Ɛksodɔs 14
14
Di Izrɛlayt Dɛn Krɔs Di Rɛd Si
1PAPA GƆD tɔk to Mozis. 2I se, “Tɛl di Izrɛlayt dɛn lɛ dɛn tɔn bak go mek dɛn kamp bifo Pi Airɔth dat na bitwin Migdɔl ɛn di si nia to Baal Zɛfɔn. 3Di kiŋ go de tink se di Izrɛlayt dɛn dɔn lɔs na di ɛmti ples we pɔsin nɔ go ebul tap, 4dɛn a go mek in at traŋa fɔ lɛ i go rɔnata una. Aw a go dil wit in ɛn in sojaman dɛn go mek pipul dɛn prez ɛn ɔna mi. Dis go mek di Ijipshian dɛn no fɔ tru tru se mi na PAPA GƆD.” Di Izrɛlayt dɛn du wetin PAPA GƆD tɛl dɛn fɔ du.
5We dɛn tɛl di kiŋ na Ijipt se di pipul dɛn dɔn rɔnawe, in ɛn in ɔfisa dɛn chenj dɛn maynd, dɛn bigin de aks dɛnsɛf uskayn tin dɛn du so we dɛn lɛf di Izrɛlayt dɛn fɔ rɔnawe. Dɛn se dɛn nɔ gɛt slev igen fɔ wok fɔ dɛn. 6Di kiŋ stambay in ɔs ɛn chariɔt dɛn we i de tek fɛt wa ɛn in sojaman dɛn. 7I tek ɔl in chariɔt dɛn ɛn ad in siks ɔndrɛd bɛst chariɔt sɛf pan di nɔmba. Dɛn ɔl bin gɛt wan, wan ɔfisa bɔsman. 8PAPA GƆD mek di kiŋ na Ijipt in at traŋa mɔ. Di kiŋ rɔnata di Izrɛlayt dɛn, ɛn PAPA GƆD bin de gyad dɛn. 9Di wanol Ijipt ami wit ɔl dɛn ɔs, dɛn chariɔt ɛn di drayva dɛn rɔnata di Izrɛlayt dɛn te dɛn kech dɛn na di si nia Pi Airɔth ɛn Baal Zɛfɔn usay dɛn bin mek dɛn kamp.
10Wɛn di Izrɛlayt dɛn tɔn biɛn ɛn si se di kiŋ ɛn in sojaman dɛn dɔn rich nia dɛn, dɛn bɔtɔm bɛlɛ bwɛl. Dɛn pre to PAPA GƆD fɔ sev dɛn. 11Dɛn kɔmplen bita wan to Mozis ɛn aks if bɛriŋrɔn nɔ de na Ijipt. 12Dɛn se dɛn bin dɔn tɛl am se lɛ i lɛf dɛn saful na Ijipt lɛ dɛn bi slev de, bikɔs i bin fɔ bɛtɛ fɔ dɛn fɔ bi di Ijipshian dɛn slev pas fɔ day na di ɛmti ples we pɔsin nɔ go ebul tap.
13Mozis tɛl di pipul dɛn se lɛ dɛn nɔ fred dɛn go si PAPA GƆD in wɔnda. I se di Ijipshian we dɛn de si so dɛn nɔ go dɛn igen 14I se PAPA GƆD go fɛt fɔ dɛn, so lɛ dɛn nɔ wɔri dɛn at. 15PAPA GƆD tɔk to Mozis. I se, “Wetin mek yu de beg mi fɔ ɛp yu? Tɛl di pipul dɛn lɛ dɛn muf go bifo. 16Es yu tik ɔp ɛn tret yu an oba di si fɔ mek di wata sheb so di pipul dɛn go gɛt rod fɔ pas. 17Dɔn mi go mek di Ijipshian dɛn at traŋa mɔ fɔ lɛ dɛn go rɔnata dɛn, dɔn a go sho di kiŋ ɛn ɔl in sojaman dɛn, wit chariɔt ɛn di drayva dɛn, udat a bi, dɔn na mi go gɛt di glori. 18Ɛn wɛn a dɔn dɔnawe wit di Ijipshian dɛn dɔn, dɛn go no fɔ tru se mi na PAPA GƆD.” 19PAPA GƆD in enjɛl we bin de waka bifo di Izrɛlayt dɛn muf kɔmɔt bifo ɛn go biɛn. Di klawd lɛkɛ faya insɛf muf go biɛn dɛn, 20ɛn mek baria bitwin di Izrɛlayt dɛn ɛn di Ijipshian dɛn. Di klawd bin tan lɛk dak nɛt to di Ijipshian dɛn, bɔt i bin de sho layt to di Izrɛlayt dɛn. So fɔ di wanol nɛt, di Ijipshian dɛn nɔ bin ebul kech di Izrɛlayt dɛn na rod. 21Mozis tret in an oba di si, nain PAPA GƆD mek big big tinada kɔmɔt na di ist blo di wata ol nɛt ɛn mek i sheb tu. I mek di si tɔn to dray grɔn. 22Di Izrɛlayt dɛn waka na dray grɔn usay di wata bin de, da tɛm de di wata bin dɔn sheb to tu say, i mek lɛk wɔl na raytan, ɛn di lɛfan. 23Di Ijipshian dɛn bin stil de rɔnata di Izrɛlayt dɛn, dɛnsɛf go insay di say we di wata bin dɔn sheb tu wit ɔl dɛn ɔs ɛn chariɔt ɛn di drayva dɛn. 24Jɛs bifo do klin, PAPA GƆD wach di Ijipshian sojaman dɛn frɔm di brayt klawd ɛn di klawd lɛk faya. We i si ɔl wetin dɛn gɛt, i skyad dɛn ɛn mek dɛn want fɔ rɔnawe. 25I mek di chariɔt dɛn wil stif. Dat mek di Ijipshian dɛn se lɛ dɛn tɔn bak bikɔs na PAPA GƆD de fɛt fɔ di Izrɛlayt dɛn so.
26PAPA GƆD tɔk to Mozis. I se, “Tret yu an oba di si, dɔn di wata go kam bak ɛn kɔba di Ijipshian dɛn wit dɛn chariɔt ɛn di drayva dɛn.” 27So Mozis insɛf tret in an oba di si. Wɛn do klin, di wata go bak usay i bin de. Di Ijipshian dɛn tray fɔ rɔnawe bɔt PAPA GƆD mek di wata blɔk dɛn. 28Di wata tɔn bak. I kɔba di chariɔt dɛn wit di man dɛn we bin de rayd ɔs ɛn ɔl di kiŋ in sojaman dɛn we bin de rɔnata di Izrɛlayt dɛn ɛn dɛn lɛf na di wata. Wan pan dɛnsɛf nɔ bin lɛf. 29Bɔt di Izrɛlayt dɛn bin waka na dray grɔn midul di si, di wata bin gɛda na tu say lɛkɛ wɔl na dɛn raytan ɛn dɛn lɛfan. 30Na so PAPA GƆD tek sev di Izrɛlayt dɛn da de de, na di Ijipshian dɛn an. Di Izrɛlayt dɛn opin dɛn yay ɛn si di Ijipshian dɛn dedebɔdi nia di wata. 31Wɛn di Izrɛlayt dɛn ɔl si PAPA GƆD di Ijipshian dɛn, dat mek dɛn fred PAPA GƆD. Dɛn biliv PAPA GƆD mɔ ɛn Mozis we nain savant.
Currently Selected:
Ɛksodɔs 14: KRIO13
Highlight
Share
Copy
Want to have your highlights saved across all your devices? Sign up or sign in
Krio Bible © The Bible Society of Sierra Leone, 2013.
Ɛksodɔs 14
14
Di Izrɛlayt Dɛn Krɔs Di Rɛd Si
1PAPA GƆD tɔk to Mozis. 2I se, “Tɛl di Izrɛlayt dɛn lɛ dɛn tɔn bak go mek dɛn kamp bifo Pi Airɔth dat na bitwin Migdɔl ɛn di si nia to Baal Zɛfɔn. 3Di kiŋ go de tink se di Izrɛlayt dɛn dɔn lɔs na di ɛmti ples we pɔsin nɔ go ebul tap, 4dɛn a go mek in at traŋa fɔ lɛ i go rɔnata una. Aw a go dil wit in ɛn in sojaman dɛn go mek pipul dɛn prez ɛn ɔna mi. Dis go mek di Ijipshian dɛn no fɔ tru tru se mi na PAPA GƆD.” Di Izrɛlayt dɛn du wetin PAPA GƆD tɛl dɛn fɔ du.
5We dɛn tɛl di kiŋ na Ijipt se di pipul dɛn dɔn rɔnawe, in ɛn in ɔfisa dɛn chenj dɛn maynd, dɛn bigin de aks dɛnsɛf uskayn tin dɛn du so we dɛn lɛf di Izrɛlayt dɛn fɔ rɔnawe. Dɛn se dɛn nɔ gɛt slev igen fɔ wok fɔ dɛn. 6Di kiŋ stambay in ɔs ɛn chariɔt dɛn we i de tek fɛt wa ɛn in sojaman dɛn. 7I tek ɔl in chariɔt dɛn ɛn ad in siks ɔndrɛd bɛst chariɔt sɛf pan di nɔmba. Dɛn ɔl bin gɛt wan, wan ɔfisa bɔsman. 8PAPA GƆD mek di kiŋ na Ijipt in at traŋa mɔ. Di kiŋ rɔnata di Izrɛlayt dɛn, ɛn PAPA GƆD bin de gyad dɛn. 9Di wanol Ijipt ami wit ɔl dɛn ɔs, dɛn chariɔt ɛn di drayva dɛn rɔnata di Izrɛlayt dɛn te dɛn kech dɛn na di si nia Pi Airɔth ɛn Baal Zɛfɔn usay dɛn bin mek dɛn kamp.
10Wɛn di Izrɛlayt dɛn tɔn biɛn ɛn si se di kiŋ ɛn in sojaman dɛn dɔn rich nia dɛn, dɛn bɔtɔm bɛlɛ bwɛl. Dɛn pre to PAPA GƆD fɔ sev dɛn. 11Dɛn kɔmplen bita wan to Mozis ɛn aks if bɛriŋrɔn nɔ de na Ijipt. 12Dɛn se dɛn bin dɔn tɛl am se lɛ i lɛf dɛn saful na Ijipt lɛ dɛn bi slev de, bikɔs i bin fɔ bɛtɛ fɔ dɛn fɔ bi di Ijipshian dɛn slev pas fɔ day na di ɛmti ples we pɔsin nɔ go ebul tap.
13Mozis tɛl di pipul dɛn se lɛ dɛn nɔ fred dɛn go si PAPA GƆD in wɔnda. I se di Ijipshian we dɛn de si so dɛn nɔ go dɛn igen 14I se PAPA GƆD go fɛt fɔ dɛn, so lɛ dɛn nɔ wɔri dɛn at. 15PAPA GƆD tɔk to Mozis. I se, “Wetin mek yu de beg mi fɔ ɛp yu? Tɛl di pipul dɛn lɛ dɛn muf go bifo. 16Es yu tik ɔp ɛn tret yu an oba di si fɔ mek di wata sheb so di pipul dɛn go gɛt rod fɔ pas. 17Dɔn mi go mek di Ijipshian dɛn at traŋa mɔ fɔ lɛ dɛn go rɔnata dɛn, dɔn a go sho di kiŋ ɛn ɔl in sojaman dɛn, wit chariɔt ɛn di drayva dɛn, udat a bi, dɔn na mi go gɛt di glori. 18Ɛn wɛn a dɔn dɔnawe wit di Ijipshian dɛn dɔn, dɛn go no fɔ tru se mi na PAPA GƆD.” 19PAPA GƆD in enjɛl we bin de waka bifo di Izrɛlayt dɛn muf kɔmɔt bifo ɛn go biɛn. Di klawd lɛkɛ faya insɛf muf go biɛn dɛn, 20ɛn mek baria bitwin di Izrɛlayt dɛn ɛn di Ijipshian dɛn. Di klawd bin tan lɛk dak nɛt to di Ijipshian dɛn, bɔt i bin de sho layt to di Izrɛlayt dɛn. So fɔ di wanol nɛt, di Ijipshian dɛn nɔ bin ebul kech di Izrɛlayt dɛn na rod. 21Mozis tret in an oba di si, nain PAPA GƆD mek big big tinada kɔmɔt na di ist blo di wata ol nɛt ɛn mek i sheb tu. I mek di si tɔn to dray grɔn. 22Di Izrɛlayt dɛn waka na dray grɔn usay di wata bin de, da tɛm de di wata bin dɔn sheb to tu say, i mek lɛk wɔl na raytan, ɛn di lɛfan. 23Di Ijipshian dɛn bin stil de rɔnata di Izrɛlayt dɛn, dɛnsɛf go insay di say we di wata bin dɔn sheb tu wit ɔl dɛn ɔs ɛn chariɔt ɛn di drayva dɛn. 24Jɛs bifo do klin, PAPA GƆD wach di Ijipshian sojaman dɛn frɔm di brayt klawd ɛn di klawd lɛk faya. We i si ɔl wetin dɛn gɛt, i skyad dɛn ɛn mek dɛn want fɔ rɔnawe. 25I mek di chariɔt dɛn wil stif. Dat mek di Ijipshian dɛn se lɛ dɛn tɔn bak bikɔs na PAPA GƆD de fɛt fɔ di Izrɛlayt dɛn so.
26PAPA GƆD tɔk to Mozis. I se, “Tret yu an oba di si, dɔn di wata go kam bak ɛn kɔba di Ijipshian dɛn wit dɛn chariɔt ɛn di drayva dɛn.” 27So Mozis insɛf tret in an oba di si. Wɛn do klin, di wata go bak usay i bin de. Di Ijipshian dɛn tray fɔ rɔnawe bɔt PAPA GƆD mek di wata blɔk dɛn. 28Di wata tɔn bak. I kɔba di chariɔt dɛn wit di man dɛn we bin de rayd ɔs ɛn ɔl di kiŋ in sojaman dɛn we bin de rɔnata di Izrɛlayt dɛn ɛn dɛn lɛf na di wata. Wan pan dɛnsɛf nɔ bin lɛf. 29Bɔt di Izrɛlayt dɛn bin waka na dray grɔn midul di si, di wata bin gɛda na tu say lɛkɛ wɔl na dɛn raytan ɛn dɛn lɛfan. 30Na so PAPA GƆD tek sev di Izrɛlayt dɛn da de de, na di Ijipshian dɛn an. Di Izrɛlayt dɛn opin dɛn yay ɛn si di Ijipshian dɛn dedebɔdi nia di wata. 31Wɛn di Izrɛlayt dɛn ɔl si PAPA GƆD di Ijipshian dɛn, dat mek dɛn fred PAPA GƆD. Dɛn biliv PAPA GƆD mɔ ɛn Mozis we nain savant.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Krio Bible © The Bible Society of Sierra Leone, 2013.