Bɔ-Koe-Iyipiti 14
14
Tenbi-Koe Kɔgɔ-Yi-Wulan Rɔ
1Mari ya a fɔ Musa ye ko, 2“A fɔ Isirɛla mɔgɛnu ye ko kan tinɛ do ye nyɔ min tɔgɛ Paihahirɔti min bi Migidɔli soe anubɛ Kɔgɔ-Yi-Wulan tɛma, anu ni sɛgi ka ta anu daga makɛ nyɔ rɔ. Anu ni ta anu daga makɛ Kɔgɔ-Yi-Wulan dafɛ Beyali-Sifɔn ya-telen ma. 3Ni wo ya wo ma, ale mansɛ si a miri ko Isirɛla mɔgɛnu kɔndɔ ara fili pirikali ko kilɛ ara to-a-rɔ anu ma wulɛ rɔ. 4N si ale mansɛ yisi gbɛlɛya tun gbon! A si wo sagaran. N ba a nɔ tumɛ min, nde, Mari si gbiliyɛ sɔrɔn mansɛ anubɛ ala kɛlɛ-dannuna ko la woletɔ Iyipiti kɛnu si a lɔn ko nde le Mari la.” Isirɛla mɔgɛnu ya a ma iko Alla ya a fɔ anu ye nya min.
5A lamɔɛn ale Iyipiti mansɛ bolo ko Isirɛla mɔgɛnu bara ban tala, ale mansɛ anubɛ ala mɔgɔ-banu ya anu miriya yɛlɛma anuna ko la. Anu ko, “Ma ara nfen ma kɛ? Ma ara nfen yuwaya-ko ladan kɛ la ka Isirɛla mɔgɛ kɛnu boloka. Ma ara foo mala yɔɔnnu na filili!” 6Mansɛ ya ala kirindinu tabɛn ka ala kɛlɛ-dannu nawuli ka ta Isirɛla mɔgɛnu sagaran tinɛ. 7A ya Iyipiti mɔgɛnuta kirindinu bi ka wonu sa ata kirindi-hakikɛ kɛmɛ wɔrɛ (600) kuma. A ya kɛlɛ-kurugbɛnu sigi kirindi wo bɛɛsi kun na. 8Isirɛla mɔgɛnu bɔra Iyipiti nyamanɛ rɔ yisi-latɛgɛ rɔ Alla baraka rɔ kɔnɔ Mari ya ale Iyipiti mansɛ yisi gbɛlɛya tun ha anu ya Isirɛla mɔgɛnu sagaran. 9Iyipiti kɛlɛ-dannu tara Isirɛla mɔgɛnu sagaranna anuta kirindinu na anubɛ anuna soeenu na anu bolo. Anu gbɛrɛnta anu ma anu daga-makɛnɛ kan min Kɔgɔ-Yi-Wulan dafɛ, Paihahirɔti da la, Beyali-Sifɔn ya-telen ma.
10Mansɛ anubɛ ala kɛlɛ-dannu gbɛrɛnta anu ma tumɛ min, Isirɛla mɔgɛnu ya anu yɛ lata ka anu yen nala wula-yan la. Anu kumakɔra kilan bolo ha anu ya anu kan nabɔ Mari ma. 11Anu ya a fɔ Musa ye ko, “Nfen ya a ma, i nara ma la yan alako ma ni faga wulɛ kɛ rɔ yan? Kaburu-so sa ma bolo Iyipiti nyamanɛ rɔ, wa? I wara ma bɔ Iyipiti nyamanɛ rɔ nfenna ka koe kɛ ma ma la? 12Wo tumɛ ma ye Iyipiti nyamanɛ rɔ, ma ma a fɔ i ye nun ko i ni ma to nyɔ ka wɔlɛ kɛ Iyipiti kɛnu ye? Yanni ma ni faga wulɛ kɛ rɔ, a fisa worɔ, ma ni to tɔrɔla Iyipiti kɛnu ye.”
13Musa ya a fɔ mɔgɛnu ye ko, “Wo kana kilan. Mari si na wo tanka nya min bi, wo ni wo sɔ ka wo ragbɛ. Wo si ma sereyɛ la wo ye. Wo ara Iyipiti kɛ minnu yen kɛ la, wo ti wonu yen kɛ kɔma tun. 14Wo ni a makɔnɔ. Mari si wola kɛlɛ kɛ.”
15Mari ya a fɔ Musa ye ko, “Anu bi dila nfen na? A fɔ Isirɛla mɔgɛnu ye ko anu ni ta. 16Ila sewuri layɛlɛ ka i bole rasagan Kɔgɔ-Yi-Wulan kuma alako yi tɛ ni tɛgɛ. Isirɛla mɔgɛnu si tenbi nyɔ kɛn-gbalanɛ kuma Kɔgɔ-Yi-Wulan wo worɔn la. 17-18N si Iyipiti kɛnu yisi gbɛlɛya. Anu si wo sagaran kirindi la yi-worɔn wo la. N si gbiliyɛ sɔrɔn ale mansɛ anubɛ ala kɛlɛ-dannuta halakiyi fɛ. Iyipiti kɛnu si a lɔn yati ko nde le Mari la.”
19Allala melika min bi banda-fin-gbɛ wo rɔ Isirɛla mɔgɛnu yarɔ, wo bɔra nyɔ ka sɛgi anu kɔma kilɛ la. 20Banda-fin-gbɛ wo tora Iyipiti kɛnu anubɛ Isirɛla mɔgɛnu tɛma. A tɔnkɔn doi ya pinpi burun Iyipiti kɛnu kuma bɛff! A tɔnkɔn doi ya waan raka Isirɛla mɔgɛnu ma waran! Iyipiti kɛnu anubɛ Isirɛla mɔgɛnu ma ke anu nyɔgɔn yenna suyi wo nyɛrɛ rɔ hali ka gbɛrɛn anu nyɔgɔn ma lefan!
21Musa ya a bole rasagan Kɔgɔ-Yi-Wulan wo kuma. Mari ya fɔn-belebele-wɛ do lana ka bɔ tele-bɔɛ wara la suyi wo nyɛrɛ rɔ ka Kɔgɔ-Yi-Wulan wo tɛ tɛgɛ fila la ka nyɔ gbala todo! 22#1 Kɔrɛnti 10.1-2; Hiburunu 11.29 Isirɛla mɔgɛnu tenbira yi-farani filɛ wo tɛma kɛn-gbalanɛ wo kuma. Yi wo sankasankɛ layɛlɛta iko tarɛ, anu bolo-nyimɛ anubɛ anu maran rɔ.
23Iyipiti kɛnu ya anu sagaran kɛn-gbalanɛ wo kuma Kɔgɔ-Yi-Wulan wo tɛma. Ale mansɛ anubɛ ala kɛlɛ-dannu tara anuna kirindinu na anubɛ anuna soeenu na anu bolo yi tɛ tɛgɛnɛ wo tɛma. 24Banda-ka-da-pinpi ma, Mari ya a kolan bɛn Iyipiti kɛlɛ-dannu ma ka bɔ banda-fin-gbɛ anubɛ ta-mɛlan rɔ. A ya Iyipiti kɛlɛ-dannu kɔndɔfili pirikali! 25Mari le ya a ma, anuna kirindinu kian gbaranta nyɔ gbaku! Anu ta-koe mara kɔndɔfili la anu bolo. Woletɔ Iyipiti kɛnu ya a fɔ ko, “Ma ni ma bɔ yan kamasɔrɔn anuta Mari ye kɛlɛ kɛla anu ye.”
26Mari ya a fɔ Musa ye ko, “I bole rasagan Kɔgɔ-Yi-Wulan kuma alako yi ni keri Iyipiti kɛlɛ-dannu kuma anubɛ anuna kirindinu anubɛ anuna soeenu.” 27Musa ya a bole rasagan Kɔgɔ-Yi-Wulan wo kuma. Banda-ka-dɛ ma, Iyipiti kɛnu ya a yen ko yi wo ye kerila anu kuma ka sɛgi a gbɛ rɔ. A sɔgɛ ye anu na nun ka anu buri yi wo kɔrɔ kɔnɔ Mari ya yi keri anu kuma. 28Iyipiti mɔgɛ minnu bɛɛsi tara Isirɛla mɔgɛnu sagaran tinɛ, wo bɛɛsi kunyɛ tora-a-rɔ dogbe! Hali mɔgɔ-den-kelen ma to.
29Kɔnɔ wo ya a taran, Isirɛla mɔgɛnu bara ban tenbila kɛn-gbalanɛ wo kuma Kɔgɔ-Yi-Wulan tɛma nun. Yi labɛnta anu bolo-nyimɛ rɔ anubɛ anu maran rɔ. 30Mari ya Isirɛla mɔgɛnu kisi wo nya na le ka anu bɔ Iyipiti kɛnu bolo. Isirɛla mɔgɛnu ya Iyipiti kɛnu furi yen yi kɔnkɔn la belenna. 31Mari ya ko-makawanɛ minnu kɛ Iyipiti kɛnu na, Isirɛla mɔgɛnu ya wo yen anu nyɛrɛ yɛ la ka kawa ata kabana-koe wonu ma. Anu kilanta Mari la ka a gbiliya. Wo le ya a ma, anu dɛnkɛninyara Mari ma ka la ata wɔli-kɛlɛ Musa la.
Currently Selected:
Bɔ-Koe-Iyipiti 14: KCLB
Highlight
Share
Copy
Want to have your highlights saved across all your devices? Sign up or sign in
Kuranko Common Language Bible © The Bible Society in Sierra Leone, 2006.
Bɔ-Koe-Iyipiti 14
14
Tenbi-Koe Kɔgɔ-Yi-Wulan Rɔ
1Mari ya a fɔ Musa ye ko, 2“A fɔ Isirɛla mɔgɛnu ye ko kan tinɛ do ye nyɔ min tɔgɛ Paihahirɔti min bi Migidɔli soe anubɛ Kɔgɔ-Yi-Wulan tɛma, anu ni sɛgi ka ta anu daga makɛ nyɔ rɔ. Anu ni ta anu daga makɛ Kɔgɔ-Yi-Wulan dafɛ Beyali-Sifɔn ya-telen ma. 3Ni wo ya wo ma, ale mansɛ si a miri ko Isirɛla mɔgɛnu kɔndɔ ara fili pirikali ko kilɛ ara to-a-rɔ anu ma wulɛ rɔ. 4N si ale mansɛ yisi gbɛlɛya tun gbon! A si wo sagaran. N ba a nɔ tumɛ min, nde, Mari si gbiliyɛ sɔrɔn mansɛ anubɛ ala kɛlɛ-dannuna ko la woletɔ Iyipiti kɛnu si a lɔn ko nde le Mari la.” Isirɛla mɔgɛnu ya a ma iko Alla ya a fɔ anu ye nya min.
5A lamɔɛn ale Iyipiti mansɛ bolo ko Isirɛla mɔgɛnu bara ban tala, ale mansɛ anubɛ ala mɔgɔ-banu ya anu miriya yɛlɛma anuna ko la. Anu ko, “Ma ara nfen ma kɛ? Ma ara nfen yuwaya-ko ladan kɛ la ka Isirɛla mɔgɛ kɛnu boloka. Ma ara foo mala yɔɔnnu na filili!” 6Mansɛ ya ala kirindinu tabɛn ka ala kɛlɛ-dannu nawuli ka ta Isirɛla mɔgɛnu sagaran tinɛ. 7A ya Iyipiti mɔgɛnuta kirindinu bi ka wonu sa ata kirindi-hakikɛ kɛmɛ wɔrɛ (600) kuma. A ya kɛlɛ-kurugbɛnu sigi kirindi wo bɛɛsi kun na. 8Isirɛla mɔgɛnu bɔra Iyipiti nyamanɛ rɔ yisi-latɛgɛ rɔ Alla baraka rɔ kɔnɔ Mari ya ale Iyipiti mansɛ yisi gbɛlɛya tun ha anu ya Isirɛla mɔgɛnu sagaran. 9Iyipiti kɛlɛ-dannu tara Isirɛla mɔgɛnu sagaranna anuta kirindinu na anubɛ anuna soeenu na anu bolo. Anu gbɛrɛnta anu ma anu daga-makɛnɛ kan min Kɔgɔ-Yi-Wulan dafɛ, Paihahirɔti da la, Beyali-Sifɔn ya-telen ma.
10Mansɛ anubɛ ala kɛlɛ-dannu gbɛrɛnta anu ma tumɛ min, Isirɛla mɔgɛnu ya anu yɛ lata ka anu yen nala wula-yan la. Anu kumakɔra kilan bolo ha anu ya anu kan nabɔ Mari ma. 11Anu ya a fɔ Musa ye ko, “Nfen ya a ma, i nara ma la yan alako ma ni faga wulɛ kɛ rɔ yan? Kaburu-so sa ma bolo Iyipiti nyamanɛ rɔ, wa? I wara ma bɔ Iyipiti nyamanɛ rɔ nfenna ka koe kɛ ma ma la? 12Wo tumɛ ma ye Iyipiti nyamanɛ rɔ, ma ma a fɔ i ye nun ko i ni ma to nyɔ ka wɔlɛ kɛ Iyipiti kɛnu ye? Yanni ma ni faga wulɛ kɛ rɔ, a fisa worɔ, ma ni to tɔrɔla Iyipiti kɛnu ye.”
13Musa ya a fɔ mɔgɛnu ye ko, “Wo kana kilan. Mari si na wo tanka nya min bi, wo ni wo sɔ ka wo ragbɛ. Wo si ma sereyɛ la wo ye. Wo ara Iyipiti kɛ minnu yen kɛ la, wo ti wonu yen kɛ kɔma tun. 14Wo ni a makɔnɔ. Mari si wola kɛlɛ kɛ.”
15Mari ya a fɔ Musa ye ko, “Anu bi dila nfen na? A fɔ Isirɛla mɔgɛnu ye ko anu ni ta. 16Ila sewuri layɛlɛ ka i bole rasagan Kɔgɔ-Yi-Wulan kuma alako yi tɛ ni tɛgɛ. Isirɛla mɔgɛnu si tenbi nyɔ kɛn-gbalanɛ kuma Kɔgɔ-Yi-Wulan wo worɔn la. 17-18N si Iyipiti kɛnu yisi gbɛlɛya. Anu si wo sagaran kirindi la yi-worɔn wo la. N si gbiliyɛ sɔrɔn ale mansɛ anubɛ ala kɛlɛ-dannuta halakiyi fɛ. Iyipiti kɛnu si a lɔn yati ko nde le Mari la.”
19Allala melika min bi banda-fin-gbɛ wo rɔ Isirɛla mɔgɛnu yarɔ, wo bɔra nyɔ ka sɛgi anu kɔma kilɛ la. 20Banda-fin-gbɛ wo tora Iyipiti kɛnu anubɛ Isirɛla mɔgɛnu tɛma. A tɔnkɔn doi ya pinpi burun Iyipiti kɛnu kuma bɛff! A tɔnkɔn doi ya waan raka Isirɛla mɔgɛnu ma waran! Iyipiti kɛnu anubɛ Isirɛla mɔgɛnu ma ke anu nyɔgɔn yenna suyi wo nyɛrɛ rɔ hali ka gbɛrɛn anu nyɔgɔn ma lefan!
21Musa ya a bole rasagan Kɔgɔ-Yi-Wulan wo kuma. Mari ya fɔn-belebele-wɛ do lana ka bɔ tele-bɔɛ wara la suyi wo nyɛrɛ rɔ ka Kɔgɔ-Yi-Wulan wo tɛ tɛgɛ fila la ka nyɔ gbala todo! 22#1 Kɔrɛnti 10.1-2; Hiburunu 11.29 Isirɛla mɔgɛnu tenbira yi-farani filɛ wo tɛma kɛn-gbalanɛ wo kuma. Yi wo sankasankɛ layɛlɛta iko tarɛ, anu bolo-nyimɛ anubɛ anu maran rɔ.
23Iyipiti kɛnu ya anu sagaran kɛn-gbalanɛ wo kuma Kɔgɔ-Yi-Wulan wo tɛma. Ale mansɛ anubɛ ala kɛlɛ-dannu tara anuna kirindinu na anubɛ anuna soeenu na anu bolo yi tɛ tɛgɛnɛ wo tɛma. 24Banda-ka-da-pinpi ma, Mari ya a kolan bɛn Iyipiti kɛlɛ-dannu ma ka bɔ banda-fin-gbɛ anubɛ ta-mɛlan rɔ. A ya Iyipiti kɛlɛ-dannu kɔndɔfili pirikali! 25Mari le ya a ma, anuna kirindinu kian gbaranta nyɔ gbaku! Anu ta-koe mara kɔndɔfili la anu bolo. Woletɔ Iyipiti kɛnu ya a fɔ ko, “Ma ni ma bɔ yan kamasɔrɔn anuta Mari ye kɛlɛ kɛla anu ye.”
26Mari ya a fɔ Musa ye ko, “I bole rasagan Kɔgɔ-Yi-Wulan kuma alako yi ni keri Iyipiti kɛlɛ-dannu kuma anubɛ anuna kirindinu anubɛ anuna soeenu.” 27Musa ya a bole rasagan Kɔgɔ-Yi-Wulan wo kuma. Banda-ka-dɛ ma, Iyipiti kɛnu ya a yen ko yi wo ye kerila anu kuma ka sɛgi a gbɛ rɔ. A sɔgɛ ye anu na nun ka anu buri yi wo kɔrɔ kɔnɔ Mari ya yi keri anu kuma. 28Iyipiti mɔgɛ minnu bɛɛsi tara Isirɛla mɔgɛnu sagaran tinɛ, wo bɛɛsi kunyɛ tora-a-rɔ dogbe! Hali mɔgɔ-den-kelen ma to.
29Kɔnɔ wo ya a taran, Isirɛla mɔgɛnu bara ban tenbila kɛn-gbalanɛ wo kuma Kɔgɔ-Yi-Wulan tɛma nun. Yi labɛnta anu bolo-nyimɛ rɔ anubɛ anu maran rɔ. 30Mari ya Isirɛla mɔgɛnu kisi wo nya na le ka anu bɔ Iyipiti kɛnu bolo. Isirɛla mɔgɛnu ya Iyipiti kɛnu furi yen yi kɔnkɔn la belenna. 31Mari ya ko-makawanɛ minnu kɛ Iyipiti kɛnu na, Isirɛla mɔgɛnu ya wo yen anu nyɛrɛ yɛ la ka kawa ata kabana-koe wonu ma. Anu kilanta Mari la ka a gbiliya. Wo le ya a ma, anu dɛnkɛninyara Mari ma ka la ata wɔli-kɛlɛ Musa la.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kuranko Common Language Bible © The Bible Society in Sierra Leone, 2006.