NƐHIMAYA 12

Saagbuableisia kɛ Livaitisia ti Jikeisia

1Jisia mia a saagbuableisia kɛ Livaitisia ti wani taa Sɛlubabɛli Sealitiɛli hindoloi, kɛ Jɛsua: Sɛlaya, kɛ Jɛlimaya, kɛ Ɛsla, 2Amalaya, Maluki, Hatusi. 3Sɛkanaya, Lehumi, Mɛlɛmɔti, 4Ido, Ginɛtɔi, Abija, 5Mijamini, Madaya, Biliga, 6Sɛmaya, Jɔialibi, Jɛdaya, 7Salu, Amɔki, Hilikaya, Jɛdaya. Jisia mia saagbuableisia ti gulɔloobleisia a tie kɛ ti magbɛlɛmableisia Jɛsua voloisia hu.

8Kɛ Livaitisia: Jɛsua, Binui, Kadimiɛli, Sɛlɛbaya Juda kɛ Matanaya, na ta ngi magbɛlɛmablaa ti yɛ siɛgbua woleisia mahu. 9Kɛ Bakibukaya kɛ Uno taa ti magbɛlɛmablaa ti looilɔ ti lɛngahu ngengei hu.

Jɛsua Saagbuamɔ wai lengeisia

10Jɛsua yɛni a Joyakimi ngi kɛkɛ lɔ, Joyakimi yɛni a Eliasibi ngi kɛkɛ lɔ, Eliasibi yɛni a Joyada ngi kɛkɛ lɔ 11Joyada yɛni a Jonɛtan ngi kɛkɛ lɔ, kɛ Jonɛtan yɛni a Jadua ngi kɛkɛ lɔ.

Saagbuablaa ti Gulɔbleisia ti Mbondeisia

12Joyakimi voloisia hu, jisia mia saagbuableisia a tie ti yɛ mbonda wɛleisia mahu: Sɛlaya wɛlei Mɛlaya; Jɛlimaya wɛlei, Hananaya; 13Ɛsla wɛlei, Mɛsulami; Amalaya wɛlei, Jɛhohenani; 14Maluki wɛlei, Jonɛtan; Sɛbanaya wɛlei Josɛfi; 15Halimi wɛlei, Adina; Melaiɔti Hɛlikai; 16Ido wɛlei, Sɛkalaya; Ginɛtɔni wɛlei, Mɛsulami; 17Abija wɛlei, Sikilai; Miniamini wɛlei kɛ, Moadaya, Pilitai; 18Biliga wɛlei, Samua; Sɛmaya wɛlei, Jɛhonɛtan; 19Jɔialibi wɛlei, Matɛnai; Jɛdaya wɛlei, Usai; 20Salai wɛlei, Kalai, Amɔki wɛlei, Ebɛ; 21Hilikaya wɛlei, Hasabaya; Jɛdaya wɛlei, Nɛtanɛli.

Kɔlɔ Nyɛingɔi nasia Kɔloongɔ Saagbuablaa kɛ Livaitisia ti Mbondeisia ma

22Livaitisia va Eliasibi voleisia ma, Joyada, Johenani, kɛ Jadua, ti mbonda wɛlɛbu gulɔbleisia ti biyei nyɛinlɔ; kɛ gbɔma saagbuableisia haaŋ i too Dalɔsi Paasiamɔi maha watii ma. 23Livaitisia, mbonda wɛlɛbu gulɔbleisia, ti nyɛingɔ yɛla Kɔlɔ Wova Nyɛingɔisia hu haaŋ i too Johenani Eliasibi hindoloi voleisia ma.

Ngengei Gɔlɛkɔlɛyei Ngewɔ Wɛlei bu

24Kɛ Livaitisia ti gulɔlobleisia: Hasabaya, Sɛlɛbaya, Jɛsua Kadimiɛli hindoloi, taa ti gbɛlɛmableisia ti yɛlɔ loni ti lengahu tato ve va kɛ siɛgbua va, kia Devidi Ngewɔ hindoi ndeni, ti nyɔunyɔu lengahu. 25Matanaya, Bakibukaya, Obadaya, Mɛsulami, Talimɔni, kɛ Akubi ti yɛni a gɔlɔ lamableisia lɔ ti looni ndamagbatɛwɛleisia lama. 26Jisia ti yɛni a Joyakimi, Jɛsua hindoloi, Josedaki hindoloi voleisia hu lɔ, kɛ gɔminei Nɛhimaya voloisia hu kɛ saagbuamɔi Ɛsla, kɔlɔnyɛinmɔi.

Nɛhimaya Ta Waa hu Bundi Magayenga

27Kiahuna Jelusalɛmi bundi magayelei ma ti Livaitisia gɔkɔlilɔ ti hemeisia gbi, waa va a tie Jelusalɛmi kɔɔ ti magayema gomei ga a kohunɛɛ, a siɛgbualangaa kɛ ngoleyaa la, a galɛhaningaa. 28Ngoleyaableisia ti lɛlɔma hinda yila ta gbua kakei na hu Jelusalɛmi galangɔ kɛ Nɛtofataitisia ti vuleisia hu; 29Kɛ gbɔma ta gbua Bɛtigiga kɛ ta gbua Gɛba kɛ Asimavɛti gakei ma; gbamaile ngoleyaableisia ti yɛ fulangaa loonga tiayekpe va Jelusalɛmi galangɔ. 30Kɛ saagbuableisia kɛ Livaitisia ti tiayekpe masɛwɛsɛwɛilɔ kɛ ti nungeisia masɛwɛsɛwɛnga kɛ bundi lameisia kɛ bundi.

31Na wooma ngi wailɔ a Juda gulɔbleisia bundi mahu kɛ ngi loko loonga fahaŋ waa felenga ma nasia ti siɛgbuani kɛ ti lewenga kuluma. Yee ngila liilɔ a ngejama wee i too Kaa Wili Gɔlɔi Lamei 32tawao ti wooma Hosaya kɛ Juda gulɔbleisia lɛnga 33kɛ Asalaya, kɛ Ɛsla, kɛ Mɛsulami, 34Juda, Bɛnjamin, Sɛmaya, kɛ Jɛlimaya, ti liilɔ ti wooma. 35Kɛ foninge jaagbuableisia lɛnga ta potanisia vɛ: Sɛkalaya Jonɛtan hindoloi, Sɛmaya hindoloi, Matanaya hindoloi, Mikaya hindoloi Sakɔ hindoloi Asafi hindoloi; 36kɛ ngi ndewengaa, Sɛmaya, Asalɛ, Milalai, Gilalai, Maai, Nɛtanɛli, Juda, Hanani, ta Devidi yai hakeisia Ngewɔ hindoi; tawao kɔlɔnyɛinmɔi Ɛsla liilɔ ti gulɔ. 37Njavalimei Lamei, ti gulɔ, ti lɛɛlɔ yakpe a Devidi la wai gama wee, a bundi wooma wee, Devidi wɛlei mahu haaŋ ti foo Nja Gɔlɔi Lama a kɔ yaka wee.

38Nungaa wekei nasia ti siɛgbuani ti lilɔ a gɔwɔ hu wee, kɛ ngi toonga ti wooma a nungeisia lɛnga a bundi ma wee, Lɛwɛmɔmei Bundi yaguhangɔi mahu i foo Bundi Yawɔlɔmei, 39Ifileimi Bundi lamei mahu kɛ, Gɔlɔ lama wovei, kɛ Nyɛin Bundi lamei wee, kɛ Hananɛli bundi yaguhangɔi kɛ Hɔndɔ Bundi yaguhangɔi, i foo Mbala Bundi Lamei ma kɛ ti foonga manɛmɔi Bundi Lamei. 40Fale fahaŋ felei nasia ti siɛgbuani ti looilɔ Ngewɔ wɛlei bu, kɛ nya kɛ tokulɔbleisia lɛnga; 41kɛ saagbuableisia Eliakimi, Maseya, Miniamini, Mikaya, Ɛlioenai, Sɛkalaya, Hananaya ta potanisia vɛ; 42kɛ Maseya, Sɛmaya, Ɛleasa, Usai, Jɛhohenani, Makaija, Iilami kɛ Ɛsa. Kɛ ngoleyableisia ti ngoleyaailɔ ta Jɛsilaya a ti gulɔmɔ. 43Ti saa gbotongaa gbuailɔ foloi na ma kɛ ti kohunɛɛ wienga, gbamaile Ngewɔ i pienga ti kohunɛɛ waa wienga; nyahangeisia kɛ ndewengeisia bɛ ti kohunɛɛ wielɔ. Ti Jelusalɛmi gohunɛɛ humɛnilɔ kuhama.

Nungeisia Ve va Yenge va Ngewɔ Wɛlei bu

44Folei na ma ti loko loilɔ hingeisia ma yɛva haka lamagbatɛmeisia mahu, fe hanisia, haala wuluwuɛisia, kɛ kaka puuisia fe hanisia hu, ti yandɔva kia sawei ndeni la saagbuableisia va kɛ Livaitisia, a gbua ta gbaleisia hu; ajifa Juda gohunɛɛlɔ saagbuablei nasia va kɛ Livaiti nasia va ti kpeegbuani. 45Ti yengelɔ ti Yewɔ va kɛ ti sɛwɛsɛwɛ hinda wienga, kia ngoleyaableisia kɛ gɔlɔ lamableisia ti pieni la, kia Devidi ndeni la kɛ ngi hindoloi Sɔlɔmɔn. 46Ajifa Devidi voloisia ma kɛ Asafi watii huguhangɔ va, tokulɔ yɛlɔ na ngoleyaableisia va, tawao tato kɛ siɛgbua wolengaa ti yɛlɔ na Ngewɔ gama. 47Sɛlubabɛli voloisia hu kɛ Nɛhimaya Isleɛl nungeisia kpɛlɛɛ ti ti voloma vehanisia veilɔ ngoleyaableisia kɛ gɔlɔ lama mahugbeebleisia wɛ. Ti na gbuailɔ gba na i yɛ Livaitisia va kɛ Livaitisia ti kpua ma na yɛna Elɔn lengeisia va.

Currently Selected:

NƐHIMAYA 12: RMB

Highlight

Copy