Jɛnɛsis 29
29
Jekɔb Rich Na Leban In Os
1Jekɔb waka sote i rich na di istɛn pat na di kɔntri. 2Na de i si wan wɛl na di fil ɛn bɔku ship dɛn na tri grup lidɔm rawnd am. Na da wɛl de dɛn ship kin drink wata, bɔt big big ston bin kɔba di wɛl. 3Ɛnitɛm we ɔl di ship dɛn kam fɔ drink, di man dɛn we de mɛn di ship dɛn kin pul di ston kɔmɔt, ɛn we dɛn dɔn drink dɔn, dɛn kin put di ston bak.
4Jekɔb aks di man dɛn we de mɛn di ship dɛn usay dɛn kɔmɔt.
Dɛn ansa am se dɛn kɔmɔt na Eran.
5Dɔn i aks dɛn if dɛn sabi Leban we na Neɔ in grampikin.
Dɛn se, dɛn no am.
6I aks dɛn, if i wɛl ɛn,
dɛn ansa am se i wɛl. Dɔn dɛn pɔynt to wan uman we bin de kam wit ship dɛn. Dɛn se na Leban in gyal pikin Rechɛl dat.
7Jekɔb se di san nɔ go dɔŋ yet ɛn i nɔ rich tɛm yet fɔ gɛda di ship dɛn. I se lɛ dɛn gi dɛn wata ɛn lɛf dɛn lɛ dɛn go it?
8Bɔt dɛn se, dɛn nɔ go du dat pas ɔl di ɔda ship dɛn kam; dɔn dɛn go pul di ston kɔmɔt ɛn gi dɛn ɔl wata fɔ drink.
9Jekɔb bin stil de tɔk to dɛn, we Rechɛl rich de wit in papa in ship dɛn, as nain bin de luk afta dɛn. 10We Jekɔb si Rechɛl wit in ɔnkul Leban in ship dɛn, i go na di wɛl, pul di ston kɔmɔt ɛn gi wata to in ɔnkul in ship dɛn. 11Dɔn i kis am ɛn bɔs kray bikɔs i gladi tumɔs. 12I tɛl am se, in na Ribɛka in bɔypikin ɛn in na Leban in fambul.
So Rechɛl rɔn go tɛl in papa. 13We Leban yɛri di nyuz bɔt in sista in pikin Jekɔb se i kam, i rɔn go mit am, kis am, ɛn kɛr am go nain os. Dɔn Jekɔb tɛl Leban ɔl wetin dɔn apin. 14We Leban yɛri Jekɔb in stori, i tɔk se, fɔ tru tru na mi yon blɔd dis. So Jekɔb bin tap de fɔ wan mɔnt.
Jekɔb Wok Fɔ Leban Fɔ Mared Rechɛl Ɛn Lia
15Leban tɛl Jekɔb se, nɔto bikɔs in nain fambul mek i fɔ wok fɔ am fɔ natin. I aks am ɔmɔs i go want fɔ in pe. 16Leban bin gɛt tu gyal pikin dɛn; Lia we na di big wan ɛn Rechɛl we na di smɔl wan. 17Lia bin gɛt fayn yay bɔt Rechɛl in bin gɛt fayn shep ɛn i bin fayn fɔ luk.
18Jekɔb bin dɔn fɔl fɔ Rechɛl, so i tɛl Leban se, in go wok sɛvin ia fɔ am, if i go gri fɔ mek i mared Rechɛl.
19Leban ansa am se in nɔ go lɛf fɔ gi Rechɛl to am fɔ mared i gi am to ɔda pɔsin; so i tɛl Jekɔb fɔ tap na os wit am. 20Jekɔb wok fɔ sɛvin ia fɔ Leban fɔ lɛ i go gɛt Rechɛl. Di tɛm bin tan to am lɛkɛ na tu-tri de nɔmɔ bikɔs i bin lɛk Rechɛl bad bad wan. 21We di sɛvin ia dɔn, Jekɔb tɛl Leban fɔ gi am di uman fɔ mared bikɔs in dɔn wok fɔ am. 22So Leban mek mared pati ɛn invayt ɔlman na di eria. 23Bɔt da nɛt de, Leban kɛr Lia to Jekɔb, ɛn i slip wit am as wɛf, 24dɔn i gi in yon savant-gyal Zilpa to Lia fɔ bi in nɔsi. 25We do klin na da tɛm de Jekɔb si se na Lia i bin lidɔm wit. I go tret to Leban ɛn blez pan am. I aks am se, “Wetin mek yu du mi so? Nɔto Rechɛl a wok fɔ? Wetin mek yu ple mi dis kayn gem?
26Leban ansa am se, nɔto dɛn kɔstɔm fɔ mek di smɔl wan mared bifo di big wan. 27I tɛl am lɛ i wet lɛ di mared wik pas, dɛn i go gi am Rechɛl, if i prɔmis am se i go wok fɔ am fɔ sɛvin ia mɔ.”
28Jekɔb gri, ɛn we di mared wik pas. Leban gi am Rechɛl fɔ bi in wɛf. 29(Leban gi Bila in savant-gyal to Rechɛl fɔ bi in nɔsi.) 30Jekɔb lidɔm wit Rechɛl insɛf, ɛn i bin lɛk am pas Lia. Dɔn i wok fɔ Leban fɔ sɛvin ia mɔ.
Jekɔb in Pikin Dɛn
31We PAPA GƆD si se Jekɔb nɔ bin lɛk Lia, i mek Lia gɛt pikin dɛn bɔt Rechɛl nɔ bin gɛt pikin. 32Lia gɛt bɛlɛ ɛn i bɔn wan bɔypikin. I se, “PAPA GƆD dɔn si mi trɔbul, ɛn naw mi man go lɛk mi,” so i gi di pikin nem Rubɛn.#29:32 Rubɛn I fiba di Ibru wɔd fɔ, ‘bikɔs i dɔn si mi trɔbul. Di nem min: luk bɔypikin. 33I gɛt bɛlɛ bak ɛn bɔn ɔda bɔypikin. I se, “PAPA GƆD dɔn yɛri se mi man nɔ lɛk mi na dat mek i gi mi ɔda pikin,” so i gi di pikin nem Simiɔn.#29:33 Simiɔn I fiba di Ibru fɔ ‘yɛri. 34I gɛt bɛlɛ bak ɛn bɔn ɔda bɔypikin. I se, “Naw mi man go tay insɛf to mi, bikɔs a dɔn bɔn tri bɔypikin dɛn fɔ am;” na dat mek i gi di pikin nem Livay.#29:34 Livay I fiba di Ibru fɔ ‘fasin. 35Dɔn i gɛt bɛlɛ bak ɛn i bɔn ɔda bɔypikin. I se, “Dis tɛm a go prez PAPA GƆD;” so i gi di pikin nem Juda.#29:35 Juda I fiba di Ibru wɔd fɔ ‘prez. Afta dis wan ya, i tap fɔ bɔn.
Currently Selected:
Jɛnɛsis 29: KRIO13
Highlight
Share
Copy
Want to have your highlights saved across all your devices? Sign up or sign in
Krio Bible © The Bible Society of Sierra Leone, 2013.
Jɛnɛsis 29
29
Jekɔb Rich Na Leban In Os
1Jekɔb waka sote i rich na di istɛn pat na di kɔntri. 2Na de i si wan wɛl na di fil ɛn bɔku ship dɛn na tri grup lidɔm rawnd am. Na da wɛl de dɛn ship kin drink wata, bɔt big big ston bin kɔba di wɛl. 3Ɛnitɛm we ɔl di ship dɛn kam fɔ drink, di man dɛn we de mɛn di ship dɛn kin pul di ston kɔmɔt, ɛn we dɛn dɔn drink dɔn, dɛn kin put di ston bak.
4Jekɔb aks di man dɛn we de mɛn di ship dɛn usay dɛn kɔmɔt.
Dɛn ansa am se dɛn kɔmɔt na Eran.
5Dɔn i aks dɛn if dɛn sabi Leban we na Neɔ in grampikin.
Dɛn se, dɛn no am.
6I aks dɛn, if i wɛl ɛn,
dɛn ansa am se i wɛl. Dɔn dɛn pɔynt to wan uman we bin de kam wit ship dɛn. Dɛn se na Leban in gyal pikin Rechɛl dat.
7Jekɔb se di san nɔ go dɔŋ yet ɛn i nɔ rich tɛm yet fɔ gɛda di ship dɛn. I se lɛ dɛn gi dɛn wata ɛn lɛf dɛn lɛ dɛn go it?
8Bɔt dɛn se, dɛn nɔ go du dat pas ɔl di ɔda ship dɛn kam; dɔn dɛn go pul di ston kɔmɔt ɛn gi dɛn ɔl wata fɔ drink.
9Jekɔb bin stil de tɔk to dɛn, we Rechɛl rich de wit in papa in ship dɛn, as nain bin de luk afta dɛn. 10We Jekɔb si Rechɛl wit in ɔnkul Leban in ship dɛn, i go na di wɛl, pul di ston kɔmɔt ɛn gi wata to in ɔnkul in ship dɛn. 11Dɔn i kis am ɛn bɔs kray bikɔs i gladi tumɔs. 12I tɛl am se, in na Ribɛka in bɔypikin ɛn in na Leban in fambul.
So Rechɛl rɔn go tɛl in papa. 13We Leban yɛri di nyuz bɔt in sista in pikin Jekɔb se i kam, i rɔn go mit am, kis am, ɛn kɛr am go nain os. Dɔn Jekɔb tɛl Leban ɔl wetin dɔn apin. 14We Leban yɛri Jekɔb in stori, i tɔk se, fɔ tru tru na mi yon blɔd dis. So Jekɔb bin tap de fɔ wan mɔnt.
Jekɔb Wok Fɔ Leban Fɔ Mared Rechɛl Ɛn Lia
15Leban tɛl Jekɔb se, nɔto bikɔs in nain fambul mek i fɔ wok fɔ am fɔ natin. I aks am ɔmɔs i go want fɔ in pe. 16Leban bin gɛt tu gyal pikin dɛn; Lia we na di big wan ɛn Rechɛl we na di smɔl wan. 17Lia bin gɛt fayn yay bɔt Rechɛl in bin gɛt fayn shep ɛn i bin fayn fɔ luk.
18Jekɔb bin dɔn fɔl fɔ Rechɛl, so i tɛl Leban se, in go wok sɛvin ia fɔ am, if i go gri fɔ mek i mared Rechɛl.
19Leban ansa am se in nɔ go lɛf fɔ gi Rechɛl to am fɔ mared i gi am to ɔda pɔsin; so i tɛl Jekɔb fɔ tap na os wit am. 20Jekɔb wok fɔ sɛvin ia fɔ Leban fɔ lɛ i go gɛt Rechɛl. Di tɛm bin tan to am lɛkɛ na tu-tri de nɔmɔ bikɔs i bin lɛk Rechɛl bad bad wan. 21We di sɛvin ia dɔn, Jekɔb tɛl Leban fɔ gi am di uman fɔ mared bikɔs in dɔn wok fɔ am. 22So Leban mek mared pati ɛn invayt ɔlman na di eria. 23Bɔt da nɛt de, Leban kɛr Lia to Jekɔb, ɛn i slip wit am as wɛf, 24dɔn i gi in yon savant-gyal Zilpa to Lia fɔ bi in nɔsi. 25We do klin na da tɛm de Jekɔb si se na Lia i bin lidɔm wit. I go tret to Leban ɛn blez pan am. I aks am se, “Wetin mek yu du mi so? Nɔto Rechɛl a wok fɔ? Wetin mek yu ple mi dis kayn gem?
26Leban ansa am se, nɔto dɛn kɔstɔm fɔ mek di smɔl wan mared bifo di big wan. 27I tɛl am lɛ i wet lɛ di mared wik pas, dɛn i go gi am Rechɛl, if i prɔmis am se i go wok fɔ am fɔ sɛvin ia mɔ.”
28Jekɔb gri, ɛn we di mared wik pas. Leban gi am Rechɛl fɔ bi in wɛf. 29(Leban gi Bila in savant-gyal to Rechɛl fɔ bi in nɔsi.) 30Jekɔb lidɔm wit Rechɛl insɛf, ɛn i bin lɛk am pas Lia. Dɔn i wok fɔ Leban fɔ sɛvin ia mɔ.
Jekɔb in Pikin Dɛn
31We PAPA GƆD si se Jekɔb nɔ bin lɛk Lia, i mek Lia gɛt pikin dɛn bɔt Rechɛl nɔ bin gɛt pikin. 32Lia gɛt bɛlɛ ɛn i bɔn wan bɔypikin. I se, “PAPA GƆD dɔn si mi trɔbul, ɛn naw mi man go lɛk mi,” so i gi di pikin nem Rubɛn.#29:32 Rubɛn I fiba di Ibru wɔd fɔ, ‘bikɔs i dɔn si mi trɔbul. Di nem min: luk bɔypikin. 33I gɛt bɛlɛ bak ɛn bɔn ɔda bɔypikin. I se, “PAPA GƆD dɔn yɛri se mi man nɔ lɛk mi na dat mek i gi mi ɔda pikin,” so i gi di pikin nem Simiɔn.#29:33 Simiɔn I fiba di Ibru fɔ ‘yɛri. 34I gɛt bɛlɛ bak ɛn bɔn ɔda bɔypikin. I se, “Naw mi man go tay insɛf to mi, bikɔs a dɔn bɔn tri bɔypikin dɛn fɔ am;” na dat mek i gi di pikin nem Livay.#29:34 Livay I fiba di Ibru fɔ ‘fasin. 35Dɔn i gɛt bɛlɛ bak ɛn i bɔn ɔda bɔypikin. I se, “Dis tɛm a go prez PAPA GƆD;” so i gi di pikin nem Juda.#29:35 Juda I fiba di Ibru wɔd fɔ ‘prez. Afta dis wan ya, i tap fɔ bɔn.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Krio Bible © The Bible Society of Sierra Leone, 2013.