Ɛksodɔs 3
3
PAPA GƆD Kɔl Mozis Fɔ Sɛn Am
1Mozis bin de mɛn in fadɛnlɔ we bin nem Jɛthro in ship ɛn got dɛn. Jɛthro na man we bin de mek sakrifays fɔ pipul sin na Midian. Wande, Mozis bin kɛr di ship ɛn got dɛn go insay di ples we pɔsin nɔ go ebul tap te rich Mawnt Ɔrɛb, we na we PAPA GƆD in mawnten. 2Na da ples de, PAPA GƆD in enjɛl apia to am na wan big faya we bin de kech pan wan smɔl tik, bɔt di tik nɔ bin de bɔn. Mozis sɔprayz fɔ si tin lɛk dat. 3Na de Mozis tɔk nain at se in fɔ luk gud fɔ si aw faya de kech tik we di tik nɔ de bɔn.
4We PAPA GƆD si se Mozis dɔn kam nia di tik we dɔn kech faya i kɔl am, “Mozis, Mozis.” Di vɔys bin kɔmɔt usay di tik dɔn kech faya. Mozis ansa se, “Luk mi!”
5PAPA GƆD tɛl Mozis se, “Jɛs tap usay yu de, ɛn pul yu sandals kɔmɔt na yu fut bikɔs di ples we yu tinap so oli.” 6I se, “Mi na di PAPA GƆD we yu fɔstɛm-papa dɛn we na Ebraam, Ayzak ɛn Jekɔb, bin de wɔship.” We Mozis yɛri dis, i tek in an kɔba in fes bikɔs i bin de fred fɔ luk PAPA GƆD.
7Na de PAPA GƆD tɛl am se, “A dɔn si aw mi pipul dɛn de sɔfa na Ijipt. A dɔn yɛri we dɛn de kray fɔ kɔmɔt ɔnda dɛn slev masta dɛn ɛn a bisin bɔt wetin de apin to dɛn. A no ɔl bɔt aw dɛn de sɔfa. 8So a dɔn disayd fɔ pul dɛn kɔmɔt na di Ijipshian dɛn an ɛn kɛr dɛn go na dɛn yon land we gud ɛn big. Dis na land we fayn fɔ plant ɛn fɔ mɛn animal dɛn. Na dis land dɛn Kenanayt, Itayt, Amɔrayt, Pɛrizayt, Ivayt ɛn Jɛbyusayt dɛn tap. 9A dɔn yɛri we di Izrɛlayt dɛn de kray ɛn a dɔn si aw di Ijipshian dɛn de du dɛn bad. 10A de sɛn yu go naw to di kiŋ fɔ go pul mi pipul dɛn we na di Izrɛlayt dɛn kɔmɔt na Ijipt.”
11Mozis aks PAPA GƆD se udat nain fɔ go tinap bifo di kiŋ ɛn pul di Izrɛlayt dɛn kɔmɔt na Ijipt.
12Na de PAPA GƆD se, “A go de wit yu, ɛn fɔ sho se na mi sɛn yu we yu pul di Izrɛlayt dɛn kɔmɔt Ijipt, na dis mawnten una ɔl go kam wɔship mi.”
13Nain Mozis tɔk bak se, if in go to di Izrɛlayt dɛn ɛn tɛl dɛn se di PAPA GƆD we dɛn papa dɛn bin de wɔship sɛn am to dɛn nɔ go biliv am, ɛn if dɛn aks am se, ‘wetin nain nem,’ wetin in fɔ ansa dɛn se.
14PAPA GƆD ansa am se, “NA MI NA UDAT A BI.” Na dat yu fɔ tɛl di Izrɛlayt dɛn. Se na NA MI sɛn yu to dɛn.” 15PAPA GƆD tɔk bak se, “Tɛl di Izrɛlayt dɛn se, na PAPA GƆD we una fɔstɛm-papa dɛn dat na di PAPA GƆD we Ebraam, Ayzak ɛn Jekɔb bin de wɔship sɛn yu to dɛn. Na mi nem dis sote go. Na dis nem ya ɔl di jɛnareshɔn dɛn go de yuz fɔ kɔl mi.”
16“Go gɛda ɔl di lida dɛn na Izrɛl ɛn tɛl dɛn se, ‘mi PAPA GƆD we na di PAPA GƆD we dɛn fɔstɛm-papa dɛn dat na Ebraam, Ayzak ɛn Jekɔb, bin de wɔship apia to yu ɛn tɛl yu se, a dɔn de wach dɛn, ɛn a dɔn si ɔl wetin de apin to dɛn na Ijipt 17ɛn a prɔmis fɔ pul dɛn kɔmɔt na Ijipt usay dɛn de sɔfa ɛn kɛr dɛn go na di land usay dɛn Kenanayt, dɛn Itayt, dɛn Amɔrayt, dɛn Pɛrizayt, dɛn Ivayt ɛn dɛn Jɛbyusayt dɛn de. Da land de na land we fayn fɔ plant, ɛn fɔ mɛn animal dɛn.
18Di Izrɛlayt lida dɛn go biliv wetin yu se, ɛn una ɔl go go to di kiŋ na Ijipt ɛn tɛl am se, PAPA GƆD we na di PAPA GƆD we di Ibru pipul dɛn de wɔship apia to una ɛn tɛl una se una fɔ travul fɔ tri de go patrol na di ples we pɔsin nɔ go ebul tap fɔ go ɔfa sakrifays to am. 19A no se di kiŋ na Ijipt nɔ go gri fɔ mek una go pas a fos am. 20A go pafɔm wɔnda na Ijipt we go mek dɛn go lɛf una fɔ go. 21A go mek shɔ se di Ijipshian dɛn majiji fɔ mek una go, so dɛn nɔ go lɛf una fɔ go ɛmti an. 22Ɔl di uman dɛn fɔ aks dɛn neba ɛn di ɔda Ijipshian uman dɛn na dɛn os fɔ tin dɛn we dɛn mek wit silva gold, ɛn fɔ fayn klos we una go gi una bɔy ɛn gyal pikin dɛn fɔ wɛr. Na so una go tek kɛr di Ijipshian dɛn jɛntri go.”
Currently Selected:
Ɛksodɔs 3: KRIO13
Highlight
Share
Copy
Want to have your highlights saved across all your devices? Sign up or sign in
Krio Bible © The Bible Society of Sierra Leone, 2013.
Ɛksodɔs 3
3
PAPA GƆD Kɔl Mozis Fɔ Sɛn Am
1Mozis bin de mɛn in fadɛnlɔ we bin nem Jɛthro in ship ɛn got dɛn. Jɛthro na man we bin de mek sakrifays fɔ pipul sin na Midian. Wande, Mozis bin kɛr di ship ɛn got dɛn go insay di ples we pɔsin nɔ go ebul tap te rich Mawnt Ɔrɛb, we na we PAPA GƆD in mawnten. 2Na da ples de, PAPA GƆD in enjɛl apia to am na wan big faya we bin de kech pan wan smɔl tik, bɔt di tik nɔ bin de bɔn. Mozis sɔprayz fɔ si tin lɛk dat. 3Na de Mozis tɔk nain at se in fɔ luk gud fɔ si aw faya de kech tik we di tik nɔ de bɔn.
4We PAPA GƆD si se Mozis dɔn kam nia di tik we dɔn kech faya i kɔl am, “Mozis, Mozis.” Di vɔys bin kɔmɔt usay di tik dɔn kech faya. Mozis ansa se, “Luk mi!”
5PAPA GƆD tɛl Mozis se, “Jɛs tap usay yu de, ɛn pul yu sandals kɔmɔt na yu fut bikɔs di ples we yu tinap so oli.” 6I se, “Mi na di PAPA GƆD we yu fɔstɛm-papa dɛn we na Ebraam, Ayzak ɛn Jekɔb, bin de wɔship.” We Mozis yɛri dis, i tek in an kɔba in fes bikɔs i bin de fred fɔ luk PAPA GƆD.
7Na de PAPA GƆD tɛl am se, “A dɔn si aw mi pipul dɛn de sɔfa na Ijipt. A dɔn yɛri we dɛn de kray fɔ kɔmɔt ɔnda dɛn slev masta dɛn ɛn a bisin bɔt wetin de apin to dɛn. A no ɔl bɔt aw dɛn de sɔfa. 8So a dɔn disayd fɔ pul dɛn kɔmɔt na di Ijipshian dɛn an ɛn kɛr dɛn go na dɛn yon land we gud ɛn big. Dis na land we fayn fɔ plant ɛn fɔ mɛn animal dɛn. Na dis land dɛn Kenanayt, Itayt, Amɔrayt, Pɛrizayt, Ivayt ɛn Jɛbyusayt dɛn tap. 9A dɔn yɛri we di Izrɛlayt dɛn de kray ɛn a dɔn si aw di Ijipshian dɛn de du dɛn bad. 10A de sɛn yu go naw to di kiŋ fɔ go pul mi pipul dɛn we na di Izrɛlayt dɛn kɔmɔt na Ijipt.”
11Mozis aks PAPA GƆD se udat nain fɔ go tinap bifo di kiŋ ɛn pul di Izrɛlayt dɛn kɔmɔt na Ijipt.
12Na de PAPA GƆD se, “A go de wit yu, ɛn fɔ sho se na mi sɛn yu we yu pul di Izrɛlayt dɛn kɔmɔt Ijipt, na dis mawnten una ɔl go kam wɔship mi.”
13Nain Mozis tɔk bak se, if in go to di Izrɛlayt dɛn ɛn tɛl dɛn se di PAPA GƆD we dɛn papa dɛn bin de wɔship sɛn am to dɛn nɔ go biliv am, ɛn if dɛn aks am se, ‘wetin nain nem,’ wetin in fɔ ansa dɛn se.
14PAPA GƆD ansa am se, “NA MI NA UDAT A BI.” Na dat yu fɔ tɛl di Izrɛlayt dɛn. Se na NA MI sɛn yu to dɛn.” 15PAPA GƆD tɔk bak se, “Tɛl di Izrɛlayt dɛn se, na PAPA GƆD we una fɔstɛm-papa dɛn dat na di PAPA GƆD we Ebraam, Ayzak ɛn Jekɔb bin de wɔship sɛn yu to dɛn. Na mi nem dis sote go. Na dis nem ya ɔl di jɛnareshɔn dɛn go de yuz fɔ kɔl mi.”
16“Go gɛda ɔl di lida dɛn na Izrɛl ɛn tɛl dɛn se, ‘mi PAPA GƆD we na di PAPA GƆD we dɛn fɔstɛm-papa dɛn dat na Ebraam, Ayzak ɛn Jekɔb, bin de wɔship apia to yu ɛn tɛl yu se, a dɔn de wach dɛn, ɛn a dɔn si ɔl wetin de apin to dɛn na Ijipt 17ɛn a prɔmis fɔ pul dɛn kɔmɔt na Ijipt usay dɛn de sɔfa ɛn kɛr dɛn go na di land usay dɛn Kenanayt, dɛn Itayt, dɛn Amɔrayt, dɛn Pɛrizayt, dɛn Ivayt ɛn dɛn Jɛbyusayt dɛn de. Da land de na land we fayn fɔ plant, ɛn fɔ mɛn animal dɛn.
18Di Izrɛlayt lida dɛn go biliv wetin yu se, ɛn una ɔl go go to di kiŋ na Ijipt ɛn tɛl am se, PAPA GƆD we na di PAPA GƆD we di Ibru pipul dɛn de wɔship apia to una ɛn tɛl una se una fɔ travul fɔ tri de go patrol na di ples we pɔsin nɔ go ebul tap fɔ go ɔfa sakrifays to am. 19A no se di kiŋ na Ijipt nɔ go gri fɔ mek una go pas a fos am. 20A go pafɔm wɔnda na Ijipt we go mek dɛn go lɛf una fɔ go. 21A go mek shɔ se di Ijipshian dɛn majiji fɔ mek una go, so dɛn nɔ go lɛf una fɔ go ɛmti an. 22Ɔl di uman dɛn fɔ aks dɛn neba ɛn di ɔda Ijipshian uman dɛn na dɛn os fɔ tin dɛn we dɛn mek wit silva gold, ɛn fɔ fayn klos we una go gi una bɔy ɛn gyal pikin dɛn fɔ wɛr. Na so una go tek kɛr di Ijipshian dɛn jɛntri go.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Krio Bible © The Bible Society of Sierra Leone, 2013.