Ko-Dabirɛnu 28
28
1Isiyaka ya ala dan Yakoba kele. A nara tumɛ min, a ya a kɔndɔn. Wo kɔma, a ya a makawandi ko, “I kana Kenan kɛnuna dunmusi fenfen furu. 2I ni ta i benba Bɛtuwɛli wara Mɛsopotemiya nyamanɛ rɔ ka i berin Lebanna dunmusi do furu nyɔ. 3Alamɛ Alla Sɛnbɛ-Bɛɛ-Tigita duwɛ tora i kuma alako i ni yiri boi! Alamɛ i mara bɔnsɔn-kunyɛ la. 4#Ko-Dabirɛnu 17.4-8 Alamɛ ma fa Iburayimata duwɛ tora wobɛ i bɔnsɔnnu ye. Alla ya lanyiri kiri i benba Iburayima ye nyamanɛ kɛ minna ko la, alamɛ wo mara iletɛ la.”
5Isiyaka ya Yakoba lata. Yakoba tara a berin Leban wara Mɛsopotemiya nyamanɛ rɔ minnubɛ a na Rebɛka sɔrɔnta, Bɛtuwɛli, Aram kɛla dannu, kɔni.
Isɔla Musu Sawa Nyɔgɛ Furu-Koe
6-9Isɔ tara a fa kinama Sumanyila warɛ ka wola dunmusi Mahalati furu, Nebayɔti tirisan-musi, kɔni. A ya wo kofu ala Kenan musinu ma minnu bi a bolo nun. Ni i ya a yen Isɔ ya wo ma bawo a ya a lɔn ko a fa ara duwa a dɔgɛ Yakoba ye ka a lata Mɛsopotemiya nyamanɛ rɔ alako a ni ta a na-kelen-nyɔgɔ-dunmusi do furu nyɔ. Wo kɔma, a ara a lɔn fanan a fa anubɛ a na ara a fɔ Yakoba ye ko a kana Kenan kɛnuna dunmusi fenfen furu. A ara a lɔn fanan ko Yakoba ya anuna kumɛ bira ka ta Mɛsopotemiya. Isɔ ya a lɔn ko Kenan kɛnuna dunmusinu ma di a fa Isiyaka ye. Wo le ya a ma, Isɔ tara Sumanyilata dunmusi wo furu.
Yakobala Kiyo-Sa-Koe
10Yakoba bɔra Biri-Siba soe burɔ ka Hɛran-so-kilɛ bira. 11A kera kan tinɛ do rɔ, a kira nyɔ kamasɔrɔn suyi ara ke a ma nyɔ. A ya kuri do bi nyɔ ka a ma a kun-kɔrɔ-sɛ la. A kinɔgɔra. 12#Yɔni 1.51 A ye kinɔgɛ rɔ tumɛ min, a kiyora yɛlɛ-fan do la. A ye bɔla dugi ma ha san ma. Allala melikanu bi yigi-ni-yɛlɛ kɛla a ma. 13#Ko-Dabirɛnu 13.14-15 Yakoba ya Mari sɔnɛ yen a tɔnkɔn rɔ. Mari ya a fɔ ale Yakoba ye ko, “I fa anubɛ i benba Iburayimata Mari Alla le nde la. I sanɛ dugi min kuma kɛ la, n si wo di wobɛ i bɔnsɔn ma. 14#Ko-Dabirɛnu 12.3; 22.18 I bɔnsɔn si siyaya iko dugi kɛ gbangban ye nya min. I bɔnsɔn si siyaya fanan ka taran duninya-tonko-nanɛ bɛɛ rɔ. Duninya-mɔgɛnu si duwɛ sɔrɔn i bɔnsɔn fɛ. 15I tara kan-bo-kan, n si to i fɛ ka i kandan. N si na i la fɔɔ nyamanɛ kɛ rɔ tun. N ti i boloka fɔ n ba n kuman-kan latɔnbagaya.”
16Yakoba kundenta, a ko, “Yaga, Mari ye yan nun kɔnɔ n ma wo lɔn?” 17A kumakɔra ka a fɔ ko, “Yaga, kan-tina-makawanɛ le kɛ la. Allata bɔn le yan na. Arinyɛnɛ don-dɛ le kɛ la.”
18Wo banda kɛ subagɛ ma, Yakoba ya kuru-kundi min ma kun-kɔrɔ-sɛ la, a ya wo bi ka a latelen. A ya tuli labɔn a ma alako ka a dantɛgɛ Alla ma. 19A ya kan tinɛ wo tɔgɔ sa Bɛtɛli.#28.19 Bɛtɛli: Ni i ya a lamɔɛn, Bɛtɛli, Hiburu-kan rɔ, wo kɔrɛ le “Allatalata bɔn.” Soe wo tɔgɔ-kɔrɛ le nun Lusi.
20Yakoba ya a dato, a ko, “Ni Alla tora n fɛ ka n kandan nta tagama kɛ rɔ, n ni dɔn-fan anubɛ fɛrɛya-bɔɛ sɔrɔn, 21wo kɔma, n ni sɛgi n fa warɛ yisi-kimɛ rɔ, Mari si ma nta Alla la wo rɔ. 22N bara kuri kɛ latelen kan min kɛ la, nyɔ si ma Alla madiya tinɛ la. Ni Mari ya fan minnu di n ma, n si wonu yaka bɔ wo rɔ ka a di a ma.”
Currently Selected:
Ko-Dabirɛnu 28: KCLB
Highlight
Share
Copy
Want to have your highlights saved across all your devices? Sign up or sign in
Kuranko Common Language Bible © The Bible Society in Sierra Leone, 2006.
Ko-Dabirɛnu 28
28
1Isiyaka ya ala dan Yakoba kele. A nara tumɛ min, a ya a kɔndɔn. Wo kɔma, a ya a makawandi ko, “I kana Kenan kɛnuna dunmusi fenfen furu. 2I ni ta i benba Bɛtuwɛli wara Mɛsopotemiya nyamanɛ rɔ ka i berin Lebanna dunmusi do furu nyɔ. 3Alamɛ Alla Sɛnbɛ-Bɛɛ-Tigita duwɛ tora i kuma alako i ni yiri boi! Alamɛ i mara bɔnsɔn-kunyɛ la. 4#Ko-Dabirɛnu 17.4-8 Alamɛ ma fa Iburayimata duwɛ tora wobɛ i bɔnsɔnnu ye. Alla ya lanyiri kiri i benba Iburayima ye nyamanɛ kɛ minna ko la, alamɛ wo mara iletɛ la.”
5Isiyaka ya Yakoba lata. Yakoba tara a berin Leban wara Mɛsopotemiya nyamanɛ rɔ minnubɛ a na Rebɛka sɔrɔnta, Bɛtuwɛli, Aram kɛla dannu, kɔni.
Isɔla Musu Sawa Nyɔgɛ Furu-Koe
6-9Isɔ tara a fa kinama Sumanyila warɛ ka wola dunmusi Mahalati furu, Nebayɔti tirisan-musi, kɔni. A ya wo kofu ala Kenan musinu ma minnu bi a bolo nun. Ni i ya a yen Isɔ ya wo ma bawo a ya a lɔn ko a fa ara duwa a dɔgɛ Yakoba ye ka a lata Mɛsopotemiya nyamanɛ rɔ alako a ni ta a na-kelen-nyɔgɔ-dunmusi do furu nyɔ. Wo kɔma, a ara a lɔn fanan a fa anubɛ a na ara a fɔ Yakoba ye ko a kana Kenan kɛnuna dunmusi fenfen furu. A ara a lɔn fanan ko Yakoba ya anuna kumɛ bira ka ta Mɛsopotemiya. Isɔ ya a lɔn ko Kenan kɛnuna dunmusinu ma di a fa Isiyaka ye. Wo le ya a ma, Isɔ tara Sumanyilata dunmusi wo furu.
Yakobala Kiyo-Sa-Koe
10Yakoba bɔra Biri-Siba soe burɔ ka Hɛran-so-kilɛ bira. 11A kera kan tinɛ do rɔ, a kira nyɔ kamasɔrɔn suyi ara ke a ma nyɔ. A ya kuri do bi nyɔ ka a ma a kun-kɔrɔ-sɛ la. A kinɔgɔra. 12#Yɔni 1.51 A ye kinɔgɛ rɔ tumɛ min, a kiyora yɛlɛ-fan do la. A ye bɔla dugi ma ha san ma. Allala melikanu bi yigi-ni-yɛlɛ kɛla a ma. 13#Ko-Dabirɛnu 13.14-15 Yakoba ya Mari sɔnɛ yen a tɔnkɔn rɔ. Mari ya a fɔ ale Yakoba ye ko, “I fa anubɛ i benba Iburayimata Mari Alla le nde la. I sanɛ dugi min kuma kɛ la, n si wo di wobɛ i bɔnsɔn ma. 14#Ko-Dabirɛnu 12.3; 22.18 I bɔnsɔn si siyaya iko dugi kɛ gbangban ye nya min. I bɔnsɔn si siyaya fanan ka taran duninya-tonko-nanɛ bɛɛ rɔ. Duninya-mɔgɛnu si duwɛ sɔrɔn i bɔnsɔn fɛ. 15I tara kan-bo-kan, n si to i fɛ ka i kandan. N si na i la fɔɔ nyamanɛ kɛ rɔ tun. N ti i boloka fɔ n ba n kuman-kan latɔnbagaya.”
16Yakoba kundenta, a ko, “Yaga, Mari ye yan nun kɔnɔ n ma wo lɔn?” 17A kumakɔra ka a fɔ ko, “Yaga, kan-tina-makawanɛ le kɛ la. Allata bɔn le yan na. Arinyɛnɛ don-dɛ le kɛ la.”
18Wo banda kɛ subagɛ ma, Yakoba ya kuru-kundi min ma kun-kɔrɔ-sɛ la, a ya wo bi ka a latelen. A ya tuli labɔn a ma alako ka a dantɛgɛ Alla ma. 19A ya kan tinɛ wo tɔgɔ sa Bɛtɛli.#28.19 Bɛtɛli: Ni i ya a lamɔɛn, Bɛtɛli, Hiburu-kan rɔ, wo kɔrɛ le “Allatalata bɔn.” Soe wo tɔgɔ-kɔrɛ le nun Lusi.
20Yakoba ya a dato, a ko, “Ni Alla tora n fɛ ka n kandan nta tagama kɛ rɔ, n ni dɔn-fan anubɛ fɛrɛya-bɔɛ sɔrɔn, 21wo kɔma, n ni sɛgi n fa warɛ yisi-kimɛ rɔ, Mari si ma nta Alla la wo rɔ. 22N bara kuri kɛ latelen kan min kɛ la, nyɔ si ma Alla madiya tinɛ la. Ni Mari ya fan minnu di n ma, n si wonu yaka bɔ wo rɔ ka a di a ma.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kuranko Common Language Bible © The Bible Society in Sierra Leone, 2006.