Baseriŋ Bithɔɔkɔ beŋ 10
10
Kɔniliyɔsi ŋindiyɛ Pita na
1Wɔ wunthe kiŋ nde ka mɛti ba ka Sɛsariya, keŋ nama kuna Kɔniliyɔsi. Bayaha na nde ka kurugbani binɔndi ka biRomaŋ beŋ. Kurugbani bi nde wundɛ kɔtiyɔkɔ beŋ, kiki babɛina ba kɔŋ dɔma, na “Kiki ba ka biItali beŋ baŋ.” 2Wundɛ iŋ kubɔri nama koŋ fooma bi payɔy nde Masaala na e bindɛ niŋ kɔ niya kubatho. Awa wundɛ hɛlɛŋ nde kɔ niya bɛyiniŋ bamandiŋ ba mase biYusu bibamɔnɛŋ beŋ awa wundɛ kɔŋ nde hɛlɛŋ ni kuraminɛ ka Masaala yako-yako. 3Bɛrɛ ba ka wakathi wotaati wo biYusu beŋ niye kuraminɛ ku hatɔ koŋ, kɛna ni Masaala ba wundɛ kuta nagberekethe ka maniyɔ mathɔɔkɔ nɔŋ mandɛ maleka wo ka Masaala woŋ si biyande kaake ka banka nama baŋ e niŋ thiya, na “Kɔniliyɔsi!”
4Wundɛ dethe maleka woŋ iŋ payɔ humandiŋ e tɛpa, na “Hɛmɔŋ, mbɛ hu yama yi thiye?”
Maleka woŋ mɛyiyɛ niŋ, na “Wuŋ yehe Masaala na ba ŋaraminɛ ŋa yi ni ŋaŋ mɛnɛ bayɔhɔy ba yi ni baŋ. Awa wundɛ kiŋ nda wokɔsinɔkɔy ba yina mɛyiyɛ. 5Bɛna ŋinda biya binɔndi ka Yɔpa ba hati lamgba wunthe wo dɔma na Saimɔŋ Pita. 6Thahinɛ na wundɛ kɛndɛ ka banka ba ka bakaranke wo dɔma woŋ na Saimɔŋ, wo thuriye mandi mamɛɛti maŋ.” 7Kɛna piriŋeye niŋ maleka woŋ nayeŋ, awa Kɔniliyɔsi thiyi bawaliŋ nama biye mɛnɛ kurugba wunthe wo ni Masaala na kubatho wo niŋ mase woŋ. 8Kɔniliyɔsi tepe bindɛ ba thankɛ niyɔ baŋ awa e ŋinda bindɛ ka Yɔpa ka.
9Ka gbɛɛŋ wo yemɛ woŋ, naa nde hintiŋ lamgbeŋ beŋ beŋ baŋ key, bindɛ thuriye ka Yɔpa. Ka lɔkɔ na, Pita dunkɔy ka banka bagbɛnthɛŋ-gbɛnthɛŋ ba ka thinthi baŋ hatɔ teete ba niya kuraminɛ. 10Kɛna bohe niŋ kɔnthɔ. Naa hintiŋ wuŋ tota, Masaala ni ba wundɛ kuta bɛyiniŋ ka maniyɔ mathɔɔkɔ nɔŋ mandɛ. 11Wundɛ kute na pɛthɔy ka ariana awa e ntha kɔ thuha wu thɔyande nɔŋ thika bamandiŋ e bɛŋ yukuwo ka ŋalɛmpi-lɛmpi ŋaŋanaŋ ŋaŋ e bɛŋ kɔ thuhuto ka faido. 12Ka thika baŋ baŋ maamiŋ bi ŋathaki ŋanaŋ fooma bi kiŋ nde kɛndɛ, maamiŋ bi bɔlɔkɔ kɛkɛŋ beŋ, mɛnɛ bɛtiŋ bi ka hee beŋ. 13Kɛna fuŋ thampa tha tɛpɛ ka Pita ba dɔma, na “Ŋaye ka kɔɔ, Pita. Kɔra maamiŋ beŋ beŋ e yi thɔma.”
14Kɛrɛ Pita tepe, na “Mariki, ade! Yaŋ thometa hɛ nɔŋ hanthe maama wo dɔma wo ba mɛthi maa wopothuwɛ.”
15Thampa thaŋ gbonkitiyande niŋ hɛlɛŋ, na “Ba dɔŋ ntha yo ntha ki mɛthɛŋ Masaala na wupothuwɛ wuna.” 16Wuŋ, wu niyɔy makɔɔni mataati, awa ka wumankɛ kɛna ŋatito nda ntiŋ thika baŋ baŋ ka ariana.
17Naa hintiŋ Pita ni thakaba ba ba thanki wundɛ kuta baŋ, biya bi ŋindi Kɔniliyɔsi beŋ toŋino banka ba ka Pita kɛ baŋ, awa bindɛ kooyeŋ nda ka biyo haŋ. 18Kɛna thiyi bindɛ e bindɛ thɔnthiŋina, na “E thahinɛ kiŋ dondo baŋ wo dɔma na Saimɔŋ Pita?”
19Pita kiŋ nthuŋ ka yɔla ba hakiyando bɛyiniŋ ba thanki wundɛ kuta baŋ. Kɛna tepe niŋ Yina wo ka Masaala woŋ, na “Pona kuiha! Biya bitaati bi kiŋ dondo bi deethi yina! 20Bɛna, ŋayi e yi thuha ka pothi awa ba niyɔ haamɛ ba kaa iŋ bindɛ, baa yama ŋindɛ bindɛ kɛnda do.” 21Pita thuhe ka pothi e tɛpa ka biya beŋ beŋ, na “Yama wɔ hɛ beŋ deethi woŋ. Mbɛ ba see beŋ?”
22Bindɛ mɛyiyɛ niŋ, na “Bayaha woŋ Kɔniliyɔsi na ŋindɛ mina, wundɛ kiŋ wɔ thumbɛ wo ni Masaala na kubatho awa wundɛ kiŋ hɛlɛŋ wo thiyo yiki bamandiŋ iŋ biYusu beŋ fooma. Maleka wo ka Masaala woŋ tepe niŋ ba yina thiya ka banka bakɛnama baŋ, wuna wundɛ punku ba yuyɛ ba yi niŋ tepe baŋ.” 23Pita yɛrɔkɔy biya beŋ e wundɛ bindɛ gbonkitiyande ba bindɛ be huru.
Naa puthɔy kaŋ woŋ, wundɛ key iŋ bindɛ, awa mbɛndama binɔndi bi ka kulanɛya koŋ beŋ ka Yɔpa key iŋ wundɛ. 24Ka gbɛɛŋ wowuntheŋ woŋ, bindɛ biyande ka Sɛsariya, ka nde Kɔniliyɔsi bindɛ yumbu kɛ, mɛnɛ mpoo nama kiŋ mɛnɛ binyathiki nama bi thanki wundɛ thiya beŋ. 25Naa bohe Pita ba biyande, Kɔniliyɔsi penke niŋ e kunthuŋa ka kɔtɔkɔy kɛnama. 26Kɛrɛ Pita ni ba wundɛ ŋayinɔkɔ e tɛpa, na “Ŋayi ka kɔɔ. Yaŋ gbeeŋ wɔmɛti na yaŋ.” 27Pita key ka kɔtɔkɔy kaŋ gbonkitiyande Kɔniliyɔsi na naa bindɛ biyande ka banka baŋ. Kɛna penke Pita biya bibɔyɛ bi kɔmande. 28Wundɛ tepe kɛnamɛŋ, na “Beŋ, beŋ kɔthɛŋ ka yɛthɛ ndeŋ baŋ nagberekethe ba dɔma na woYu sa mɛkina ba tikitande iŋ wɔ wo ka siya bahɛna baŋ, saathɛ ba ka sirani ba ka dina wokɛnama woŋ baŋ. Kɛrɛ Masaala toŋine yama nagberekethe ba dɔma na yaŋ ka ba dɔma wɔmɛti ba wundɛ niyɔ wo ba mɛthi ba hintiŋ nthɔŋ dɔma na wopothuwɛ na wundɛ. 29Awa bɛna, naa ŋindi yi ba yaŋ, yaŋ tha baŋaŋ, huna see yaŋ. Huna yaŋ tɛnkɛŋ thampa. Mbɛ saabu ba ŋindiye yi yama?”
30Kɔniliyɔsi tepe, na “Wuŋ sekithe nda hura kataati naa yeheŋ yaŋ ni kuraminɛ ka banka niŋ ka. Bɛrɛ ba ka wakathi wotaati wo biYusu beŋ niye kuraminɛ ku hatɔ koŋ, hati lamgba wunthe wo thɔɔyɛ muthɔɔ mumaleke see kɔɔ ka kɔtɔkɔy kiyaŋ, 31e wundɛ dɔma kiyaŋ, na ‘Kɔniliyɔsi! Masaala thanki yuyɛ kuraminɛ nda koŋ awa wundɛ siyuweŋ bayɔhɔy ba yi ni baŋ. 32Bɛna ŋinda wɔ ka Yɔpa ba hati lamgba wo dɔma Saimɔŋ Pita, thahinɛ na ka banka ba ka Saimɔŋ wo bakaranke woŋ, wuthuriye ka mandi mamɛɛti maŋ.’ 33Awa wuna biyɛ yaŋ ŋinda toloŋ ba yi, awa yi hɛlɛŋ yi ni wuyɔhɔy ba thana hutha kuthaki ba saa. Bɛna miŋ kiŋ dondo baŋ nda fooma ka kupɛnkintiyande ku ka Masaala koŋ, ka yumba yina ba yuyɛ bɛy yo bɛy ba dunkune yina Mariki woŋ ba mina si tepe baŋ.”
Pita sekithe sɔkɔ ba gbonkiya
34Pita sɛsi ba gbonkiya, na “Ka lɔkɔ baŋ baŋ kɛna kɔthɛ ntiŋ yaŋ nagberekethe ba dɔma na Masaala kɔŋ diŋe biyamɛti nanthe nathesi.#Dit 10:17 35Wɔ yo wɔ wo niŋ payɔ e wundɛ kɔ niya wuthumbɛ, Masaala kɔŋ niŋ yerɔkɔ, awa wundɛ hakinandeta hali kɔita siya ba wundɛ. 36Beŋ kɔthɛŋ thampa tha ŋindi Masaala thaŋ ka biya bi ka Isirɛli beŋ, bi niyo kɛwandi Huseri Huyɔhɔy haŋ hu sisi mathɛbɛ ma ŋaye ka Yisɔs Kraist maŋ, wundɛ wo Mariki ka biyamɛti woŋ fooma. 37Beŋ kɔthɛŋ bɛyiniŋ bamandiŋ ba thankɛ niyɔ baŋ fooma ka kuyɛkɛŋ ku ka Isirɛli koŋ, sesuwe ka Kalili, naa thanki Yɔni nde niya kɛwandi maseri nama maŋ ma ka biye biye hu ka Masaala haŋ maŋ. 38Beŋ kɔthɛŋ ba Yisɔs wo ka Nasarɛthi woŋ awa mɛnɛ na thiŋiŋ niŋ Masaala Yina wokɛnama woŋ iŋ sɛmbɛ. Wundɛ key kamo kama kaŋ niya bayɔhɔy iŋ kaŋ puya biya fooma bi bɔhɔy iŋ sɛmbɛ ba ka Wayi Womandiŋ woŋ baŋ, baa Masaala kiŋ nde iŋ wundɛ. 39Miŋ kiŋ maseri ba bɛyiniŋ baŋ baŋ fooma ba thanki wundɛ niya baŋ ka kuyɛkɛŋ ku ka biYusu beŋ koŋ mɛnɛ ka mɛti ba ka Yɛrusalɛmi baŋ gbeeŋ. Kɛrɛ bindɛ kore niŋ ka yanta niŋ ka kuyeŋ koŋ. 40Kɛrɛ Masaala ŋayaŋ niŋ ka tuka haŋ ka gbɛɛŋ wotaati woŋ e wundɛ niŋ niya ba wundɛ kuto. 41Wuŋ ka ka biya fooma, kɛrɛ kɛntuŋ nagbɛti mindo thanki wundɛ yɛtha beŋ ba niyɔ maseri ba huŋ, mindo thɔmɛ beŋ e miŋ thiiye ka tha banthe iŋ wundɛ naa thanki wundɛ ŋayi ka tuka haŋ. 42Wundɛ ni mina yamari ba niya kɛwandi Huseri Huyɔhɔy haŋ ka biya fooma mɛnɛ ba tɔŋina nagberekethe ba dɔma na wundɛ na thanki Masaala yɛtha ba kɔnsiŋina bihɛmɛ beŋ mɛnɛ bitukɛ beŋ. 43Banabiŋ beŋ fooma thanki gbonkiya ba Yisɔs wobɛina ba dɔma na wɔ yo wɔ wo ni kulanɛya kɛnama, wundɛ kɔŋ pɛniya hakɛŋ nama baŋ maŋaye ka sɛmbɛ ba ka keŋ nama koŋ baŋ.”
Siyani bahɛna baŋ kute Yina wo ka Masaala woŋ
44Naa nde hintiŋ Pita gbonkoy, Yina wo ka Masaala woŋ thuhe bindɛ fooma bi nde poniyɛ kuiha huseri hu wundɛ ni haŋ. 45Balanɛyani biYusu bi ŋaye ka Yɔpa iŋ Pita beŋ ni ŋakabanɛ ba kuta na dunkuŋ Masaala munkii mu ka Yina nama woŋ muŋ ka siyani bahɛna baŋ. 46Bindɛ thanki yuyɛ naa biya beŋ gbonkoy ka thayuni thathɛrɛnaŋ thaŋ kaŋ gbuŋunuwa Masaala na. Pita gbonkoy hɛlɛŋ, na 47“Mbɛ wo nda pindi ba bindɛ ba biyo biye hu ka Masaala haŋ iŋ mandi? Biya beŋ beŋ thanki kuta Yina wo ka Masaala woŋ nɔŋ na niyɔy nde nthɔŋ miŋ na.” 48Kɛna ni wundɛ bindɛ yamari ba bindɛ be biyo ka keŋ ku ka Yisɔs Kraist koŋ. Awa biya beŋ fooma thɔnthɔŋɔŋ Pita na ba wundɛ be niyɔ iŋ bindɛ ba mandɛni makɔndande.
Currently Selected:
Baseriŋ Bithɔɔkɔ beŋ 10: LMBNT
Highlight
Share
Copy
Want to have your highlights saved across all your devices? Sign up or sign in
© The Bible Society of Sierra Leone, 2011
Baseriŋ Bithɔɔkɔ beŋ 10
10
Kɔniliyɔsi ŋindiyɛ Pita na
1Wɔ wunthe kiŋ nde ka mɛti ba ka Sɛsariya, keŋ nama kuna Kɔniliyɔsi. Bayaha na nde ka kurugbani binɔndi ka biRomaŋ beŋ. Kurugbani bi nde wundɛ kɔtiyɔkɔ beŋ, kiki babɛina ba kɔŋ dɔma, na “Kiki ba ka biItali beŋ baŋ.” 2Wundɛ iŋ kubɔri nama koŋ fooma bi payɔy nde Masaala na e bindɛ niŋ kɔ niya kubatho. Awa wundɛ hɛlɛŋ nde kɔ niya bɛyiniŋ bamandiŋ ba mase biYusu bibamɔnɛŋ beŋ awa wundɛ kɔŋ nde hɛlɛŋ ni kuraminɛ ka Masaala yako-yako. 3Bɛrɛ ba ka wakathi wotaati wo biYusu beŋ niye kuraminɛ ku hatɔ koŋ, kɛna ni Masaala ba wundɛ kuta nagberekethe ka maniyɔ mathɔɔkɔ nɔŋ mandɛ maleka wo ka Masaala woŋ si biyande kaake ka banka nama baŋ e niŋ thiya, na “Kɔniliyɔsi!”
4Wundɛ dethe maleka woŋ iŋ payɔ humandiŋ e tɛpa, na “Hɛmɔŋ, mbɛ hu yama yi thiye?”
Maleka woŋ mɛyiyɛ niŋ, na “Wuŋ yehe Masaala na ba ŋaraminɛ ŋa yi ni ŋaŋ mɛnɛ bayɔhɔy ba yi ni baŋ. Awa wundɛ kiŋ nda wokɔsinɔkɔy ba yina mɛyiyɛ. 5Bɛna ŋinda biya binɔndi ka Yɔpa ba hati lamgba wunthe wo dɔma na Saimɔŋ Pita. 6Thahinɛ na wundɛ kɛndɛ ka banka ba ka bakaranke wo dɔma woŋ na Saimɔŋ, wo thuriye mandi mamɛɛti maŋ.” 7Kɛna piriŋeye niŋ maleka woŋ nayeŋ, awa Kɔniliyɔsi thiyi bawaliŋ nama biye mɛnɛ kurugba wunthe wo ni Masaala na kubatho wo niŋ mase woŋ. 8Kɔniliyɔsi tepe bindɛ ba thankɛ niyɔ baŋ awa e ŋinda bindɛ ka Yɔpa ka.
9Ka gbɛɛŋ wo yemɛ woŋ, naa nde hintiŋ lamgbeŋ beŋ beŋ baŋ key, bindɛ thuriye ka Yɔpa. Ka lɔkɔ na, Pita dunkɔy ka banka bagbɛnthɛŋ-gbɛnthɛŋ ba ka thinthi baŋ hatɔ teete ba niya kuraminɛ. 10Kɛna bohe niŋ kɔnthɔ. Naa hintiŋ wuŋ tota, Masaala ni ba wundɛ kuta bɛyiniŋ ka maniyɔ mathɔɔkɔ nɔŋ mandɛ. 11Wundɛ kute na pɛthɔy ka ariana awa e ntha kɔ thuha wu thɔyande nɔŋ thika bamandiŋ e bɛŋ yukuwo ka ŋalɛmpi-lɛmpi ŋaŋanaŋ ŋaŋ e bɛŋ kɔ thuhuto ka faido. 12Ka thika baŋ baŋ maamiŋ bi ŋathaki ŋanaŋ fooma bi kiŋ nde kɛndɛ, maamiŋ bi bɔlɔkɔ kɛkɛŋ beŋ, mɛnɛ bɛtiŋ bi ka hee beŋ. 13Kɛna fuŋ thampa tha tɛpɛ ka Pita ba dɔma, na “Ŋaye ka kɔɔ, Pita. Kɔra maamiŋ beŋ beŋ e yi thɔma.”
14Kɛrɛ Pita tepe, na “Mariki, ade! Yaŋ thometa hɛ nɔŋ hanthe maama wo dɔma wo ba mɛthi maa wopothuwɛ.”
15Thampa thaŋ gbonkitiyande niŋ hɛlɛŋ, na “Ba dɔŋ ntha yo ntha ki mɛthɛŋ Masaala na wupothuwɛ wuna.” 16Wuŋ, wu niyɔy makɔɔni mataati, awa ka wumankɛ kɛna ŋatito nda ntiŋ thika baŋ baŋ ka ariana.
17Naa hintiŋ Pita ni thakaba ba ba thanki wundɛ kuta baŋ, biya bi ŋindi Kɔniliyɔsi beŋ toŋino banka ba ka Pita kɛ baŋ, awa bindɛ kooyeŋ nda ka biyo haŋ. 18Kɛna thiyi bindɛ e bindɛ thɔnthiŋina, na “E thahinɛ kiŋ dondo baŋ wo dɔma na Saimɔŋ Pita?”
19Pita kiŋ nthuŋ ka yɔla ba hakiyando bɛyiniŋ ba thanki wundɛ kuta baŋ. Kɛna tepe niŋ Yina wo ka Masaala woŋ, na “Pona kuiha! Biya bitaati bi kiŋ dondo bi deethi yina! 20Bɛna, ŋayi e yi thuha ka pothi awa ba niyɔ haamɛ ba kaa iŋ bindɛ, baa yama ŋindɛ bindɛ kɛnda do.” 21Pita thuhe ka pothi e tɛpa ka biya beŋ beŋ, na “Yama wɔ hɛ beŋ deethi woŋ. Mbɛ ba see beŋ?”
22Bindɛ mɛyiyɛ niŋ, na “Bayaha woŋ Kɔniliyɔsi na ŋindɛ mina, wundɛ kiŋ wɔ thumbɛ wo ni Masaala na kubatho awa wundɛ kiŋ hɛlɛŋ wo thiyo yiki bamandiŋ iŋ biYusu beŋ fooma. Maleka wo ka Masaala woŋ tepe niŋ ba yina thiya ka banka bakɛnama baŋ, wuna wundɛ punku ba yuyɛ ba yi niŋ tepe baŋ.” 23Pita yɛrɔkɔy biya beŋ e wundɛ bindɛ gbonkitiyande ba bindɛ be huru.
Naa puthɔy kaŋ woŋ, wundɛ key iŋ bindɛ, awa mbɛndama binɔndi bi ka kulanɛya koŋ beŋ ka Yɔpa key iŋ wundɛ. 24Ka gbɛɛŋ wowuntheŋ woŋ, bindɛ biyande ka Sɛsariya, ka nde Kɔniliyɔsi bindɛ yumbu kɛ, mɛnɛ mpoo nama kiŋ mɛnɛ binyathiki nama bi thanki wundɛ thiya beŋ. 25Naa bohe Pita ba biyande, Kɔniliyɔsi penke niŋ e kunthuŋa ka kɔtɔkɔy kɛnama. 26Kɛrɛ Pita ni ba wundɛ ŋayinɔkɔ e tɛpa, na “Ŋayi ka kɔɔ. Yaŋ gbeeŋ wɔmɛti na yaŋ.” 27Pita key ka kɔtɔkɔy kaŋ gbonkitiyande Kɔniliyɔsi na naa bindɛ biyande ka banka baŋ. Kɛna penke Pita biya bibɔyɛ bi kɔmande. 28Wundɛ tepe kɛnamɛŋ, na “Beŋ, beŋ kɔthɛŋ ka yɛthɛ ndeŋ baŋ nagberekethe ba dɔma na woYu sa mɛkina ba tikitande iŋ wɔ wo ka siya bahɛna baŋ, saathɛ ba ka sirani ba ka dina wokɛnama woŋ baŋ. Kɛrɛ Masaala toŋine yama nagberekethe ba dɔma na yaŋ ka ba dɔma wɔmɛti ba wundɛ niyɔ wo ba mɛthi ba hintiŋ nthɔŋ dɔma na wopothuwɛ na wundɛ. 29Awa bɛna, naa ŋindi yi ba yaŋ, yaŋ tha baŋaŋ, huna see yaŋ. Huna yaŋ tɛnkɛŋ thampa. Mbɛ saabu ba ŋindiye yi yama?”
30Kɔniliyɔsi tepe, na “Wuŋ sekithe nda hura kataati naa yeheŋ yaŋ ni kuraminɛ ka banka niŋ ka. Bɛrɛ ba ka wakathi wotaati wo biYusu beŋ niye kuraminɛ ku hatɔ koŋ, hati lamgba wunthe wo thɔɔyɛ muthɔɔ mumaleke see kɔɔ ka kɔtɔkɔy kiyaŋ, 31e wundɛ dɔma kiyaŋ, na ‘Kɔniliyɔsi! Masaala thanki yuyɛ kuraminɛ nda koŋ awa wundɛ siyuweŋ bayɔhɔy ba yi ni baŋ. 32Bɛna ŋinda wɔ ka Yɔpa ba hati lamgba wo dɔma Saimɔŋ Pita, thahinɛ na ka banka ba ka Saimɔŋ wo bakaranke woŋ, wuthuriye ka mandi mamɛɛti maŋ.’ 33Awa wuna biyɛ yaŋ ŋinda toloŋ ba yi, awa yi hɛlɛŋ yi ni wuyɔhɔy ba thana hutha kuthaki ba saa. Bɛna miŋ kiŋ dondo baŋ nda fooma ka kupɛnkintiyande ku ka Masaala koŋ, ka yumba yina ba yuyɛ bɛy yo bɛy ba dunkune yina Mariki woŋ ba mina si tepe baŋ.”
Pita sekithe sɔkɔ ba gbonkiya
34Pita sɛsi ba gbonkiya, na “Ka lɔkɔ baŋ baŋ kɛna kɔthɛ ntiŋ yaŋ nagberekethe ba dɔma na Masaala kɔŋ diŋe biyamɛti nanthe nathesi.#Dit 10:17 35Wɔ yo wɔ wo niŋ payɔ e wundɛ kɔ niya wuthumbɛ, Masaala kɔŋ niŋ yerɔkɔ, awa wundɛ hakinandeta hali kɔita siya ba wundɛ. 36Beŋ kɔthɛŋ thampa tha ŋindi Masaala thaŋ ka biya bi ka Isirɛli beŋ, bi niyo kɛwandi Huseri Huyɔhɔy haŋ hu sisi mathɛbɛ ma ŋaye ka Yisɔs Kraist maŋ, wundɛ wo Mariki ka biyamɛti woŋ fooma. 37Beŋ kɔthɛŋ bɛyiniŋ bamandiŋ ba thankɛ niyɔ baŋ fooma ka kuyɛkɛŋ ku ka Isirɛli koŋ, sesuwe ka Kalili, naa thanki Yɔni nde niya kɛwandi maseri nama maŋ ma ka biye biye hu ka Masaala haŋ maŋ. 38Beŋ kɔthɛŋ ba Yisɔs wo ka Nasarɛthi woŋ awa mɛnɛ na thiŋiŋ niŋ Masaala Yina wokɛnama woŋ iŋ sɛmbɛ. Wundɛ key kamo kama kaŋ niya bayɔhɔy iŋ kaŋ puya biya fooma bi bɔhɔy iŋ sɛmbɛ ba ka Wayi Womandiŋ woŋ baŋ, baa Masaala kiŋ nde iŋ wundɛ. 39Miŋ kiŋ maseri ba bɛyiniŋ baŋ baŋ fooma ba thanki wundɛ niya baŋ ka kuyɛkɛŋ ku ka biYusu beŋ koŋ mɛnɛ ka mɛti ba ka Yɛrusalɛmi baŋ gbeeŋ. Kɛrɛ bindɛ kore niŋ ka yanta niŋ ka kuyeŋ koŋ. 40Kɛrɛ Masaala ŋayaŋ niŋ ka tuka haŋ ka gbɛɛŋ wotaati woŋ e wundɛ niŋ niya ba wundɛ kuto. 41Wuŋ ka ka biya fooma, kɛrɛ kɛntuŋ nagbɛti mindo thanki wundɛ yɛtha beŋ ba niyɔ maseri ba huŋ, mindo thɔmɛ beŋ e miŋ thiiye ka tha banthe iŋ wundɛ naa thanki wundɛ ŋayi ka tuka haŋ. 42Wundɛ ni mina yamari ba niya kɛwandi Huseri Huyɔhɔy haŋ ka biya fooma mɛnɛ ba tɔŋina nagberekethe ba dɔma na wundɛ na thanki Masaala yɛtha ba kɔnsiŋina bihɛmɛ beŋ mɛnɛ bitukɛ beŋ. 43Banabiŋ beŋ fooma thanki gbonkiya ba Yisɔs wobɛina ba dɔma na wɔ yo wɔ wo ni kulanɛya kɛnama, wundɛ kɔŋ pɛniya hakɛŋ nama baŋ maŋaye ka sɛmbɛ ba ka keŋ nama koŋ baŋ.”
Siyani bahɛna baŋ kute Yina wo ka Masaala woŋ
44Naa nde hintiŋ Pita gbonkoy, Yina wo ka Masaala woŋ thuhe bindɛ fooma bi nde poniyɛ kuiha huseri hu wundɛ ni haŋ. 45Balanɛyani biYusu bi ŋaye ka Yɔpa iŋ Pita beŋ ni ŋakabanɛ ba kuta na dunkuŋ Masaala munkii mu ka Yina nama woŋ muŋ ka siyani bahɛna baŋ. 46Bindɛ thanki yuyɛ naa biya beŋ gbonkoy ka thayuni thathɛrɛnaŋ thaŋ kaŋ gbuŋunuwa Masaala na. Pita gbonkoy hɛlɛŋ, na 47“Mbɛ wo nda pindi ba bindɛ ba biyo biye hu ka Masaala haŋ iŋ mandi? Biya beŋ beŋ thanki kuta Yina wo ka Masaala woŋ nɔŋ na niyɔy nde nthɔŋ miŋ na.” 48Kɛna ni wundɛ bindɛ yamari ba bindɛ be biyo ka keŋ ku ka Yisɔs Kraist koŋ. Awa biya beŋ fooma thɔnthɔŋɔŋ Pita na ba wundɛ be niyɔ iŋ bindɛ ba mandɛni makɔndande.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Bible Society of Sierra Leone, 2011