Bɔ-Koe-Iyipiti 13
13
Den-Kei-Sarɛnu Dantɛgɛ-Koe Mari Ma
1Mari ya a fɔ Musa ye ko, 2#Yilan-Yilan Koe 3.13; Luka 2.23 “A fɔ Isirɛla mɔgɛnu ye ko anu ni anuna den-kei-sarɛ bɛɛ dantɛgɛ nde, Mari ma. Ni musu-wo-musu ya den-kei-sarɛ sɔrɔn, ntɛ le dan wo la, hali a mara anuna kolo-fannuta den fɔlɔtɛ la, a keimɛ, kɔni.”
Biredi-Yɛlɛbɛlɛ-Dɔn-Ladɛn-Koe
3Musa ya a fɔ mɔgɛnu ye ko, “Wo bɔra yɔɔnyɛ rɔ Iyipiti nyamanɛ rɔ tele min ma, wo ni wo hɛnkili to tele wo nyɛrɛ ko. Wo ni wo ma kamasɔrɔn Mari ya wo labɔ Iyipiti nyamanɛ rɔ a kɔɛn-sɛnbɛmɛ la wo wulɔn tele rɔ. Wo kana biredi-yɛlɛnɛ fenfen dɔn tele wo ma. 4Ma ara bɔ Iyipiti nyamanɛ rɔ Abibu#13.4 Abibu: Anuta karɛ wo mara anuta karɛ fɔlɛ la san la. Kurankɔɛnu si a fɔ ko, “Bafuyi” anubɛ “Taraba-tele.” Tubabu-kan rɔ, “April.” karɛ kɛ le la. 5Mari ya lanyiri kiri wo benbanu ye ko mɔgɛ kɛnu siginɛ kan min, Hɛtinu wo, Amoranu wo, Hefanu wo, anubɛ Yebusinu, a ko a si Kenan nyamanɛ bɛɛ di wo ma. Nyamani-hakikɛ le anuna nyamanɛ wo la. Mari wa wo ladon nyɔ tumɛ min, wo si to ladɛn kɛ sufa kɛla Abibu karɛ kɛ la. 6-7Wo ni biredi-yɛlɛbɛlɛ dɔn tele wɔrɔ kɔrɔ. A tele wɔrɔnfila nyɔgɛ ma, wo ni ladɛn kɛ Mari ye. Biredi-yɛlɛnɛ kana taran wo bolo. Isiti fanan kana taran wo bolo wola nyamanɛ wo rɔ wo wati-kundu-nɛ rɔ. 8Wo ni a rakaran wola den-keinu ye wulɔn ko, ‘Ma ye Kanan-Ko-Ladiyɛ kɛ kɛla ka a tɛgɛ Mari ya min kɛ ma ye, wo tumɛ ma ye bɔla Iyipiti nyamanɛ rɔ.’ 9Iko hɛnkili-bila-fan min kirinɛ mɔgɛ bole anubɛ a telɛ la, ladɛn kɛnu si ma wo hɛnkili-bila-fan la wo nya na le ko Mari ya wole labɔ yɔɔnyɛ rɔ Iyipiti nyamanɛ rɔ ata sɛnbɛ la. Woletɔ Marila tɔnnu ni to wo yisi rɔ. Wo nagankuri ni nama a fɔ tinɛ wo sɛbɛ la tuma-wo-tuma. 10Woletɔ san-bo-san, wo ni to tɔn kɛ birala a tumɛ rɔ.”
Kolo-Fen Dan, Wonuna Kunka-Koe
11“Mari ya Kenan kɛnuna nyamanɛ min di wo ma iko a ya lanyiri kiri wobɛ wo benbanu ye nya min, wo wa ke nyɔ tumɛ min, 12#Bɔ-Koe-Iyipiti 34.19-20; Luka 2.23 ni musu-wo-musu ya den-kei-sarɛ sɔrɔn, Maritɛ le dan wo la, hali kolo-fannuta den fɔlɔtɛ, a keimɛnu, kɔni. 13Kɔnɔ ni sofɛlɛ le, wo ni anuna den fɔlɔtɛnu kunka saga-dannu na. Ni wo ma sofɛli-dan wonu kunka, wo ni anu kan keri. Kɔnɔ ni hadama-dan le, a fɛrɛ sa fɔ wo ni anuna den-kei-sarɛ bɛɛ kunka.
14“Tumado ni wola den-keinu ya ladɛn kɛ kɔrɛ manyinika wo la tumɛ min, wo si a fɔ anu ye ko, ‘Mari ya ma labɔ yɔɔnyɛ rɔ Iyipiti nyamanɛ rɔ ata sɛnbɛ la wati kɛ le tɔ. 15Mansɛ ma sɔn ma bolokala min kɛ, woletɔ Mari ya Iyipiti mɔgɛnuna den-kei-sarɛnu faga, hali anuna kolo-fannu, a keimɛnu, kɔni. Woletɔ ma ye kolo-fannu den fɔlɔtɛnu mala sarakɛnu na Mari ye, a keimɛnu, kɔni. Kɔnɔ ma si mala den-kei-sarɛ bɛɛsi kunka mata Mari ma.’ ”
16Musa ya a fɔ anu ye tun ko, “Kunkɛ kɛ ni ma wo hɛnkili-bila-fan la. A ni ma iko hɛnkili-bila-fan min bi mɔgɛ bole anubɛ a telɛ ma. Mari si na wo labɔ Iyipiti nyamanɛ rɔ ata sɛnbɛ la tele min tɔ, wo si wo dɛnbɛ ka wo hɛnkili bila wo tele ko.”
Marita Tamasere Yira-Koe Anu Na
17Nba, ale mansɛ ya Isirɛla mɔgɛnu boloka tumɛ min, Alla ma sɔn anu ni bɔ Filisitinuna kilɛ fɛ. Hali Filisitinuna kilɛ fɛ-wuru, Alla ma sɔn anu ni bɔ nyɔ kilɛ la alako ni kɛlɛ wulita tumɛ min, anu kana na anu nasɛgi Iyipiti nyamanɛ rɔ. 18Kɔnɔ Alla ya anu nabɔ anuna kɛlɛ-kɛ-mirannu na anu bolo Iyipiti nyamanɛ rɔ kilɛ laminimininɛ fɛ Kɔgɔ-Yi-Wulan wara la wulɛ rɔ.
19 #
Ko-Dabirɛnu 50.25; Yasowa 24.32 Musa tara Yusufu kolenu na a bolo bawo yanni Yusufu ni faga tumɛ min, a ya a na-kelen-nyɔgɛnu nasɛ nun ko anuta Alla wa na anu kisi tinɛ tumɛ min, anu ni ta a kolenu na anu bolo.
20Anu bɔra kan tinɛ do rɔ min tɔgɛ Sukɔti ka ta anu daga makɛ wulɛ da kɔrɔ. 21Tele rɔ, Mari ye anu yarɔ banda-fin-gbɛ rɔ ka kilɛ yira anu na. Suyi rɔ, Mari ye anu yarɔ iko ta-mɛlan alako anu ni anu kin kɔrɛ yen. 22Tele-wo-tele, banda-fin-gbɛ kɛ ye mɔgɛnu fɛ. Su-wo-su, ta-mɛlan ye anu fɛ.
Currently Selected:
Bɔ-Koe-Iyipiti 13: KCLB
Highlight
Share
Copy
Want to have your highlights saved across all your devices? Sign up or sign in
Kuranko Common Language Bible © The Bible Society in Sierra Leone, 2006.
Bɔ-Koe-Iyipiti 13
13
Den-Kei-Sarɛnu Dantɛgɛ-Koe Mari Ma
1Mari ya a fɔ Musa ye ko, 2#Yilan-Yilan Koe 3.13; Luka 2.23 “A fɔ Isirɛla mɔgɛnu ye ko anu ni anuna den-kei-sarɛ bɛɛ dantɛgɛ nde, Mari ma. Ni musu-wo-musu ya den-kei-sarɛ sɔrɔn, ntɛ le dan wo la, hali a mara anuna kolo-fannuta den fɔlɔtɛ la, a keimɛ, kɔni.”
Biredi-Yɛlɛbɛlɛ-Dɔn-Ladɛn-Koe
3Musa ya a fɔ mɔgɛnu ye ko, “Wo bɔra yɔɔnyɛ rɔ Iyipiti nyamanɛ rɔ tele min ma, wo ni wo hɛnkili to tele wo nyɛrɛ ko. Wo ni wo ma kamasɔrɔn Mari ya wo labɔ Iyipiti nyamanɛ rɔ a kɔɛn-sɛnbɛmɛ la wo wulɔn tele rɔ. Wo kana biredi-yɛlɛnɛ fenfen dɔn tele wo ma. 4Ma ara bɔ Iyipiti nyamanɛ rɔ Abibu#13.4 Abibu: Anuta karɛ wo mara anuta karɛ fɔlɛ la san la. Kurankɔɛnu si a fɔ ko, “Bafuyi” anubɛ “Taraba-tele.” Tubabu-kan rɔ, “April.” karɛ kɛ le la. 5Mari ya lanyiri kiri wo benbanu ye ko mɔgɛ kɛnu siginɛ kan min, Hɛtinu wo, Amoranu wo, Hefanu wo, anubɛ Yebusinu, a ko a si Kenan nyamanɛ bɛɛ di wo ma. Nyamani-hakikɛ le anuna nyamanɛ wo la. Mari wa wo ladon nyɔ tumɛ min, wo si to ladɛn kɛ sufa kɛla Abibu karɛ kɛ la. 6-7Wo ni biredi-yɛlɛbɛlɛ dɔn tele wɔrɔ kɔrɔ. A tele wɔrɔnfila nyɔgɛ ma, wo ni ladɛn kɛ Mari ye. Biredi-yɛlɛnɛ kana taran wo bolo. Isiti fanan kana taran wo bolo wola nyamanɛ wo rɔ wo wati-kundu-nɛ rɔ. 8Wo ni a rakaran wola den-keinu ye wulɔn ko, ‘Ma ye Kanan-Ko-Ladiyɛ kɛ kɛla ka a tɛgɛ Mari ya min kɛ ma ye, wo tumɛ ma ye bɔla Iyipiti nyamanɛ rɔ.’ 9Iko hɛnkili-bila-fan min kirinɛ mɔgɛ bole anubɛ a telɛ la, ladɛn kɛnu si ma wo hɛnkili-bila-fan la wo nya na le ko Mari ya wole labɔ yɔɔnyɛ rɔ Iyipiti nyamanɛ rɔ ata sɛnbɛ la. Woletɔ Marila tɔnnu ni to wo yisi rɔ. Wo nagankuri ni nama a fɔ tinɛ wo sɛbɛ la tuma-wo-tuma. 10Woletɔ san-bo-san, wo ni to tɔn kɛ birala a tumɛ rɔ.”
Kolo-Fen Dan, Wonuna Kunka-Koe
11“Mari ya Kenan kɛnuna nyamanɛ min di wo ma iko a ya lanyiri kiri wobɛ wo benbanu ye nya min, wo wa ke nyɔ tumɛ min, 12#Bɔ-Koe-Iyipiti 34.19-20; Luka 2.23 ni musu-wo-musu ya den-kei-sarɛ sɔrɔn, Maritɛ le dan wo la, hali kolo-fannuta den fɔlɔtɛ, a keimɛnu, kɔni. 13Kɔnɔ ni sofɛlɛ le, wo ni anuna den fɔlɔtɛnu kunka saga-dannu na. Ni wo ma sofɛli-dan wonu kunka, wo ni anu kan keri. Kɔnɔ ni hadama-dan le, a fɛrɛ sa fɔ wo ni anuna den-kei-sarɛ bɛɛ kunka.
14“Tumado ni wola den-keinu ya ladɛn kɛ kɔrɛ manyinika wo la tumɛ min, wo si a fɔ anu ye ko, ‘Mari ya ma labɔ yɔɔnyɛ rɔ Iyipiti nyamanɛ rɔ ata sɛnbɛ la wati kɛ le tɔ. 15Mansɛ ma sɔn ma bolokala min kɛ, woletɔ Mari ya Iyipiti mɔgɛnuna den-kei-sarɛnu faga, hali anuna kolo-fannu, a keimɛnu, kɔni. Woletɔ ma ye kolo-fannu den fɔlɔtɛnu mala sarakɛnu na Mari ye, a keimɛnu, kɔni. Kɔnɔ ma si mala den-kei-sarɛ bɛɛsi kunka mata Mari ma.’ ”
16Musa ya a fɔ anu ye tun ko, “Kunkɛ kɛ ni ma wo hɛnkili-bila-fan la. A ni ma iko hɛnkili-bila-fan min bi mɔgɛ bole anubɛ a telɛ ma. Mari si na wo labɔ Iyipiti nyamanɛ rɔ ata sɛnbɛ la tele min tɔ, wo si wo dɛnbɛ ka wo hɛnkili bila wo tele ko.”
Marita Tamasere Yira-Koe Anu Na
17Nba, ale mansɛ ya Isirɛla mɔgɛnu boloka tumɛ min, Alla ma sɔn anu ni bɔ Filisitinuna kilɛ fɛ. Hali Filisitinuna kilɛ fɛ-wuru, Alla ma sɔn anu ni bɔ nyɔ kilɛ la alako ni kɛlɛ wulita tumɛ min, anu kana na anu nasɛgi Iyipiti nyamanɛ rɔ. 18Kɔnɔ Alla ya anu nabɔ anuna kɛlɛ-kɛ-mirannu na anu bolo Iyipiti nyamanɛ rɔ kilɛ laminimininɛ fɛ Kɔgɔ-Yi-Wulan wara la wulɛ rɔ.
19 #
Ko-Dabirɛnu 50.25; Yasowa 24.32 Musa tara Yusufu kolenu na a bolo bawo yanni Yusufu ni faga tumɛ min, a ya a na-kelen-nyɔgɛnu nasɛ nun ko anuta Alla wa na anu kisi tinɛ tumɛ min, anu ni ta a kolenu na anu bolo.
20Anu bɔra kan tinɛ do rɔ min tɔgɛ Sukɔti ka ta anu daga makɛ wulɛ da kɔrɔ. 21Tele rɔ, Mari ye anu yarɔ banda-fin-gbɛ rɔ ka kilɛ yira anu na. Suyi rɔ, Mari ye anu yarɔ iko ta-mɛlan alako anu ni anu kin kɔrɛ yen. 22Tele-wo-tele, banda-fin-gbɛ kɛ ye mɔgɛnu fɛ. Su-wo-su, ta-mɛlan ye anu fɛ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kuranko Common Language Bible © The Bible Society in Sierra Leone, 2006.