Ko-Dabirɛnu 26
26
Isiyaka Sigi-Koe Kirari Soe Burɔ
1Iko kɔnkɔ-fitinɛ nara nyamanɛ wo rɔ Iburayimata wati rɔ nya min, kɔnkɔ-fitinɛ nara wo nya na le Isiyaka fananta wati rɔ. Isiyaka tara Filisitinuna Mansa Abimɛlɛki warɛ min siginɛ Kirari soe burɔ. 2Kɔnɔ Mari bɔra gbɛ rɔ Isiyaka ye ka a fɔ a ye ko, “I kana ta Iyipiti nyamanɛ rɔ. N si kan tinɛ do yira i la nyamanɛ kɛ rɔ, i si ta i sigi kan min. 3-5#Ko-Dabirɛnu 22.16-18 To nyamanɛ kɛ rɔ bɛ min na fɔlɔn. N si to i fɛ ka nta duwɛ layigi i kuma. N si nyamanɛ kɛ bɛɛsi di wobɛ i bɔnsɔn ma. N si i bɔnsɔn lasiyaya iko san-kole lolenu ka nyamanɛ kɛ di anu ma. Duninya-mɔgɛ bɛɛ si duwɛ sɔrɔn i bɔnsɔn kɛnu fɛ kamasɔrɔn Iburayima ya n kuman-kan kɛnu namɔɛn ka nta tɔnnu bira. N ya lanyiri minnu kiri mabɛ i fa Iburayima tɛma nun, n si wonu ma.”
6Isiyaka ya a sigi Kirari soe burɔ. 7#Ko-Dabirɛnu 12.13; 20.2 Nyɔ-keinu ba a manyinika ala musila ko la tumɛ min, a si a fɔ anu ye le ko a tirisan-musi le. A ti sisi a fɔla ko ala musi le alako nyɔ-keinu kana a faga Rebɛkala ko la kamasɔrɔn Rebɛka kin.
8A mɛra nyɔ tumɛ min, Filisitinuna mansɛ ya a yɛ labɔ wundan la ka Isiyaka yen tolonna ala musi Rebɛka la. 9Mansɛ wo ya Isiyaka kele, a ko, “Yaga, ila musi le. Nfenna i ya a fɔ n ye ko i tirisan-musi le?”
Isiyaka ya a fɔ a ye ko, “Kamasɔrɔn n ya a lɔn nun ko anu bi n fagala le ala ko la, woletɔ n ya a fɔ ko n tirisan-musi le.”
10Mansɛ wo ko, “I wara nfen ma ma la kɛ la? Ni nna keminɛ do tara a sa ila musi kɛ fɛ nun, i si i tɛgɛ sigi yon ma? Ni ma ya tɔgɔ-tinya fenfen sɔrɔn nun, i gbɛ le wo la.” 11Woletɔ mansɛ wo ya ala mɔgɛ bɛɛsi makawandi ko, “Ni mɔgɔ-wo-mɔgɔ ya a bole tugu kei kɛ anubɛ ala musi la, wo tigi si faga serr!”
12San wo la, Isiyaka ya sɛnɛ sa nyɔ. A ya sugi min nyɔgɔn fui, Marita duwɛ yigira a kuma. A ya wo nyɔgɔn kɛmɛ sɔrɔn. 13Ale Isiyaka mara nɔnfulu-tigi-wɛ la. A wara-koe tora tala yarɔ. 14Wɔli-kɛlɛnu anubɛ kolo-fen siyaman taranta a bolo. Wo ya a ma, Filisitinu ya a makeliya 15ha a fala wɔli-kɛlɛnu ya kɔlɔn minnu sin wo tuma a ye a kɛndɛ la, anu ya wonu gberen.
16Mansɛ ya a fɔ Isiyaka ye ko, “I bɔ mala nyamanɛ rɔ kamasɔrɔn i sɛnbɛ kolo matɛ ko pirr.”
17Wo le ya a ma, Isiyaka bɔra Kirari soe burɔ ka ta a daga makɛ lɛɛ rɔ min bi soe wo dafɛ. 18A fa Iburayima ya kɔlɔn sin nyɔ nun kɔnɔ a faganɛ, Filisitinu ya kɔlɔn wonu gberen. Isiyaka nara sigi nyɔ tumɛ min, a ya wonu tabɔ tun. A ya anu tɔgɛ sa iko a fa ya anu tɔgɛ sa nya min nun.
19Isiyakata wɔli-kɛlɛnu ya kɔlɔn do sin Kirari lɛɛ rɔ tumɛ min, anu ya yi-hakikɛ taran nyɔ. 20Saga-fɛ-biralɛ minnu bi Kirari soe burɔ anubɛ Isiyakata saga-fɛ-biralɛ wonu kɛlɛta kɔlɔn wo kuma. Saga-fɛ-biralɛ minnu bi Kirari soe burɔ, wonu ya a fɔ ko anutɛ le kɔlɔn wo la. Woletɔ Isiyaka ya kɔlɔn wo tɔgɔ sa “Sɔsɔli kɔlɔn” kamasɔrɔn anu kɛlɛta a kuma. 21Woletɔ Isiyakata wɔli-kɛlɛnu ya kɔlɔn wo to anu bolo. A ya ata wɔli-kɛlɛnu nata ka kɔlɔn-gbɛrɛ sin a ye tun. Nba, anu sɔsɔra wo fanan kuma. Woletɔ Isiyaka ya wo tɔgɔ sa “Kɛlɛ-nyɔgɔnya-kɔlɔn.”#26.21 Kɛlɛ-nyɔgɔnya-kɔlɔn: Kitabu donu ko, “Sitina.” Wo kɔrɛ le, “Kɛlɛ-nyɔgɔnya-kɔlɔn.” 22Isiyaka ya nyɔ fanan boloka ka ta kɔlɔn-gbɛrɛ sin. Anu ma sɔsɔ kɔlɔn wo kuma tun. Woletɔ a ya kɔlɔn wo tɔgɔ sa “Lafɛrɛya-kɔlɔn.”#26.22 Lafɛrɛya-kɔlɔn: Kitabu donu ko, “Rehoboti.” Wo kɔrɛ le, “Lafɛrɛya-kɔlɔn.” A ya a fɔ ko, “Kamasɔrɔn Mari ara lafɛrɛ-tina-bɛrɛ di ma ma, kaka ma si sabati nyamanɛ kɛ rɔ.”
23Wo kɔma, Isiyaka bɔra nyɔ ka ta Biri-Siba soe burɔ. 24A ke nyɔ wo suyi rɔ, Mari bɔra a ye gbɛ rɔ. A ko, “I fa Iburayimata Alla le nde la. I kana kilan kamasɔrɔn n bi i fɛ. N si nta duwɛ layigi i kuma ka i bɔnsɔn lasiyaya nta wɔli-kɛlɛ Iburayimala ko la.”
25Woletɔ a ya saraka-bɔ-tinɛ sɔ nyɔ ka Mari madiya. A ya ala fani-bɔn sɔ nyɔ. Ata wɔli-kɛlɛnu ya kɔlɔn sin nyɔ fanan.
Lanyiri Kiri-Koe Isiyaka anubɛ Filisitinu Tɛma
26 #
Ko-Dabirɛnu 21.22
Filisitinuna Mansa Abimɛlɛki anubɛ ala mɔgɔ-ba Ahusati anubɛ ala kɛlɛ-kurugbɛ Fikoli bɔra Kirari soe burɔ ka ta Isiyaka taran Biri-Siba soe burɔ. 27Isiyaka ya a fɔ anu ye ko, “Wo ara n gben wo fɛ koninteyɛ la. Nfen bara a to gbɛ, wo ara na n bara yan tɔ?”
28Anu ya a fɔ ko, “Ma ara a lɔn serr, ko Mari ye i fɛ. Woletɔ ma ni lanyiri kiri ma nyɔgɔn tɛma ko 29wo kana ko-yogoma ma ma la bawo male fanan ma ko-yogoma ma wo la. Male mara mɔgɔ-nyimɛ la wo ye. Ma ya a ma, wo bɔra ma warɛ yisi-kimɛ rɔ. Kaka, Marita duwɛ ye wo kuma.” 30Woletɔ Isiyaka ya ladiyɛ ladan anu ye. Anu ya fen-dɔn-kɛ ka anu min. 31Sɔgɔma subaga, anu ya anu nasɔ ka lanyiri kiri ka anu nyɔgɔn nasɛ. Isiyaka ya anu kɔndɔn. Anu farata diyanayɛ rɔ.
32Wo tele nyɛrɛ rɔ, Isiyakata wɔli-kɛlɛnu nara a fɔ a ye ko, “Ma ara yi yen mala kɔlon-sinnɛ rɔ.” 33A ya kɔlɔn wo tɔgɔ sa Biri-Siba. Wo kɔrɛ le, “Lanyiri-Kɔlɔn.” Woletɔ ha bi, soe wo tɔgɛ le Biri-Siba.
Hɛtinuna Dunmusu Fila Furu-Koe Isɔ Bolo
34Isiyakala dan Isɔ sɔrɔn ya san bi-nani bɔ tumɛ min, a ya Hɛtinuna dunmusu fila furu, Birila dunmusi min tɔgɛ Yuditi anubɛ Helonna dunmusi min tɔgɛ Basemati. 35Dunmusi wonu ya anu benba Isiyaka anubɛ anu mama Rebɛka niyi ragbɛrɛn anu ma kati!
Currently Selected:
Ko-Dabirɛnu 26: KCLB
Highlight
Share
Copy
Want to have your highlights saved across all your devices? Sign up or sign in
Kuranko Common Language Bible © The Bible Society in Sierra Leone, 2006.
Ko-Dabirɛnu 26
26
Isiyaka Sigi-Koe Kirari Soe Burɔ
1Iko kɔnkɔ-fitinɛ nara nyamanɛ wo rɔ Iburayimata wati rɔ nya min, kɔnkɔ-fitinɛ nara wo nya na le Isiyaka fananta wati rɔ. Isiyaka tara Filisitinuna Mansa Abimɛlɛki warɛ min siginɛ Kirari soe burɔ. 2Kɔnɔ Mari bɔra gbɛ rɔ Isiyaka ye ka a fɔ a ye ko, “I kana ta Iyipiti nyamanɛ rɔ. N si kan tinɛ do yira i la nyamanɛ kɛ rɔ, i si ta i sigi kan min. 3-5#Ko-Dabirɛnu 22.16-18 To nyamanɛ kɛ rɔ bɛ min na fɔlɔn. N si to i fɛ ka nta duwɛ layigi i kuma. N si nyamanɛ kɛ bɛɛsi di wobɛ i bɔnsɔn ma. N si i bɔnsɔn lasiyaya iko san-kole lolenu ka nyamanɛ kɛ di anu ma. Duninya-mɔgɛ bɛɛ si duwɛ sɔrɔn i bɔnsɔn kɛnu fɛ kamasɔrɔn Iburayima ya n kuman-kan kɛnu namɔɛn ka nta tɔnnu bira. N ya lanyiri minnu kiri mabɛ i fa Iburayima tɛma nun, n si wonu ma.”
6Isiyaka ya a sigi Kirari soe burɔ. 7#Ko-Dabirɛnu 12.13; 20.2 Nyɔ-keinu ba a manyinika ala musila ko la tumɛ min, a si a fɔ anu ye le ko a tirisan-musi le. A ti sisi a fɔla ko ala musi le alako nyɔ-keinu kana a faga Rebɛkala ko la kamasɔrɔn Rebɛka kin.
8A mɛra nyɔ tumɛ min, Filisitinuna mansɛ ya a yɛ labɔ wundan la ka Isiyaka yen tolonna ala musi Rebɛka la. 9Mansɛ wo ya Isiyaka kele, a ko, “Yaga, ila musi le. Nfenna i ya a fɔ n ye ko i tirisan-musi le?”
Isiyaka ya a fɔ a ye ko, “Kamasɔrɔn n ya a lɔn nun ko anu bi n fagala le ala ko la, woletɔ n ya a fɔ ko n tirisan-musi le.”
10Mansɛ wo ko, “I wara nfen ma ma la kɛ la? Ni nna keminɛ do tara a sa ila musi kɛ fɛ nun, i si i tɛgɛ sigi yon ma? Ni ma ya tɔgɔ-tinya fenfen sɔrɔn nun, i gbɛ le wo la.” 11Woletɔ mansɛ wo ya ala mɔgɛ bɛɛsi makawandi ko, “Ni mɔgɔ-wo-mɔgɔ ya a bole tugu kei kɛ anubɛ ala musi la, wo tigi si faga serr!”
12San wo la, Isiyaka ya sɛnɛ sa nyɔ. A ya sugi min nyɔgɔn fui, Marita duwɛ yigira a kuma. A ya wo nyɔgɔn kɛmɛ sɔrɔn. 13Ale Isiyaka mara nɔnfulu-tigi-wɛ la. A wara-koe tora tala yarɔ. 14Wɔli-kɛlɛnu anubɛ kolo-fen siyaman taranta a bolo. Wo ya a ma, Filisitinu ya a makeliya 15ha a fala wɔli-kɛlɛnu ya kɔlɔn minnu sin wo tuma a ye a kɛndɛ la, anu ya wonu gberen.
16Mansɛ ya a fɔ Isiyaka ye ko, “I bɔ mala nyamanɛ rɔ kamasɔrɔn i sɛnbɛ kolo matɛ ko pirr.”
17Wo le ya a ma, Isiyaka bɔra Kirari soe burɔ ka ta a daga makɛ lɛɛ rɔ min bi soe wo dafɛ. 18A fa Iburayima ya kɔlɔn sin nyɔ nun kɔnɔ a faganɛ, Filisitinu ya kɔlɔn wonu gberen. Isiyaka nara sigi nyɔ tumɛ min, a ya wonu tabɔ tun. A ya anu tɔgɛ sa iko a fa ya anu tɔgɛ sa nya min nun.
19Isiyakata wɔli-kɛlɛnu ya kɔlɔn do sin Kirari lɛɛ rɔ tumɛ min, anu ya yi-hakikɛ taran nyɔ. 20Saga-fɛ-biralɛ minnu bi Kirari soe burɔ anubɛ Isiyakata saga-fɛ-biralɛ wonu kɛlɛta kɔlɔn wo kuma. Saga-fɛ-biralɛ minnu bi Kirari soe burɔ, wonu ya a fɔ ko anutɛ le kɔlɔn wo la. Woletɔ Isiyaka ya kɔlɔn wo tɔgɔ sa “Sɔsɔli kɔlɔn” kamasɔrɔn anu kɛlɛta a kuma. 21Woletɔ Isiyakata wɔli-kɛlɛnu ya kɔlɔn wo to anu bolo. A ya ata wɔli-kɛlɛnu nata ka kɔlɔn-gbɛrɛ sin a ye tun. Nba, anu sɔsɔra wo fanan kuma. Woletɔ Isiyaka ya wo tɔgɔ sa “Kɛlɛ-nyɔgɔnya-kɔlɔn.”#26.21 Kɛlɛ-nyɔgɔnya-kɔlɔn: Kitabu donu ko, “Sitina.” Wo kɔrɛ le, “Kɛlɛ-nyɔgɔnya-kɔlɔn.” 22Isiyaka ya nyɔ fanan boloka ka ta kɔlɔn-gbɛrɛ sin. Anu ma sɔsɔ kɔlɔn wo kuma tun. Woletɔ a ya kɔlɔn wo tɔgɔ sa “Lafɛrɛya-kɔlɔn.”#26.22 Lafɛrɛya-kɔlɔn: Kitabu donu ko, “Rehoboti.” Wo kɔrɛ le, “Lafɛrɛya-kɔlɔn.” A ya a fɔ ko, “Kamasɔrɔn Mari ara lafɛrɛ-tina-bɛrɛ di ma ma, kaka ma si sabati nyamanɛ kɛ rɔ.”
23Wo kɔma, Isiyaka bɔra nyɔ ka ta Biri-Siba soe burɔ. 24A ke nyɔ wo suyi rɔ, Mari bɔra a ye gbɛ rɔ. A ko, “I fa Iburayimata Alla le nde la. I kana kilan kamasɔrɔn n bi i fɛ. N si nta duwɛ layigi i kuma ka i bɔnsɔn lasiyaya nta wɔli-kɛlɛ Iburayimala ko la.”
25Woletɔ a ya saraka-bɔ-tinɛ sɔ nyɔ ka Mari madiya. A ya ala fani-bɔn sɔ nyɔ. Ata wɔli-kɛlɛnu ya kɔlɔn sin nyɔ fanan.
Lanyiri Kiri-Koe Isiyaka anubɛ Filisitinu Tɛma
26 #
Ko-Dabirɛnu 21.22
Filisitinuna Mansa Abimɛlɛki anubɛ ala mɔgɔ-ba Ahusati anubɛ ala kɛlɛ-kurugbɛ Fikoli bɔra Kirari soe burɔ ka ta Isiyaka taran Biri-Siba soe burɔ. 27Isiyaka ya a fɔ anu ye ko, “Wo ara n gben wo fɛ koninteyɛ la. Nfen bara a to gbɛ, wo ara na n bara yan tɔ?”
28Anu ya a fɔ ko, “Ma ara a lɔn serr, ko Mari ye i fɛ. Woletɔ ma ni lanyiri kiri ma nyɔgɔn tɛma ko 29wo kana ko-yogoma ma ma la bawo male fanan ma ko-yogoma ma wo la. Male mara mɔgɔ-nyimɛ la wo ye. Ma ya a ma, wo bɔra ma warɛ yisi-kimɛ rɔ. Kaka, Marita duwɛ ye wo kuma.” 30Woletɔ Isiyaka ya ladiyɛ ladan anu ye. Anu ya fen-dɔn-kɛ ka anu min. 31Sɔgɔma subaga, anu ya anu nasɔ ka lanyiri kiri ka anu nyɔgɔn nasɛ. Isiyaka ya anu kɔndɔn. Anu farata diyanayɛ rɔ.
32Wo tele nyɛrɛ rɔ, Isiyakata wɔli-kɛlɛnu nara a fɔ a ye ko, “Ma ara yi yen mala kɔlon-sinnɛ rɔ.” 33A ya kɔlɔn wo tɔgɔ sa Biri-Siba. Wo kɔrɛ le, “Lanyiri-Kɔlɔn.” Woletɔ ha bi, soe wo tɔgɛ le Biri-Siba.
Hɛtinuna Dunmusu Fila Furu-Koe Isɔ Bolo
34Isiyakala dan Isɔ sɔrɔn ya san bi-nani bɔ tumɛ min, a ya Hɛtinuna dunmusu fila furu, Birila dunmusi min tɔgɛ Yuditi anubɛ Helonna dunmusi min tɔgɛ Basemati. 35Dunmusi wonu ya anu benba Isiyaka anubɛ anu mama Rebɛka niyi ragbɛrɛn anu ma kati!
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kuranko Common Language Bible © The Bible Society in Sierra Leone, 2006.