Ɛksodɔs 13
13
Di Lɔ Fɔ Dɛdiket Di Fɔs Bɔy Pikin
1PAPA GƆD tɛl Mozis se, 2lɛ i gi ɔl di fɔs-bɔy-pikin dɛn to am. I se ɔl di fɔs-bɔy-pikin ɛn di fɔs man animal dɛn we di Izrɛlayt dɛn gɛt nain yon.
Di Ɔlide Fɔ It Bred We Nɔ Gɛt Yist
3Mozis tɛl di pipul dɛn se dɛn fɔ mɛmba da de, de dat na di de we dɛn lɛf Ijipt usay dɛn na bin slev, bikɔs na da de de PAPA GƆD yuz in pawa pul dɛn kɔmɔt Ijipt. I tɛl dɛn se dɛn nɔ fɔ it ɛnitin we gɛt yist. 4I tɛl dɛn se da patikla de de insay Abib mɔnt na di de dat we dɛn lɛf Ijipt. 5I se dɛn fɔ sɛlibret da de de as ɔlide insay da mɔnt de wɛn PAPA GƆD go kɛr dɛn go na di ples usay dɛn Kenanayt, dɛn Itayt, dɛn Amɔrayt, dɛn Ivayt ɛn dɛn Jɛbyusayt dɛn de. I se na da land de PAPA GƆD bin swɛ se in go gi dɛn papa dɛn, ɛn da land we fayn fɔ plant ɛn fɔ mɛn animal dɛn. 6Mozis tɛl dɛn se dɛn fɔ it bred we nɔ gɛt yist fɔ sɛvin de, dɔn di las de dɛn fɔ mek big sɛlibreshɔn fɔ prez PAPA GƆD. 7I tɛl dɛn bak se na bred we nɔ gɛt yist nɔmɔ dɛn fɔ it fɔ da sɛvin de de, ɛn wɔn dɛn se, nɔbɔdi nɔ fɔ kip yist nain os, ɛn dɛn nɔn nɔ fɔ kip yist ɛnisay insay di kɔntri da tɛm de.
8Mozis tɛl di pipul dɛn se ɛnitɛm we dɛn de sɛlibret dis ɔlide ɛvri ia, dɛn fɔ ɛksplen to dɛn pikin dɛn wetindu dɛn de sɛlibret da ɔlide de. Dɛn fɔ tɛl dɛn pikin dɛn se dɛn de sɛlibret di ɔlide bikɔs ɔf wetin PAPA GƆD du fɔ dɛn we mek dɛn kɔmɔt na Ijipt. 9I se dat go mek dɛn de mɛmba ɔltɛm lɛk we mak kin de na pɔsin in an ɔ in fɔrɛd fɔ sho se PAPA GƆD in Lɔ de nain at ɛn fɔ de rid PAPA GƆD in lɔ dɛn ɔltɛm, bikɔs na PAPA GƆD yuz in traŋa pawa fɔ pul dɛn kɔmɔt na Ijipt. 10I se dɛn fɔ mak da ɔlide de ɛvri ia. 11Mozis tɛl di pipul dɛn bak se, PAPA GƆD go mɔs kɛr dɛn go na di Kenanayt dɛn kɔntri lɛk aw i bin prɔmis dɛn papa dɛn, ɛn wɛn PAPA GƆD dɔn gi dɛn di kɔntri, 12dɛn fɔ mek shɔ se dɛn gi PAPA GƆD ɔl di fɔs tin dɛn we bɔn bikɔs nain yon. Dat na di fɔs pikin we bɔn we na bɔypikin ɛn di fɔs wan we bɔn pan di animal dɛn. 13I se dɛn kin tek ship ɛkschenj am wit di fɔs dɔŋki pikin bɔt if dɛn nɔ want fɔ ɛkschenj di dɔŋki pikin, dɛn fɔ brok in nɛk ɛn kil am. Bɔt fɔ di fɔs-bɔy-pikin dɛn yon say, dɛn fɔ bay dɛn bak na PAPA GƆD in an.
14Tɛm go kam we una pikin dɛn go aks una wetin mek una de du ɔl dis. Una fɔ ansa dɛn se PAPA GƆD yuz in pawa fɔ pul una kɔmɔt pan slev layf na Ijipt. 15Wɛn di kiŋ bin traŋa in at ɛn nɔ gri fɔ lɛf una fɔ go, PAPA GƆD kil ɔl di fɔs-bɔy-pikin ɛn man animal dɛn na Ijipt. So na dat mek unasɛf de gi PAPA GƆD ɔl di fɔs-bɔy-pikin dɛn, bɔt una kin bay dɛn bak na PAPA GƆD in an. 16Una de du dis fɔ mɛmba unasɛf lɛk aw mak kin de na pɔsin in an ɔ in fɔrɛd fɔ sho se na PAPA GƆD pul una kɔmɔt na Ijipt wit in pawa. 17PAPA GƆD nɔ mek dɛn yuz di rod we pas tru Filistia pan we dat na bin di shɔt rod fɔ go na di land we PAPA GƆD prɔmis dɛn. PAPA GƆD tink to insɛf se if di pipul dɛn mitɔp fɛt na rɔd, sɔntɛm dɛn go chenj dɛn maynd ɛn tɔn bak go Ijipt. 18So PAPA GƆD mek dɛn wirɔn ɔlɔbɔt na di di ɛmti ples we pɔsin nɔ go ebul tap na fɔ go na di Rɛd Si. Di Izrɛl pipul dɛn ɔl go lɛk se na wa dɛn de go fɛt.
19Mozis kɛr Josɛf in bon dɛn go wit am, bikɔs Josɛf bin dɔn mek di Izrɛlayt dɛn swɛ se dɛn go pul in ban dɛn kɔmɔt na Ijipt we PAPA GƆD sev dɛn ɛn pul dɛn kɔmɔt de. I bin shɔ se PAPA GƆD go mɔs du dat. 20Di Izrɛlayt dɛn lɛf Sɔkɔt ɛn go te rich di bawndri na Itham nia di ɛmti ples we pɔsin nɔ go ebul tap. 21Santɛm, PAPA GƆD kin de bifo dɛn lɛkɛ brayt klawd de gayd dɛn na rod, ɛn wɛn nɛt kam, i kin de bifo dɛn lɛkɛ faya fɔ de sho dɛn layt. 22PAPA GƆD nɔ wande pul di klawd ɛn faya kɔmɔt bifo dɛn.
Currently Selected:
Ɛksodɔs 13: KRIO13
Highlight
Share
Copy
Want to have your highlights saved across all your devices? Sign up or sign in
Krio Bible © The Bible Society of Sierra Leone, 2013.
Ɛksodɔs 13
13
Di Lɔ Fɔ Dɛdiket Di Fɔs Bɔy Pikin
1PAPA GƆD tɛl Mozis se, 2lɛ i gi ɔl di fɔs-bɔy-pikin dɛn to am. I se ɔl di fɔs-bɔy-pikin ɛn di fɔs man animal dɛn we di Izrɛlayt dɛn gɛt nain yon.
Di Ɔlide Fɔ It Bred We Nɔ Gɛt Yist
3Mozis tɛl di pipul dɛn se dɛn fɔ mɛmba da de, de dat na di de we dɛn lɛf Ijipt usay dɛn na bin slev, bikɔs na da de de PAPA GƆD yuz in pawa pul dɛn kɔmɔt Ijipt. I tɛl dɛn se dɛn nɔ fɔ it ɛnitin we gɛt yist. 4I tɛl dɛn se da patikla de de insay Abib mɔnt na di de dat we dɛn lɛf Ijipt. 5I se dɛn fɔ sɛlibret da de de as ɔlide insay da mɔnt de wɛn PAPA GƆD go kɛr dɛn go na di ples usay dɛn Kenanayt, dɛn Itayt, dɛn Amɔrayt, dɛn Ivayt ɛn dɛn Jɛbyusayt dɛn de. I se na da land de PAPA GƆD bin swɛ se in go gi dɛn papa dɛn, ɛn da land we fayn fɔ plant ɛn fɔ mɛn animal dɛn. 6Mozis tɛl dɛn se dɛn fɔ it bred we nɔ gɛt yist fɔ sɛvin de, dɔn di las de dɛn fɔ mek big sɛlibreshɔn fɔ prez PAPA GƆD. 7I tɛl dɛn bak se na bred we nɔ gɛt yist nɔmɔ dɛn fɔ it fɔ da sɛvin de de, ɛn wɔn dɛn se, nɔbɔdi nɔ fɔ kip yist nain os, ɛn dɛn nɔn nɔ fɔ kip yist ɛnisay insay di kɔntri da tɛm de.
8Mozis tɛl di pipul dɛn se ɛnitɛm we dɛn de sɛlibret dis ɔlide ɛvri ia, dɛn fɔ ɛksplen to dɛn pikin dɛn wetindu dɛn de sɛlibret da ɔlide de. Dɛn fɔ tɛl dɛn pikin dɛn se dɛn de sɛlibret di ɔlide bikɔs ɔf wetin PAPA GƆD du fɔ dɛn we mek dɛn kɔmɔt na Ijipt. 9I se dat go mek dɛn de mɛmba ɔltɛm lɛk we mak kin de na pɔsin in an ɔ in fɔrɛd fɔ sho se PAPA GƆD in Lɔ de nain at ɛn fɔ de rid PAPA GƆD in lɔ dɛn ɔltɛm, bikɔs na PAPA GƆD yuz in traŋa pawa fɔ pul dɛn kɔmɔt na Ijipt. 10I se dɛn fɔ mak da ɔlide de ɛvri ia. 11Mozis tɛl di pipul dɛn bak se, PAPA GƆD go mɔs kɛr dɛn go na di Kenanayt dɛn kɔntri lɛk aw i bin prɔmis dɛn papa dɛn, ɛn wɛn PAPA GƆD dɔn gi dɛn di kɔntri, 12dɛn fɔ mek shɔ se dɛn gi PAPA GƆD ɔl di fɔs tin dɛn we bɔn bikɔs nain yon. Dat na di fɔs pikin we bɔn we na bɔypikin ɛn di fɔs wan we bɔn pan di animal dɛn. 13I se dɛn kin tek ship ɛkschenj am wit di fɔs dɔŋki pikin bɔt if dɛn nɔ want fɔ ɛkschenj di dɔŋki pikin, dɛn fɔ brok in nɛk ɛn kil am. Bɔt fɔ di fɔs-bɔy-pikin dɛn yon say, dɛn fɔ bay dɛn bak na PAPA GƆD in an.
14Tɛm go kam we una pikin dɛn go aks una wetin mek una de du ɔl dis. Una fɔ ansa dɛn se PAPA GƆD yuz in pawa fɔ pul una kɔmɔt pan slev layf na Ijipt. 15Wɛn di kiŋ bin traŋa in at ɛn nɔ gri fɔ lɛf una fɔ go, PAPA GƆD kil ɔl di fɔs-bɔy-pikin ɛn man animal dɛn na Ijipt. So na dat mek unasɛf de gi PAPA GƆD ɔl di fɔs-bɔy-pikin dɛn, bɔt una kin bay dɛn bak na PAPA GƆD in an. 16Una de du dis fɔ mɛmba unasɛf lɛk aw mak kin de na pɔsin in an ɔ in fɔrɛd fɔ sho se na PAPA GƆD pul una kɔmɔt na Ijipt wit in pawa. 17PAPA GƆD nɔ mek dɛn yuz di rod we pas tru Filistia pan we dat na bin di shɔt rod fɔ go na di land we PAPA GƆD prɔmis dɛn. PAPA GƆD tink to insɛf se if di pipul dɛn mitɔp fɛt na rɔd, sɔntɛm dɛn go chenj dɛn maynd ɛn tɔn bak go Ijipt. 18So PAPA GƆD mek dɛn wirɔn ɔlɔbɔt na di di ɛmti ples we pɔsin nɔ go ebul tap na fɔ go na di Rɛd Si. Di Izrɛl pipul dɛn ɔl go lɛk se na wa dɛn de go fɛt.
19Mozis kɛr Josɛf in bon dɛn go wit am, bikɔs Josɛf bin dɔn mek di Izrɛlayt dɛn swɛ se dɛn go pul in ban dɛn kɔmɔt na Ijipt we PAPA GƆD sev dɛn ɛn pul dɛn kɔmɔt de. I bin shɔ se PAPA GƆD go mɔs du dat. 20Di Izrɛlayt dɛn lɛf Sɔkɔt ɛn go te rich di bawndri na Itham nia di ɛmti ples we pɔsin nɔ go ebul tap. 21Santɛm, PAPA GƆD kin de bifo dɛn lɛkɛ brayt klawd de gayd dɛn na rod, ɛn wɛn nɛt kam, i kin de bifo dɛn lɛkɛ faya fɔ de sho dɛn layt. 22PAPA GƆD nɔ wande pul di klawd ɛn faya kɔmɔt bifo dɛn.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Krio Bible © The Bible Society of Sierra Leone, 2013.