Jɛnɛsis 15
15
PAPA GƆD Mek Kɔvinant wit Ebram
1Afta ɔl wetin bin dɔn apin, PAPA GƆD apia to Ebram na vishɔn. I tɛl am se, “Nɔ fred, Ebram. A go kɔba yu ɛn a go gi yu ɔlkayn gud tin.”
2Bɔt Ebram ansa se, “E PAPA GƆD, uskayn gud tin yu go gi mi we a nɔ gɛt pikin sɛf? Na Ɛliaza we kɔmɔt Damaskɔs nɔmɔ go bɛnifit we a day. 3Yu nɔ gi mi pikin, so na wan pan mi wokman dɛn go gɛt ɔl mi prɔpati.”
4Nain PAPA GƆD tɔk to am igen se, “Nɔ-o, nɔto Ɛliaza go bɛnifit; a go gi yu yu yon yon pikin we go gɛt yu prɔpati we yu day.” 5So PAPA GƆD kɛr Ebram go na do ɛn tɛl am se, “Luk ɔp di skay ɛn tray fɔ kɔnt di sta dɛn; lɛkɛ aw di sta dɛn bɔku so na so yu jɛnareshɔn dɛn go tan.”
6Ebram biliv wetin PAPA GƆD se ɛn dat mek PAPA GƆD luk am se in na pɔsin we de waka tret wit am.
7PAPA GƆD tɛl Ebram se, “Na mi na di PAPA GƆD, we pul yu kɔmɔt Ɔ we de na Babilonia, ɛn a go gi yu dis land fɔ mek i go bi yu yon.”
8Bɔt Ebram aks am se, “PAPA GƆD, aw a go no se i go bi mi yon?”
9PAPA GƆD ansa se, “Briŋ wan tri ia ol kaw, wan tri ia ol uman got, ɛn wan tri ia ol man ship wit wan dɔv ɛn wan pijin fɔ mi. 10Ebram bin kɛr dɛn animal ya go gi PAPA GƆD. I kil dɛn ɛn plit dɛn midul wan bay wan. Dɔn i mek di tu af dɛn de ɔpozit dɛn kɔmpin. Na di bɔd dɛn nɔmɔ i nɔ kɔt tu. 11Wɛn dɛn yuba dɛn kam fɔ kam it di animal dɛn, Ebram drɛb dɛn.
12We di san go dɔŋ nain slip kɛr Ebram go, ɛn i tan lɛkɛ se di ples dak ɛn i bigin fɔ fred. 13Nain PAPA GƆD tɛl am se, “No naw fɔ tru tru se, yu jɛnareshɔn dɛn go bi trenja na ɔda kɔntri; dɛn go bi slev de ɛn dɛn go trit dɛn bad fɔ fo ɔndrɛd ia. 14Bɔt a go pɔnish di kɔntri we go tɔn dɛn to slev, ɛn we dɛn de kɔmɔt na da kɔntri de dɛn go jɛntri. 15Yusɛf go de te yu ol, bifo yu day, ɛn yu go day wit kolat.
16Fo jɛnareshɔn go dɔn bɔn bifo ɛniwan go kam bak na ya so, bikɔs di tɛm nɔ go rich yet we di Amɔrayt dɛn sin go dɔn pasmak.” 17We di san dɔn go dɔŋ ɛn di ples dɔn dak, Ebram jɛs si wan pɔt we smok bin de kɔmɔt pan, ɛn wan faya tik jɛs pas midul di bif dɛn we i bin dɔn kɔt. 18Da sem tɛm de PAPA GƆD mek Kɔvinant wit Ebram. I se, “A dɔn prɔmis fɔ gi yu jɛnareshɔn ɔl dis kɔntri frɔm di bɔda na Ijipt sote rich na Riva Yufretis, 19dat na usay dɛn Kɛnayt, dɛn Kɛnizayt, dɛn Kadmɔnayt, 20dɛn Itayt, dɛn Pɛrizayt, dɛn Rɛfaayt, 21dɛn Amɔrayt, dɛn Kenanayt, dɛn Gagashayt, ɛn dɛn Jɛbyusayt dɛn de.
Currently Selected:
Jɛnɛsis 15: KRIO13
Highlight
Share
Copy
Want to have your highlights saved across all your devices? Sign up or sign in
Krio Bible © The Bible Society of Sierra Leone, 2013.
Jɛnɛsis 15
15
PAPA GƆD Mek Kɔvinant wit Ebram
1Afta ɔl wetin bin dɔn apin, PAPA GƆD apia to Ebram na vishɔn. I tɛl am se, “Nɔ fred, Ebram. A go kɔba yu ɛn a go gi yu ɔlkayn gud tin.”
2Bɔt Ebram ansa se, “E PAPA GƆD, uskayn gud tin yu go gi mi we a nɔ gɛt pikin sɛf? Na Ɛliaza we kɔmɔt Damaskɔs nɔmɔ go bɛnifit we a day. 3Yu nɔ gi mi pikin, so na wan pan mi wokman dɛn go gɛt ɔl mi prɔpati.”
4Nain PAPA GƆD tɔk to am igen se, “Nɔ-o, nɔto Ɛliaza go bɛnifit; a go gi yu yu yon yon pikin we go gɛt yu prɔpati we yu day.” 5So PAPA GƆD kɛr Ebram go na do ɛn tɛl am se, “Luk ɔp di skay ɛn tray fɔ kɔnt di sta dɛn; lɛkɛ aw di sta dɛn bɔku so na so yu jɛnareshɔn dɛn go tan.”
6Ebram biliv wetin PAPA GƆD se ɛn dat mek PAPA GƆD luk am se in na pɔsin we de waka tret wit am.
7PAPA GƆD tɛl Ebram se, “Na mi na di PAPA GƆD, we pul yu kɔmɔt Ɔ we de na Babilonia, ɛn a go gi yu dis land fɔ mek i go bi yu yon.”
8Bɔt Ebram aks am se, “PAPA GƆD, aw a go no se i go bi mi yon?”
9PAPA GƆD ansa se, “Briŋ wan tri ia ol kaw, wan tri ia ol uman got, ɛn wan tri ia ol man ship wit wan dɔv ɛn wan pijin fɔ mi. 10Ebram bin kɛr dɛn animal ya go gi PAPA GƆD. I kil dɛn ɛn plit dɛn midul wan bay wan. Dɔn i mek di tu af dɛn de ɔpozit dɛn kɔmpin. Na di bɔd dɛn nɔmɔ i nɔ kɔt tu. 11Wɛn dɛn yuba dɛn kam fɔ kam it di animal dɛn, Ebram drɛb dɛn.
12We di san go dɔŋ nain slip kɛr Ebram go, ɛn i tan lɛkɛ se di ples dak ɛn i bigin fɔ fred. 13Nain PAPA GƆD tɛl am se, “No naw fɔ tru tru se, yu jɛnareshɔn dɛn go bi trenja na ɔda kɔntri; dɛn go bi slev de ɛn dɛn go trit dɛn bad fɔ fo ɔndrɛd ia. 14Bɔt a go pɔnish di kɔntri we go tɔn dɛn to slev, ɛn we dɛn de kɔmɔt na da kɔntri de dɛn go jɛntri. 15Yusɛf go de te yu ol, bifo yu day, ɛn yu go day wit kolat.
16Fo jɛnareshɔn go dɔn bɔn bifo ɛniwan go kam bak na ya so, bikɔs di tɛm nɔ go rich yet we di Amɔrayt dɛn sin go dɔn pasmak.” 17We di san dɔn go dɔŋ ɛn di ples dɔn dak, Ebram jɛs si wan pɔt we smok bin de kɔmɔt pan, ɛn wan faya tik jɛs pas midul di bif dɛn we i bin dɔn kɔt. 18Da sem tɛm de PAPA GƆD mek Kɔvinant wit Ebram. I se, “A dɔn prɔmis fɔ gi yu jɛnareshɔn ɔl dis kɔntri frɔm di bɔda na Ijipt sote rich na Riva Yufretis, 19dat na usay dɛn Kɛnayt, dɛn Kɛnizayt, dɛn Kadmɔnayt, 20dɛn Itayt, dɛn Pɛrizayt, dɛn Rɛfaayt, 21dɛn Amɔrayt, dɛn Kenanayt, dɛn Gagashayt, ɛn dɛn Jɛbyusayt dɛn de.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Krio Bible © The Bible Society of Sierra Leone, 2013.