Ɛksodɔs 5
5
Mozis Ɛn Erɔn Go Mit Di Kiŋ Na Ijipt
1Afta dat, Mozis ɛn Erɔn go mit di Kiŋ. Dɛn tɛl am se, dis na wetin di Izrɛlayt dɛn PAPA GƆD se, mek yu lɛf in pipul dɛn fɔ go na di ples we pɔsin nɔ go ebul tap fɔ go mek wan fɛstival to mi.
2Bɔt di kiŋ ansa se, udat na da PAPA GƆD de ɛn wetin fɔ mek in lisin to dɛn ɛn mek di Izrɛlayt dɛn go. I se in nɔ no da PAPA GƆD de ɛn a nɔ go mek di Izrɛlayt dɛn go.
3Mozis ɛn Erɔn ansa di kiŋ se, di Ibru pipul dɛn PAPA GƆD bin apia to dɛn. I se i fɔ go na di ples we pɔsin nɔ go ebul tap fɔ go ɔfa sakrifays to am ɛn na tri de dɛn go tek na rod. I se if dɛn nɔ go in go mek sik kil dɛn ɔ dɛn go day na wa.
4Bɔt di kiŋ aks Mozis ɛn Erɔn se, “wetindu una wan di pipul dɛn kɔmɔt pan di wok we dɛn de du? Una go bak go du una wok.” 5Di kiŋ tɔk bak se, “Una nɔ no se di Izrɛlayt dɛn bɔku pas di Ijipshian dɛn, ɛn naw una want mek dɛn tap fɔ wok.”
6Da sem de de di kiŋ gi ɔda to di Izrɛlayt edman dɛn fɔ di wok 7I se mek dɛn tap fɔ gi di pipul dɛn strɔ fɔ mek di kle blɔk dɛn, lɛ dɛn go fɛn strɔ fɔ dɛnsɛf. 8I se dɛn fɔ mek di sem kwantiti blɔk we dɛn dɔn yus fɔ mek i se, Dɛn na les les pipul, na dat mek dɛn de mek nɔys se dɛn wan fɔ go ɔda sakrifays to dɛn PAPA GƆD. 9I tɛl dɛn fɔ mek di wok traŋa fɔ dɛn di wok traŋa fɔ dɛn so dat dɛn nɔ go lisin to dɛn bɔku tɔk ɛn lay.
10Di slev masta dɛn ɛn di Izrɛlayt dɛn we dɛn pik fɔ bi edman fɔ di wok go tɛl di Izrɛlayt dɛn se di kiŋ se. Dɛn se di kiŋ se nɔ fɔ gi dɛn strɔ igen 11Dɛn se fɔ go fɛn strɔ ɛnisay we una lɛk, bɔt dɛn fɔ mek di sem kwantiti kle blɔk we dɛn bin de mek di tɛm we dɛn bin de gi dɛn strɔ. 12So di pipul dɛn skata ɔlɔbɔt na Ijipt de luk fɔ strɔ. 13Di slev masta dɛn bin fos di pipul dɛn fɔ mek di sem kwantiti kle blɔk lɛkɛ di tɛm we dɛn bi de gi dɛn strɔ. 14Dɛn bit di Izrɛlayt edman dɛn. Fɔ di wok bikɔs dɛn nɔ ebul fɔ mek di kota kle blɔk we dɛn bin de mek fɔs tɛm.
15Dis mek di Izrɛlayt edman dɛn dɛn fɔ di wok go mit di kiŋ ɛn aks am wetin mek i de trit dɛn so 16Dɛn se dɛn nɔ de gi wi strɔ fɔ mek di kle blɔk dɛn, bɔt dɛn de tɛl dɛn fɔ mek di sem kwantiti blɔk lɛkɛ di tɛm we dɛn bin de gi dɛn strɔ. Dɛn de bit dɛn fɔ natin we dɛn nɔ ebul fɔ mek di blɔk dɛn, ɛn na di slev masta dɛn gɛt di fɔlt.
17Di kiŋ ansa dɛn se, “Una les ɛn una nɔ want fɔ wok, na dat mek una gɛt mɔt fɔ aks, mi se una want go ɔfa sakrifays to una PAPA GƆD.” 18Una go bak go du una wok. Dɛn nɔ go gi una ɛni strɔ ɛn una fɔ mek di sem kwantiti kle blɔk dɛn!” 19Di Izrɛlayt edman dɛn fɔ di wok no wantɛm se trɔbul dɔn mit dɛn bikɔs di kiŋ stil se dɛn fɔ mek di sem kwantiti kle blɔk ɛvri de, ɛn dɛn nɔ go gi dɛn strɔ.
20As dɛn de kɔmɔt na di kiŋ, dɛn mit Mozis ɛn Erɔn na do de wet fɔ dɛn. 21Dɛn tɛl dɛn se, “PAPA GƆD go pe una fɔ we una mek di kiŋ ɛn in ɔfisa dɛn et wi! Una dɔn put pɛpɛ na wi yay we go mek dɛn kil wi.”
Mozis Kɔmplen To PAPA GƆD
22Dis mek Mozis go pre to PAPA GƆD ɛn i se, “papa PAPA GƆD, uskayn trɔbul yu put wi pan so? Na dat mek yu sɛn mi kam na ya? 23Frɔm di tɛm we a tɛl di kiŋ yu mɛsej nain i bigin fɔ trit dɛn pipul ya bad bad wan, ɛn yu nɔ du natin bɔt dat.”
Currently Selected:
Ɛksodɔs 5: KRIO13
Highlight
Share
Copy
Want to have your highlights saved across all your devices? Sign up or sign in
Krio Bible © The Bible Society of Sierra Leone, 2013.
Ɛksodɔs 5
5
Mozis Ɛn Erɔn Go Mit Di Kiŋ Na Ijipt
1Afta dat, Mozis ɛn Erɔn go mit di Kiŋ. Dɛn tɛl am se, dis na wetin di Izrɛlayt dɛn PAPA GƆD se, mek yu lɛf in pipul dɛn fɔ go na di ples we pɔsin nɔ go ebul tap fɔ go mek wan fɛstival to mi.
2Bɔt di kiŋ ansa se, udat na da PAPA GƆD de ɛn wetin fɔ mek in lisin to dɛn ɛn mek di Izrɛlayt dɛn go. I se in nɔ no da PAPA GƆD de ɛn a nɔ go mek di Izrɛlayt dɛn go.
3Mozis ɛn Erɔn ansa di kiŋ se, di Ibru pipul dɛn PAPA GƆD bin apia to dɛn. I se i fɔ go na di ples we pɔsin nɔ go ebul tap fɔ go ɔfa sakrifays to am ɛn na tri de dɛn go tek na rod. I se if dɛn nɔ go in go mek sik kil dɛn ɔ dɛn go day na wa.
4Bɔt di kiŋ aks Mozis ɛn Erɔn se, “wetindu una wan di pipul dɛn kɔmɔt pan di wok we dɛn de du? Una go bak go du una wok.” 5Di kiŋ tɔk bak se, “Una nɔ no se di Izrɛlayt dɛn bɔku pas di Ijipshian dɛn, ɛn naw una want mek dɛn tap fɔ wok.”
6Da sem de de di kiŋ gi ɔda to di Izrɛlayt edman dɛn fɔ di wok 7I se mek dɛn tap fɔ gi di pipul dɛn strɔ fɔ mek di kle blɔk dɛn, lɛ dɛn go fɛn strɔ fɔ dɛnsɛf. 8I se dɛn fɔ mek di sem kwantiti blɔk we dɛn dɔn yus fɔ mek i se, Dɛn na les les pipul, na dat mek dɛn de mek nɔys se dɛn wan fɔ go ɔda sakrifays to dɛn PAPA GƆD. 9I tɛl dɛn fɔ mek di wok traŋa fɔ dɛn di wok traŋa fɔ dɛn so dat dɛn nɔ go lisin to dɛn bɔku tɔk ɛn lay.
10Di slev masta dɛn ɛn di Izrɛlayt dɛn we dɛn pik fɔ bi edman fɔ di wok go tɛl di Izrɛlayt dɛn se di kiŋ se. Dɛn se di kiŋ se nɔ fɔ gi dɛn strɔ igen 11Dɛn se fɔ go fɛn strɔ ɛnisay we una lɛk, bɔt dɛn fɔ mek di sem kwantiti kle blɔk we dɛn bin de mek di tɛm we dɛn bin de gi dɛn strɔ. 12So di pipul dɛn skata ɔlɔbɔt na Ijipt de luk fɔ strɔ. 13Di slev masta dɛn bin fos di pipul dɛn fɔ mek di sem kwantiti kle blɔk lɛkɛ di tɛm we dɛn bi de gi dɛn strɔ. 14Dɛn bit di Izrɛlayt edman dɛn. Fɔ di wok bikɔs dɛn nɔ ebul fɔ mek di kota kle blɔk we dɛn bin de mek fɔs tɛm.
15Dis mek di Izrɛlayt edman dɛn dɛn fɔ di wok go mit di kiŋ ɛn aks am wetin mek i de trit dɛn so 16Dɛn se dɛn nɔ de gi wi strɔ fɔ mek di kle blɔk dɛn, bɔt dɛn de tɛl dɛn fɔ mek di sem kwantiti blɔk lɛkɛ di tɛm we dɛn bin de gi dɛn strɔ. Dɛn de bit dɛn fɔ natin we dɛn nɔ ebul fɔ mek di blɔk dɛn, ɛn na di slev masta dɛn gɛt di fɔlt.
17Di kiŋ ansa dɛn se, “Una les ɛn una nɔ want fɔ wok, na dat mek una gɛt mɔt fɔ aks, mi se una want go ɔfa sakrifays to una PAPA GƆD.” 18Una go bak go du una wok. Dɛn nɔ go gi una ɛni strɔ ɛn una fɔ mek di sem kwantiti kle blɔk dɛn!” 19Di Izrɛlayt edman dɛn fɔ di wok no wantɛm se trɔbul dɔn mit dɛn bikɔs di kiŋ stil se dɛn fɔ mek di sem kwantiti kle blɔk ɛvri de, ɛn dɛn nɔ go gi dɛn strɔ.
20As dɛn de kɔmɔt na di kiŋ, dɛn mit Mozis ɛn Erɔn na do de wet fɔ dɛn. 21Dɛn tɛl dɛn se, “PAPA GƆD go pe una fɔ we una mek di kiŋ ɛn in ɔfisa dɛn et wi! Una dɔn put pɛpɛ na wi yay we go mek dɛn kil wi.”
Mozis Kɔmplen To PAPA GƆD
22Dis mek Mozis go pre to PAPA GƆD ɛn i se, “papa PAPA GƆD, uskayn trɔbul yu put wi pan so? Na dat mek yu sɛn mi kam na ya? 23Frɔm di tɛm we a tɛl di kiŋ yu mɛsej nain i bigin fɔ trit dɛn pipul ya bad bad wan, ɛn yu nɔ du natin bɔt dat.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Krio Bible © The Bible Society of Sierra Leone, 2013.