Ɛksodɔs 4
4
PAPA GƆD Mek Mozis Pafɔm Wɔndaz
1Mozis aks PAPA GƆD se, if di pipul dɛn nɔ biliv am ɛn nɔ gri lisin to wetin in de tɛl dɛn, ɛn dɛn se, na lay i de lay PAPA GƆD nɔ apia to am, wetin in fɔ se.
2Nain PAPA GƆD aks Mozis wetin i ol nain an. Mozis ansa se nain wɔkinstik.
3PAPA GƆD se, “Ib di tik na grɔn.” So Mozis ib di tik na grɔn ɛn di tik tɔn snek. We Mozis si di snek i fred ɛn jomp kɔmɔt nia am. 4Na de PAPA GƆD tɛl Mozis se, “Ol di snek nain tel.” So Mozis ol di snek fɔ es am ɔp, nain tel di snek tɔn bak to nain an. 5PAPA GƆD tɛl Mozis se, “Pafɔm dis mirekul fɔ mek di Izrɛlayt dɛn go biliv se na mi PAPA GƆD, di PAPA GƆD we dɛn fɔstɛm-papa dɛn dat na Ebraam Ayzak ɛn Jekɔb, bin de wɔship apia to yu.”
6PAPA GƆD tɛl Mozis bak se, “Put yu an insay yu klos.” Mozis put in an insay in klos ɛn we i pul am na do, di an gɛt bad sik, na so i wayl#4:6 Wayl Di wɔd we di Iŋlish Baybul yuz na lɛprɔsi; lɛprɔsi na Ibru na difrɛn kayn sik we de sho na di bɔdi. 7Dɔn PAPA GƆD tɛl am bak se, “put di an bak insay yu klos.” Dis tɛm we i put di an insay in klos ɛn pul am na do, di an chenj bak to aw i bin de lɛkɛ aw in bɔdi tan. 8PAPA GƆD tɛl Mozis se, “If dɛn nɔ biliv se na mi sɛn yu we yu ple di fɔs wɔnda, dɛn go biliv we yu du di sɛkɛn wan. 9Bɔt if dɛn stil nɔ biliv di tu wɔnda dɛn we yu ple ɔ lisin to wetin yu se, tek sɔm wata na riva Nayl ɛn tɔn am na dray grɔn. Di wata go tɔn blɔd.”
10Bɔt Mozis beg PAPA GƆD se duya mek i nɔ sɛn am bikɔs in nɔ sabi tɔk. I se sins in mama bɔn am te da tɛm we i bin de tɔk to PAPA GƆD so i nɔ sabi tɔk bikɔs in nɔ kin no wetin fɔ tɔk bɔku tɛm.
11Na de PAPA GƆD ansa am. I se, “Udat mek mɔtalman ɛn gi am mɔt? Udat de mek in yes dɛf ɔ in tɔn mumu? Udat mek i de si ɔ blɛn? Nɔto mi we na PAPA GƆD? 12Go wantɛm go du wetin a tɛl yu. A go ɛp yu fɔ tɔk ɛn a go tɛl yu wetin fɔ se.”
13Bɔt Mozis beg PAPA GƆD se duya mek i sɛn ɔda pɔsin.
14Dis mek PAPA GƆD vɛks pan Mozis ɛn aks am bɔt in broda Erɔn we na Livayt. PAPA GƆD se, “A no se in sabi tɔk ɛn rayt naw i de na rod de kam mit yu. I go gladi fɔ si yu. 15Yu go tɔk to am ɛn yu go de tɛl am wetin fɔ se. A go ɛp una ɔl tu fɔ tɔk ɛn a go de tɛl una wetin fɔ se. 16Erɔn go de tɔk fɔ yu to di pipul lɛkɛ yu spoksman. Yu go tan lɛkɛ PAPA GƆD to am fɔ de tɛl am wetin fɔ se. 17Mek shɔ se yu tek yu tik we yu kin yuz we yu de mɛn dɛn ship ɛn got, bikɔs nain yu go de tek ple wɔnda.
Mozis Tɔn Go Bak Na Ijipt
18Afta dat Mozis go to in fadɛnlɔ Jɛthro ɛn beg am se in wan go bak na Ijipt fɔ go si aw in pipul dɛn de du. Jɛthro se in gri, ɛn blɛs am lɛ i go
19Bifo Mozis lɛf Midian fɔ go na Ijipt, PAPA GƆD bin dɔn tɛl am se mek i go bak na Ijipt bikɔs di wan dɛn we bin wan kil am de, dɛn ɔl dɔn day. 20So Mozis tek in wɛf ɛn in bɔypikin dɛn, dɛn put dɛn na dɔŋki ɛn ol rod go na Ijipt. I mek shɔ se i tek tɛl am fɔ tek.
21PAPA GƆD tɛl Mozis se we i go bak na Ijipt i fɔ mek shɔ se i ple ɔl di wɔnda dɛn we i gi am pawa fɔ du bifo di kiŋ. I se in go mek di kiŋ traŋa in at so i nɔ go gri fɔ mek di pipul dɛn go. 22Mozis fɔ tɛl di kiŋ se di Izrɛlayt dɛn tan lɛkɛ PAPA GƆD in fɔs-bɔy-pikin, 23so i fɔ lɛf dɛn fɔ go wɔship am. I se if di kiŋ nɔ gri, PAPA GƆD go kil di kiŋ in yon fɔs pikin fɔ dat.
24Mozis ɛn i famili bin gɛt fɔ slip na rod. Da nɛt de PAPA GƆD apia Mozis ɛn bin want fɔ kil am. 25Zipora we na Mozis in wɛf, tek wan nɛf we dɛn mek wit ston ɛn sakɔmsayz in bɔypikin, dɔn i tek di kanda we i kɔt kɔmɔt put am na Mozis in fut. Dɛn i se, “Man we sakɔmsayz in bɔypikin insɛf fɔ sakɔmsayz. 26I se so bikɔs nain sakɔmsayz in bɔypikin. So PAPA GƆD lɛf Mozis saful.
27PAPA GƆD tɛl Erɔn fɔ go na di ples we pɔsin nɔ go ebul tap fɔ go mit Mozis, in ɛn Mozis mit na PAPA GƆD in mawnten, i kis am fɔ tɛl am adu.
28Mozis tɛl Erɔn ɔl wetin PAPA GƆD tɛl am fɔ du ɛn ɔl di wɔnda we i dɔn tɛl am fɔ ple. 29Afta dat Mozis ɛn Erɔn go na Ijipt ɛn gɛda di Izrɛlayt dɛn edman dɛn. 30Erɔn tɛl dɛn ɔl wetin PAPA GƆD bin dɔn tɛl Mozis, ɛn Mozis ple di wɔnda dɛn bifo di pipul dɛn yay. 31Di edman dɛn biliv se na PAPA GƆD sɛn Mozis ɛn Erɔn. We dɛn yɛri se PAPA GƆD dɔn si aw dɛn de sɔfa ɛn i rɛdi fɔ ɛp dɛn, dɛn baw dɛn ed ɛn wɔship am.
Currently Selected:
Ɛksodɔs 4: KRIO13
Highlight
Share
Copy
Want to have your highlights saved across all your devices? Sign up or sign in
Krio Bible © The Bible Society of Sierra Leone, 2013.
Ɛksodɔs 4
4
PAPA GƆD Mek Mozis Pafɔm Wɔndaz
1Mozis aks PAPA GƆD se, if di pipul dɛn nɔ biliv am ɛn nɔ gri lisin to wetin in de tɛl dɛn, ɛn dɛn se, na lay i de lay PAPA GƆD nɔ apia to am, wetin in fɔ se.
2Nain PAPA GƆD aks Mozis wetin i ol nain an. Mozis ansa se nain wɔkinstik.
3PAPA GƆD se, “Ib di tik na grɔn.” So Mozis ib di tik na grɔn ɛn di tik tɔn snek. We Mozis si di snek i fred ɛn jomp kɔmɔt nia am. 4Na de PAPA GƆD tɛl Mozis se, “Ol di snek nain tel.” So Mozis ol di snek fɔ es am ɔp, nain tel di snek tɔn bak to nain an. 5PAPA GƆD tɛl Mozis se, “Pafɔm dis mirekul fɔ mek di Izrɛlayt dɛn go biliv se na mi PAPA GƆD, di PAPA GƆD we dɛn fɔstɛm-papa dɛn dat na Ebraam Ayzak ɛn Jekɔb, bin de wɔship apia to yu.”
6PAPA GƆD tɛl Mozis bak se, “Put yu an insay yu klos.” Mozis put in an insay in klos ɛn we i pul am na do, di an gɛt bad sik, na so i wayl#4:6 Wayl Di wɔd we di Iŋlish Baybul yuz na lɛprɔsi; lɛprɔsi na Ibru na difrɛn kayn sik we de sho na di bɔdi. 7Dɔn PAPA GƆD tɛl am bak se, “put di an bak insay yu klos.” Dis tɛm we i put di an insay in klos ɛn pul am na do, di an chenj bak to aw i bin de lɛkɛ aw in bɔdi tan. 8PAPA GƆD tɛl Mozis se, “If dɛn nɔ biliv se na mi sɛn yu we yu ple di fɔs wɔnda, dɛn go biliv we yu du di sɛkɛn wan. 9Bɔt if dɛn stil nɔ biliv di tu wɔnda dɛn we yu ple ɔ lisin to wetin yu se, tek sɔm wata na riva Nayl ɛn tɔn am na dray grɔn. Di wata go tɔn blɔd.”
10Bɔt Mozis beg PAPA GƆD se duya mek i nɔ sɛn am bikɔs in nɔ sabi tɔk. I se sins in mama bɔn am te da tɛm we i bin de tɔk to PAPA GƆD so i nɔ sabi tɔk bikɔs in nɔ kin no wetin fɔ tɔk bɔku tɛm.
11Na de PAPA GƆD ansa am. I se, “Udat mek mɔtalman ɛn gi am mɔt? Udat de mek in yes dɛf ɔ in tɔn mumu? Udat mek i de si ɔ blɛn? Nɔto mi we na PAPA GƆD? 12Go wantɛm go du wetin a tɛl yu. A go ɛp yu fɔ tɔk ɛn a go tɛl yu wetin fɔ se.”
13Bɔt Mozis beg PAPA GƆD se duya mek i sɛn ɔda pɔsin.
14Dis mek PAPA GƆD vɛks pan Mozis ɛn aks am bɔt in broda Erɔn we na Livayt. PAPA GƆD se, “A no se in sabi tɔk ɛn rayt naw i de na rod de kam mit yu. I go gladi fɔ si yu. 15Yu go tɔk to am ɛn yu go de tɛl am wetin fɔ se. A go ɛp una ɔl tu fɔ tɔk ɛn a go de tɛl una wetin fɔ se. 16Erɔn go de tɔk fɔ yu to di pipul lɛkɛ yu spoksman. Yu go tan lɛkɛ PAPA GƆD to am fɔ de tɛl am wetin fɔ se. 17Mek shɔ se yu tek yu tik we yu kin yuz we yu de mɛn dɛn ship ɛn got, bikɔs nain yu go de tek ple wɔnda.
Mozis Tɔn Go Bak Na Ijipt
18Afta dat Mozis go to in fadɛnlɔ Jɛthro ɛn beg am se in wan go bak na Ijipt fɔ go si aw in pipul dɛn de du. Jɛthro se in gri, ɛn blɛs am lɛ i go
19Bifo Mozis lɛf Midian fɔ go na Ijipt, PAPA GƆD bin dɔn tɛl am se mek i go bak na Ijipt bikɔs di wan dɛn we bin wan kil am de, dɛn ɔl dɔn day. 20So Mozis tek in wɛf ɛn in bɔypikin dɛn, dɛn put dɛn na dɔŋki ɛn ol rod go na Ijipt. I mek shɔ se i tek tɛl am fɔ tek.
21PAPA GƆD tɛl Mozis se we i go bak na Ijipt i fɔ mek shɔ se i ple ɔl di wɔnda dɛn we i gi am pawa fɔ du bifo di kiŋ. I se in go mek di kiŋ traŋa in at so i nɔ go gri fɔ mek di pipul dɛn go. 22Mozis fɔ tɛl di kiŋ se di Izrɛlayt dɛn tan lɛkɛ PAPA GƆD in fɔs-bɔy-pikin, 23so i fɔ lɛf dɛn fɔ go wɔship am. I se if di kiŋ nɔ gri, PAPA GƆD go kil di kiŋ in yon fɔs pikin fɔ dat.
24Mozis ɛn i famili bin gɛt fɔ slip na rod. Da nɛt de PAPA GƆD apia Mozis ɛn bin want fɔ kil am. 25Zipora we na Mozis in wɛf, tek wan nɛf we dɛn mek wit ston ɛn sakɔmsayz in bɔypikin, dɔn i tek di kanda we i kɔt kɔmɔt put am na Mozis in fut. Dɛn i se, “Man we sakɔmsayz in bɔypikin insɛf fɔ sakɔmsayz. 26I se so bikɔs nain sakɔmsayz in bɔypikin. So PAPA GƆD lɛf Mozis saful.
27PAPA GƆD tɛl Erɔn fɔ go na di ples we pɔsin nɔ go ebul tap fɔ go mit Mozis, in ɛn Mozis mit na PAPA GƆD in mawnten, i kis am fɔ tɛl am adu.
28Mozis tɛl Erɔn ɔl wetin PAPA GƆD tɛl am fɔ du ɛn ɔl di wɔnda we i dɔn tɛl am fɔ ple. 29Afta dat Mozis ɛn Erɔn go na Ijipt ɛn gɛda di Izrɛlayt dɛn edman dɛn. 30Erɔn tɛl dɛn ɔl wetin PAPA GƆD bin dɔn tɛl Mozis, ɛn Mozis ple di wɔnda dɛn bifo di pipul dɛn yay. 31Di edman dɛn biliv se na PAPA GƆD sɛn Mozis ɛn Erɔn. We dɛn yɛri se PAPA GƆD dɔn si aw dɛn de sɔfa ɛn i rɛdi fɔ ɛp dɛn, dɛn baw dɛn ed ɛn wɔship am.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Krio Bible © The Bible Society of Sierra Leone, 2013.