Jɛnɛsis 16
16
Ebram bɔn pikin wit Ega
1Ebram in wɛf Seray nɔ bɔn. Seray bin gɛt wan slev gyal we nem Ega we kɔmɔt Ijipt. 2So i tɛl Ebram se, “PAPA GƆD nɔ mek a bɔn, yu nɔ tink se yu fɔ tek Ega mek yu wɛf? Sɔntɛm wi go gɛt pikin bay dat.” Ebram gri wit wetin Seray se, 3so Seray gi Ega in slev gyal to Ebram fɔ tek mek wɛf. Dis apin afta Ebram dɔn de na Kenan fɔ tɛn ia.
4Ebram bin gɛt biznɛs wit Ega, ɛn i gi am bɛlɛ. We Ega kam no se i dɔn gɛt bɛlɛ fɔ Ebram, i bigin mek prawd ɛn fityay Seray.
5Nain Seray tɛl Ebram se, “Na yu mek Ega de fityay mi so. Na mi bin tek am gi yu, bɔt frɔm we i no se i gɛt bɛlɛ, nain i bigin fityay mi. Na PAPA GƆD go jɔj bitwin mi ɛn yu!”
6Ebram ansa se, “Wɛl, na yu slev gyal ɛn i de ɔnda yu; du ɛnitin we yu want du wit am.” Seray bigin trit Ega bad sote i gɛt fɔ rɔnawe.
7Ega go te i rich na wan ples we gɛt smɔl wata na di ples we pɔsin nɔ go ebul tap, na di rod fɔ go Shɔ. PAPA GƆD in enjɛl mit am de. 8I aks am se, “Ega, yu we na Seray in slev gyal, usay yu kɔmɔt ɛn usay yu de go?”
I ansa se, “A de rɔnawe pan mi misis, sa.”
9Di enjɛl se, “Tɔn bak go wok fɔ yu misis ɛn put yusɛf dɔŋ. 10A go mek yu jɛnareshɔn dɛn bɔku so dat nɔbɔdi nɔ go ebul kɔnt dɛn. 11Naw yu dɔn gɛt bɛlɛ ɛn na bɔypikin yu go bɔn. PAPA GƆD dɔn si yu waala, so yu fɔ gi di pikin nem Ishmɛl,#16:11 Ishmɛl Ishmɛl min “PAPA GƆD dɔn yɛri. 12Yu bɔypikin go wayl ɛn nɔbɔdi nɔ go ebul kɔntrol am. In ɛn nɔbɔdi nɔ go gri. In ɛn in brɔda dɛnsɛf nɔ go pul.”
13Ega tɔk nain at se, “Fɔ tru se a dɔn si PAPA GƆD ɛn a nɔ day?” So i kɔl di PAPA GƆD we dɔn tɔk to am “PAPA GƆD We De Si.” 14Na dat mek di pipul dɛn kɔl di wɛl “Bia-laay-rɔy”.#16:14 Bia-laay-rɔy Na Ibru, i min: di GƆD we de ɔlsay ɛn de si, in wɛl. I de bitwin Kedɛsh ɛn Bɛrɛd
15Ega bɔn bɔypikin fɔ Ebram, ɛn Ebram gi am nem Ishmɛl. 16Da tɛm de Ebram bin ol eti-siks ia.
Currently Selected:
Jɛnɛsis 16: KRIO13
Highlight
Share
Copy
Want to have your highlights saved across all your devices? Sign up or sign in
Krio Bible © The Bible Society of Sierra Leone, 2013.
Jɛnɛsis 16
16
Ebram bɔn pikin wit Ega
1Ebram in wɛf Seray nɔ bɔn. Seray bin gɛt wan slev gyal we nem Ega we kɔmɔt Ijipt. 2So i tɛl Ebram se, “PAPA GƆD nɔ mek a bɔn, yu nɔ tink se yu fɔ tek Ega mek yu wɛf? Sɔntɛm wi go gɛt pikin bay dat.” Ebram gri wit wetin Seray se, 3so Seray gi Ega in slev gyal to Ebram fɔ tek mek wɛf. Dis apin afta Ebram dɔn de na Kenan fɔ tɛn ia.
4Ebram bin gɛt biznɛs wit Ega, ɛn i gi am bɛlɛ. We Ega kam no se i dɔn gɛt bɛlɛ fɔ Ebram, i bigin mek prawd ɛn fityay Seray.
5Nain Seray tɛl Ebram se, “Na yu mek Ega de fityay mi so. Na mi bin tek am gi yu, bɔt frɔm we i no se i gɛt bɛlɛ, nain i bigin fityay mi. Na PAPA GƆD go jɔj bitwin mi ɛn yu!”
6Ebram ansa se, “Wɛl, na yu slev gyal ɛn i de ɔnda yu; du ɛnitin we yu want du wit am.” Seray bigin trit Ega bad sote i gɛt fɔ rɔnawe.
7Ega go te i rich na wan ples we gɛt smɔl wata na di ples we pɔsin nɔ go ebul tap, na di rod fɔ go Shɔ. PAPA GƆD in enjɛl mit am de. 8I aks am se, “Ega, yu we na Seray in slev gyal, usay yu kɔmɔt ɛn usay yu de go?”
I ansa se, “A de rɔnawe pan mi misis, sa.”
9Di enjɛl se, “Tɔn bak go wok fɔ yu misis ɛn put yusɛf dɔŋ. 10A go mek yu jɛnareshɔn dɛn bɔku so dat nɔbɔdi nɔ go ebul kɔnt dɛn. 11Naw yu dɔn gɛt bɛlɛ ɛn na bɔypikin yu go bɔn. PAPA GƆD dɔn si yu waala, so yu fɔ gi di pikin nem Ishmɛl,#16:11 Ishmɛl Ishmɛl min “PAPA GƆD dɔn yɛri. 12Yu bɔypikin go wayl ɛn nɔbɔdi nɔ go ebul kɔntrol am. In ɛn nɔbɔdi nɔ go gri. In ɛn in brɔda dɛnsɛf nɔ go pul.”
13Ega tɔk nain at se, “Fɔ tru se a dɔn si PAPA GƆD ɛn a nɔ day?” So i kɔl di PAPA GƆD we dɔn tɔk to am “PAPA GƆD We De Si.” 14Na dat mek di pipul dɛn kɔl di wɛl “Bia-laay-rɔy”.#16:14 Bia-laay-rɔy Na Ibru, i min: di GƆD we de ɔlsay ɛn de si, in wɛl. I de bitwin Kedɛsh ɛn Bɛrɛd
15Ega bɔn bɔypikin fɔ Ebram, ɛn Ebram gi am nem Ishmɛl. 16Da tɛm de Ebram bin ol eti-siks ia.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Krio Bible © The Bible Society of Sierra Leone, 2013.