Ɛksodɔs 16
16
PAPA GƆD Sɛn Mana Ɛn Kwel
1Di pipul dɛn lɛf Ilim ɛn go na di ɛmti ples we pɔsin nɔ go ebul tap na Sin we de midul Ilim ɛn Mawnt Saynay. Dis apin di de we mek fiftin na di sɛkɛn mɔnt afta we dɛn bin dɔn lɛf Ijipt. 2Di pipul dɛn bigin grɔmbul pan Mozis ɛn Erɔn se, 3i bin fɔ bɛtɛ fɔ dɛn if PAPA GƆD bin dɔn mek dɛn day na Ijipt bikɔs dɛn bin fɔ de it bɛlful, dan fɔ kam mek dɛn day wit aŋri na di di ɛmti ples we pɔsin nɔ go ebul tap na.
4Nain PAPA GƆD tɔk to Mozis, i se, “Luk ya, a de sɛn it kɔmɔt na ɛvin go dɔŋ lɛkɛ ren fɔ una; di pipul dɛn fɔ go na do ɛvride fɔ gɛda wetin dɛn fɔ it fɔ di de. Na dis go mek a no if dɛn go obe mi. 5Di de we mek siks na ɛvri wik, dɛn fɔ gɛda dɔbul wetin dɛn kin de gɛda fɔ wande ɛn mek it.” 6PAPA GƆD So Mozis ɛn Erɔn tɛl di pipul dɛn se na da ivintɛm de dɛn go pruv fɔ tru, tru se na PAPA GƆD pul dɛn kɔmɔt na Ijipt, 7bikɔs wɛn do klin dɛn go si in PAPA GƆD wɔnda, bikɔs PAPA GƆD dɔn yɛri we dɛn de grɔmbul pan am, ɛn dat di pipul dɛn nɔ luk wan tek dɛn lɛkɛ ɛni bɛtɛ mɔtalman. Nain dɛn se aftawɔds na PAPA GƆD wok dɛn de du. 8Mozis tɛl dɛn se na go gi dɛn bif fɔ it ivintɛm, ɛn bɔku bɔku bred na mɔnin we go de te i lɛf, bikɔs i dɔn yɛri we dɛn de grɔmbul pan am. I se di grɔmbul we dɛn de grɔmbul nɔto pan in di Mozis ɛn Erɔn bɔt na pan PAPA GƆD.
9Mozis tɛl Erɔn lɛ i tɛl di pipul dɛn se dɛn ɔl fɔ go tinap bifo PAPA GƆD bikɔs i dɔn yɛri dɛn kɔmplen. 10We Erɔn bin de tɔk to di pipul dɛn, dɛn tɔn dɛn ed de luk to di say we di di ɛmti ples we pɔsin nɔ go ebul tap na bin de, nain wantɛm dɛn si layt na di klawd de shayn. Na PAPA GƆD apia to dɛn so. 11Na de PAPA GƆD tɔk to Mozis. I se, 12“A dɔn yɛri bɔt di grɔmbul we di Izrɛlayt dɛn de grɔmbul. Tɛl dɛn se dɛn go de gɛt bif fɔ it ivintɛm, dɔn na mɔnin na bred dɛn go gɛt fɔ it, ɛn na dat go mek dɛn no fɔ tru, tru se mi na PAPA GƆD PAPA GƆD.” 13Wɛn ivintɛm rich, kwel#16:13 Kwel Na smɔl smɔl bɔd dɛn we dɛn de it. flay go na di kamp, ɔlɔbɔt na di kamp na soso dɛn bin de, de. Wɛn do klin bak, dyu fɔdɔm na di grɔn ɔlɔbɔt na di ples. 14Bɔt wɛn di dyu dray na di grɔn, sɔntin lɛkɛ kɔnfleks apia na di grɔn na di di ɛmti ples we pɔsin nɔ go ebul tap na.
15Wɛn di Izrɛlayt dɛn si am, dɛn bigin de aks dɛn kɔmpin wetin na da tin de, bikɔs dɛn nɔn nɔ bin no wetin i bi. Na de Mozis tɛl dɛn se na di it we PAPA GƆD provayd fɔ dɛn fɔ it. 16I tel dɛn se PAPA GƆD se ɔlman fɔ tek wetindu fɔ am, ɛn bak igen dɛn fɔ tek fo, fo paynt fɔ ɛvri mɔt we dɛn gɛt fɔ fid na dɛn os. 17Di Izrɛlayt dɛn du wetin PAPA GƆD tɛl Mozis fɔ tɛl dɛn fɔ du, sɔm tek plɛnti, sɔm tek smɔl. 18Ɛn wɛn dɛn mɛnshɔ wetin dɛn gɛda, dɛn wan we gɛda plɛnti nɔ bin gɛt pasmak, ɛn dɛn wan sɛf we gɛda smɔl, dɛnsɛf yon bin jɛs du fɔ dɛn gbɛt. Ɔlman bin gɛt wetin jɛs du fɔ dɛn. 19Mozis tɛl dɛn se nɔbɔdi nɔ fɔ lɛf wɛrɛ fɔ do klin, 20bɔt sɔm man nɔ lisin to wetin Mozis tɔk, dɛn lɛf wɛrɛ fɔ do klin; ɛn wɛn dɛn wek na mɔnin, dɛn mit ɔltin dɔn miliju dɔn i de smɛl. Dat mek Mozis vɛks pan dɛn. 21Di pipul dɛn bin de gɛda dis it ɛvri mɔnin, ɔlman bin de gɛda wetindu fɔ dɛn, ɛn wɛn di san kin dɔn tinap, wetin lɛf na grɔn kin mɛlt.
22Di de we mek siks, ɔlman bin gɛda dɔbul wetin dɛn kin gɛda, dat na et paynt fɔ wan pɔsin. Ɔl di bigman dɛn pan di Izrɛlayt dɛn go tɛl Mozis se dɛn dɔn gɛda it fɔ tu de. 23Mozis tɛl dɛn se, PAPA GƆD se di nɛks de na oli de to PAPA GƆD fɔ ɔna am ɛn fɔ blo. I se dɛn fɔ bek ɔ kuk bɔku it we go de fɔ it di nɛks de. 24So di pipul dɛn kip di it te na mɔnin lɛkɛ aw Mozis tɛl dɛn fɔ du, ɛn nɔn nɔ pwɛl miliju. 25Mozis tɛl di pipul dɛn se lɛ dɛn it di it we dɛn bin dɔn kip bikɔs da de, de na di de fɔ blo we PAPA GƆD pik, ɛn i lɛk sɛf dɛn go na do, dɛn nɔ go fɛn natin fɔ it. 26Mozis tɛl dɛn se dɛn fɔ wok fɔ siks de, de gɛda it, bɔt di de we mek sɛvin we na di de fɔ blo, wan it nɔ go de fɔ gɛda. 27Bɔt pan ɔl dat, sɔm pipul go fɔ go fɛn it da de de, bɔt dɛn nɔ fɛn natin. 28PAPA GƆD tɔk to Mozis. I se, “Wetin mek di pipul dɛn nɔ de obe mi kɔmandmɛnt ɛn mi lɔ dɛn? 29Dɛn go si se a dɔn gi dɛn wande fɔ blo, ɛn na dat mek di de we fɔ mek siks de, a kin gi dɛn it ɔltɛm we go las dɛn fɔ tu de. So di de we mek sɛvin, ɔlman fɔ de nain yon ples nɔbɔdi nɔ fɔ krɔs in domɔt.” 30Di pipul dɛnsɛf blo di de we mek sɛvin, dɛn nɔ du nɔn wok.
31Di Izrɛlayt dɛn gi di it nem “mana.” Di mana wayt lɛkɛ korianda sid. I tes lɛkɛ wefa we dɛn tek ɔni mek. 32Mozis tɛl di pipul dɛn se, PAPA GƆD se, dɛn fɔ kip sɔm pan di mana fɔ lɛ dɛn Jɛnareshɔn we nɔ bɔn yet go si am, fɔ lɛ dɛn no di kayn it we PAPA GƆD bin tek fid dɛn na di di ɛmti ples we pɔsin nɔ go ebul tap na afta we i bin dɔn pul dɛn kɔmɔt na Ijipt. 33So Mozis tɛl Erɔn mek i fɛn wan rɔba ɛn put sɔm pan di manainsay am ɛn kip am usay PAPA GƆD go de si am, fɔ lɛ dɛn jɛnareshɔn we nɔ bɔn yet go si am. 34Lɛkɛ aw PAPA GƆD tɛl Mozis nɔmɔ, na so Erɔn insɛf du. I put am bifo di Kɔvinant Bɔks fɔ lɛ i nɔ go lɔs. 35Di Izrɛlayt dɛn it mana fɔ fɔti ia te dɛn rich na di land we PAPA GƆD se dɛn fɔ go, usay dɛn go tap. 36(Wan ɔma na wan pan tɛn pat pan wan ɛfa.).
Currently Selected:
Ɛksodɔs 16: KRIO13
Highlight
Share
Copy
Want to have your highlights saved across all your devices? Sign up or sign in
Krio Bible © The Bible Society of Sierra Leone, 2013.
Ɛksodɔs 16
16
PAPA GƆD Sɛn Mana Ɛn Kwel
1Di pipul dɛn lɛf Ilim ɛn go na di ɛmti ples we pɔsin nɔ go ebul tap na Sin we de midul Ilim ɛn Mawnt Saynay. Dis apin di de we mek fiftin na di sɛkɛn mɔnt afta we dɛn bin dɔn lɛf Ijipt. 2Di pipul dɛn bigin grɔmbul pan Mozis ɛn Erɔn se, 3i bin fɔ bɛtɛ fɔ dɛn if PAPA GƆD bin dɔn mek dɛn day na Ijipt bikɔs dɛn bin fɔ de it bɛlful, dan fɔ kam mek dɛn day wit aŋri na di di ɛmti ples we pɔsin nɔ go ebul tap na.
4Nain PAPA GƆD tɔk to Mozis, i se, “Luk ya, a de sɛn it kɔmɔt na ɛvin go dɔŋ lɛkɛ ren fɔ una; di pipul dɛn fɔ go na do ɛvride fɔ gɛda wetin dɛn fɔ it fɔ di de. Na dis go mek a no if dɛn go obe mi. 5Di de we mek siks na ɛvri wik, dɛn fɔ gɛda dɔbul wetin dɛn kin de gɛda fɔ wande ɛn mek it.” 6PAPA GƆD So Mozis ɛn Erɔn tɛl di pipul dɛn se na da ivintɛm de dɛn go pruv fɔ tru, tru se na PAPA GƆD pul dɛn kɔmɔt na Ijipt, 7bikɔs wɛn do klin dɛn go si in PAPA GƆD wɔnda, bikɔs PAPA GƆD dɔn yɛri we dɛn de grɔmbul pan am, ɛn dat di pipul dɛn nɔ luk wan tek dɛn lɛkɛ ɛni bɛtɛ mɔtalman. Nain dɛn se aftawɔds na PAPA GƆD wok dɛn de du. 8Mozis tɛl dɛn se na go gi dɛn bif fɔ it ivintɛm, ɛn bɔku bɔku bred na mɔnin we go de te i lɛf, bikɔs i dɔn yɛri we dɛn de grɔmbul pan am. I se di grɔmbul we dɛn de grɔmbul nɔto pan in di Mozis ɛn Erɔn bɔt na pan PAPA GƆD.
9Mozis tɛl Erɔn lɛ i tɛl di pipul dɛn se dɛn ɔl fɔ go tinap bifo PAPA GƆD bikɔs i dɔn yɛri dɛn kɔmplen. 10We Erɔn bin de tɔk to di pipul dɛn, dɛn tɔn dɛn ed de luk to di say we di di ɛmti ples we pɔsin nɔ go ebul tap na bin de, nain wantɛm dɛn si layt na di klawd de shayn. Na PAPA GƆD apia to dɛn so. 11Na de PAPA GƆD tɔk to Mozis. I se, 12“A dɔn yɛri bɔt di grɔmbul we di Izrɛlayt dɛn de grɔmbul. Tɛl dɛn se dɛn go de gɛt bif fɔ it ivintɛm, dɔn na mɔnin na bred dɛn go gɛt fɔ it, ɛn na dat go mek dɛn no fɔ tru, tru se mi na PAPA GƆD PAPA GƆD.” 13Wɛn ivintɛm rich, kwel#16:13 Kwel Na smɔl smɔl bɔd dɛn we dɛn de it. flay go na di kamp, ɔlɔbɔt na di kamp na soso dɛn bin de, de. Wɛn do klin bak, dyu fɔdɔm na di grɔn ɔlɔbɔt na di ples. 14Bɔt wɛn di dyu dray na di grɔn, sɔntin lɛkɛ kɔnfleks apia na di grɔn na di di ɛmti ples we pɔsin nɔ go ebul tap na.
15Wɛn di Izrɛlayt dɛn si am, dɛn bigin de aks dɛn kɔmpin wetin na da tin de, bikɔs dɛn nɔn nɔ bin no wetin i bi. Na de Mozis tɛl dɛn se na di it we PAPA GƆD provayd fɔ dɛn fɔ it. 16I tel dɛn se PAPA GƆD se ɔlman fɔ tek wetindu fɔ am, ɛn bak igen dɛn fɔ tek fo, fo paynt fɔ ɛvri mɔt we dɛn gɛt fɔ fid na dɛn os. 17Di Izrɛlayt dɛn du wetin PAPA GƆD tɛl Mozis fɔ tɛl dɛn fɔ du, sɔm tek plɛnti, sɔm tek smɔl. 18Ɛn wɛn dɛn mɛnshɔ wetin dɛn gɛda, dɛn wan we gɛda plɛnti nɔ bin gɛt pasmak, ɛn dɛn wan sɛf we gɛda smɔl, dɛnsɛf yon bin jɛs du fɔ dɛn gbɛt. Ɔlman bin gɛt wetin jɛs du fɔ dɛn. 19Mozis tɛl dɛn se nɔbɔdi nɔ fɔ lɛf wɛrɛ fɔ do klin, 20bɔt sɔm man nɔ lisin to wetin Mozis tɔk, dɛn lɛf wɛrɛ fɔ do klin; ɛn wɛn dɛn wek na mɔnin, dɛn mit ɔltin dɔn miliju dɔn i de smɛl. Dat mek Mozis vɛks pan dɛn. 21Di pipul dɛn bin de gɛda dis it ɛvri mɔnin, ɔlman bin de gɛda wetindu fɔ dɛn, ɛn wɛn di san kin dɔn tinap, wetin lɛf na grɔn kin mɛlt.
22Di de we mek siks, ɔlman bin gɛda dɔbul wetin dɛn kin gɛda, dat na et paynt fɔ wan pɔsin. Ɔl di bigman dɛn pan di Izrɛlayt dɛn go tɛl Mozis se dɛn dɔn gɛda it fɔ tu de. 23Mozis tɛl dɛn se, PAPA GƆD se di nɛks de na oli de to PAPA GƆD fɔ ɔna am ɛn fɔ blo. I se dɛn fɔ bek ɔ kuk bɔku it we go de fɔ it di nɛks de. 24So di pipul dɛn kip di it te na mɔnin lɛkɛ aw Mozis tɛl dɛn fɔ du, ɛn nɔn nɔ pwɛl miliju. 25Mozis tɛl di pipul dɛn se lɛ dɛn it di it we dɛn bin dɔn kip bikɔs da de, de na di de fɔ blo we PAPA GƆD pik, ɛn i lɛk sɛf dɛn go na do, dɛn nɔ go fɛn natin fɔ it. 26Mozis tɛl dɛn se dɛn fɔ wok fɔ siks de, de gɛda it, bɔt di de we mek sɛvin we na di de fɔ blo, wan it nɔ go de fɔ gɛda. 27Bɔt pan ɔl dat, sɔm pipul go fɔ go fɛn it da de de, bɔt dɛn nɔ fɛn natin. 28PAPA GƆD tɔk to Mozis. I se, “Wetin mek di pipul dɛn nɔ de obe mi kɔmandmɛnt ɛn mi lɔ dɛn? 29Dɛn go si se a dɔn gi dɛn wande fɔ blo, ɛn na dat mek di de we fɔ mek siks de, a kin gi dɛn it ɔltɛm we go las dɛn fɔ tu de. So di de we mek sɛvin, ɔlman fɔ de nain yon ples nɔbɔdi nɔ fɔ krɔs in domɔt.” 30Di pipul dɛnsɛf blo di de we mek sɛvin, dɛn nɔ du nɔn wok.
31Di Izrɛlayt dɛn gi di it nem “mana.” Di mana wayt lɛkɛ korianda sid. I tes lɛkɛ wefa we dɛn tek ɔni mek. 32Mozis tɛl di pipul dɛn se, PAPA GƆD se, dɛn fɔ kip sɔm pan di mana fɔ lɛ dɛn Jɛnareshɔn we nɔ bɔn yet go si am, fɔ lɛ dɛn no di kayn it we PAPA GƆD bin tek fid dɛn na di di ɛmti ples we pɔsin nɔ go ebul tap na afta we i bin dɔn pul dɛn kɔmɔt na Ijipt. 33So Mozis tɛl Erɔn mek i fɛn wan rɔba ɛn put sɔm pan di manainsay am ɛn kip am usay PAPA GƆD go de si am, fɔ lɛ dɛn jɛnareshɔn we nɔ bɔn yet go si am. 34Lɛkɛ aw PAPA GƆD tɛl Mozis nɔmɔ, na so Erɔn insɛf du. I put am bifo di Kɔvinant Bɔks fɔ lɛ i nɔ go lɔs. 35Di Izrɛlayt dɛn it mana fɔ fɔti ia te dɛn rich na di land we PAPA GƆD se dɛn fɔ go, usay dɛn go tap. 36(Wan ɔma na wan pan tɛn pat pan wan ɛfa.).
Currently Selected:
:
Highlight
Share
Copy
Want to have your highlights saved across all your devices? Sign up or sign in
Krio Bible © The Bible Society of Sierra Leone, 2013.