Saraka-Masɔlɛnuta Tɔnnu 2
2
Dɛgɛ-Munku-Sarakɛ
1“Fenfen min si ma dɛgɛ la, mɔgɔ tenbi wo mala sarakɛ la Mari ye, fɔ ni a mara dɛgɛ-munku-hakikɛ la. Yanni a ni a di saraka-masɔlɛ ma, a si a yabasan tuli la ka isɛnti sa a kuma. 2Dɛgɛ-munke min yabasannɛ tuli kɛ la, saraka-masɔlɛ si a bolo-nya kelen bi ka a sa tɛ rɔ anubɛ isɛnti. Wo sumɛ si diya Mari ye. Bolo-nya kelan wo si ma iko a ya a damasi mintan Mari ye. 3A toe wo si to saraka-masɔlɛnu ye. A sɛninyanɛ si to bawo anu ya a di Mari ma.
4“Min tenbi nala dɛgɛ-munke la Mari ye ka bɔ biredi mintan tinɛ, fɔ a ni ma biredi la isiti sa min tɔ. Kɔnɔ anu bi biredi min nadanna biredi mintan tinɛ, ni a diyara mɔgɛ ye, a si biredi-dɔgɔmɛ mintan ka tuli sosa a kumɛ ma. Ni a diyara a ye fanan, a si a ma biredi-kinamɛ la min yabasannɛ tuli la ka a mintan.
5“Ni mɔgɛ ye biredi yilanna pani-tasangbɛ rɔ, fɔ ni a mara biredi la min tamaganɛ tuli la, isiti sa min tɔ. 6A wa ban a yilanna tumɛ min, a si a rakerikeri. A si tuli bi ka a furufuru biredi kuma. Wo kɔma, a si biredi wo bi ka a di saraka-masɔlɛ ma.
7“Ni mɔgɛ ye dɛgɛ-munke ladanna biredi la min mintannɛ dagɛ rɔ, fɔ biredi min tamaganɛ tuli la. 8A si biredi wo bi ka ta wo di saraka-masɔlɛ ma. Wo fanan si a bi ka ta a la saraka-mintan-tinɛ kuma. 9A si doni keri a la ka a sa tɛ rɔ. Wo sumɛ si diya Mari ye. Wo si ma iko a ya a damasi mintan Mari ye. 10A toe wonu si to saraka-masɔlɛnu bolo. A si sɛninya bawo anu ya a di Mari ma.
11“Fenfen min si ma dɛgɛ-munke la, mɔgɔ tenbi wo mala sarakɛ la Mari ye, a kana isiti kɛ a rɔ. Mɔgɔ kana fenfen di Mari ma isiti ye min tɔ, ni wo ma, liyi. 12Kɔnɔ ni mɔgɛ ya ala dɔn-fen kun-fɔlɛ tɛgɛ san la ka wo ma kɔ-fan la Mari ye, a ni na wo don saraka-masɔlɛ bolo. Hali isiti, ni wo ma, liyi taranta a rɔ, tana ma kɔnɔ wo kana a mintan saraka-mintan-tɛ la de! 13Kɔnɔ wo si kɔgɛ kɛ wola sarakɛnu tɔ Mari ye alako wo ni to wo mirila lanyiri ma min bi wobɛ Mari tɛma. 14Ni mɔgɛ do nara dɔn-fen kun-fɔlɛ la Mari ye tumɛ min, a ni a yilan ka a bunden. 15A si a yabasan tuli la ka isɛnti sa a kuma. 16Dɛgɛ min yabasannɛ tuli la, saraka-masɔlɛ si a bolo-nya kelen bi ka a sa tɛ rɔ anubɛ isɛnti. Wonu sumɛ si diya Mari ye. Bolo-nya kelen wo si ma iko a ya a damasi mintan Mari ye.
Currently Selected:
Saraka-Masɔlɛnuta Tɔnnu 2: KCLB
Highlight
Share
Copy
Want to have your highlights saved across all your devices? Sign up or sign in
Kuranko Common Language Bible © The Bible Society in Sierra Leone, 2006.
Saraka-Masɔlɛnuta Tɔnnu 2
2
Dɛgɛ-Munku-Sarakɛ
1“Fenfen min si ma dɛgɛ la, mɔgɔ tenbi wo mala sarakɛ la Mari ye, fɔ ni a mara dɛgɛ-munku-hakikɛ la. Yanni a ni a di saraka-masɔlɛ ma, a si a yabasan tuli la ka isɛnti sa a kuma. 2Dɛgɛ-munke min yabasannɛ tuli kɛ la, saraka-masɔlɛ si a bolo-nya kelen bi ka a sa tɛ rɔ anubɛ isɛnti. Wo sumɛ si diya Mari ye. Bolo-nya kelan wo si ma iko a ya a damasi mintan Mari ye. 3A toe wo si to saraka-masɔlɛnu ye. A sɛninyanɛ si to bawo anu ya a di Mari ma.
4“Min tenbi nala dɛgɛ-munke la Mari ye ka bɔ biredi mintan tinɛ, fɔ a ni ma biredi la isiti sa min tɔ. Kɔnɔ anu bi biredi min nadanna biredi mintan tinɛ, ni a diyara mɔgɛ ye, a si biredi-dɔgɔmɛ mintan ka tuli sosa a kumɛ ma. Ni a diyara a ye fanan, a si a ma biredi-kinamɛ la min yabasannɛ tuli la ka a mintan.
5“Ni mɔgɛ ye biredi yilanna pani-tasangbɛ rɔ, fɔ ni a mara biredi la min tamaganɛ tuli la, isiti sa min tɔ. 6A wa ban a yilanna tumɛ min, a si a rakerikeri. A si tuli bi ka a furufuru biredi kuma. Wo kɔma, a si biredi wo bi ka a di saraka-masɔlɛ ma.
7“Ni mɔgɛ ye dɛgɛ-munke ladanna biredi la min mintannɛ dagɛ rɔ, fɔ biredi min tamaganɛ tuli la. 8A si biredi wo bi ka ta wo di saraka-masɔlɛ ma. Wo fanan si a bi ka ta a la saraka-mintan-tinɛ kuma. 9A si doni keri a la ka a sa tɛ rɔ. Wo sumɛ si diya Mari ye. Wo si ma iko a ya a damasi mintan Mari ye. 10A toe wonu si to saraka-masɔlɛnu bolo. A si sɛninya bawo anu ya a di Mari ma.
11“Fenfen min si ma dɛgɛ-munke la, mɔgɔ tenbi wo mala sarakɛ la Mari ye, a kana isiti kɛ a rɔ. Mɔgɔ kana fenfen di Mari ma isiti ye min tɔ, ni wo ma, liyi. 12Kɔnɔ ni mɔgɛ ya ala dɔn-fen kun-fɔlɛ tɛgɛ san la ka wo ma kɔ-fan la Mari ye, a ni na wo don saraka-masɔlɛ bolo. Hali isiti, ni wo ma, liyi taranta a rɔ, tana ma kɔnɔ wo kana a mintan saraka-mintan-tɛ la de! 13Kɔnɔ wo si kɔgɛ kɛ wola sarakɛnu tɔ Mari ye alako wo ni to wo mirila lanyiri ma min bi wobɛ Mari tɛma. 14Ni mɔgɛ do nara dɔn-fen kun-fɔlɛ la Mari ye tumɛ min, a ni a yilan ka a bunden. 15A si a yabasan tuli la ka isɛnti sa a kuma. 16Dɛgɛ min yabasannɛ tuli la, saraka-masɔlɛ si a bolo-nya kelen bi ka a sa tɛ rɔ anubɛ isɛnti. Wonu sumɛ si diya Mari ye. Bolo-nya kelen wo si ma iko a ya a damasi mintan Mari ye.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kuranko Common Language Bible © The Bible Society in Sierra Leone, 2006.