Luk 1
1
1Ma afəm agbȧthi aŋ po pai tə kəgbal mapa ama saŋ sə lanɛ tɛntɛnɛ, 2hali mɔ mə aŋ po laŋklia ma ro rɔsu, ŋaŋ gbeŋ aŋa nəŋka ti rəfɔr kȧbi ka katəp aŋa yi aŋsom ŋa ȧrim. 3Minɛ sɔ i nənk ti ɔfinɔ, ma i po sɔthɔ kətara kəfinɔ ka mȧtȧy bɛ kȧbi ka katəp-e, kȧmȧ i gbalər mu Pa Thiɔfilɔs 4kȧmȧ mə tȧrȧ kəpa ȧte a po thəksa mu tə yi tȧteŋ.
5Ka aŋyamana ŋa Hɛrɔd ɔbȧy ka ro Yudia, ufode ulɔm ɔ sa yi ri, ȧŋes ŋɔŋ ŋə yi Sakarayas, ɔ yi ka ȧŋbɔnshɔŋ ŋa Abaya, ɔrani kɔŋ ɔ yi ka aŋwuth abɛra ŋa Erɔn, ɔwa ȧŋes ŋɔŋ ŋə yi Elisabɛth. 6Ŋa ŋarəŋ aŋ yi alompi rodi ka Kuru, aŋ wop ɛthɔ yi magbək ma ɔMarki kəte ba məthɛkɛ. 7Kɛrɛ aŋ ba hɛ wan ȧtesoma-e Elisabɛth-əŋ ɔ yi ukɔŋfere, ɔwa ŋa ŋarəŋȧŋ aŋ po bȧk kəbak kəbana.
8Ret rin-e mɔ Sakarayas mɔ yɔ mapanth ma rafode rodi ka Kuru ka ȧŋlɔkɔ ŋɔŋ-e, 9mɔ mapanth ma rafode mə yi-e, kȧber kɔŋ kə yi tə kəwɔŋ ka ȧŋseth ŋa ɔMarki tə kəthɔi aŋgboŋgbo. 10Ɔwa ka ȧŋlɔkɔ ŋa kathɔi aŋgboŋgbo-e, aŋfəm bɛ aŋ ramnɛ rokaŋ. 11Ka wurɔ ka Kuru ɔ tɔrinɛ ka Sakarayas ka kȧdiyɔ ka ȧŋbɛsɛ ŋa aŋgboŋgbo. 12Ma ɔ nənk kɔ-e, pɔ sɔkanɛ kɔ, ka rənes rə wop kɔ.
13Ka ɔmaleka ɔ pa ro ŋɔŋ, Te nesa Sakarayas, kotȧy-e a po təlȧ karamnɛ ka mu. Ɔrani ka mu Elisabɛth-əŋ ɔ tə koma mu wan uruni, ɔwa mə tə bont ȧŋes ŋɔŋ Yɔn. 14Munɔ mə tə sel məbɔnɛ; ɔwa pə tə bɔnɛ afəm agbȧthi ka kakom kɔŋ. 15Ȧtesoma-e ɔ tə yi ubana roder kəri ka Kurɔŋ, ɔwa ɔ yi hɛ tə kəmun məber məfɛth thalɔm məber məbaki. Ɔwa ɔYina məsəm ɔ tə la kɔ kətəp rokor ka ɔkara kɔŋ. 16Ɔ tə lȧfthi aŋwuth ŋa Isrɛl agbȧthi ka ɔMarki ɔKuru ka ŋaŋ. 17Ɔ ba kətəma kɔ kədi ka ɔYina yi aŋfɔsɔ ŋa Ilaya, tə kəlafthi ɛmerȧ ya aŋkas ka aŋwuth, yi tə kəlafthi ante təl ka kȧtemp ka aŋlompi, dɛ yi tə kətəməra ɔMarki afəm abɛnɛnɛ.
18Ka Sakarayas-əŋ ɔ yif ɔmaleka, To mə i tȧrȧ ti-e? Ma i yi uthem ubaki-e, ɔwa ɔrani kȧmi sɔ ɔ po bȧk kəbak kəbana. 19Ka ɔmaleka ɔ lasi ɔ pa ro ŋɔŋ, Minɛ yi Kebriɛl, ɔwe mə təmȧ rodi ka Kuru; ɔwa a som mi tə kəfɔfanɛ mu yi tə kətɔri mu mapa məfinɔ ame. 20Ɔwa kəla, mə tə yi kəbobo, mə gbəli hɛ fɔf haŋ ka ȧŋrey aŋa mȧtȧy ame mə tə yɔnɛ, pəkasifɛ mə lanɛ hɛ ȧsim ta mi ȧte ba kəlasər ka ȧŋlɔkɔ ŋati. 21Ɔwa aŋfəm aŋ bɔ kar Sakarayas-əŋ, kaŋ kabanɛ ta ma ɔ won ka ȧŋseth ŋa Kuru. 22Ɔwa ma ɔ wur-e, ɔ gbəli hɛ sɔ fɔfȧnɛ ŋa. Ka aŋ sɔthnɛ kəpa ɔ po nənk mənəŋk ka ȧŋseth ŋa Kuru, kotȧy-e ɔ ŋakər ŋa katkat, ɔwa ɔ tiyȧ kəbobo. 23Ka pə re yi-e, ma ɔ po lasər mȧrey ma rafode rɔŋ-e, ɔ kȧlanɛ ka ȧŋseth ŋɔŋ.
24Kədarəŋ ka mȧrey ame-e, Elisabɛth ɔrani kɔŋ ɔ gbasi kor, kɔ maŋknɛ yof tamath, ɔ pa, 25Ya Kuru ɔ kiranɛ mi ka mȧrey ama ɔ nanɛ mi tə kənɔi mȧlap ma mi ka aŋfəm kətɔŋ. 26Ma yof tamthərukin ɛ thas-e, Kuru ɔ som Kebriɛl rə kəpet ka ro Kalili, a bont ki Nasarɛth, 27ka uwath ubɛra ufanɛ, ȧŋes ŋɔŋ ŋə yi Merɛŋ, ɔwe ulaŋgba, a tela Yosɛf, kəwur ka rȧkomra ra Debid, ɔ fath. 28Ɔmaleka ɔ wɔŋ ka ȧŋseth ŋa ɔwath ubɛra, kɔ pa, Kori mu-o, mun ba aboŋa abana, Kuru ɔ yi yi munɔŋ. 29Ma ɔwath ubɛra ɔ nənk kɔ-e, tafɔf tɔŋ tə sɔmpa kɔ, kɔ tȧmtȧmnɛ to aŋkori aŋe aŋ yi-e. 30Ka ɔmaleka ɔ pa ro ŋɔŋ, Meri, te nesa, ȧtesoma-e mə po fir aboŋa ka Kuru. 31Ɔwa mə tə gbasi kor, mə tə kom wath uruni, mə tə bont kɔ ŋes Yisɔs. 32Ɔ tə yi ubana, a tə bont kɔ ɔWan ka ɔBɔli rəkɔm bɛ; ɔwa ɔMarki Kuru ɔ tə sɔŋ kɔ kawaŋ ka rȧbȧy ra ɔkas kɔŋ Debid. 33Ɔ tə gbəka ȧŋseth ŋa Yekɔb thəbana. Ɔwa rȧbȧy rɔŋ rə ba hɛ kəpoŋ. 34Merɛŋ ɔ pa ka ɔmaleka, To ȧte mə tə gbəli yɔnɛ-e ma i te tȧrȧ wan duni-e? 35Ka ɔmaleka ɔ pa ro ŋɔŋ, ɔYina məsəm ɔ tə thorər mu, aŋfɔsɔ ŋa ɔBɔli rəkɔm aŋ tə gbəpər mu. Tiyȧŋ arəka rəsəm ara mə tə re kom-e, a tə bont kɔ, ɔWan ka Kuru. 36Ɔwa kəla, Elisabɛth-əŋ, ɔwuni ka mu, kɔnɔ sɔ ɔ po gbasi kor ka wath uruni ka rabȧki rɔŋ; aŋe ŋə bekȧ ɛyof tȧmthərukin ta ɔwe a pa, ukɔnfere. 37kotȧy-e, koko bɛ rə thamrɔnɛ hɛ ka Kuru. 38Ɔwa Meri ɔ pa, Kəli mi ȧŋbɔy ubɛra ŋa Kuru Məsaba, ta pə yi mɔ pa-e. Ka ɔmaleka ɔ tey kɔ. 39Ɔwa Merɛŋ ka ȧŋlɔkɔ ŋati ɔ yokanɛ, kɔ kɔnɛ ka ȧŋthɔf ŋa tȧteŋ yi kəgbukɛŋ, rə kəpet ka ro Yuda. 40kɔ wɔŋ ka ȧŋset ŋa Sakarayas, kɔ kori Elisabɛth-əŋ. 41Ka pə re yi ma Elisabɛth ɔ təlȧ aŋkori ŋa Meri-e, kalɛnth ɔ pai rokor kɔŋ, ka ɔYina məsəm ɔ lasər Elisabɛth-əŋ, 42ɔwa ɔ fɔf rə rim rəbana, ɔ pa, Mə ba aruba kətɔŋ ka bom-ŋaŋ, ɔwa aruba aŋ yi sə ka ȧŋkomi ŋa ȧŋpɔru a mu. 43Reke ȧte tə wurər mi-e, soma ɔkara ka ɔMarki kȧmi mɔ der ro rɔmi-e? 44kotȧy-e ma ȧrim ra aŋkori a mu rə wɔŋ ka ɛləns ɛ mi-e, kalɛnth ɔ pai rokor kȧmi yi məbɔnɛ. 45Ɔwa ɔwe lanɛ ɔ ba aruba, ȧtesoma-e ȧtȧy ȧte ɔMarki ɔ kanɛ kɔ tə tə lasər. 46Ɔwa Merɛŋ ɔ pa,
Ɔfəm ɔka mi ɔ bondəs ɔMarki,
47Ɔwa aŋyina a mi aŋ yasanɛ yi məbɔnɛ ta Kuru ɔKisis kȧmi,
48kotȧy-e ɔ po nanɛ ȧŋbɔy ŋɔŋ ubɛra ka mayira mɔŋ məthoranɛ.
49Ȧtesoma-e ɔwe ba aŋfɔsɔ bɛ-e ɔ po yɔna mi tȧy təbana;
Aŋes ŋɔŋ aŋ yi ɔSəm.
50Aŋney ŋɔŋ aŋ yi ka ŋaŋ aŋa nesa kɔ,
Kəwur ka rəkomra kəkɔ ka rəkomra.
51Ɔ po tɔrinɛ afɔsɔ abana yi ȧŋlonk ŋɔŋ.
Ɔ po sakthi aŋbonɛ tȧy ka ɛnanɛ ya ɛmerȧ yaŋ.
52Ɔ po thora abȧy kəwur ka tawaŋ taŋ;
Ɔ ŋata aŋfəm amɔnɛ.
53Ɔ po namsir aŋfəm ador yi yɛt ɛfinɔ,
Kɛrɛ aŋyola-e, ɔ bȧl ŋa afoth.
54Ɔ po mar ȧŋbɔy ŋɔŋ Isrɛl salata aŋnei ŋɔŋ,
55Kama ɔ lasər ɛlahiri yɔŋ ka aŋbemba a su,
Ka Ebraham, yi ka rȧkomra rɔŋ thəbana.
56Merɛŋ ɔ yianɛ yi Elisabɛth-ȧŋ mɔlɔ ma yof ɛsas, kɔ kȧlanɛ ka ȧŋseth ŋɔŋ.
57Ɔwa ȧŋlɔkɔ aŋ lasər ta Elisabɛth tə kəkom, kɔ kom wath uruni. 58Aŋfatanɛ ŋɔŋ yi aŋfəm ŋɔŋ aŋ təl kəpa Kurɔŋ ɔ po tɔri kɔ aŋnei ŋɔŋ abana, kaŋ yɔ məbɔnɛ yi kɔnɔŋ. 59Ka ȧŋrey aŋa bekȧ tamthərɛsas-e, aŋ der tə kəbirons ɔwath, kaŋ yema bont kɔ Sakarayas, kətəmərnɛ ɔkas kɔŋ. 60Kɛrɛ ɔkara kɔŋ ɔ pa, Yi thahɔ, thambe a bont kɔ Yɔn. 61kaŋ pa ro ŋɔŋ, Wuni ba ȧŋes aŋe ɔ yi hɛ ka rȧkomra ra mu bɛ. 62kaŋ yif ɔkas kɔŋ yi kəŋakər, ȧŋes areke ɔ yema a bont kɔ. 63kɔ yif ta awalka, kɔ gbal kəpa, Aŋes ŋɔŋ ŋə yi Yɔn. Ka ŋa bɛ aŋ kabanɛ. 64Ɔlɛmp wati kȧsəŋ kɔŋ kə kanthɛ, ramer rɔŋ rə səlɛ, kɔ fɔf, ɔ thɔkəs Kurɔŋ. 65Ka rənes rə wop aŋfəm bɛ aŋa yirȧ ɔfati; ka mapa ame bɛ mə gbanthɛnɛ ka ȧŋthɔf ŋa tȧteŋ ŋa ro Yudia bɛ. 66Ka aŋfəm bɛ aŋa təl ti-e, aŋ bot ti ka ɛmerȧ yaŋ, aŋ yif. To ɔwath ɔwe mɔ re yi-e? Ɔwa kȧta ka Kuru kə yi yi kɔnɔŋȧŋ.
67Ɔkas kɔŋ Sakarayaŋ ɔ la yi ɔYina məsəm, ɔ pa,
68Ta ɔMarki ɔKuru ka Isrɛl ɔ ba aruba,
Pəkasifɛ ɔ po nanɛ afəm ŋɔŋ, ɔ bani ŋa.
69Ɔ po sɔŋ uKisis ubana ta ȧtȧ su
Ka ȧŋseth ŋa Debid ȧŋbɔy ŋɔŋ.
70Mɔ mɔ fɔf ka tasəŋ ta aŋnabi ŋɔŋ asəm, kȧbi ka thəpaŋ.
71Kama ɔ kisis su ka aŋtheranɛ a su,
Yi ka kȧta ka ŋaŋ aŋa gbɛŋa su bɛ.
72Kama ɔ tɔri ȧney ka aŋkas a su,
Kama ɔ nanɛ aŋlemranɛ ŋɔŋ asəm.
73Aŋgbiŋ aŋa ɔ gbiŋ ka Ebraham ɔkas kȧsu,
74kəpa,
Bepi ɔ po wurɔ su ka mȧta ma aŋtheranɛ a su-e,
Sə tə bȧtho kɔ rə kəte ba rənes,
75Rə məsəm yi məlompi roder kɔŋ kədi ka mȧrey ma su bɛ.
76Ɔwa munɔŋ, wath, a tə tela mu unabi ka ɔBɔli rəkɔm,
Ȧtesoma-e mə tə təmȧ ɔMarki kədi tə kəbɛmpa asoŋ tɔŋ;
77Tə kəsɔŋ aŋfəm ŋɔŋ kȧtȧrȧ ka kəkisi,
Ka katerɔ ka ɛhakɛ yaŋ;
78Salata ȧŋney abana ŋa ɔKuru kȧsu,
Soma rasɔk ra rokɔm rə der ro rɔsu.
79Tə kəsɔŋ kəwalɛ ka ŋaŋ aŋa yirȧ ka ȧŋsum yi ka aŋfɔyr ŋa rəfi,
Tə kəkora ȧtȧtək ta su ka aroŋ ra məthɔfəl.
80Ɔwa ɔwath ɔ tɛŋa, ɔ bȧk ka aŋyina, kɔ yi ro wula haŋ ka ȧŋrey aŋa ɔ tɔrinɛ ka Isrɛl.
Currently Selected:
Luk 1: TMNNT
Highlight
Share
Copy
Want to have your highlights saved across all your devices? Sign up or sign in
Themne New Testament © The Bible Society of Sierra Leone, 2009.
Luk 1
1
1Ma afəm agbȧthi aŋ po pai tə kəgbal mapa ama saŋ sə lanɛ tɛntɛnɛ, 2hali mɔ mə aŋ po laŋklia ma ro rɔsu, ŋaŋ gbeŋ aŋa nəŋka ti rəfɔr kȧbi ka katəp aŋa yi aŋsom ŋa ȧrim. 3Minɛ sɔ i nənk ti ɔfinɔ, ma i po sɔthɔ kətara kəfinɔ ka mȧtȧy bɛ kȧbi ka katəp-e, kȧmȧ i gbalər mu Pa Thiɔfilɔs 4kȧmȧ mə tȧrȧ kəpa ȧte a po thəksa mu tə yi tȧteŋ.
5Ka aŋyamana ŋa Hɛrɔd ɔbȧy ka ro Yudia, ufode ulɔm ɔ sa yi ri, ȧŋes ŋɔŋ ŋə yi Sakarayas, ɔ yi ka ȧŋbɔnshɔŋ ŋa Abaya, ɔrani kɔŋ ɔ yi ka aŋwuth abɛra ŋa Erɔn, ɔwa ȧŋes ŋɔŋ ŋə yi Elisabɛth. 6Ŋa ŋarəŋ aŋ yi alompi rodi ka Kuru, aŋ wop ɛthɔ yi magbək ma ɔMarki kəte ba məthɛkɛ. 7Kɛrɛ aŋ ba hɛ wan ȧtesoma-e Elisabɛth-əŋ ɔ yi ukɔŋfere, ɔwa ŋa ŋarəŋȧŋ aŋ po bȧk kəbak kəbana.
8Ret rin-e mɔ Sakarayas mɔ yɔ mapanth ma rafode rodi ka Kuru ka ȧŋlɔkɔ ŋɔŋ-e, 9mɔ mapanth ma rafode mə yi-e, kȧber kɔŋ kə yi tə kəwɔŋ ka ȧŋseth ŋa ɔMarki tə kəthɔi aŋgboŋgbo. 10Ɔwa ka ȧŋlɔkɔ ŋa kathɔi aŋgboŋgbo-e, aŋfəm bɛ aŋ ramnɛ rokaŋ. 11Ka wurɔ ka Kuru ɔ tɔrinɛ ka Sakarayas ka kȧdiyɔ ka ȧŋbɛsɛ ŋa aŋgboŋgbo. 12Ma ɔ nənk kɔ-e, pɔ sɔkanɛ kɔ, ka rənes rə wop kɔ.
13Ka ɔmaleka ɔ pa ro ŋɔŋ, Te nesa Sakarayas, kotȧy-e a po təlȧ karamnɛ ka mu. Ɔrani ka mu Elisabɛth-əŋ ɔ tə koma mu wan uruni, ɔwa mə tə bont ȧŋes ŋɔŋ Yɔn. 14Munɔ mə tə sel məbɔnɛ; ɔwa pə tə bɔnɛ afəm agbȧthi ka kakom kɔŋ. 15Ȧtesoma-e ɔ tə yi ubana roder kəri ka Kurɔŋ, ɔwa ɔ yi hɛ tə kəmun məber məfɛth thalɔm məber məbaki. Ɔwa ɔYina məsəm ɔ tə la kɔ kətəp rokor ka ɔkara kɔŋ. 16Ɔ tə lȧfthi aŋwuth ŋa Isrɛl agbȧthi ka ɔMarki ɔKuru ka ŋaŋ. 17Ɔ ba kətəma kɔ kədi ka ɔYina yi aŋfɔsɔ ŋa Ilaya, tə kəlafthi ɛmerȧ ya aŋkas ka aŋwuth, yi tə kəlafthi ante təl ka kȧtemp ka aŋlompi, dɛ yi tə kətəməra ɔMarki afəm abɛnɛnɛ.
18Ka Sakarayas-əŋ ɔ yif ɔmaleka, To mə i tȧrȧ ti-e? Ma i yi uthem ubaki-e, ɔwa ɔrani kȧmi sɔ ɔ po bȧk kəbak kəbana. 19Ka ɔmaleka ɔ lasi ɔ pa ro ŋɔŋ, Minɛ yi Kebriɛl, ɔwe mə təmȧ rodi ka Kuru; ɔwa a som mi tə kəfɔfanɛ mu yi tə kətɔri mu mapa məfinɔ ame. 20Ɔwa kəla, mə tə yi kəbobo, mə gbəli hɛ fɔf haŋ ka ȧŋrey aŋa mȧtȧy ame mə tə yɔnɛ, pəkasifɛ mə lanɛ hɛ ȧsim ta mi ȧte ba kəlasər ka ȧŋlɔkɔ ŋati. 21Ɔwa aŋfəm aŋ bɔ kar Sakarayas-əŋ, kaŋ kabanɛ ta ma ɔ won ka ȧŋseth ŋa Kuru. 22Ɔwa ma ɔ wur-e, ɔ gbəli hɛ sɔ fɔfȧnɛ ŋa. Ka aŋ sɔthnɛ kəpa ɔ po nənk mənəŋk ka ȧŋseth ŋa Kuru, kotȧy-e ɔ ŋakər ŋa katkat, ɔwa ɔ tiyȧ kəbobo. 23Ka pə re yi-e, ma ɔ po lasər mȧrey ma rafode rɔŋ-e, ɔ kȧlanɛ ka ȧŋseth ŋɔŋ.
24Kədarəŋ ka mȧrey ame-e, Elisabɛth ɔrani kɔŋ ɔ gbasi kor, kɔ maŋknɛ yof tamath, ɔ pa, 25Ya Kuru ɔ kiranɛ mi ka mȧrey ama ɔ nanɛ mi tə kənɔi mȧlap ma mi ka aŋfəm kətɔŋ. 26Ma yof tamthərukin ɛ thas-e, Kuru ɔ som Kebriɛl rə kəpet ka ro Kalili, a bont ki Nasarɛth, 27ka uwath ubɛra ufanɛ, ȧŋes ŋɔŋ ŋə yi Merɛŋ, ɔwe ulaŋgba, a tela Yosɛf, kəwur ka rȧkomra ra Debid, ɔ fath. 28Ɔmaleka ɔ wɔŋ ka ȧŋseth ŋa ɔwath ubɛra, kɔ pa, Kori mu-o, mun ba aboŋa abana, Kuru ɔ yi yi munɔŋ. 29Ma ɔwath ubɛra ɔ nənk kɔ-e, tafɔf tɔŋ tə sɔmpa kɔ, kɔ tȧmtȧmnɛ to aŋkori aŋe aŋ yi-e. 30Ka ɔmaleka ɔ pa ro ŋɔŋ, Meri, te nesa, ȧtesoma-e mə po fir aboŋa ka Kuru. 31Ɔwa mə tə gbasi kor, mə tə kom wath uruni, mə tə bont kɔ ŋes Yisɔs. 32Ɔ tə yi ubana, a tə bont kɔ ɔWan ka ɔBɔli rəkɔm bɛ; ɔwa ɔMarki Kuru ɔ tə sɔŋ kɔ kawaŋ ka rȧbȧy ra ɔkas kɔŋ Debid. 33Ɔ tə gbəka ȧŋseth ŋa Yekɔb thəbana. Ɔwa rȧbȧy rɔŋ rə ba hɛ kəpoŋ. 34Merɛŋ ɔ pa ka ɔmaleka, To ȧte mə tə gbəli yɔnɛ-e ma i te tȧrȧ wan duni-e? 35Ka ɔmaleka ɔ pa ro ŋɔŋ, ɔYina məsəm ɔ tə thorər mu, aŋfɔsɔ ŋa ɔBɔli rəkɔm aŋ tə gbəpər mu. Tiyȧŋ arəka rəsəm ara mə tə re kom-e, a tə bont kɔ, ɔWan ka Kuru. 36Ɔwa kəla, Elisabɛth-əŋ, ɔwuni ka mu, kɔnɔ sɔ ɔ po gbasi kor ka wath uruni ka rabȧki rɔŋ; aŋe ŋə bekȧ ɛyof tȧmthərukin ta ɔwe a pa, ukɔnfere. 37kotȧy-e, koko bɛ rə thamrɔnɛ hɛ ka Kuru. 38Ɔwa Meri ɔ pa, Kəli mi ȧŋbɔy ubɛra ŋa Kuru Məsaba, ta pə yi mɔ pa-e. Ka ɔmaleka ɔ tey kɔ. 39Ɔwa Merɛŋ ka ȧŋlɔkɔ ŋati ɔ yokanɛ, kɔ kɔnɛ ka ȧŋthɔf ŋa tȧteŋ yi kəgbukɛŋ, rə kəpet ka ro Yuda. 40kɔ wɔŋ ka ȧŋset ŋa Sakarayas, kɔ kori Elisabɛth-əŋ. 41Ka pə re yi ma Elisabɛth ɔ təlȧ aŋkori ŋa Meri-e, kalɛnth ɔ pai rokor kɔŋ, ka ɔYina məsəm ɔ lasər Elisabɛth-əŋ, 42ɔwa ɔ fɔf rə rim rəbana, ɔ pa, Mə ba aruba kətɔŋ ka bom-ŋaŋ, ɔwa aruba aŋ yi sə ka ȧŋkomi ŋa ȧŋpɔru a mu. 43Reke ȧte tə wurər mi-e, soma ɔkara ka ɔMarki kȧmi mɔ der ro rɔmi-e? 44kotȧy-e ma ȧrim ra aŋkori a mu rə wɔŋ ka ɛləns ɛ mi-e, kalɛnth ɔ pai rokor kȧmi yi məbɔnɛ. 45Ɔwa ɔwe lanɛ ɔ ba aruba, ȧtesoma-e ȧtȧy ȧte ɔMarki ɔ kanɛ kɔ tə tə lasər. 46Ɔwa Merɛŋ ɔ pa,
Ɔfəm ɔka mi ɔ bondəs ɔMarki,
47Ɔwa aŋyina a mi aŋ yasanɛ yi məbɔnɛ ta Kuru ɔKisis kȧmi,
48kotȧy-e ɔ po nanɛ ȧŋbɔy ŋɔŋ ubɛra ka mayira mɔŋ məthoranɛ.
49Ȧtesoma-e ɔwe ba aŋfɔsɔ bɛ-e ɔ po yɔna mi tȧy təbana;
Aŋes ŋɔŋ aŋ yi ɔSəm.
50Aŋney ŋɔŋ aŋ yi ka ŋaŋ aŋa nesa kɔ,
Kəwur ka rəkomra kəkɔ ka rəkomra.
51Ɔ po tɔrinɛ afɔsɔ abana yi ȧŋlonk ŋɔŋ.
Ɔ po sakthi aŋbonɛ tȧy ka ɛnanɛ ya ɛmerȧ yaŋ.
52Ɔ po thora abȧy kəwur ka tawaŋ taŋ;
Ɔ ŋata aŋfəm amɔnɛ.
53Ɔ po namsir aŋfəm ador yi yɛt ɛfinɔ,
Kɛrɛ aŋyola-e, ɔ bȧl ŋa afoth.
54Ɔ po mar ȧŋbɔy ŋɔŋ Isrɛl salata aŋnei ŋɔŋ,
55Kama ɔ lasər ɛlahiri yɔŋ ka aŋbemba a su,
Ka Ebraham, yi ka rȧkomra rɔŋ thəbana.
56Merɛŋ ɔ yianɛ yi Elisabɛth-ȧŋ mɔlɔ ma yof ɛsas, kɔ kȧlanɛ ka ȧŋseth ŋɔŋ.
57Ɔwa ȧŋlɔkɔ aŋ lasər ta Elisabɛth tə kəkom, kɔ kom wath uruni. 58Aŋfatanɛ ŋɔŋ yi aŋfəm ŋɔŋ aŋ təl kəpa Kurɔŋ ɔ po tɔri kɔ aŋnei ŋɔŋ abana, kaŋ yɔ məbɔnɛ yi kɔnɔŋ. 59Ka ȧŋrey aŋa bekȧ tamthərɛsas-e, aŋ der tə kəbirons ɔwath, kaŋ yema bont kɔ Sakarayas, kətəmərnɛ ɔkas kɔŋ. 60Kɛrɛ ɔkara kɔŋ ɔ pa, Yi thahɔ, thambe a bont kɔ Yɔn. 61kaŋ pa ro ŋɔŋ, Wuni ba ȧŋes aŋe ɔ yi hɛ ka rȧkomra ra mu bɛ. 62kaŋ yif ɔkas kɔŋ yi kəŋakər, ȧŋes areke ɔ yema a bont kɔ. 63kɔ yif ta awalka, kɔ gbal kəpa, Aŋes ŋɔŋ ŋə yi Yɔn. Ka ŋa bɛ aŋ kabanɛ. 64Ɔlɛmp wati kȧsəŋ kɔŋ kə kanthɛ, ramer rɔŋ rə səlɛ, kɔ fɔf, ɔ thɔkəs Kurɔŋ. 65Ka rənes rə wop aŋfəm bɛ aŋa yirȧ ɔfati; ka mapa ame bɛ mə gbanthɛnɛ ka ȧŋthɔf ŋa tȧteŋ ŋa ro Yudia bɛ. 66Ka aŋfəm bɛ aŋa təl ti-e, aŋ bot ti ka ɛmerȧ yaŋ, aŋ yif. To ɔwath ɔwe mɔ re yi-e? Ɔwa kȧta ka Kuru kə yi yi kɔnɔŋȧŋ.
67Ɔkas kɔŋ Sakarayaŋ ɔ la yi ɔYina məsəm, ɔ pa,
68Ta ɔMarki ɔKuru ka Isrɛl ɔ ba aruba,
Pəkasifɛ ɔ po nanɛ afəm ŋɔŋ, ɔ bani ŋa.
69Ɔ po sɔŋ uKisis ubana ta ȧtȧ su
Ka ȧŋseth ŋa Debid ȧŋbɔy ŋɔŋ.
70Mɔ mɔ fɔf ka tasəŋ ta aŋnabi ŋɔŋ asəm, kȧbi ka thəpaŋ.
71Kama ɔ kisis su ka aŋtheranɛ a su,
Yi ka kȧta ka ŋaŋ aŋa gbɛŋa su bɛ.
72Kama ɔ tɔri ȧney ka aŋkas a su,
Kama ɔ nanɛ aŋlemranɛ ŋɔŋ asəm.
73Aŋgbiŋ aŋa ɔ gbiŋ ka Ebraham ɔkas kȧsu,
74kəpa,
Bepi ɔ po wurɔ su ka mȧta ma aŋtheranɛ a su-e,
Sə tə bȧtho kɔ rə kəte ba rənes,
75Rə məsəm yi məlompi roder kɔŋ kədi ka mȧrey ma su bɛ.
76Ɔwa munɔŋ, wath, a tə tela mu unabi ka ɔBɔli rəkɔm,
Ȧtesoma-e mə tə təmȧ ɔMarki kədi tə kəbɛmpa asoŋ tɔŋ;
77Tə kəsɔŋ aŋfəm ŋɔŋ kȧtȧrȧ ka kəkisi,
Ka katerɔ ka ɛhakɛ yaŋ;
78Salata ȧŋney abana ŋa ɔKuru kȧsu,
Soma rasɔk ra rokɔm rə der ro rɔsu.
79Tə kəsɔŋ kəwalɛ ka ŋaŋ aŋa yirȧ ka ȧŋsum yi ka aŋfɔyr ŋa rəfi,
Tə kəkora ȧtȧtək ta su ka aroŋ ra məthɔfəl.
80Ɔwa ɔwath ɔ tɛŋa, ɔ bȧk ka aŋyina, kɔ yi ro wula haŋ ka ȧŋrey aŋa ɔ tɔrinɛ ka Isrɛl.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Themne New Testament © The Bible Society of Sierra Leone, 2009.