Ɛksodɔs 17
17
Wata Bɔs Na Di Rɔk
(Di Nɔmba Dɛm 20:1-13)
1Ɔl di Izrɛlayt pipul dɛn lɛf di ɛmti ples we pɔsin nɔ go ebul tap na Sin, de muf, te dɛn rich Refidim usay dɛn bil dɛn tɛnt. Na PAPA GƆD bin tɛl dɛn fɔ de muf, muf. Wɛn dɛn rich de wan wata nɔ bin de de fɔ drink. 2Nain di pipul dɛn bigin grɔmbul bak pan Mozis se i fɔ gi dɛn wata fɔ drink
Mozis aks dɛn wetin mek dɛn de fɛn fɔlt pan am. I aks dɛn bak if dɛn want fɔ tɛst PAPA GƆD in Pawa.
3Di tɔsti so mɔna dɛn dat dɛn bigin fɔ grɔmbul pan Mozis ɛn aks am wetin mek i pul dɛn kɔmɔt na Ijipt. Dɛn se if i want mek dɛn ɛn dɛn pikin dɛn wit dɛn animal dɛn day, wit tɔsti.
4So Mozis insɛf pre to PAPA GƆD ɛn tɛl am se in nɔ no wetin fɔ du wit di pipul dɛn bikɔs dɛn wan ston am fɔ kil am.
5PAPA GƆD ansa Mozis. I se, “Tek sɔm pan di bigman dɛn ɛn waka go bifo. Ol di tik we yu bin tek nak Riva Nayl na yu an ɛn go. 6A go tinap bifo yu pantap wan rɔk na Mawnt Ɔrɛb. Tek di tik nak di rɔk, dɛn wata go bɔs kɔmɔt pan am fɔ lɛ di pipul dɛn go drink.” Mozis du wetin PAPA GƆD tɛl am bifo di bigman dɛn na Izrɛl dɛn yay.
7Mozis gi da ples de nem “Masa”#17:7 Masa Na Ibru, i min ‘fɔ pruv’ ɔ ‘fɔ tɛst. ɛn “Mɛriba”#17:7 Mɛriba Na Ibru i min ‘fɔ agyu’ ɔ ‘fɔ kɔmplen.’ bikɔs, na de di Izrɛlayt dɛn bin de kɔmplen ɛn tray fɔ pruv PAPA GƆD in pawa we dɛn se dɛn want no if PAPA GƆD de wit dɛn ɔ if i nɔ de.
Di Izrɛlayt Ɛn Di Amalɛkayt Dɛn Fɛt
8Di Amalɛkayt dɛn go atak di Izrɛlayt dɛn na Refidim. 9So Mozis tɛl Jɔshwa se lɛ i pik man dɛn we go fɛt di Amalɛkayt dɛn. I se di nɛks de, in go tinap pantap di il wit di tik we PAPA GƆD bin tɛl am se i fɔ ol nain an.
10Jɔshwa insɛf du wetin Mozis tɛl am fɔ du ɛn fɛt di Amalɛkayt dɛn. We dɛn de fɛt fɛt, Mozis, Erɔn ɛn ɔ dɛn go tinap ɔp di il. 11Ɛnitɛm nɔmɔ we Mozis es in an ɔp, di Izrɛlayt dɛn kin win di fɛt, ɛn wɛn i put in an dɔŋ, na di Amalɛkayt dɛn kin de win. 12Mozis in an bigin taya, so, Erɔn ɛn Ɔ fɛn wan ston ɛn mek i sidɔm pan am, dɔn wan tinap nain lɛf ɛn wan tinap nain rayt ɛn ol in an dɛn tret ɔp sote di san go dɔŋ. 13Na so Jɔshwa tek in sɔd fɛt di Amalɛkayt dɛn.
14Dɛn, PAPA GƆD tɛl Mozis mek i rayt ɔl wetin apin na skrol#17:14 Skrol Lɔŋ pepa we dɛn bin de rayt pan ɛn rol am. we dɛn go de mɛmba, ɛn mek shɔ se Jɔshwa yɛri wetin i se, bikɔs i go pul di Amalɛkayt dɛn kpatakpata kɔmɔt na di wɔl. 15Mozis bil ɔlta na da ples de ɛn gi di ɔlta nem “Jiova Nisi.”#17:15 Jiova Nisi Na “PAPA GƆD gi am viktri.” 16I tɔk bak igen se, “Es PAPA GƆD in bana ɔp. PAPA GƆD go fɛt di Amalɛkayt dɛn sote go.”
Currently Selected:
Ɛksodɔs 17: KRIO13
Highlight
Share
Copy
Want to have your highlights saved across all your devices? Sign up or sign in
Krio Bible © The Bible Society of Sierra Leone, 2013.
Ɛksodɔs 17
17
Wata Bɔs Na Di Rɔk
(Di Nɔmba Dɛm 20:1-13)
1Ɔl di Izrɛlayt pipul dɛn lɛf di ɛmti ples we pɔsin nɔ go ebul tap na Sin, de muf, te dɛn rich Refidim usay dɛn bil dɛn tɛnt. Na PAPA GƆD bin tɛl dɛn fɔ de muf, muf. Wɛn dɛn rich de wan wata nɔ bin de de fɔ drink. 2Nain di pipul dɛn bigin grɔmbul bak pan Mozis se i fɔ gi dɛn wata fɔ drink
Mozis aks dɛn wetin mek dɛn de fɛn fɔlt pan am. I aks dɛn bak if dɛn want fɔ tɛst PAPA GƆD in Pawa.
3Di tɔsti so mɔna dɛn dat dɛn bigin fɔ grɔmbul pan Mozis ɛn aks am wetin mek i pul dɛn kɔmɔt na Ijipt. Dɛn se if i want mek dɛn ɛn dɛn pikin dɛn wit dɛn animal dɛn day, wit tɔsti.
4So Mozis insɛf pre to PAPA GƆD ɛn tɛl am se in nɔ no wetin fɔ du wit di pipul dɛn bikɔs dɛn wan ston am fɔ kil am.
5PAPA GƆD ansa Mozis. I se, “Tek sɔm pan di bigman dɛn ɛn waka go bifo. Ol di tik we yu bin tek nak Riva Nayl na yu an ɛn go. 6A go tinap bifo yu pantap wan rɔk na Mawnt Ɔrɛb. Tek di tik nak di rɔk, dɛn wata go bɔs kɔmɔt pan am fɔ lɛ di pipul dɛn go drink.” Mozis du wetin PAPA GƆD tɛl am bifo di bigman dɛn na Izrɛl dɛn yay.
7Mozis gi da ples de nem “Masa”#17:7 Masa Na Ibru, i min ‘fɔ pruv’ ɔ ‘fɔ tɛst. ɛn “Mɛriba”#17:7 Mɛriba Na Ibru i min ‘fɔ agyu’ ɔ ‘fɔ kɔmplen.’ bikɔs, na de di Izrɛlayt dɛn bin de kɔmplen ɛn tray fɔ pruv PAPA GƆD in pawa we dɛn se dɛn want no if PAPA GƆD de wit dɛn ɔ if i nɔ de.
Di Izrɛlayt Ɛn Di Amalɛkayt Dɛn Fɛt
8Di Amalɛkayt dɛn go atak di Izrɛlayt dɛn na Refidim. 9So Mozis tɛl Jɔshwa se lɛ i pik man dɛn we go fɛt di Amalɛkayt dɛn. I se di nɛks de, in go tinap pantap di il wit di tik we PAPA GƆD bin tɛl am se i fɔ ol nain an.
10Jɔshwa insɛf du wetin Mozis tɛl am fɔ du ɛn fɛt di Amalɛkayt dɛn. We dɛn de fɛt fɛt, Mozis, Erɔn ɛn ɔ dɛn go tinap ɔp di il. 11Ɛnitɛm nɔmɔ we Mozis es in an ɔp, di Izrɛlayt dɛn kin win di fɛt, ɛn wɛn i put in an dɔŋ, na di Amalɛkayt dɛn kin de win. 12Mozis in an bigin taya, so, Erɔn ɛn Ɔ fɛn wan ston ɛn mek i sidɔm pan am, dɔn wan tinap nain lɛf ɛn wan tinap nain rayt ɛn ol in an dɛn tret ɔp sote di san go dɔŋ. 13Na so Jɔshwa tek in sɔd fɛt di Amalɛkayt dɛn.
14Dɛn, PAPA GƆD tɛl Mozis mek i rayt ɔl wetin apin na skrol#17:14 Skrol Lɔŋ pepa we dɛn bin de rayt pan ɛn rol am. we dɛn go de mɛmba, ɛn mek shɔ se Jɔshwa yɛri wetin i se, bikɔs i go pul di Amalɛkayt dɛn kpatakpata kɔmɔt na di wɔl. 15Mozis bil ɔlta na da ples de ɛn gi di ɔlta nem “Jiova Nisi.”#17:15 Jiova Nisi Na “PAPA GƆD gi am viktri.” 16I tɔk bak igen se, “Es PAPA GƆD in bana ɔp. PAPA GƆD go fɛt di Amalɛkayt dɛn sote go.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Krio Bible © The Bible Society of Sierra Leone, 2013.