Jɛnɛsis 30
30
1We Rechɛl si se i nɔ de bɔn pikin fɔ Jekɔb, i bigin jɛlɔs in sista dɔn i tɛl Jekɔb se, “If yu nɔ mek a bɔn a go day.” 2Jekɔb bin vɛks bad bad wan pan Rechɛl ɛn i se, “Mi na PAPA GƆD we mek yu nɔ gɛt pikin yet?”
3Na de Rechɛl se, “Tek mi nɔsi Bila, lɛ i go bɔn pikin fɔ mi.” 4So Rechɛl gi Bila to Jekɔb fɔ tek mek wɛf. 5Bila gɛt bɛlɛ ɛn bɔn bɔypikin fɔ Jekɔb. 6Nain Rechɛl se, “PAPA GƆD dɔn tɔk fɔ mi. I yɛri mi prea ɛn i gi misɛf bɔypikin” I gi am nem Dan.#30:6 Dan I fiba di Ibru wɔd fɔ, ‘PAPA GƆD dɔn tɔk fɔ mi’. 7Bila gɛt bɛlɛ bak ɛn bɔn bɔypikin fɔ Jekɔb. 8Rechɛl se, “Mi ɛn mi sista dɔn fɛt traŋa traŋa wan, ɛn a dɔn win am;” so i gi di pikin nem Naftali#30:8 Naftali I fiba di Ibru wɔd fɔ, ‘fɛt’.
9We Lia kechɔp se i dɔn lɛf fɔ bɔn, i gi in nɔsi Zilpa to Jekɔb fɔ tek mek wɛf. 10Zilpa insɛf bɔn bɔypikin fɔ Jekɔb. 11Lia se, “A gɛt lɔk o” so i gi di pikin nem Gad.#30:11 Gad Na Ibru, i min ‘gud lɔk’. 12Zilpa bɔn ɔda bɔypikin fɔ Jekɔb, 13ɛn Lia se, “A gladi bad bad wan; ɔl dɛn uman go ɛp mi gladi;” ɛn i gi di pikin nem Asha.#30:13 Asha Na Ibru, i min ‘gladi’.
14We di tɛm rich fɔ avɛst wit, Rubɛn go na di fam fɔ fɛn mandrek ɛn briŋ sɔm kam fɔ in mama Lia. Rechɛl beg Lia fɔ gi am sɔm pan in pikin in mandrek.#30:14 Mandrek Na wan kayn plant we dɛn biliv se go mek uman bɔn we i it am.
15Nain Lia ansa se, “Yu dɔn tek mi man dat nɔ du fɔ yu? Dɔn naw yu de tray fɔ tek mi bɔypikin in mandrek dɛn?”
Rechɛl se, “A go mek Jekɔb slip to yu dis nɛt if yu mek yu pikin gi mi sɔm pan in mandrek dɛn.”
16We Jekɔb kɔmɔt na di fam da ivin tɛm de, Lia rɔn go na do go mit am ɛn tɛl am se, “Na mi yu de slip to dis nɛt, bikɔs a dɔn bay yu wit mi pikin in mandrek dɛn.” So Jekɔb slip to am da nɛt de.
17PAPA GƆD ansa Lia in prea ɛn mek i gɛt ɔda bɛlɛ ɛn bɔn in nɔmba fayv bɔypikin fɔ Jekɔb. 18Lia se, “PAPA GƆD dɔn gi mi bunya bikɔs a gi mi nɔsi to mi man;” ɛn i gi di pikin nem Isaka.#30:18 Isaka I fiba di Ibru wɔd fɔ ‘a aya di man’ ɔ ‘na mi pe. 19Lia gɛt bɛlɛ bak ɛn i bin bɔn in nɔmba siks bɔypikin fɔ Jekɔb, i gi di pikin nem Zɛbyulɔn. 20I kɔl am Zɛbyulɔn#30:20 Zɛbyulɔn I fiba di Ibru wɔd fɔ gri fɔ tek sɔntin ɔ fɔ gi pɔsin ɔntin. bikɔs i se, “PAPA GƆD dɔn gi mi fayn prɛzɛnt. Ɛn naw mi man go lɛk mi bikɔs a dɔn bɔn siks bɔypikin dɛn fɔ am. 21I nɔ tu te igen i gɛt bɛlɛ bak ɛn bɔn wan gyal pikin, we i gi nem Dayna.
22Dɔn PAPA GƆD sɔri fɔ Rechɛl. I ansa in prea ɛn mek i ebul fɔ gɛt pikin dɛn. 23I gɛt bɛlɛ ɛn bɔn bɔypikin. I se, “PAPA GƆD dɔn pul disgres pan mi we i gi mi bɔypikin.” 24I gi di pikin nem Josɛf#30:24 Josɛf I fiba di Ibru wɔd fɔ ‘mek i gi mɔ’. ɛn tɔk se lɛ PAPA GƆD gi am ɔda bɔypikin.
Jekɔb Tay Bagin wit Leban
25Afta we Rechɛl dɔn bɔn Josɛf, Jekɔb tɛl Leban se in want fɔ tɔn bak go nain om. 26So lɛ i gi am in wɛf dɛn we dɔn wok fɔ gɛt fɔ lɛ i go wit di pikin dɛn. I se Leban no wetin i dɔn bɛnifit frɔm in wok.
27Leban beg am se, lɛ i nɔ lɛf am. I se in dɔn go luk grɔn ɛn dɛn tɛl am se na fɔseka am mek PAPA GƆD dɔn blɛs am. 28Ɛn i aks Jekɔb ɔmɔs i go want fɔ in pe fɔ mek i go kɔntinyu fɔ wok fɔ am.
29Jekɔb ansa am se in di Leban, no aw i dɔn wok fɔ am ɛn aw in animal dɛn dɔn bɔku we i de mɛn dɛn. 30I se, di smɔl wan we Leban bin gɛt dɔn plɛnti tumɔs, ɛn na bikɔs ɔf in di Jekɔb mek PAPA GƆD de blɛs am mɔ ɛn mɔ so ustɛm in go provayd fɔ in yon famili
31Leban aks am se ɔmɔs in fɔ pe am.
Jekɔb tɛl am se lɛ i nɔ pe am fɔ di wok we i dɔn du. Bɔt i se wetin i want am fɔ du fɔ mek i go kɔntinyu fɔ mɛn in animal dɛn, 32na fɔ mek i luk rawnd ɔl in animal dɛn da sem de de ɛn tek fɔ insɛf ɔl di blak ship pikin dɛn ɛn ɔl di got ɛn ship dɛn we gɛt mak pan dɛn. Na dɛn wan dɛn de go bi in pe. 33I se if Leban want fɔ no ɛnitɛm if i de waka tret wit am, i fɔ kam luk di animal dɛn we i dɔn tek fɔ in pe. If i si ɛni got ɔ ship we nɔ gɛt mak ɔ we nɔ blak, da tɛm de i go no se i dɔn tif am.
34Leban gri wit wetin Jekɔb se. 35Bɔt da de de, Leban pul ɔl di man got dɛn we gɛt mak we nɔto bin piɔ wayt ɛn ɔl di uman got dɛn we nɔto bin piɔ wayt we gɛt spɔt ɛn mak. I pul ɔl di blak ship dɛnsɛf. I gi in bɔypikin dɛn fɔ mɛn dɛn. 36Dɛn kɔmɔt nia Jekɔb ɛn go na wan ples we na tri de i go tek fɔ rich de. Bɔt Jekɔb bin kɔntinyu fɔ mɛn Leban in animal dɛn we lɛf.
37Jekɔb kɔt frɛsh branch kɔmɔt pan sɔm tik dɛn. Ɛn dɛn tik dɛn ya na bin di pɔpyula tik, almɔn tik ɛn wan ɔda wan tik we na plen tik. Dɔn i pil sɔm di kanda kɔmɔt pan di tik dɛn we mek di insay pat we na wayt bin de sho. 38I put dɛn tik ya na di say we di ship ɛn got dɛn kin go drink wata, bikɔs wɛn dɛn go drink wata, nain dɛn kin mek lɔv. 39Di wan dɛn we kin gɛt bɛlɛ bifo dɛn tik ya, kin bɔn soso blak ɛn wayt ship ɛn got dɛn.
40Jekɔb kin pul di uman ship ɛn got dɛn ɛn put dɛn wan say dɔn i kin mek dɛn tinap luk Leban in yon dɛn we nɔto we piɔ dɛn want mek lɔv wayt ɔ piɔ blak so wɛn ɛn dɛn kin bɔn pikin di pikin dɛn nɔba gɛt wangren kɔla. Na so Jekɔb tek gɛt in yon ship ɛn got dɛn.
41We di fayn ɛn trɔŋ uman animal dɛn kin want man, Jekɔb kin put di grin ɛn wayt tik dɛn na di wata usay dɛn de drink so dat dɛn go mek lɔv frɔnt di tik dɛn. 42Bɔt i nɔba put di tik dɛn bifo di wik wik animal dɛn. Na so Leban tek get ɔl di wik animal dɛn, ɛn Jekɔb in bin gɛt di fayn ɛn trɔŋ wan dɛn. 43Jekɔb du so, te ɛn gɛt bɔku ship, got. I jɛntri ɛn gɛt bɔku slev, kamɛl ɛn dɔŋki dɛn.
Currently Selected:
Jɛnɛsis 30: KRIO13
Highlight
Share
Copy
Want to have your highlights saved across all your devices? Sign up or sign in
Krio Bible © The Bible Society of Sierra Leone, 2013.
Jɛnɛsis 30
30
1We Rechɛl si se i nɔ de bɔn pikin fɔ Jekɔb, i bigin jɛlɔs in sista dɔn i tɛl Jekɔb se, “If yu nɔ mek a bɔn a go day.” 2Jekɔb bin vɛks bad bad wan pan Rechɛl ɛn i se, “Mi na PAPA GƆD we mek yu nɔ gɛt pikin yet?”
3Na de Rechɛl se, “Tek mi nɔsi Bila, lɛ i go bɔn pikin fɔ mi.” 4So Rechɛl gi Bila to Jekɔb fɔ tek mek wɛf. 5Bila gɛt bɛlɛ ɛn bɔn bɔypikin fɔ Jekɔb. 6Nain Rechɛl se, “PAPA GƆD dɔn tɔk fɔ mi. I yɛri mi prea ɛn i gi misɛf bɔypikin” I gi am nem Dan.#30:6 Dan I fiba di Ibru wɔd fɔ, ‘PAPA GƆD dɔn tɔk fɔ mi’. 7Bila gɛt bɛlɛ bak ɛn bɔn bɔypikin fɔ Jekɔb. 8Rechɛl se, “Mi ɛn mi sista dɔn fɛt traŋa traŋa wan, ɛn a dɔn win am;” so i gi di pikin nem Naftali#30:8 Naftali I fiba di Ibru wɔd fɔ, ‘fɛt’.
9We Lia kechɔp se i dɔn lɛf fɔ bɔn, i gi in nɔsi Zilpa to Jekɔb fɔ tek mek wɛf. 10Zilpa insɛf bɔn bɔypikin fɔ Jekɔb. 11Lia se, “A gɛt lɔk o” so i gi di pikin nem Gad.#30:11 Gad Na Ibru, i min ‘gud lɔk’. 12Zilpa bɔn ɔda bɔypikin fɔ Jekɔb, 13ɛn Lia se, “A gladi bad bad wan; ɔl dɛn uman go ɛp mi gladi;” ɛn i gi di pikin nem Asha.#30:13 Asha Na Ibru, i min ‘gladi’.
14We di tɛm rich fɔ avɛst wit, Rubɛn go na di fam fɔ fɛn mandrek ɛn briŋ sɔm kam fɔ in mama Lia. Rechɛl beg Lia fɔ gi am sɔm pan in pikin in mandrek.#30:14 Mandrek Na wan kayn plant we dɛn biliv se go mek uman bɔn we i it am.
15Nain Lia ansa se, “Yu dɔn tek mi man dat nɔ du fɔ yu? Dɔn naw yu de tray fɔ tek mi bɔypikin in mandrek dɛn?”
Rechɛl se, “A go mek Jekɔb slip to yu dis nɛt if yu mek yu pikin gi mi sɔm pan in mandrek dɛn.”
16We Jekɔb kɔmɔt na di fam da ivin tɛm de, Lia rɔn go na do go mit am ɛn tɛl am se, “Na mi yu de slip to dis nɛt, bikɔs a dɔn bay yu wit mi pikin in mandrek dɛn.” So Jekɔb slip to am da nɛt de.
17PAPA GƆD ansa Lia in prea ɛn mek i gɛt ɔda bɛlɛ ɛn bɔn in nɔmba fayv bɔypikin fɔ Jekɔb. 18Lia se, “PAPA GƆD dɔn gi mi bunya bikɔs a gi mi nɔsi to mi man;” ɛn i gi di pikin nem Isaka.#30:18 Isaka I fiba di Ibru wɔd fɔ ‘a aya di man’ ɔ ‘na mi pe. 19Lia gɛt bɛlɛ bak ɛn i bin bɔn in nɔmba siks bɔypikin fɔ Jekɔb, i gi di pikin nem Zɛbyulɔn. 20I kɔl am Zɛbyulɔn#30:20 Zɛbyulɔn I fiba di Ibru wɔd fɔ gri fɔ tek sɔntin ɔ fɔ gi pɔsin ɔntin. bikɔs i se, “PAPA GƆD dɔn gi mi fayn prɛzɛnt. Ɛn naw mi man go lɛk mi bikɔs a dɔn bɔn siks bɔypikin dɛn fɔ am. 21I nɔ tu te igen i gɛt bɛlɛ bak ɛn bɔn wan gyal pikin, we i gi nem Dayna.
22Dɔn PAPA GƆD sɔri fɔ Rechɛl. I ansa in prea ɛn mek i ebul fɔ gɛt pikin dɛn. 23I gɛt bɛlɛ ɛn bɔn bɔypikin. I se, “PAPA GƆD dɔn pul disgres pan mi we i gi mi bɔypikin.” 24I gi di pikin nem Josɛf#30:24 Josɛf I fiba di Ibru wɔd fɔ ‘mek i gi mɔ’. ɛn tɔk se lɛ PAPA GƆD gi am ɔda bɔypikin.
Jekɔb Tay Bagin wit Leban
25Afta we Rechɛl dɔn bɔn Josɛf, Jekɔb tɛl Leban se in want fɔ tɔn bak go nain om. 26So lɛ i gi am in wɛf dɛn we dɔn wok fɔ gɛt fɔ lɛ i go wit di pikin dɛn. I se Leban no wetin i dɔn bɛnifit frɔm in wok.
27Leban beg am se, lɛ i nɔ lɛf am. I se in dɔn go luk grɔn ɛn dɛn tɛl am se na fɔseka am mek PAPA GƆD dɔn blɛs am. 28Ɛn i aks Jekɔb ɔmɔs i go want fɔ in pe fɔ mek i go kɔntinyu fɔ wok fɔ am.
29Jekɔb ansa am se in di Leban, no aw i dɔn wok fɔ am ɛn aw in animal dɛn dɔn bɔku we i de mɛn dɛn. 30I se, di smɔl wan we Leban bin gɛt dɔn plɛnti tumɔs, ɛn na bikɔs ɔf in di Jekɔb mek PAPA GƆD de blɛs am mɔ ɛn mɔ so ustɛm in go provayd fɔ in yon famili
31Leban aks am se ɔmɔs in fɔ pe am.
Jekɔb tɛl am se lɛ i nɔ pe am fɔ di wok we i dɔn du. Bɔt i se wetin i want am fɔ du fɔ mek i go kɔntinyu fɔ mɛn in animal dɛn, 32na fɔ mek i luk rawnd ɔl in animal dɛn da sem de de ɛn tek fɔ insɛf ɔl di blak ship pikin dɛn ɛn ɔl di got ɛn ship dɛn we gɛt mak pan dɛn. Na dɛn wan dɛn de go bi in pe. 33I se if Leban want fɔ no ɛnitɛm if i de waka tret wit am, i fɔ kam luk di animal dɛn we i dɔn tek fɔ in pe. If i si ɛni got ɔ ship we nɔ gɛt mak ɔ we nɔ blak, da tɛm de i go no se i dɔn tif am.
34Leban gri wit wetin Jekɔb se. 35Bɔt da de de, Leban pul ɔl di man got dɛn we gɛt mak we nɔto bin piɔ wayt ɛn ɔl di uman got dɛn we nɔto bin piɔ wayt we gɛt spɔt ɛn mak. I pul ɔl di blak ship dɛnsɛf. I gi in bɔypikin dɛn fɔ mɛn dɛn. 36Dɛn kɔmɔt nia Jekɔb ɛn go na wan ples we na tri de i go tek fɔ rich de. Bɔt Jekɔb bin kɔntinyu fɔ mɛn Leban in animal dɛn we lɛf.
37Jekɔb kɔt frɛsh branch kɔmɔt pan sɔm tik dɛn. Ɛn dɛn tik dɛn ya na bin di pɔpyula tik, almɔn tik ɛn wan ɔda wan tik we na plen tik. Dɔn i pil sɔm di kanda kɔmɔt pan di tik dɛn we mek di insay pat we na wayt bin de sho. 38I put dɛn tik ya na di say we di ship ɛn got dɛn kin go drink wata, bikɔs wɛn dɛn go drink wata, nain dɛn kin mek lɔv. 39Di wan dɛn we kin gɛt bɛlɛ bifo dɛn tik ya, kin bɔn soso blak ɛn wayt ship ɛn got dɛn.
40Jekɔb kin pul di uman ship ɛn got dɛn ɛn put dɛn wan say dɔn i kin mek dɛn tinap luk Leban in yon dɛn we nɔto we piɔ dɛn want mek lɔv wayt ɔ piɔ blak so wɛn ɛn dɛn kin bɔn pikin di pikin dɛn nɔba gɛt wangren kɔla. Na so Jekɔb tek gɛt in yon ship ɛn got dɛn.
41We di fayn ɛn trɔŋ uman animal dɛn kin want man, Jekɔb kin put di grin ɛn wayt tik dɛn na di wata usay dɛn de drink so dat dɛn go mek lɔv frɔnt di tik dɛn. 42Bɔt i nɔba put di tik dɛn bifo di wik wik animal dɛn. Na so Leban tek get ɔl di wik animal dɛn, ɛn Jekɔb in bin gɛt di fayn ɛn trɔŋ wan dɛn. 43Jekɔb du so, te ɛn gɛt bɔku ship, got. I jɛntri ɛn gɛt bɔku slev, kamɛl ɛn dɔŋki dɛn.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Krio Bible © The Bible Society of Sierra Leone, 2013.