Mȧyɔs ma aŋsom 24
24
1Ɔwa kədarəŋ ka mərey tamath-e, Ananayas-əŋ ɔfode ubana ɔ der yi aŋbȧki alɔm, yi Tatulusȧŋ utara rəsəŋ, kaŋ lɔmsa ɔgbəka ta Pɔl. 2Ma a muti kɔ-e, Tərtulus ɔ təp kəgbanthir kɔ-e, ɔ pa, Filiks ubana, ma pə yi ka kȧta ka mu sə ba məthɔfəl məbana-e, ɔwa ka aŋfɔsɔ a mu mə lompəs maləs ta ȧŋbona aŋe-e, 3sə malanɛ ti alɔkɔ o lɔkɔ yi dɛr o dɛr, ɔwa sə mɔmɔ mu ɔfinɔ finɔ. 4Kɛrɛ kȧmȧ i te sɔmpa mu, i nɛmthɛnɛ mu ka kȧmuyu ka mu tə kəsua su ɛləns rə təpa təthan gbo. 5kotȧy-e sə po fir ɔlaŋgba ɔwe kəyi wuni ləs, ɔwa ɔ fak ɛtotok kətɔŋ ka aŋYuda bɛ ka ȧdȧru, ɔ yi sɔ ubaki ka kagbanth ka aŋNasarɛth. 6Ɔ mɛm sɔ tə kəyifas ȧŋseth ŋa Kuru; ɔwe sə lɛsa, sə yema naŋ thonkas kɔ mɔ mə ȧŋthɔ a su aŋ pa. 7Kɛrɛ ɔkaptin ubana ɔ der nɔy kɔ ka mȧta ma su rə afɔsɔ abana, kɔ yamari kȧmȧ aŋa gbanthir kɔ-e aŋ der ro mu. 8Ɔwa bepi mə gbɛŋgbɛŋ kɔ-e, mun munɔnɛ mə tə tȧrȧ mȧtȧy ame bɛ ta ama sə gbanthir kɔ.
9Ɔwa aŋYuda sɔ aŋ kasa ka kagbanthir kɔŋ, aŋ kȧl pa ya mȧtȧy ame mə yi. 10Ɔwa ma ɔgbəka ɔ kapanɛ kɔ tə kəfɔf-e, Pɔlȧŋ ɔ lasi ɔ pa, Ma i tȧrȧ kəpa mə po yi uthoŋkas ta ȧŋbona aŋe ta təren təgbathi-e, ɔ bɔnɛ mi tə kəgbaki; 11kȧmȧ mə tȧrȧ kəpa pə thas hɛ mərey tɔfɔt mȧrəŋ ma i kɔ ro Yerusalɛm tə kəbatho. 12Ɔwa aŋ bəp hɛ mi sə pɛnsanɛ yi wuni o wuni ka ȧŋseth ŋa Kuru, thalɔm kəgbisəŋa ȧruniya ka ȧŋseth agbanɛ, thalɔm ka kȧpet. 13Ɔwa aŋ gbəli hɛ tɔri mu tȧteŋ ta mȧtȧy ama a gbanthir mi. 14Kɛrɛ ȧte, tȧ mɛ gbithanɛ ro mu, kəpa kətaŋ ka aRoŋ ara ŋaŋ aŋ tela kəgbanth, ya minɛ i bȧtho ɔKuru ka aŋkas a su, ka i lanɛ mȧtȧy bɛ ama a gbal ka ȧŋthɔ dɛ yi ka Aŋnȧbi. 15Ka i ba kagbak ȧmerȧ ka Kuru ȧke ŋaŋ gbeŋ aŋ malanɛ kəpa kȧyokanɛ ka aŋfi kə yi, ta aŋlompi yi ta aŋkənȧ. 16Ta ȧte i mɛm kȧmȧ i ba ȧmerȧ ȧferȧ ka Kuru yi ka afəm lɔkɔ o lɔkɔ. 17Kərarəŋ ka təren təgbȧthi i der tə kəkara ɛboya ka ȧŋbona a mi, yi yɛt ɛsɔnd. 18Katɔŋ ka ɛye aŋ bəp mi ufethər ka ȧŋseth ŋa Kuru, pə yi hɛ yi runiya, thalɔm yi atotok. Kɛrɛ aYuda alɔm aŋ yi ri kəwur ro Asia, 19aŋa yi naŋ tə kəbəpər nɔ rodi ka mu kȧmȧ aŋ gbanthir mi bepi aŋ ba naŋ tȧy təlɔm tə kəŋamnɛ mi. 20Thalɔm yɔ aŋfəm aŋe aŋ lɔm ko tȧy tələs aŋ bəp minɛŋ i yɔ ma i təmȧ rodi ka aŋSanhedrin, 21pəthas gbo ta ȧrim ara i lak ma i təmȧ kətɔŋ ka ŋaŋ kəpa, Ta kȧyokanɛ ka aŋfi tȧ ma thonkas mi thonɔŋ rodi ka mu.
22Kɛrɛ Filiks-əŋ ma ɔ tȧrȧ ɔfinɔ ta aRoŋ-e, ɔ kəli ŋa, ɔ pa, Bepi Lisias ɔkaptin ubana ɔ der-e, i ti gbɛlɛŋ ȧŋpa a mu finɔ. 23kɔ yamari ukaptin kȧmȧ ɔ bɛnɛ Pɔlȧŋ, ɔwa kȧmȧ ɔ yosi kɔ ɔthan, ɔwa kȧmȧ ɔ te bɛnt aŋyathki ŋɔŋ tə kəyɔna kɔ.
24Kədarəŋ ka mərey məlɔm-e, Filiks-əŋ ɔ der yi Drusila ɔrani kɔŋ, ɔ yi uYuda ubɛra, kɔ som ka Pɔl kȧmȧ ɔ təlȧ kɔ ta kȧlanɛ ka Krayst. 25Ɔwa mɔ mɔ fɔf ta məlompi-e, yi kəyi ugbɛt, yi kȧder ka ȧŋrey ŋa kathoŋkas-e, Filiks-əŋ ɔ nesa ɔthasər, kɔ pa, Kɔnɛ ras, ma i ba alɔkɔ ȧfɔy tai-e, i ti tela mu. 26Ɔ nanɛ kəpa Pɔlȧŋ ɔ tə sɔŋ kɔ akala kȧmȧ ɔ gbəli ter kɔ. Tiyȧŋ ɔ som tə kətela kɔ katkat, ɔ fɔfȧnɛ kɔ. 27Kɛrɛ ma təren tərəŋ tə thas-e, Pɔrsiɔs Fɛstɔs ɔ tiyȧ ka mayira ma Filiks, ɔwa Filiks-əŋ, ma ɔ yema sɔthɔ ȧŋes afinɔ ka aŋYuda-e, ɔ tey Pɔlȧŋ usek.
Currently Selected:
Mȧyɔs ma aŋsom 24: TMNNT
Highlight
Share
Copy
Want to have your highlights saved across all your devices? Sign up or sign in
Themne New Testament © The Bible Society of Sierra Leone, 2009.
Mȧyɔs ma aŋsom 24
24
1Ɔwa kədarəŋ ka mərey tamath-e, Ananayas-əŋ ɔfode ubana ɔ der yi aŋbȧki alɔm, yi Tatulusȧŋ utara rəsəŋ, kaŋ lɔmsa ɔgbəka ta Pɔl. 2Ma a muti kɔ-e, Tərtulus ɔ təp kəgbanthir kɔ-e, ɔ pa, Filiks ubana, ma pə yi ka kȧta ka mu sə ba məthɔfəl məbana-e, ɔwa ka aŋfɔsɔ a mu mə lompəs maləs ta ȧŋbona aŋe-e, 3sə malanɛ ti alɔkɔ o lɔkɔ yi dɛr o dɛr, ɔwa sə mɔmɔ mu ɔfinɔ finɔ. 4Kɛrɛ kȧmȧ i te sɔmpa mu, i nɛmthɛnɛ mu ka kȧmuyu ka mu tə kəsua su ɛləns rə təpa təthan gbo. 5kotȧy-e sə po fir ɔlaŋgba ɔwe kəyi wuni ləs, ɔwa ɔ fak ɛtotok kətɔŋ ka aŋYuda bɛ ka ȧdȧru, ɔ yi sɔ ubaki ka kagbanth ka aŋNasarɛth. 6Ɔ mɛm sɔ tə kəyifas ȧŋseth ŋa Kuru; ɔwe sə lɛsa, sə yema naŋ thonkas kɔ mɔ mə ȧŋthɔ a su aŋ pa. 7Kɛrɛ ɔkaptin ubana ɔ der nɔy kɔ ka mȧta ma su rə afɔsɔ abana, kɔ yamari kȧmȧ aŋa gbanthir kɔ-e aŋ der ro mu. 8Ɔwa bepi mə gbɛŋgbɛŋ kɔ-e, mun munɔnɛ mə tə tȧrȧ mȧtȧy ame bɛ ta ama sə gbanthir kɔ.
9Ɔwa aŋYuda sɔ aŋ kasa ka kagbanthir kɔŋ, aŋ kȧl pa ya mȧtȧy ame mə yi. 10Ɔwa ma ɔgbəka ɔ kapanɛ kɔ tə kəfɔf-e, Pɔlȧŋ ɔ lasi ɔ pa, Ma i tȧrȧ kəpa mə po yi uthoŋkas ta ȧŋbona aŋe ta təren təgbathi-e, ɔ bɔnɛ mi tə kəgbaki; 11kȧmȧ mə tȧrȧ kəpa pə thas hɛ mərey tɔfɔt mȧrəŋ ma i kɔ ro Yerusalɛm tə kəbatho. 12Ɔwa aŋ bəp hɛ mi sə pɛnsanɛ yi wuni o wuni ka ȧŋseth ŋa Kuru, thalɔm kəgbisəŋa ȧruniya ka ȧŋseth agbanɛ, thalɔm ka kȧpet. 13Ɔwa aŋ gbəli hɛ tɔri mu tȧteŋ ta mȧtȧy ama a gbanthir mi. 14Kɛrɛ ȧte, tȧ mɛ gbithanɛ ro mu, kəpa kətaŋ ka aRoŋ ara ŋaŋ aŋ tela kəgbanth, ya minɛ i bȧtho ɔKuru ka aŋkas a su, ka i lanɛ mȧtȧy bɛ ama a gbal ka ȧŋthɔ dɛ yi ka Aŋnȧbi. 15Ka i ba kagbak ȧmerȧ ka Kuru ȧke ŋaŋ gbeŋ aŋ malanɛ kəpa kȧyokanɛ ka aŋfi kə yi, ta aŋlompi yi ta aŋkənȧ. 16Ta ȧte i mɛm kȧmȧ i ba ȧmerȧ ȧferȧ ka Kuru yi ka afəm lɔkɔ o lɔkɔ. 17Kərarəŋ ka təren təgbȧthi i der tə kəkara ɛboya ka ȧŋbona a mi, yi yɛt ɛsɔnd. 18Katɔŋ ka ɛye aŋ bəp mi ufethər ka ȧŋseth ŋa Kuru, pə yi hɛ yi runiya, thalɔm yi atotok. Kɛrɛ aYuda alɔm aŋ yi ri kəwur ro Asia, 19aŋa yi naŋ tə kəbəpər nɔ rodi ka mu kȧmȧ aŋ gbanthir mi bepi aŋ ba naŋ tȧy təlɔm tə kəŋamnɛ mi. 20Thalɔm yɔ aŋfəm aŋe aŋ lɔm ko tȧy tələs aŋ bəp minɛŋ i yɔ ma i təmȧ rodi ka aŋSanhedrin, 21pəthas gbo ta ȧrim ara i lak ma i təmȧ kətɔŋ ka ŋaŋ kəpa, Ta kȧyokanɛ ka aŋfi tȧ ma thonkas mi thonɔŋ rodi ka mu.
22Kɛrɛ Filiks-əŋ ma ɔ tȧrȧ ɔfinɔ ta aRoŋ-e, ɔ kəli ŋa, ɔ pa, Bepi Lisias ɔkaptin ubana ɔ der-e, i ti gbɛlɛŋ ȧŋpa a mu finɔ. 23kɔ yamari ukaptin kȧmȧ ɔ bɛnɛ Pɔlȧŋ, ɔwa kȧmȧ ɔ yosi kɔ ɔthan, ɔwa kȧmȧ ɔ te bɛnt aŋyathki ŋɔŋ tə kəyɔna kɔ.
24Kədarəŋ ka mərey məlɔm-e, Filiks-əŋ ɔ der yi Drusila ɔrani kɔŋ, ɔ yi uYuda ubɛra, kɔ som ka Pɔl kȧmȧ ɔ təlȧ kɔ ta kȧlanɛ ka Krayst. 25Ɔwa mɔ mɔ fɔf ta məlompi-e, yi kəyi ugbɛt, yi kȧder ka ȧŋrey ŋa kathoŋkas-e, Filiks-əŋ ɔ nesa ɔthasər, kɔ pa, Kɔnɛ ras, ma i ba alɔkɔ ȧfɔy tai-e, i ti tela mu. 26Ɔ nanɛ kəpa Pɔlȧŋ ɔ tə sɔŋ kɔ akala kȧmȧ ɔ gbəli ter kɔ. Tiyȧŋ ɔ som tə kətela kɔ katkat, ɔ fɔfȧnɛ kɔ. 27Kɛrɛ ma təren tərəŋ tə thas-e, Pɔrsiɔs Fɛstɔs ɔ tiyȧ ka mayira ma Filiks, ɔwa Filiks-əŋ, ma ɔ yema sɔthɔ ȧŋes afinɔ ka aŋYuda-e, ɔ tey Pɔlȧŋ usek.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Themne New Testament © The Bible Society of Sierra Leone, 2009.