Ɛksodɔs 20
20
Di Tɛn Kɔmandmɛnt
(Ditarɔnɔmi 5:1-21)
1PAPA GƆD tɔk ɔl dɛn wɔd ya. I se, 2“Mi na PAPA GƆD, di PAPA GƆD we una fɔ wɔship we pul una kɔmɔt na Ijipt usay una na bin de as slev.
3Una nɔ fɔ wɔship nɔn ɔda gɔd, pas mi.
4“Una nɔ fɔ mek nɔn aydɔl,#20:4 Aydɔl Na sɔntin we dɛn kin mek fɔ wɔship as gɔd we nɔto di tru tru GƆD. ɔ ɛnitin we fiba sɔntin ɔp na ɛvin, ɔ dɔŋ na di wɔl, ɔ tin we de ɔnda wata ɔ ɔnda di grɔn. 5Una nɔ fɔ butu to ɛni lay lay gɔd fɔ wɔship am bikɔs mi GƆD we na una PAPA GƆD, a nɔ want wan rayval. A kin mek pikin, grampikin, gret ɛn gret gret grampikin dɛn sɔfa fɔ dɛn papa dɛn sin fɔ we dɛn et mi; 6bɔt a kin sho gudnɛs to tawzin, tawzin jɛnareshɔn dɛn we lɛk mi ɛn go akɔdin to mi kɔmandmɛnt.
7“Una nɔ fɔ tek PAPA GƆD we na una GƆD in nem mek ple ple bikɔs PAPA GƆD nɔ go tek am layt wit ɛnibɔdi we tek in nem mek ple ple.
8“Una mɛmba di de fɔ pre ɛn blo ɛn kip am oli. 9Una gɛt siks de fɔ du ɔl una wok, bɔt di de we mek Sɛvin, 10na di de we fɔ pre ɛn blo, dat na PAPA GƆD in yon de. Una nɔ fɔ du nɔn wok da de de, una-o, una bɔypikin dɛn o, una gyal pikin dɛn o, una wokman ɛn wokuman dɛn o, una animal dɛn o, ɛn di fɔrina dɛnsɛf we de na una kɔntri nɔ fɔ du nɔn wok. 11Na siks de PAPA GƆD tek fɔ mek ɛvin ɛn ath, di si ɛn ɔl wetin de insay de, bɔt i blo di de we mek sɛvin. So PAPA GƆD insɛf blɛs da de de, ɛn mek am oli.
12“Una fɔ rɛspɛkt una papa ɛn una mama fɔ lɛ una go gɛt lɔŋ layf na di land we PAPA GƆD we una PAPA GƆD go gi una.
13“Una nɔ fɔ kil ɛnibɔdi.
14Una nɔ fɔ kip una kɔmpin in wɛf ɔ in man.
15Una nɔ fɔ tif.
16Una nɔ fɔ lay pan una kɔmpin.
17Una nɔ fɔ milɛ una kɔmpin in os, una nɔ fɔ milɛ una kɔmpin in wɛf, una nɔ milɛ ɛni man ɔ uman we de wok fɔ una kɔmpin ɔ in kaw, in dɔŋki ɔ ɛnitin we blant am.”
Fred Kech Di Pipul Dɛn
(Ditarɔnɔmi 5:22-23)
18Naw, wɛn di pipul dɛn yɛri di tɛnda ɛn di trɔmpɛt ɛn si di laytin ɛn di smok na di mawnten, dɛn fred ɛn bigin trimbul, so dɛn muf kɔmɔt usay dɛn bin de go fawe lilibit. 19Dɔn dɛn tɛl Mozis se dɛn prifa fɔ lɛ in tɔk to dɛn bikɔs dɛn go yɛri, bɔt if PAPA GƆD tɔk, dɛn go day. 20Mozis tɛl di pipul dɛn se lɛ dɛn nɔ fred. I se PAPA GƆD jɛs kam dɔŋ fɔ tɛst dɛn fɔ lɛ dɛn go de obe ɛn fred am fɔ lɛ dɛn nɔ go du bad. 21Di pipul dɛn tinap fawe, dɔn Mozis in go usay di tik, tik klawd de fɔ go mit PAPA GƆD.
Aw Fɔ Bil Ɔlta
22PAPA GƆD tɔk to Mozis. I se, “Tɛl di Izrɛlayt dɛn se dɛn dɔn si fɔ dɛnsɛf se a de na ɛvin we a tɔk wit dɛn. 23Dɛn nɔ fɔ tek silva mek gɔd ɛn se mi ɛn in na di sem. Dɛn nɔ fɔ tek gold sɛf mek gɔd. 24Una bil ɔlta wit dɔti blɔk ɛn na pantap de una fɔ bɔn animal as sakrifays ɛn mek sakrifays to mi wit una ship ɛn ɔda animal dɛn. Ɛnisay we a pik se na de una fɔ wɔship mi, na de a go blɛs una. 25If na ston una de tek bil di ɔlta, una nɔ fɔ yuz chisul fɔ kɔt di ston bikɔs if una du so una go mek di ston nɔ fit fɔ yuz fɔ wɔship mi. 26Una nɔ fɔ bil stɛp fɔ go ɔp na mi ɔlta bikɔs if una du dat una nekɛdnɛs go sho wɛn una de go ɔp di stɛp.”
Currently Selected:
Ɛksodɔs 20: KRIO13
Highlight
Share
Copy
Want to have your highlights saved across all your devices? Sign up or sign in
Krio Bible © The Bible Society of Sierra Leone, 2013.
Ɛksodɔs 20
20
Di Tɛn Kɔmandmɛnt
(Ditarɔnɔmi 5:1-21)
1PAPA GƆD tɔk ɔl dɛn wɔd ya. I se, 2“Mi na PAPA GƆD, di PAPA GƆD we una fɔ wɔship we pul una kɔmɔt na Ijipt usay una na bin de as slev.
3Una nɔ fɔ wɔship nɔn ɔda gɔd, pas mi.
4“Una nɔ fɔ mek nɔn aydɔl,#20:4 Aydɔl Na sɔntin we dɛn kin mek fɔ wɔship as gɔd we nɔto di tru tru GƆD. ɔ ɛnitin we fiba sɔntin ɔp na ɛvin, ɔ dɔŋ na di wɔl, ɔ tin we de ɔnda wata ɔ ɔnda di grɔn. 5Una nɔ fɔ butu to ɛni lay lay gɔd fɔ wɔship am bikɔs mi GƆD we na una PAPA GƆD, a nɔ want wan rayval. A kin mek pikin, grampikin, gret ɛn gret gret grampikin dɛn sɔfa fɔ dɛn papa dɛn sin fɔ we dɛn et mi; 6bɔt a kin sho gudnɛs to tawzin, tawzin jɛnareshɔn dɛn we lɛk mi ɛn go akɔdin to mi kɔmandmɛnt.
7“Una nɔ fɔ tek PAPA GƆD we na una GƆD in nem mek ple ple bikɔs PAPA GƆD nɔ go tek am layt wit ɛnibɔdi we tek in nem mek ple ple.
8“Una mɛmba di de fɔ pre ɛn blo ɛn kip am oli. 9Una gɛt siks de fɔ du ɔl una wok, bɔt di de we mek Sɛvin, 10na di de we fɔ pre ɛn blo, dat na PAPA GƆD in yon de. Una nɔ fɔ du nɔn wok da de de, una-o, una bɔypikin dɛn o, una gyal pikin dɛn o, una wokman ɛn wokuman dɛn o, una animal dɛn o, ɛn di fɔrina dɛnsɛf we de na una kɔntri nɔ fɔ du nɔn wok. 11Na siks de PAPA GƆD tek fɔ mek ɛvin ɛn ath, di si ɛn ɔl wetin de insay de, bɔt i blo di de we mek sɛvin. So PAPA GƆD insɛf blɛs da de de, ɛn mek am oli.
12“Una fɔ rɛspɛkt una papa ɛn una mama fɔ lɛ una go gɛt lɔŋ layf na di land we PAPA GƆD we una PAPA GƆD go gi una.
13“Una nɔ fɔ kil ɛnibɔdi.
14Una nɔ fɔ kip una kɔmpin in wɛf ɔ in man.
15Una nɔ fɔ tif.
16Una nɔ fɔ lay pan una kɔmpin.
17Una nɔ fɔ milɛ una kɔmpin in os, una nɔ fɔ milɛ una kɔmpin in wɛf, una nɔ milɛ ɛni man ɔ uman we de wok fɔ una kɔmpin ɔ in kaw, in dɔŋki ɔ ɛnitin we blant am.”
Fred Kech Di Pipul Dɛn
(Ditarɔnɔmi 5:22-23)
18Naw, wɛn di pipul dɛn yɛri di tɛnda ɛn di trɔmpɛt ɛn si di laytin ɛn di smok na di mawnten, dɛn fred ɛn bigin trimbul, so dɛn muf kɔmɔt usay dɛn bin de go fawe lilibit. 19Dɔn dɛn tɛl Mozis se dɛn prifa fɔ lɛ in tɔk to dɛn bikɔs dɛn go yɛri, bɔt if PAPA GƆD tɔk, dɛn go day. 20Mozis tɛl di pipul dɛn se lɛ dɛn nɔ fred. I se PAPA GƆD jɛs kam dɔŋ fɔ tɛst dɛn fɔ lɛ dɛn go de obe ɛn fred am fɔ lɛ dɛn nɔ go du bad. 21Di pipul dɛn tinap fawe, dɔn Mozis in go usay di tik, tik klawd de fɔ go mit PAPA GƆD.
Aw Fɔ Bil Ɔlta
22PAPA GƆD tɔk to Mozis. I se, “Tɛl di Izrɛlayt dɛn se dɛn dɔn si fɔ dɛnsɛf se a de na ɛvin we a tɔk wit dɛn. 23Dɛn nɔ fɔ tek silva mek gɔd ɛn se mi ɛn in na di sem. Dɛn nɔ fɔ tek gold sɛf mek gɔd. 24Una bil ɔlta wit dɔti blɔk ɛn na pantap de una fɔ bɔn animal as sakrifays ɛn mek sakrifays to mi wit una ship ɛn ɔda animal dɛn. Ɛnisay we a pik se na de una fɔ wɔship mi, na de a go blɛs una. 25If na ston una de tek bil di ɔlta, una nɔ fɔ yuz chisul fɔ kɔt di ston bikɔs if una du so una go mek di ston nɔ fit fɔ yuz fɔ wɔship mi. 26Una nɔ fɔ bil stɛp fɔ go ɔp na mi ɔlta bikɔs if una du dat una nekɛdnɛs go sho wɛn una de go ɔp di stɛp.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Krio Bible © The Bible Society of Sierra Leone, 2013.