NƐHIMAYA 7
7
1Kiahuna ji ti kpɔyɔni a bundi loola, kɛ ngi yee nɛteisia hɛlɛnga, kɛ ngi loko loonga gɔlɔ lama mahugbeebleisia ma kɛ nguleyaableisia kɛ Livaitisia. 2Ngi loko lonilɔ nya ndewei hindoi Hanani ma yɛ va Jelusalɛmi mahu, kɛ Hananaya gɔgɔbleisia ti gulɔ loomɔi katei mahugbee va, gbamaile ngi wɔnangɔ yɛla tawao i yɛlɔ a luwa Ngewɔ ma i lewe numu gboto ma. 3Kɛ ngi ndenga ti ma ngɛɛ, “Taa Jelusalɛmi nɛteisia lawo kɛlekee foloi i gbandi; ji nɛtɛ mahugbeebleisia ta yɛ looni na, ti pɛleisia gbɔwu. Loko loo mahugbeebleisia ma nasia ti heini Jelusalɛmi, ti lɛnga ti manɛɛ loomeisia kɛ yee pekeisia ti nda wɛleisia la.”
Nungei Nasia ti Jikei ti Gbuani Kɔhou hu ti Yamani
(Ɛsl 2:1-70)
4Ta wai ya wɔlongɔ yɛla tawao gɔlɔngɔ, kɛɛ yee nungei nasia ti yɛna tii yɛ gbotoni tawao pɛlɛ loongɔ ii yɛ na.
5Na wooma nya Yewɔi puilɔ nya lii hu kɛ ngi samangeisia kɛ tokulɔisia lɛnga ma kɛ nungeisia kɔɔ ti ti biyeisia nyɛin a ti mbondawuisia. Kɛ ngi mbondawu gɔlei nasia lɔnga ti yɛ wani a haala.
6Nungei jisia mia ti gbuani kpalatei hu, nasia ti gbuani kɔhoui hu, nasia Nɛbukadnɛsa Babilɔn mahei i yɛ ti houni kɔhoui hu; ti yamailɔ Jelusalɛmi kɛ Juda, yee ngila gbi ngi yee ta hu. 7Ti wailɔ a Sɛlubabɛli, kɛ Jɛsua, kɛ Nɛhimaya, kɛ Asalaya, kɛ Lamaya, kɛ Nahamani, kɛ Mɔldekai, kɛ Bilsani, kɛ Misipɛlɛti, kɛ Bigivai, kɛ Nɛhumi kɛ Bana.
Isleɛlaitibleisia ti jikei: 8Palɔsi lengeisia, taosin fele hɔndɔ yila kalɛ nuu sawa gbɔyɔngɔ mahu puu mahu fele (2,172). 9Sɛfataya lengeisia, hɔndɔ sawa kalɛ nuu sawa gbɔyɔngɔ mahu puu mahu fele (372). 10Alaa lengeisia, hɔndɔ weita kalɛ nuu fele gbɔyɔngɔ mahu puu mahu fele (652). 11Pahati Moabi mbondawuisia mia a Jɛsua kɛ Joabi taosin fele hɔndɔ wayakpa kalɛ puu mahu wayakpa (2,818). 12Iilami lengeisia, taosin yila hɔndɔ fele kalɛ nuu fele gbɔyɔngɔ mahu puu mahu naani (1,254). 13Satu lengeisia hɔndɔ wayakpa kalɛ nuu fele gbɔyɔngɔ mahu lɔɔlu (845). 14Sakai lengeisia, hɔndɔ wɔfila kalɛ nuu sawa gbɔyɔngɔ (760). 15Binui lengeisia, hɔndɔ weita kalɛ nuu fele gbɔyɔngɔ mahu wayakpa (648). 16Bɛbai lengeisia, hɔndɔ weita kalɛ nuu gbɔyɔngɔ mahu wayakpa (628). 17Asigadi lengeisia, taosin fele hɔndɔ sawa kalɛ nuu gbɔyɔngɔ mahu fele (2,322). 18Adɔnaikami lengeisia hɔndɔ weita kalɛ nuu sawa gbɔyɔngɔ mahu wɔfila (667). 19Bigivai lengeisia, taosin fele, kalɛ nuu sawa gbɔyɔngɔ mahu wɔfila (2,067). 20Adini lengeisia, hɔndɔ weita kalɛ nuu fele gbɔyɔngɔ mahu puu mahu lɔɔlu (655). 21Ata na yɛni a Hɛsɛkaya nuu naani gbɔyɔngɔ mahu puu mahu wayakpa. 22Hasumi lengeisia, hɔndɔ sawa kalɛ nuu gbɔyɔngɔ mahu wayakpa (328), 23Bɛsai lengeisia, hɔndɔ sawa kalɛ nuu gbɔyɔngɔ mahu naani (324), 24Halifi lengeisia, hɔndɔ yila kalɛ puu mahu fele (112), 25Gibɛɔn lengeisia, nuu naani gbɔyɔngɔ mahu puu mahu lɔɔlu, 26Bɛtilɛmi kɛ Nɛtofa lengeisia, hɔndɔ yila kalɛ nuu naani gbɔyɔngɔ mahu wayakpa (188). 27Anatɔti lengeisia, hɔndɔ yila kalɛ nuu gbɔyɔngɔ mahu wayakpa (128). 28Bɛtasimavɛti lengeisia, nuu fele gbɔyɔngɔ mahu fele. 29Kiliatijɛalimi, Kɛfilaa kɛ Bɛlɔti lengeisia, hɔndɔ wɔfila kalɛ nuu fele gbɔyɔngɔ mahu sawa (743). 30Lama kɛ Gɛba lengeisia, hɔndɔ weita kalɛ nuu gbɔyɔngɔ mahu yila (621). 31Mikimasi lengeisia, hɔndɔ yila kalɛ nuu gbɔyɔngɔ mahu fele (122). 32Bɛtɛli kɛ Aai lengeisia, hɔndɔ yila kalɛ nuu gbɔyɔngɔ mahu sawa (123). 33Nɛbɔ yee pekei lengeisia, nuu fele gbɔyɔngɔ mahu puu mahu fele. 34Iilami mbondawuisia yee pekeisia, taosin yila hɔndɔ fele kalɛ nuu fele gbɔyɔngɔ mahu puu mahu naani (1,254). 35Halimi lengeisia, hɔndɔ sawa kalɛ nuu gbɔyɔngɔ (320). 36Jɛliko lengeisia, hɔndɔ sawa kalɛ nuu fele gbɔyɔngɔ mahu lɔɔlu (345). 37Lɔdi, Hedidi kɛ Ono lengeisia, hɔndɔ wɔfila kalɛ nuu gbɔyɔngɔ mahu yila (721). 38Sɛna lengeisia, taosin sawa, hɔndɔ taalu kalɛ nuu gbɔyɔngɔ mahu puu (3,930).
39Saagbuableisia: Jɛdaya lengeisia, na yɛni a Jɛsua wɛlei, hɔndɔ taalu kalɛ nuu sawa gbɔyɔngɔ mahu puu mahu sawa (973). 40Imɛ lengeisia, taosin yila kalɛ nuu fele gbɔyɔngɔ mahu puu mahu fele (1,052). 41Pasɔɔ, taosin yila, hɔndɔ fele kalɛ nuu fele gbɔyɔngɔ mahu wɔfila (1,247). 42Halimi, taosin yila kalɛ puu mahu wɔfila (1,017).
43Livaitisia: Jɛsua lengeisia, na yɛni a Kadimiɛli, Hodɛva lengeisia, nuu sawa gbɔyɔngɔ mahu puu mahu naani (74). 44Ngoleyaableisia: Asafi lengeisia, hɔndɔ yila kalɛ nuu fele gbɔyɔngɔ mahu wayakpa (148). 45Ngɔlɔ lama mahugbeebleisia lengeisia: Salumi lengeisia, Atɛ lengeisia, Talimɔni lengeisia, Akubi lengeisia, Hatita lengeisia, Sɔbai lengeisia, hɔndɔ yila kalɛ nuu gbɔyɔngɔ mahu puu mahu wayakpa (138). 46Ngewɔ wɛlɛbu bɔilopoisia: Saiha lengeisia, Hasufa lengeisia, Tabaɔti lengeisia. 47Kɛlɔsi lengeisia, Sia lengeisia, Padɔni lengeisia. 48Lɛbana lengeisia, Hagaba lengeisia, Samilai lengeisia. 49Henani lengeisia, Gidɛli lengeisia, Gaha lengeisia. 50Leaya lengeisia, Lɛsini lengeisia, Nɛkɔda lengeisia. 51Gasami lengeisia, Usa lengeisia, Pasea lengeisia. 52Bɛsai lengeisia, Meunimi lengeisia, Nɛfusɛsimi lengeisia. 53Bakibuki lengeisia, Hakufa lengeisia, Hahɔɔ lengeisia. 54Basiliti lengeisia, Mɛhida lengeisia, Hasa lengeisia. 55Bakɔsi lengeisia, Sisɛla lengeisia, Tema lengeisia. 56Nɛsaya, kɛ Hatifa lengeisia.
57Sɔlɔmɔn bɔilopoisia ti lengeisia: Sɔtai lengeisia, Sɔfɛlɛti lengeisia, Pɛlida lengeisia, 58Jala lengeisia, Dakɔni lengeisia, Gidɛli lengeisia, 59Sɛfataya lengeisia, Hatili lengeisia, Pokɛlɛti Hasɛbaimi lengeisia, Amɔni lengeisia.
60Ngewɔ wɛlɛbu bɔilopoisia kpɛlɛɛ kɛ Sɔlɔmɔn bɔilopoisia ti lengeisia ti yɛni yɛla a hɔndɔ sawa kalɛ nuu naani gbɔyɔngɔ mahu puu mahu fele lɔ (392).
61Jisia mia wɔɔ ti gbuani Tɛlimɛla, Tɛlihaasa, Kɛlubi, Adɔni, kɛ Imɛ kɛ tii guni taa ti mbondeisia ti wɛleisia la gɔɔ kɛ ti mbondawui ina ti yɛni a Isleɛl nungeisia lɔ: 62Dɛlaya lengeisia, Tobaya lengeisia, Nɛkɔda lengeisia, hɔndɔ weita kalɛ nuu fele gbɔyɔngɔ mahu fele (642). 63Gbɔma, saagbuableisia: Hobaya lengeisia, Hakɔsi lengeisia, Baasilai lengeisia (na yɛ henyɔuya hu a Baasilai Gileadimɔi nyahaloi yee ngila tawao ti ti loliilɔ ti biyeisia ma.) 64Jisia ti ti biyeisia gɔkɔlilɔ nasia lia ti biyeisia ti nyɛingɔ yɛla a ti mbondawuisia, kɛɛ tii tɔni na, fale ti ti gbuailɔ saagbualei ma a manɔhɔnblaa; 65gɔminei ndeilɔ ti ma yɛ tɛɛ kayema mɛhɛɛ gbi mɛ, kɛlekee saagbuamɔ yila na Ulimi kɛ Tumimi i ngi ma i wa.
66Komeisia gbi ti jikei guni a taosin nuu fele gbɔyɔngɔ mahu fele hɔndɔ sawa kalɛ nuu sawa gbɔyɔngɔ lɔ (42,360), 67i gbua ti hindo kɛ nyaha luwɔisia ma na hi ti jikei guni a taosin wɔfila, hɔndɔ sawa kalɛ nuu gbɔyɔngɔ mahu puu mahu wɔfila (7,337); tawao nguleyaableisia ti jika gungɔ a nuu fele gbɔyɔngɔ mahu lɔɔlu, hindo kɛ nyaha yɛ ti yeya. 68Soi jika gungɔ a hɔndɔ wɔfila kalɛ nuu gbɔyɔngɔ mahu puu mahu weita (736) yɛnilɔ ngi yeya, kɛ sojakasisia ti jika gungɔ a hɔndɔ fele kalɛ nuu fele gbɔyɔngɔ mahu lɔɔlu (245), 69nyɔmeisia ti jika gungɔ a hɔndɔ naani kalɛ nuu gbɔyɔngɔ mahu puu mahu lɔɔlu (435) kɛ jakasisia ti jika gungɔ a taosin weita kalɛ hɔndɔ wɔfila kalɛ nuu gbɔyɔngɔ (6,720).
70Kiahuna mbonda gulɔlobleisia lɛnga ti gbɛlɛilɔ ngenge ma. Gɔminei i navo lamagbatɛmɔi gɔnilɔ a kanigbɔulu boola na ngi jika gungɔ a taosin yila, nja hou hakanga ti jika gungɔ a nuu fele gbɔyɔngɔ mahu puu (50) kɛ kula saagbuableisia va ti jika gungɔ a hɔndɔ lɔɔlu kalɛ nuu gbɔyɔngɔ mahu puu (530). 71Tawao mbonda gulɔlobleisia lɛnga ti navo velɔ genge va na yee jika gungɔ a kanigbɔulu boola taosin nuu gbɔyɔngɔ kɛ kanigolei ngi miniyei gungɔ taosin fele kalɛ hɔndɔ fele (2,200). 72Kɛ na gbi nungaa wekeisia kpɛlɛɛ ti feni yɛni a kani gbɔulu boola taosin nuu gbɔyɔngɔ lɔ, kanigolei ngi miniyei gungɔ a taosin fele kɛ kula saagbuableisia va yee jika gungɔ a nuu sawa gbɔyɔngɔ mahu wɔfila.
73Fale saagbuableisia, Livaitisia, gɔlɔ mahugbeebleisia, ngoleyaableisia, nungeisia lɛnga, Ngewɔ wɛlɛbu bɔilopoisia kɛ Isleɛl kpɛlɛɛ ti henilɔ ti leisia hu.
Ji ngalui yee wɔfilei i hitini Isleɛl nungeisia ti heilɔ ti leisia hu.
Currently Selected:
NƐHIMAYA 7: RMB
Highlight
Share
Copy
Want to have your highlights saved across all your devices? Sign up or sign in
Mende Bible Portions © Bible Society in Sierra Leone and Lutheran Bible Translators, 2020.
