Ko-Dabirɛnu 27
27
Yakoba ya Isɔta Duwɛ Sɔrɔn Yanfɛ La
1Isiyaka kɔrɔyara tumɛ min, a yɛ mabirara. A ya ala fɛrɛn-kinamɛ kele, Isɔ kɔni. A ya a fɔ a ye ko, “Nna den.”
Isɔ ko, “O-o.”
2Isiyaka ya a fɔ ko, “I ya a lɔn ko n bara kɔrɔya kɔbɔkɔbɔ! N bi fagala tuma-wo-tuma, n ma wo lɔn 3-4kɔnɔ yanni n ni faga, ila kalabɛn bi ka soge do faga n ye firɛ rɔ. I ni a te iko a di n ye nya min ka na a la n ma. N ba ban a dɔnna, n si nna duwa-laban kɛ i ye.”
5Isiyaka ye kumala ala dan Isɔ ye tumɛ min, wo ya a taran, Rebɛka tole masɔnɛ anu na. Wo kɔma, Isɔ tara firɛ rɔ sogo faga tinɛ a fa ye. 6Rebɛka ya a fɔ ala dan Yakoba ye ko, “N ya i fa kuman-kan lamɔɛn, a ye a fɔla i kɔrɔ Isɔ ye 7ko yanni a ni faga, i kɔrɔ Isɔ ni na soge la a ye. A wa ban wo dɔnna, a ni ata duwa laban kɛ a ye Mari yala. 8Woletɔ nna den, n kuman-kan bira kaka iko n bi nala a fɔla i ye nya min. 9Ta baa-wɔrɛ rɔ kaka ka baa-bulun-hakika fila bira. I ni na wonu na ka anu don n bolo. N ni wonu te a kila-bɛrɛbɛrɛ fɛ iko a di i fa ye nya min. 10I ni ta a la i fa ye alako a ni a dɔn. Woletɔ a wa ban wo dɔnna, a si ata duwa-laban wo kɛ ile ye yanni a ni faga.”
11Yakoba ya a fɔ a na ye ko, “Kɔnɔ n kɔrɔ-kei Isɔ, a fɛrɛma-siyi siya a ma. Mɔgɔ-manunkunɛ le nde la. 12Tumado, n fa si a bole tugu n na kɔrɛ. A si a miri ko n bi yanfanteyɛ le la. N si dankɛ lana n nyɛrɛ kuma. N ti ata duwɛ sɔrɔn.”
13A na ya a fɔ a ye ko, “Nna den, i fala dankɛ wo ni to nde kuma. Alako dɔrɔn i ni ndeta kumɛ wo bira tun! Ta baa wonu bi. I ni na anu na n ma.” 14Woletɔ a tara ka baa filɛ wonu bira ka na anu don a na bolo. A na ya kɛkɛ wonu te iko a di ala kei ye nya min. 15Rebɛka ya Isɔta duruku-hakikɛ bi a kɔma kilɛ la ka wo bila Yakoba kan na. 16A ya baa-bulan wonu gbole bi ka wonu kiri Yakoba bole anubɛ a kan ma. 17A na ya kɛkɛ-hakikɛ wonu fila biredi bi ka wonu don ala den Yakoba bolo.
18Woletɔ Yakoba tara wonu na a fa wara. A donta a fa kuma bɔn la, a ko, “N fa.”
A fa ya a labira. A fa ko, “Nna dan yon bi kɛ la?”
19Yakoba ya a fɔ a fa ye ko, “Isɔ le nde la, ila den-kei-sarɛ, kɔni. I ya a fɔ n ye nya min, n bara a ma wo nya na le. N fa, i lakɔɛnma. I ni i mayigi ka kɛkɛ do dɔn alako i ni duwa n ye.”
20Kɔnɔ a fa ya a fɔ a ye ko, “Nna den, i wara soge kɛ faga kama kaka?”
Ala dan wo ko, “Ita Mari Alla, wo le ya hɛrɛ di n ma.”
Isiyaka ya a fɔ Yakoba ye ko, 21“Nna den, i gbɛrɛn n ma. N ni n bole tugu i la. N ni i lakɔrɔsi ni nna dan Isɔ le ile la wa fɔsɔkɔrɛ, wo ma ile la.”
22Yakoba ya a madon a fa Isiyaka la. A fa ya a bole tugu a la, a ko, “I kuman-kan manɛ iko Yakobatɛ kɔnɔ i bole wo mani de iko Isɔtɛ.” 23A ma anu dan-nafarɛ lɔn bawo a bolo-kalama-siyi ye a ma iko Isɔtɛ. Yanni a ni duwa a ye, 24a ya a manyinika tun ko, “I lara a la ko Isɔ le ile la?”
Yakoba ko, “Nde le, yɔ!”
25Isiyaka ko, “I nara mɛya-fan min na, a madon n na. N ni a dɔn ka nta duwa-laban kɛ i ye.” Yakoba ya mɛya-fan anubɛ nɔnbɔ-gbɔ-yi madon a la. A ya a dɔn. 26A fa Isiyaka ya a fɔ a ye ko, “Nna den, i madon n na ka n sunbu.”
27 #
Hiburunu 11.20
Yakoba ya a madon a fa la ka a sunbu. A na ya a kɔrɔla duruki min don a kan na, a fa ya wo sumɛ lamɔɛn ka a fɔ a ye ko, “Nna dan sumɛ manɛ iko Mari wa mɔgɔ-harayɛgɛ fulen donsoya-firɛ rɔ.”
A fa duwara ale Yakoba ye ko,
28“I wa ila sɛnɛ sa kan-bo-kan, alamɛ duri tora yigila a kuma ka a sabati.
Alamɛ Alla ya ila fui-fannu anubɛ ila nɔnbɔ-gbɔɛnu nasabati.
29 #
Ko-Dabirɛnu 12.3
Alamɛ bɔnsɔn siyaman wɔlita i ye.
Mɔgɛnu ni anu famayigi i kɔrɔ.
Alamɛ i mara kun-tigi la i na-kelen-nyɔgɛnu kuma.
Anu ni anu famayigi i kɔrɔ.
Ni min ya i danka, wo si dankɛ sɔrɔn.
Ni min duwara i ye, wo si duwɛ sɔrɔn.”
Isɔ ya Duwɛ Matara A Fa La
30Isiyaka banta duwala Yakoba ye tumɛ min, Yakoba bɔra a fa kuma. A ma mɛ, a kɔrɔ Isɔ nara ka bɔ donsoya-firɛ rɔ. 31Ale fanan ya kɛkɛ te a kin na ka ta a la a fa ye. A ya a fɔ a fa ye ko, “N fa, i lakɔɛnma. I ni i mayigi. N bara na ka bɔ firɛ rɔ. I ni kɛkɛ do dɔn ka duwa n ye.”
32A fa Isiyaka ya a fɔ a ye ko, “Yon bi kɛ la?”
Isɔ ko, “Ila den-kei fɔlɔtɛ le nde la, Isɔ, kɔni.”
33A fa yɛrɛyɛrɛnta, a ko, “Mɔgɔ yon ya soge nyini ka na a la n ye? N bara ban wota soge dɔnna, ado n bara ban duwala wo ye fanan. Ila duwɛ wo ara to wo bolo habadan!”
34Isɔ ya a fa kuman-kan kɛ lamɔɛn tumɛ min, a dira biribiri! A ya a fɔ a fa ye ko, “E, n fa, i yandi, duwa nde fanan ye.”
35A fa ko, “I dɔgɛ ara na n yanfa. A ara ta ila duwɛ la a bolo pon!”
36 #
Ko-Dabirɛnu 25.29-34
Isɔ ya a fɔ ko, “Ado nfan, n yanfa fila nyɔgɛ le kɛ la gbɛ! Ka a fɔ Yakoba, n ma tɛrɛna wo la bawo a tɔgɛ wo kɔrɛ le, ‘Yanfante.’ A ara nta sɔ tinɛ bi yanfɛ la. A ara nna duwɛ fanan bi yanfɛ la.” A ya a fɔ a fa ye tun ko, “I ma duwɛ do lamara nde ye, wa?”
37A fa ya a fɔ a ye ko, “N bara ban a mala kun-tigi la ile kuma. N bara a na-kelen-nyɔgɛnu ma wɔli-kɛlɛnu na ale kɔrɔ. N bara duwa ala fui-fan anubɛ ala nɔnbɔ-gbɔɛnu ye. Nna den, fenfen sa n bolo tun n si min di i ma.”
38 #
Hiburunu 12.17
Isɔ tora a fa madiyala ko, “N fa, i yandi, ni duwa kelen bi i bolo, wo di n ma. E, n fa, duwa nde fanan ye.” Isɔ dira.
39 #
Hiburunu 11.20
A fa ya a fɔ a ye ko,
“I ti dugu-hakikɛ sɔrɔn i si i sigi kan min.
Duri-wo duri ti yigi ila sɛnɛnu tɔ min si anu sabati.
40 #
Ko-Dabirɛnu 36.8; 2 Mansɛnu 8.20 Ni i ma kɛlɛ kɛ, i ti fen sɔrɔn kɔnɔ hali wo, fɔ i wa wɔli i dɔgɛ kɔrɔ.
Kɔnɔ a wa a lagbɛlɛya i kuma tumɛ min, i si bɔ ata sɛnbɛ kɔrɔ.”
41Isɔ ya Yakobala koninteyɛ sigi a burɔ ka a tɛgɛ duwɛ wola ko ma a fa ya min kɛ a dɔgɛ ye. Isɔ ya a miri a ma a yisi rɔ ka a fɔ mɔgɛnu ya la ko, “N fa sa mɛla sayɛ la tun. Ni n fa sara, fɔ n ba n dɔgɛ kɛ faga.”
42Rebɛka ya kumɛ wo lamɔɛn tumɛ min, a ya kilayɛ lata Yakoba ma ka a fɔ a ye ko, “A sɔgɛ ye i kɔrɔ Isɔ la ka a tayili sara i la ka i faga. 43Woletɔ nna den, i tole masɔ n na ka n kuman-kan bira. I lasɔ ka i buri ka ta n tirisan-kei Leban warɛ Hɛran soe burɔ. 44I ni to i berin fɛ ha i kɔrɔ yisi ni kimɛ, 45a la ni nyina. A la wa nyina tumɛ min, n si i kele wo rɔ. I ni na alako n kana foo wo mɔgɔ filɛ la tele kelen kɔrɔ.”
Yakoba Makawandi-Koe
46Rebɛka ya a fɔ Isiyaka ye ko, “Isɔ ya Hɛti dunmusi minnu furu nun, n bara bandan wonu kɔrɔ. Ni Yakoba fanan ya Hɛti musi do furu min si ma iko kɛnu, wo si a ma, n niyi ra ni gbɛrɛn n ma n siyi-tele-bɛɛ kɔrɔ.”
Currently Selected:
Ko-Dabirɛnu 27: KCLB
Highlight
Share
Copy
Want to have your highlights saved across all your devices? Sign up or sign in
Kuranko Common Language Bible © The Bible Society in Sierra Leone, 2006.
Ko-Dabirɛnu 27
27
Yakoba ya Isɔta Duwɛ Sɔrɔn Yanfɛ La
1Isiyaka kɔrɔyara tumɛ min, a yɛ mabirara. A ya ala fɛrɛn-kinamɛ kele, Isɔ kɔni. A ya a fɔ a ye ko, “Nna den.”
Isɔ ko, “O-o.”
2Isiyaka ya a fɔ ko, “I ya a lɔn ko n bara kɔrɔya kɔbɔkɔbɔ! N bi fagala tuma-wo-tuma, n ma wo lɔn 3-4kɔnɔ yanni n ni faga, ila kalabɛn bi ka soge do faga n ye firɛ rɔ. I ni a te iko a di n ye nya min ka na a la n ma. N ba ban a dɔnna, n si nna duwa-laban kɛ i ye.”
5Isiyaka ye kumala ala dan Isɔ ye tumɛ min, wo ya a taran, Rebɛka tole masɔnɛ anu na. Wo kɔma, Isɔ tara firɛ rɔ sogo faga tinɛ a fa ye. 6Rebɛka ya a fɔ ala dan Yakoba ye ko, “N ya i fa kuman-kan lamɔɛn, a ye a fɔla i kɔrɔ Isɔ ye 7ko yanni a ni faga, i kɔrɔ Isɔ ni na soge la a ye. A wa ban wo dɔnna, a ni ata duwa laban kɛ a ye Mari yala. 8Woletɔ nna den, n kuman-kan bira kaka iko n bi nala a fɔla i ye nya min. 9Ta baa-wɔrɛ rɔ kaka ka baa-bulun-hakika fila bira. I ni na wonu na ka anu don n bolo. N ni wonu te a kila-bɛrɛbɛrɛ fɛ iko a di i fa ye nya min. 10I ni ta a la i fa ye alako a ni a dɔn. Woletɔ a wa ban wo dɔnna, a si ata duwa-laban wo kɛ ile ye yanni a ni faga.”
11Yakoba ya a fɔ a na ye ko, “Kɔnɔ n kɔrɔ-kei Isɔ, a fɛrɛma-siyi siya a ma. Mɔgɔ-manunkunɛ le nde la. 12Tumado, n fa si a bole tugu n na kɔrɛ. A si a miri ko n bi yanfanteyɛ le la. N si dankɛ lana n nyɛrɛ kuma. N ti ata duwɛ sɔrɔn.”
13A na ya a fɔ a ye ko, “Nna den, i fala dankɛ wo ni to nde kuma. Alako dɔrɔn i ni ndeta kumɛ wo bira tun! Ta baa wonu bi. I ni na anu na n ma.” 14Woletɔ a tara ka baa filɛ wonu bira ka na anu don a na bolo. A na ya kɛkɛ wonu te iko a di ala kei ye nya min. 15Rebɛka ya Isɔta duruku-hakikɛ bi a kɔma kilɛ la ka wo bila Yakoba kan na. 16A ya baa-bulan wonu gbole bi ka wonu kiri Yakoba bole anubɛ a kan ma. 17A na ya kɛkɛ-hakikɛ wonu fila biredi bi ka wonu don ala den Yakoba bolo.
18Woletɔ Yakoba tara wonu na a fa wara. A donta a fa kuma bɔn la, a ko, “N fa.”
A fa ya a labira. A fa ko, “Nna dan yon bi kɛ la?”
19Yakoba ya a fɔ a fa ye ko, “Isɔ le nde la, ila den-kei-sarɛ, kɔni. I ya a fɔ n ye nya min, n bara a ma wo nya na le. N fa, i lakɔɛnma. I ni i mayigi ka kɛkɛ do dɔn alako i ni duwa n ye.”
20Kɔnɔ a fa ya a fɔ a ye ko, “Nna den, i wara soge kɛ faga kama kaka?”
Ala dan wo ko, “Ita Mari Alla, wo le ya hɛrɛ di n ma.”
Isiyaka ya a fɔ Yakoba ye ko, 21“Nna den, i gbɛrɛn n ma. N ni n bole tugu i la. N ni i lakɔrɔsi ni nna dan Isɔ le ile la wa fɔsɔkɔrɛ, wo ma ile la.”
22Yakoba ya a madon a fa Isiyaka la. A fa ya a bole tugu a la, a ko, “I kuman-kan manɛ iko Yakobatɛ kɔnɔ i bole wo mani de iko Isɔtɛ.” 23A ma anu dan-nafarɛ lɔn bawo a bolo-kalama-siyi ye a ma iko Isɔtɛ. Yanni a ni duwa a ye, 24a ya a manyinika tun ko, “I lara a la ko Isɔ le ile la?”
Yakoba ko, “Nde le, yɔ!”
25Isiyaka ko, “I nara mɛya-fan min na, a madon n na. N ni a dɔn ka nta duwa-laban kɛ i ye.” Yakoba ya mɛya-fan anubɛ nɔnbɔ-gbɔ-yi madon a la. A ya a dɔn. 26A fa Isiyaka ya a fɔ a ye ko, “Nna den, i madon n na ka n sunbu.”
27 #
Hiburunu 11.20
Yakoba ya a madon a fa la ka a sunbu. A na ya a kɔrɔla duruki min don a kan na, a fa ya wo sumɛ lamɔɛn ka a fɔ a ye ko, “Nna dan sumɛ manɛ iko Mari wa mɔgɔ-harayɛgɛ fulen donsoya-firɛ rɔ.”
A fa duwara ale Yakoba ye ko,
28“I wa ila sɛnɛ sa kan-bo-kan, alamɛ duri tora yigila a kuma ka a sabati.
Alamɛ Alla ya ila fui-fannu anubɛ ila nɔnbɔ-gbɔɛnu nasabati.
29 #
Ko-Dabirɛnu 12.3
Alamɛ bɔnsɔn siyaman wɔlita i ye.
Mɔgɛnu ni anu famayigi i kɔrɔ.
Alamɛ i mara kun-tigi la i na-kelen-nyɔgɛnu kuma.
Anu ni anu famayigi i kɔrɔ.
Ni min ya i danka, wo si dankɛ sɔrɔn.
Ni min duwara i ye, wo si duwɛ sɔrɔn.”
Isɔ ya Duwɛ Matara A Fa La
30Isiyaka banta duwala Yakoba ye tumɛ min, Yakoba bɔra a fa kuma. A ma mɛ, a kɔrɔ Isɔ nara ka bɔ donsoya-firɛ rɔ. 31Ale fanan ya kɛkɛ te a kin na ka ta a la a fa ye. A ya a fɔ a fa ye ko, “N fa, i lakɔɛnma. I ni i mayigi. N bara na ka bɔ firɛ rɔ. I ni kɛkɛ do dɔn ka duwa n ye.”
32A fa Isiyaka ya a fɔ a ye ko, “Yon bi kɛ la?”
Isɔ ko, “Ila den-kei fɔlɔtɛ le nde la, Isɔ, kɔni.”
33A fa yɛrɛyɛrɛnta, a ko, “Mɔgɔ yon ya soge nyini ka na a la n ye? N bara ban wota soge dɔnna, ado n bara ban duwala wo ye fanan. Ila duwɛ wo ara to wo bolo habadan!”
34Isɔ ya a fa kuman-kan kɛ lamɔɛn tumɛ min, a dira biribiri! A ya a fɔ a fa ye ko, “E, n fa, i yandi, duwa nde fanan ye.”
35A fa ko, “I dɔgɛ ara na n yanfa. A ara ta ila duwɛ la a bolo pon!”
36 #
Ko-Dabirɛnu 25.29-34
Isɔ ya a fɔ ko, “Ado nfan, n yanfa fila nyɔgɛ le kɛ la gbɛ! Ka a fɔ Yakoba, n ma tɛrɛna wo la bawo a tɔgɛ wo kɔrɛ le, ‘Yanfante.’ A ara nta sɔ tinɛ bi yanfɛ la. A ara nna duwɛ fanan bi yanfɛ la.” A ya a fɔ a fa ye tun ko, “I ma duwɛ do lamara nde ye, wa?”
37A fa ya a fɔ a ye ko, “N bara ban a mala kun-tigi la ile kuma. N bara a na-kelen-nyɔgɛnu ma wɔli-kɛlɛnu na ale kɔrɔ. N bara duwa ala fui-fan anubɛ ala nɔnbɔ-gbɔɛnu ye. Nna den, fenfen sa n bolo tun n si min di i ma.”
38 #
Hiburunu 12.17
Isɔ tora a fa madiyala ko, “N fa, i yandi, ni duwa kelen bi i bolo, wo di n ma. E, n fa, duwa nde fanan ye.” Isɔ dira.
39 #
Hiburunu 11.20
A fa ya a fɔ a ye ko,
“I ti dugu-hakikɛ sɔrɔn i si i sigi kan min.
Duri-wo duri ti yigi ila sɛnɛnu tɔ min si anu sabati.
40 #
Ko-Dabirɛnu 36.8; 2 Mansɛnu 8.20 Ni i ma kɛlɛ kɛ, i ti fen sɔrɔn kɔnɔ hali wo, fɔ i wa wɔli i dɔgɛ kɔrɔ.
Kɔnɔ a wa a lagbɛlɛya i kuma tumɛ min, i si bɔ ata sɛnbɛ kɔrɔ.”
41Isɔ ya Yakobala koninteyɛ sigi a burɔ ka a tɛgɛ duwɛ wola ko ma a fa ya min kɛ a dɔgɛ ye. Isɔ ya a miri a ma a yisi rɔ ka a fɔ mɔgɛnu ya la ko, “N fa sa mɛla sayɛ la tun. Ni n fa sara, fɔ n ba n dɔgɛ kɛ faga.”
42Rebɛka ya kumɛ wo lamɔɛn tumɛ min, a ya kilayɛ lata Yakoba ma ka a fɔ a ye ko, “A sɔgɛ ye i kɔrɔ Isɔ la ka a tayili sara i la ka i faga. 43Woletɔ nna den, i tole masɔ n na ka n kuman-kan bira. I lasɔ ka i buri ka ta n tirisan-kei Leban warɛ Hɛran soe burɔ. 44I ni to i berin fɛ ha i kɔrɔ yisi ni kimɛ, 45a la ni nyina. A la wa nyina tumɛ min, n si i kele wo rɔ. I ni na alako n kana foo wo mɔgɔ filɛ la tele kelen kɔrɔ.”
Yakoba Makawandi-Koe
46Rebɛka ya a fɔ Isiyaka ye ko, “Isɔ ya Hɛti dunmusi minnu furu nun, n bara bandan wonu kɔrɔ. Ni Yakoba fanan ya Hɛti musi do furu min si ma iko kɛnu, wo si a ma, n niyi ra ni gbɛrɛn n ma n siyi-tele-bɛɛ kɔrɔ.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kuranko Common Language Bible © The Bible Society in Sierra Leone, 2006.