Ɛksodɔs 15
15
Di Izrɛlayt Dɛn Siŋ Fɔ Prez PAPA GƆD
1Nain Mozis ɛn di Izrɛlayt dɛn siŋ dis siŋ yaso fɔ prez PAPA GƆD. Di siŋ se,
“A go siŋ to PAPA GƆD, bikɔs i dɔnawe wit in ɛnimi dɛn kpatakpata;
I trowe di ɔs dɛn ɛn di wan we de rayd dɛn na wata.
2Na PAPA GƆD gi mi trɛnk fɔ siŋ fɔ am,
ɛn nain de sev mi.
In na mi PAPA GƆD, ɛn a go prez am,
na mi papa in PAPA GƆD, a go es am ɔp.
3PAPA GƆD na big big fɛtman;
in nem na PAPA GƆD.
4I dɔn ib di kiŋ in chariɔt ɛn in sojaman dɛn na wata;
in bɛst kɔmanda dɛnsɛf lɛf na wata#15:4 Wata Na ya na di Rɛd Si.
5Di wata kɔba dɛn ɔl;
dɛn sink go dɔŋ lɛkɛ ston.
6E PAPA GƆD, yu na PAPA GƆD we gɛt pawa,
yu yuz dis pawa fɔ nyakanyaka yu ɛnimi dɛn.
7Na bay yu mayti pawa yu kapsay yu ɛnimi dɛn.
Yu tɛmpa na lɛkɛ faya, i bɔn yu ɛnimi lɛkɛ dɛn gras.
8We yu blo yu nos nɔmɔ
di wata dɛn ɔl gɛda na wan ples.
I tinap deŋ lɛkɛ wɔl;
dɔn midul di wata traŋa ken ken.
9Di ɛnimi bin de blɔf se,
“A go rɔnata dɛn ɛn kech dɛn;
dɔn a go tek ɔl wetin a want.
A go tek mi sɔd,
ɛn a go kil dɛn.”
10Na wantɛm briz nɔmɔ yu blo, nain di si kɔba dɛn;
dɛn sink lɛkɛ lɛd insay di big wata.
11PAPA GƆD, uswan pan dɛn ɔda gɔd dɛn tan lɛkɛ yu?
Uswan gɛt pawa fɔ ple wɔnda lɛkɛ yu?
Udat oli lɛkɛ yu?
12Yu tes dɛn smɔl nɔmɔ pan yu pawa,
di grɔn swɛla dɛn.
13Bikɔs yu lɔv nɔ de chenj, yu kip to yu prɔmis,
yu pul yu pipul dɛn na dɛn ɛnimi dɛn an wit yu trɛnk, ɛn lid dɛn go na yu yon oli ples.
14Wɛn ɔda neshɔn dɛn yɛri wetin yu du, dɛn trimbul;
Bad, bad pen grip di pipul dɛn na Filistia, ɛn dɛn bɔtɔm bɛlɛ bwɛl.
15Di chif dɛn na Idɔm dɛn at pwɛl,
bad, bad fred ol di bigman dɛn na Moab;
di pipul dɛn na Kenan luz op.
16We yu sho yu pawa
Fred kech dɛn ɛn dɛn trimbul;
dɛn stif lɛk boraks
ɛn dɛn tinap te yu pipul dɛn pas
te ɔl di pipul dɛn we kɔmɔt Ijipt pas.
17PAPA GƆD yu briŋ yu pipul dɛn kam,
yu mek dɛn sɛtul na yu mawnten
di mawnten we dɛn yu pik
usay di tɛmpul we yu mek de.
18PAPA GƆD, yu na di kiŋ we go ren sote go.
Miriam In Siŋ
19Wɛn di kiŋ na Ijipt wit in ɔs ɛn chariɔt ɛn dɛn drayva dɛn bin de pas midul di si, PAPA GƆD mek di wata kɔba dɛn ɔl, dɔn i mek di Izrɛlayt dɛn waka na dray grɔn midul di wata.
20Nain Prɔfɛtɛs Miriam, dat na Erɔn in sista, tek in tamborin ɛn bigin ple am. Ɔl di ɔda uman dɛnsɛf dans wit am wit dɛn yon tamborin. 21Nain Miriam siŋ dis siŋ yaso:
“Siŋ to PAPA GƆD, bikɔs i dɔn win di viktri.
I dɔn ib di ɔs ɛn in drayva dɛn na di si.”
Bita Wata Bɔs Na Mara
22Mozis mek di Izrɛlayt dɛn kɔmɔt na di Rɛd Si eria go na di di ɛmti ples we pɔsin nɔ go ebul tap na na Shɔ; dɛn tek tri de de waka na di di ɛmti ples we pɔsin nɔ go ebul tap na ɛn dɛn nɔ fɛn wata nɔn say. 23Wɛn dɛn rich na Mara, dɛn nɔ bin ebul fɔ drink di wata we de de bikɔs i bin tu bita. Dɛn gi da ples de nem Mara bikɔs in wata bin bita. 24Nain di pipul dɛn bigin grɔmbul pan Mozis se, dɛn nɔ gɛt wata fɔ drink. 25Dat mek Mozis pre traŋa wan to PAPA GƆD, dɛn PAPA GƆD sho am wan tik. Mozis tek di tik ɛn ib am na di wata, wantɛm nain di wata tɔn to frɛsh wata fɔ drink. Na da ples de PAPA GƆD gi dɛn in lɔ we dɛn fɔ fala, ɛn na di sem ples i bin tɛst dɛn fɔ si if dɛn go obe in lɔ. 26I tɛl dɛn se, “If nɔmɔ una du wetin mi PAPA GƆD we na una PAPA GƆD we no wetin rayt bifo mi yay tɛl una fɔ du; dɔn una kip ɔl mi kɔmandmɛnt ɛn ɔda lɔ dɛn, a nɔ go pɔnish una wit ɛniwan pan dɛn sik dɛn we a bin put pan di Ijipshian dɛn. Mi na PAPA GƆD, a nɔ go mek una sɔfa.” 27Di Izrɛlayt dɛn waka te rich na Ilim usay dɛn fɛn wata we bin de bɔs na twɛlv say ɔnda di grɔn. Na sɛvinti pam tri bin de na da ples de, ɛn na de dɛn bil dɛn tɛnt.
Currently Selected:
Ɛksodɔs 15: KRIO13
Highlight
Share
Copy
Want to have your highlights saved across all your devices? Sign up or sign in
Krio Bible © The Bible Society of Sierra Leone, 2013.
Ɛksodɔs 15
15
Di Izrɛlayt Dɛn Siŋ Fɔ Prez PAPA GƆD
1Nain Mozis ɛn di Izrɛlayt dɛn siŋ dis siŋ yaso fɔ prez PAPA GƆD. Di siŋ se,
“A go siŋ to PAPA GƆD, bikɔs i dɔnawe wit in ɛnimi dɛn kpatakpata;
I trowe di ɔs dɛn ɛn di wan we de rayd dɛn na wata.
2Na PAPA GƆD gi mi trɛnk fɔ siŋ fɔ am,
ɛn nain de sev mi.
In na mi PAPA GƆD, ɛn a go prez am,
na mi papa in PAPA GƆD, a go es am ɔp.
3PAPA GƆD na big big fɛtman;
in nem na PAPA GƆD.
4I dɔn ib di kiŋ in chariɔt ɛn in sojaman dɛn na wata;
in bɛst kɔmanda dɛnsɛf lɛf na wata#15:4 Wata Na ya na di Rɛd Si.
5Di wata kɔba dɛn ɔl;
dɛn sink go dɔŋ lɛkɛ ston.
6E PAPA GƆD, yu na PAPA GƆD we gɛt pawa,
yu yuz dis pawa fɔ nyakanyaka yu ɛnimi dɛn.
7Na bay yu mayti pawa yu kapsay yu ɛnimi dɛn.
Yu tɛmpa na lɛkɛ faya, i bɔn yu ɛnimi lɛkɛ dɛn gras.
8We yu blo yu nos nɔmɔ
di wata dɛn ɔl gɛda na wan ples.
I tinap deŋ lɛkɛ wɔl;
dɔn midul di wata traŋa ken ken.
9Di ɛnimi bin de blɔf se,
“A go rɔnata dɛn ɛn kech dɛn;
dɔn a go tek ɔl wetin a want.
A go tek mi sɔd,
ɛn a go kil dɛn.”
10Na wantɛm briz nɔmɔ yu blo, nain di si kɔba dɛn;
dɛn sink lɛkɛ lɛd insay di big wata.
11PAPA GƆD, uswan pan dɛn ɔda gɔd dɛn tan lɛkɛ yu?
Uswan gɛt pawa fɔ ple wɔnda lɛkɛ yu?
Udat oli lɛkɛ yu?
12Yu tes dɛn smɔl nɔmɔ pan yu pawa,
di grɔn swɛla dɛn.
13Bikɔs yu lɔv nɔ de chenj, yu kip to yu prɔmis,
yu pul yu pipul dɛn na dɛn ɛnimi dɛn an wit yu trɛnk, ɛn lid dɛn go na yu yon oli ples.
14Wɛn ɔda neshɔn dɛn yɛri wetin yu du, dɛn trimbul;
Bad, bad pen grip di pipul dɛn na Filistia, ɛn dɛn bɔtɔm bɛlɛ bwɛl.
15Di chif dɛn na Idɔm dɛn at pwɛl,
bad, bad fred ol di bigman dɛn na Moab;
di pipul dɛn na Kenan luz op.
16We yu sho yu pawa
Fred kech dɛn ɛn dɛn trimbul;
dɛn stif lɛk boraks
ɛn dɛn tinap te yu pipul dɛn pas
te ɔl di pipul dɛn we kɔmɔt Ijipt pas.
17PAPA GƆD yu briŋ yu pipul dɛn kam,
yu mek dɛn sɛtul na yu mawnten
di mawnten we dɛn yu pik
usay di tɛmpul we yu mek de.
18PAPA GƆD, yu na di kiŋ we go ren sote go.
Miriam In Siŋ
19Wɛn di kiŋ na Ijipt wit in ɔs ɛn chariɔt ɛn dɛn drayva dɛn bin de pas midul di si, PAPA GƆD mek di wata kɔba dɛn ɔl, dɔn i mek di Izrɛlayt dɛn waka na dray grɔn midul di wata.
20Nain Prɔfɛtɛs Miriam, dat na Erɔn in sista, tek in tamborin ɛn bigin ple am. Ɔl di ɔda uman dɛnsɛf dans wit am wit dɛn yon tamborin. 21Nain Miriam siŋ dis siŋ yaso:
“Siŋ to PAPA GƆD, bikɔs i dɔn win di viktri.
I dɔn ib di ɔs ɛn in drayva dɛn na di si.”
Bita Wata Bɔs Na Mara
22Mozis mek di Izrɛlayt dɛn kɔmɔt na di Rɛd Si eria go na di di ɛmti ples we pɔsin nɔ go ebul tap na na Shɔ; dɛn tek tri de de waka na di di ɛmti ples we pɔsin nɔ go ebul tap na ɛn dɛn nɔ fɛn wata nɔn say. 23Wɛn dɛn rich na Mara, dɛn nɔ bin ebul fɔ drink di wata we de de bikɔs i bin tu bita. Dɛn gi da ples de nem Mara bikɔs in wata bin bita. 24Nain di pipul dɛn bigin grɔmbul pan Mozis se, dɛn nɔ gɛt wata fɔ drink. 25Dat mek Mozis pre traŋa wan to PAPA GƆD, dɛn PAPA GƆD sho am wan tik. Mozis tek di tik ɛn ib am na di wata, wantɛm nain di wata tɔn to frɛsh wata fɔ drink. Na da ples de PAPA GƆD gi dɛn in lɔ we dɛn fɔ fala, ɛn na di sem ples i bin tɛst dɛn fɔ si if dɛn go obe in lɔ. 26I tɛl dɛn se, “If nɔmɔ una du wetin mi PAPA GƆD we na una PAPA GƆD we no wetin rayt bifo mi yay tɛl una fɔ du; dɔn una kip ɔl mi kɔmandmɛnt ɛn ɔda lɔ dɛn, a nɔ go pɔnish una wit ɛniwan pan dɛn sik dɛn we a bin put pan di Ijipshian dɛn. Mi na PAPA GƆD, a nɔ go mek una sɔfa.” 27Di Izrɛlayt dɛn waka te rich na Ilim usay dɛn fɛn wata we bin de bɔs na twɛlv say ɔnda di grɔn. Na sɛvinti pam tri bin de na da ples de, ɛn na de dɛn bil dɛn tɛnt.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Krio Bible © The Bible Society of Sierra Leone, 2013.