; Duku 11:14-23; 12:10)
20Mbɛ Chisɔsi yɛ‑a chenɛ a, a yiaenɛ ni kaina min. Nɔ wɛɛ to, fanka fanka wa koa‑a wan an ma. Chɛ‑a a ma wan, an bɛ a fɛ denɛ n na, tima nii nɔ daun chɛ koe a. 21Chisɔsi waa mɔɛ n‑na chɛ a min, mbɛ tima ee a boo ɔ, daun chɛ koe a. An ta‑a wan, a ka an baa a, a bia koe a, gbasaya a. Koe min na mu, mɔɛ dɔ n ni a fɔ tena wan, an dɔ, a woo‑a.
22Chu n 'na sawa kan mɔɛ chɛ dɔ nu, an ni wan nɔ, a ka Chuusaɛn duu ɔ. An ni wan a fɔ‑a, an dɔ, “Nyina yama n 'na mansa chɛ, min tɔ mu Bɛɛsɛbu, an mbe a fɛ. A sin to, an mbe ka gbasaya chɛ be tena a ma, nyina yama n gbain koe a mɔɛ n fɛ.”
23Mbɛ Chisɔsi‑a an chee, a koɔ‑a an tena, tai ɔ. A ɔ, “Sitana ee a wandi gbain, mɔɛ n fɛ. 24Ni chɛɛ ma‑a mɔɛ n tɛ chɛnyɛ kan kɔ kan dɔ, an chɛnyɛ chɛ ɛ yɔn fan. 25Suunɛ wɛɛ ɛ ka wan, koɛ ɛ a yɔn fan. A yɛ to, ni koɛ ma‑a suun chen kan kɔ kan da a, an suun chɛ ee che sɔ‑a. 26Chɛ an fɛ mu, ni Sitana fɛ mɔɛ n bɛɛ n dɔ du‑a koɛ ɔ, mbɛ a bea‑a, a wandi gbu 'a mansaya danka che‑a.”
27A ɔ, “Tea gbu sin ko a, mɔ ɔ mɔ ee don ka dechee kamin gbasayaen ba a chenɛ a, i ni a 'a feanka n punka. Ni a chiienɛ an ma‑a, mbɛ a boo fenɛ n mbe che wan punka‑a, a 'a chenɛ a.”
28A ɔ, “N ni chɛ ma din wo tena, mbɛ Yataa ɛ mɔɛ n to‑a wan nɔ, an 'na ko yama n ko a, a basan main chɛ n na, an mbe miin chɛ n na. 29Chɛɛ ni mɔ ɔ mɔ‑a Yataa Nyina main, Yataa ee a boo bɔ‑a a mɔ sima chɛ 'a main chɛ ɔ. Chɛɛ a mɔɛ chɛ‑a ko yama ma, kuɔ fɔ ko a.” 30Chisɔsi na‑a chɛ fɔ, a tɛ‑a bai chɛ an ma, mɔɛ dɔ n ni min fɔ tena. An dɔ, “Nyina yama, an mbe mɔna chɛ fɛ.”
Chisɔsi de na‑a, an bɛ a dɔ kaima n na
(Matiu 12:46-50; Duku 8:19-21)
31Mbɛ Chisɔsi de na‑a a tena, an bɛ a dɔ kaima n na. An sɔ‑a baa ma, mbɛ an‑na mɔɛ a ta, a chee‑a. 32Mɔ fanka ni wan si ɔ, Chisɔsi 'a tindanɛ. Mbɛ an dɔ, “A yen ko, i de ni ma, ni i dɔ kaima nu, an bɛ i dɔ musuma n na, an mbe baa ma sɔ ɔ, an toen mu an ni i yen.”
33Mbɛ Chisɔsi ɔ, “Wo a fɔ n ye, n de mu mɔɛ min na. A yɛ to, ni n suun ma nyɔɛ mu miin na.” 34Mbɛ a‑a mɔɛ n ma fɛn, miin ni ka si ɔ a 'a tindanɛ. Mbɛ a ɔ, “Wo yen bɛ, n de yen ko nɛ, a basan n suun ma nyɔɛ n na. 35Mɔ ɔ mɔ, min mbe Yataa faa chima koe ma‑a, n de an nɛ, n dɔ musuma an nɛ, n dɔ kaima an nɛ.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
New Testament in Kono © The Bible Society of Sierra Leone, 2006.