Mathiu 13
13
1Ka ȧŋrey ŋati Yisɔs ɔ wur ka ȧŋseth, ɔ kɔ yirȧ ro baŋ rayɛr. 2Ka suniya tǝbana tǝ thoŋklanɛ ro ŋɔŋ, haŋ ɔ wɔŋ ka abil, ɔ yirȧ. Ka ȧruniya bɛ rǝ tǝma ro gbaŋ. 3kɔ fɔfȧnɛ ŋa mətȧy mǝgbathi rǝ ɛlomɔ, ɔ pa, Kǝla, usak ɔ wur tǝ kǝsak. 4Ma ɔ sak-e, mater mǝlɔm mǝ fumpɔ ro roŋ dayɛr, ka ɛbȧmp aŋ der aŋ gbȧmǝs ma. 5Mǝlɔm mǝ fumpɔ rǝ agbalaŋ, ro mǝ te ba ɛthɔf ɛgbathi. Ɔlɛmp gbo mǝ lɔkɔ-e, ȧtesoma-e mǝ ba hɛ ɛthɔf ɛbɔlɔŋ. 6Ɔwa ma aret rǝ gbep-e, ȧney nǝ gbaŋar ma, mǝ wela pǝkasifɛ mǝ ba hɛ ɛthǝnk. 7Mǝlɔm mǝ fumpɔ ka tȧbȧnk ratɔŋ, ka tȧbȧnk tǝ lɔkɔ, tǝ thiŋkanɛ ma. 8Kɛrɛ mǝlɔm mǝ fumpɔ ka ȧŋthɔf afinɔ, ka mǝ kom mǝkomi, mǝlɔm mɔlɔ ma kɛmɛ kin, mǝlɔm tǝgba tǝsas, mǝlɔm kǝgba tɔfɔt. 9Ɔwe ba ɛlǝns ta ɔ tǝl.
10Ka aŋkarande aŋ der aŋ pa ro ŋɔŋ, To pǝ som mǝ fɔfȧnɛ ŋa rǝ ɛlomɔ-e? 11kɔ lasi ɔ pa ro ŋaŋ, Ro rɔnu a sɔŋ kȧtȧrȧ ka ɛgbundu ya rȧbȧy ra ro riyana, kɛrɛ ro rɔŋaŋ a sɔŋ hɛ ki. 12kotȧy-e wuni o wuni ɔwe ba, kɔnɔ mǝ a sɔŋ, ɔ tǝ ba agbȧthi, kɛrɛ wuni o wuni ɔwe te ba, a tǝ nɔy kɔ hali ara ɔ ba. 13Tȧsom i fɔfȧnɛ ŋa rǝ ɛlomɔ, pǝkasifɛ hali aŋ kǝli aŋ nənk hɛ, ɔwa hali aŋ su ɛlǝns aŋ tǝl hɛ, ɔwa pǝ sɔk hɛ ŋa. 14A lasǝr tapa ta Isaya ro rɔŋaŋ, ȧte pa ye,
Rǝ kǝsu ɛlǝns nǝ tǝ tǝl, kɛrɛ pǝ gbǝli hɛ sɔk nu,
Rǝ kǝkǝli nǝ tǝ nənk, kɛrɛ nǝ gbǝli hɛ gbɛnthas ti.
15kotȧy-e ɛmerȧ ya aŋfǝm aŋe ɛ gbolŋanɛ,
Ɔwa ɛlǝns yaŋ ɛ tui tǝl,
Ɔwa aŋ po mɔp ɛfɔr yaŋ,
Ta thani aŋ ti nənk yi ɛfɔr yaŋ,
Ɔwa aŋ tǝl yi ɛlǝns yaŋ,
Pǝ tǝ kȧl sɔk ŋa rǝ ȧmerȧ,
Ɔwa aŋ kȧl lafthɛ
Kama, i yeŋkǝs ŋa.
16Kɛrɛ ɛfɔr ɛ nu ɛ ba aruba, ȧtesoma-e ɛ nənk, dɛ yi ɛlǝns ɛ nu sɔ, ȧtesoma-e ɛ tǝl. 17Tǝ tɛntɛnɛ i kanɛ nu-e, anȧbi yi afǝm alompi agbȧthi aŋ fela tǝ kǝnǝŋk mȧtȧy ama naŋ nǝ nənk kɛrɛ aŋ nənk hɛ ma: dɛ yi tǝ kǝtǝl mȧtȧy ama naŋ nǝ tǝl, kɛrɛ aŋ tǝl hɛ ma. 18I ti lokthɛ nu ȧŋlomɔ ŋa ɔsak. 19Bepi wuni o wuni ɔ tǝl ȧrim ra rabȧy-e, ɔwa pǝ sɔk hɛ kɔ-e, Sethani ɔ der, ɔ kathi kɔ ȧte a po sak ka ȧŋmerȧ ŋɔŋ. Ɔwe-e, kɔnɔ a sak ro roŋ dayɛr. 20Kɛrɛ kɔnɔ ɔwe a sak ka aŋgbalaŋ-e, kɔnɔ yi ɔwe mǝ tǝl ȧrim yi mǝbɔnɛ, ɔwa ɔ malanɛ ri. 21Kɛrɛ ma ɔ te ba athǝnk-e, ɔ tǝma gbo ta alɔkɔ agbut. Ɔwa ma mɔnɛ thalɔm asɔmpanɛ aŋ bek salata ȧrim, lɛmp ɔ tǝ pǝnthbǝla. 22Ɔwa kɔnɔ ɔwe a sak ka tabaŋk ratɔŋ-e, kɔnɔ yi ɔwe mǝ tǝl ȧrim, kɛrɛ aŋsoli ŋa ȧdȧru yi matɔns ma rȧyola mǝ tɔkǝr ȧrim, ɔwa ɔ kom hɛ sɔ mǝkomi. 23Kɛrɛ kɔnɔ ɔwe a sak ka ȧŋthɔf afinɔ ɔ yi kɔnɔ ɔwe mǝ tǝl ȧrim, ɔwa pǝ sɔk kɔ. Ɔ kom mǝkomi tɛntɛnɛ, kɔ kom mǝlɔm mɔlɔ ma kɛmɛ kin, mǝlɔm mɔlɔ ma tǝgba tǝsas, mǝlɔm mɔlɔ ma kǝgba tɔfɔt.
24kɔ bot alomɔ alɔm rodi ka ŋaŋ, ɔ pa, Rȧbȧy ra ro riyana rǝ bȧlȧnɛ mɔ wuni ɔwe sak mǝter mǝfinɔ ka akɔr kɔŋ, 25kɛrɛ ka tatak-e, ɔtheranɛ kɔŋ ɔ der ɔ sak kǝpika kǝtɔŋ apǝla, kɔ kɔnɛ. 26Ɔwa ma mǝ lɔkɔ-e, mǝ wur ɛgbas-e, kapika sɔ kǝ wurnɛ. 27Ka ɛbɔy ya ɔkas ka ȧŋseth aŋ der aŋ pa ro ŋɔŋ, Pa, mǝter mǝfinɔ tha mǝ sak ro kɔr kamu-i? To pǝ tǝp kǝpika kǝ yi ri-e? 28kɔ pa ro ŋaŋ, Utheranɛ ulɔm kɔnɔ po yɔ ȧte. Ka ɛbɔy aŋ pa ro ŋɔŋ, Mǝ yema sǝ kɔ tusi kapika-i? 29Kɛrɛ ɔ pa, Sako, ta thani bepi nǝ tusi kapika-e, nǝ tǝ tusianɛ sɔ apǝla. 30Ter yi yɛrǝŋȧŋ ɛ lɔkɔ dɛr ɔkin haŋ ka karɔk, ɔwa ka ȧŋlɔkɔ ŋa karɔk i ti pa ka aŋrɔk, Mɔtha nu thoŋkla kapika, ɔwa sekǝth ki rǝ ɛlik tǝ kǝthɔy. Kɛrɛ thoŋkla apǝla pa mi ro fuŋk.
31kɔ bot sɔ alomɔ alɔm rodi ka ŋaŋ, ɔ pa, Rȧbȧy ra ro riyana rǝ bȧlȧnɛ mɔ aluka ŋa amustard aŋa wuni ɔ gbasi, ɔ tɛp ka akɔr kɔŋ. 32Aŋ yi alɔl athasi maluka bɛ, kɛrɛ bepi aŋ po bȧk-e, aŋ yi ȧbana athasi ɛbuma bɛ, aŋ sǝkɛ ŋǝnt, ɔwa ɛbȧmp ya aŋfena aŋ der, kaŋ seth ka mara mati.
33kɔ fɔf sɔ alomɔ alɔm ro ŋaŋ, ɔ pa, Rȧbȧy ra ro riyana rǝ bȧlȧnɛ mɔ ɛgbith ɛyɛ wuni bom ɔ gbasi ɔ maŋk rǝ rɛkɛ ra ɛthunth ɛsas, haŋ yi bɛ ɛ sǝkɛ ɛgbith.
34Yisɔsȧŋ ɔ fɔf mȧtȧy ame bɛ ka ȧsuniya rǝ ɛlomɔ, ɔwa ɔ fɔfȧnɛ hɛ ŋa koko pǝthas rǝ alomɔ, 35kȧmȧ ȧrim ra ɔnȧbi rǝ lasǝr ara pa,
I ti fɔf rǝ ɛlomɔ,
I ti thǝksa mȧtȧy ama a maŋk rǝ agbundu kǝbi ka ɔtɔpɛr wa ȧdȧru.
36Ma Yisɔsȧŋ ɔ tey ȧsuniya-e, ɔ wɔŋ ro seth, ka aŋkarande ŋɔŋ aŋ der ro ŋɔŋ aŋ pa, Lokthia su aŋlomɔ ŋa kapika ro kɔr. 37kɔ wosa, ɔ pa ro ŋaŋ, Ɔwe sak mater mǝfinɔ kɔnɔ yi ɔWan ka wuni. 38Ɔwa akɔr-e, kǝ yi ȧdȧru. Mater mǝfinɔ mǝ yi aŋwuth ŋa rȧbȧy, kɛrɛ kapika kǝ yi aŋwuth ŋa ɔwuni lǝs. 39Ɔtheranɛ ɔwe sak ki-e, Sethani kɔnɔȧŋ. Ȧŋlɔkɔ ŋa karɔk aŋ yi ɔthalnɛ wa ȧdȧru, ɔwa aŋrɔk, ŋa yi aŋmȧleka. 40Tiyȧŋ mɔ mǝ a thoŋkla kapika, ɔwa a thɔi ki ro nant-e, ya mǝ pǝ yi ka ɔthalnɛ wa ȧdȧru. 41ƆWan ka wuni ɔ ba kǝsom aŋmȧleka ŋɔŋ kȧmȧ aŋ wurɔ ka rȧbȧy rɔŋ matȧy bɛ ama sɔŋ kǝyɛthȧ, dɛ yi ŋaŋ aŋa yɔ ɔlǝs. 42Ɔwa a tǝ fitha ŋa rǝ atoŋ ŋa nȧnt ro kǝkulɔ yi kȧŋȧkŋȧk ɛsek kǝ yi. 43Ka ȧŋlɔkɔ ŋati aŋlompi aŋ tǝ gbɛntha mɔ aret ka rȧbȧy ra ɔKas ka ŋaŋ. Ɔwe ba ɛlǝns ta ɔ tǝl.
44Rȧbȧy ra ro riyana rǝ bȧlȧnɛ mɔ kɛŋ kǝbaki mɔlɔ ȧke a maŋk ro lal, ȧke wuni ɔ fir, ɔ kȧl maŋk ki, ɔwa ɔ kɔnɛ ɔ thila ara ɔ ba bɛ salata mabɔnɛ mati, kȧmȧ ɔ gbǝli wai aŋlal ŋati.
45Ɔwa sɔ-e, rȧbȧy ra ro riyana rǝ bȧlȧnɛ mɔ wuni sǝkinɛ ɔwe thɛns mǝsar mǝbaki mɔlɔ. 46Ɔwa ma ɔ po fir ȧsar ŋin abȧki mɔlɔ-e, ɔ kɔ thila ara ɔ ba bɛ-e, kȧmȧ ɔ wai ŋi.
47Ɔwa rȧbȧy ra ro riyana rǝ bȧlȧnɛ sɔ mɔ kǝpɛl kǝgboya ȧke a fak ro baŋ, ɔwa kǝ gbip ɛlop agbaskɛ gbaskɛ. 48Ma kǝ po la-e, a liŋ ki ro gbaŋ, kaŋ yirȧ aŋ thoŋkla aŋfinɔ rǝ tǝbǝlai, kaŋ fitha aŋlǝs. 49Ya mǝ pǝ yi ka ɔthalnɛ wa ȧdȧru. Aŋmȧleka aŋ tǝ der, aŋ tǝ gbaski aŋlǝs ka aŋlompi, 50aŋ tǝ fitha ŋa ka aŋtoŋ ŋa nȧnt, ro kǝkulɔ yi kȧŋȧkŋȧk ɛsek kǝ yi.
51Kɔ pa ro ŋaŋ, Mȧtȧy ame bɛ mǝ sɔk nu-i? Aŋ lasi, kaŋ pa, Aŋko, Pa. 52Kɔ pa ro ŋaŋ, Tiyȧŋ ukarmɔkɔ o karmɔkɔ ɔwe a thǝksa ta rȧbȧy ra ro riyana ɔ bȧlȧnɛ mɔ ulaŋgba ɔwe ba aseth-e, ɔwe mǝ wur ka ɔbɛnɛnɛ wɔŋ yɛt ɛfu yi yɛt ɛkur.
53Ka pǝ re yi ma Yisɔs ɔ po gbanthi ɛlomɔ ɛye-e, ɔ wur ri. 54Ma ɔ der ka ȧŋthɔf ŋɔŋ-e, ɔ thǝksa ŋa ka ȧŋseth ŋaŋ agbanɛ haŋ aŋ kabanɛ, aŋ pa, Reke ɔlaŋgba ɔwe ɔ sɔthɔ kȧtemp ake, dɛ yi mȧyɔs ma afɔsɔ ame-e? 55Ɔwan ka ɔkamdɛr kɔn tha ɔwe-i? Ɔwa a bont hɛ ɔkara kɔŋ Meri-i? Aŋwɔnt ŋɔŋ, ŋa tha yi Yemǝs, Yosef, Saymɔn yi Yudaŋ-i? 56Ɔwa aŋwɔnt ŋɔŋ abɛra ŋa bɛ aŋ yi hɛ yi saŋ-i? Reke thɔŋ ɔwuni ɔwe ɔ sɔthɔ mȧtȧy ame bɛ-e? 57Ka pǝ kɛtha ŋa ta atɔŋ. Kɛrɛ Yisɔsȧŋ ɔ pa ro ŋaŋ, Unabi ɔ paŋ hɛ ayiki, thambe ka ȧŋthɔf ŋɔŋ gbeŋ, ɔwa ro seth kɔŋ sɔ. 58Tiyȧŋ ɔ yɔ hɛ ri mǝyɔs ma afɔsɔ mǝgbathi salata kate ka ŋaŋ lanɛ.
Currently Selected:
Mathiu 13: TMNNT
Highlight
Share
Copy
Want to have your highlights saved across all your devices? Sign up or sign in
Themne New Testament © The Bible Society of Sierra Leone, 2009.
Mathiu 13
13
1Ka ȧŋrey ŋati Yisɔs ɔ wur ka ȧŋseth, ɔ kɔ yirȧ ro baŋ rayɛr. 2Ka suniya tǝbana tǝ thoŋklanɛ ro ŋɔŋ, haŋ ɔ wɔŋ ka abil, ɔ yirȧ. Ka ȧruniya bɛ rǝ tǝma ro gbaŋ. 3kɔ fɔfȧnɛ ŋa mətȧy mǝgbathi rǝ ɛlomɔ, ɔ pa, Kǝla, usak ɔ wur tǝ kǝsak. 4Ma ɔ sak-e, mater mǝlɔm mǝ fumpɔ ro roŋ dayɛr, ka ɛbȧmp aŋ der aŋ gbȧmǝs ma. 5Mǝlɔm mǝ fumpɔ rǝ agbalaŋ, ro mǝ te ba ɛthɔf ɛgbathi. Ɔlɛmp gbo mǝ lɔkɔ-e, ȧtesoma-e mǝ ba hɛ ɛthɔf ɛbɔlɔŋ. 6Ɔwa ma aret rǝ gbep-e, ȧney nǝ gbaŋar ma, mǝ wela pǝkasifɛ mǝ ba hɛ ɛthǝnk. 7Mǝlɔm mǝ fumpɔ ka tȧbȧnk ratɔŋ, ka tȧbȧnk tǝ lɔkɔ, tǝ thiŋkanɛ ma. 8Kɛrɛ mǝlɔm mǝ fumpɔ ka ȧŋthɔf afinɔ, ka mǝ kom mǝkomi, mǝlɔm mɔlɔ ma kɛmɛ kin, mǝlɔm tǝgba tǝsas, mǝlɔm kǝgba tɔfɔt. 9Ɔwe ba ɛlǝns ta ɔ tǝl.
10Ka aŋkarande aŋ der aŋ pa ro ŋɔŋ, To pǝ som mǝ fɔfȧnɛ ŋa rǝ ɛlomɔ-e? 11kɔ lasi ɔ pa ro ŋaŋ, Ro rɔnu a sɔŋ kȧtȧrȧ ka ɛgbundu ya rȧbȧy ra ro riyana, kɛrɛ ro rɔŋaŋ a sɔŋ hɛ ki. 12kotȧy-e wuni o wuni ɔwe ba, kɔnɔ mǝ a sɔŋ, ɔ tǝ ba agbȧthi, kɛrɛ wuni o wuni ɔwe te ba, a tǝ nɔy kɔ hali ara ɔ ba. 13Tȧsom i fɔfȧnɛ ŋa rǝ ɛlomɔ, pǝkasifɛ hali aŋ kǝli aŋ nənk hɛ, ɔwa hali aŋ su ɛlǝns aŋ tǝl hɛ, ɔwa pǝ sɔk hɛ ŋa. 14A lasǝr tapa ta Isaya ro rɔŋaŋ, ȧte pa ye,
Rǝ kǝsu ɛlǝns nǝ tǝ tǝl, kɛrɛ pǝ gbǝli hɛ sɔk nu,
Rǝ kǝkǝli nǝ tǝ nənk, kɛrɛ nǝ gbǝli hɛ gbɛnthas ti.
15kotȧy-e ɛmerȧ ya aŋfǝm aŋe ɛ gbolŋanɛ,
Ɔwa ɛlǝns yaŋ ɛ tui tǝl,
Ɔwa aŋ po mɔp ɛfɔr yaŋ,
Ta thani aŋ ti nənk yi ɛfɔr yaŋ,
Ɔwa aŋ tǝl yi ɛlǝns yaŋ,
Pǝ tǝ kȧl sɔk ŋa rǝ ȧmerȧ,
Ɔwa aŋ kȧl lafthɛ
Kama, i yeŋkǝs ŋa.
16Kɛrɛ ɛfɔr ɛ nu ɛ ba aruba, ȧtesoma-e ɛ nənk, dɛ yi ɛlǝns ɛ nu sɔ, ȧtesoma-e ɛ tǝl. 17Tǝ tɛntɛnɛ i kanɛ nu-e, anȧbi yi afǝm alompi agbȧthi aŋ fela tǝ kǝnǝŋk mȧtȧy ama naŋ nǝ nənk kɛrɛ aŋ nənk hɛ ma: dɛ yi tǝ kǝtǝl mȧtȧy ama naŋ nǝ tǝl, kɛrɛ aŋ tǝl hɛ ma. 18I ti lokthɛ nu ȧŋlomɔ ŋa ɔsak. 19Bepi wuni o wuni ɔ tǝl ȧrim ra rabȧy-e, ɔwa pǝ sɔk hɛ kɔ-e, Sethani ɔ der, ɔ kathi kɔ ȧte a po sak ka ȧŋmerȧ ŋɔŋ. Ɔwe-e, kɔnɔ a sak ro roŋ dayɛr. 20Kɛrɛ kɔnɔ ɔwe a sak ka aŋgbalaŋ-e, kɔnɔ yi ɔwe mǝ tǝl ȧrim yi mǝbɔnɛ, ɔwa ɔ malanɛ ri. 21Kɛrɛ ma ɔ te ba athǝnk-e, ɔ tǝma gbo ta alɔkɔ agbut. Ɔwa ma mɔnɛ thalɔm asɔmpanɛ aŋ bek salata ȧrim, lɛmp ɔ tǝ pǝnthbǝla. 22Ɔwa kɔnɔ ɔwe a sak ka tabaŋk ratɔŋ-e, kɔnɔ yi ɔwe mǝ tǝl ȧrim, kɛrɛ aŋsoli ŋa ȧdȧru yi matɔns ma rȧyola mǝ tɔkǝr ȧrim, ɔwa ɔ kom hɛ sɔ mǝkomi. 23Kɛrɛ kɔnɔ ɔwe a sak ka ȧŋthɔf afinɔ ɔ yi kɔnɔ ɔwe mǝ tǝl ȧrim, ɔwa pǝ sɔk kɔ. Ɔ kom mǝkomi tɛntɛnɛ, kɔ kom mǝlɔm mɔlɔ ma kɛmɛ kin, mǝlɔm mɔlɔ ma tǝgba tǝsas, mǝlɔm mɔlɔ ma kǝgba tɔfɔt.
24kɔ bot alomɔ alɔm rodi ka ŋaŋ, ɔ pa, Rȧbȧy ra ro riyana rǝ bȧlȧnɛ mɔ wuni ɔwe sak mǝter mǝfinɔ ka akɔr kɔŋ, 25kɛrɛ ka tatak-e, ɔtheranɛ kɔŋ ɔ der ɔ sak kǝpika kǝtɔŋ apǝla, kɔ kɔnɛ. 26Ɔwa ma mǝ lɔkɔ-e, mǝ wur ɛgbas-e, kapika sɔ kǝ wurnɛ. 27Ka ɛbɔy ya ɔkas ka ȧŋseth aŋ der aŋ pa ro ŋɔŋ, Pa, mǝter mǝfinɔ tha mǝ sak ro kɔr kamu-i? To pǝ tǝp kǝpika kǝ yi ri-e? 28kɔ pa ro ŋaŋ, Utheranɛ ulɔm kɔnɔ po yɔ ȧte. Ka ɛbɔy aŋ pa ro ŋɔŋ, Mǝ yema sǝ kɔ tusi kapika-i? 29Kɛrɛ ɔ pa, Sako, ta thani bepi nǝ tusi kapika-e, nǝ tǝ tusianɛ sɔ apǝla. 30Ter yi yɛrǝŋȧŋ ɛ lɔkɔ dɛr ɔkin haŋ ka karɔk, ɔwa ka ȧŋlɔkɔ ŋa karɔk i ti pa ka aŋrɔk, Mɔtha nu thoŋkla kapika, ɔwa sekǝth ki rǝ ɛlik tǝ kǝthɔy. Kɛrɛ thoŋkla apǝla pa mi ro fuŋk.
31kɔ bot sɔ alomɔ alɔm rodi ka ŋaŋ, ɔ pa, Rȧbȧy ra ro riyana rǝ bȧlȧnɛ mɔ aluka ŋa amustard aŋa wuni ɔ gbasi, ɔ tɛp ka akɔr kɔŋ. 32Aŋ yi alɔl athasi maluka bɛ, kɛrɛ bepi aŋ po bȧk-e, aŋ yi ȧbana athasi ɛbuma bɛ, aŋ sǝkɛ ŋǝnt, ɔwa ɛbȧmp ya aŋfena aŋ der, kaŋ seth ka mara mati.
33kɔ fɔf sɔ alomɔ alɔm ro ŋaŋ, ɔ pa, Rȧbȧy ra ro riyana rǝ bȧlȧnɛ mɔ ɛgbith ɛyɛ wuni bom ɔ gbasi ɔ maŋk rǝ rɛkɛ ra ɛthunth ɛsas, haŋ yi bɛ ɛ sǝkɛ ɛgbith.
34Yisɔsȧŋ ɔ fɔf mȧtȧy ame bɛ ka ȧsuniya rǝ ɛlomɔ, ɔwa ɔ fɔfȧnɛ hɛ ŋa koko pǝthas rǝ alomɔ, 35kȧmȧ ȧrim ra ɔnȧbi rǝ lasǝr ara pa,
I ti fɔf rǝ ɛlomɔ,
I ti thǝksa mȧtȧy ama a maŋk rǝ agbundu kǝbi ka ɔtɔpɛr wa ȧdȧru.
36Ma Yisɔsȧŋ ɔ tey ȧsuniya-e, ɔ wɔŋ ro seth, ka aŋkarande ŋɔŋ aŋ der ro ŋɔŋ aŋ pa, Lokthia su aŋlomɔ ŋa kapika ro kɔr. 37kɔ wosa, ɔ pa ro ŋaŋ, Ɔwe sak mater mǝfinɔ kɔnɔ yi ɔWan ka wuni. 38Ɔwa akɔr-e, kǝ yi ȧdȧru. Mater mǝfinɔ mǝ yi aŋwuth ŋa rȧbȧy, kɛrɛ kapika kǝ yi aŋwuth ŋa ɔwuni lǝs. 39Ɔtheranɛ ɔwe sak ki-e, Sethani kɔnɔȧŋ. Ȧŋlɔkɔ ŋa karɔk aŋ yi ɔthalnɛ wa ȧdȧru, ɔwa aŋrɔk, ŋa yi aŋmȧleka. 40Tiyȧŋ mɔ mǝ a thoŋkla kapika, ɔwa a thɔi ki ro nant-e, ya mǝ pǝ yi ka ɔthalnɛ wa ȧdȧru. 41ƆWan ka wuni ɔ ba kǝsom aŋmȧleka ŋɔŋ kȧmȧ aŋ wurɔ ka rȧbȧy rɔŋ matȧy bɛ ama sɔŋ kǝyɛthȧ, dɛ yi ŋaŋ aŋa yɔ ɔlǝs. 42Ɔwa a tǝ fitha ŋa rǝ atoŋ ŋa nȧnt ro kǝkulɔ yi kȧŋȧkŋȧk ɛsek kǝ yi. 43Ka ȧŋlɔkɔ ŋati aŋlompi aŋ tǝ gbɛntha mɔ aret ka rȧbȧy ra ɔKas ka ŋaŋ. Ɔwe ba ɛlǝns ta ɔ tǝl.
44Rȧbȧy ra ro riyana rǝ bȧlȧnɛ mɔ kɛŋ kǝbaki mɔlɔ ȧke a maŋk ro lal, ȧke wuni ɔ fir, ɔ kȧl maŋk ki, ɔwa ɔ kɔnɛ ɔ thila ara ɔ ba bɛ salata mabɔnɛ mati, kȧmȧ ɔ gbǝli wai aŋlal ŋati.
45Ɔwa sɔ-e, rȧbȧy ra ro riyana rǝ bȧlȧnɛ mɔ wuni sǝkinɛ ɔwe thɛns mǝsar mǝbaki mɔlɔ. 46Ɔwa ma ɔ po fir ȧsar ŋin abȧki mɔlɔ-e, ɔ kɔ thila ara ɔ ba bɛ-e, kȧmȧ ɔ wai ŋi.
47Ɔwa rȧbȧy ra ro riyana rǝ bȧlȧnɛ sɔ mɔ kǝpɛl kǝgboya ȧke a fak ro baŋ, ɔwa kǝ gbip ɛlop agbaskɛ gbaskɛ. 48Ma kǝ po la-e, a liŋ ki ro gbaŋ, kaŋ yirȧ aŋ thoŋkla aŋfinɔ rǝ tǝbǝlai, kaŋ fitha aŋlǝs. 49Ya mǝ pǝ yi ka ɔthalnɛ wa ȧdȧru. Aŋmȧleka aŋ tǝ der, aŋ tǝ gbaski aŋlǝs ka aŋlompi, 50aŋ tǝ fitha ŋa ka aŋtoŋ ŋa nȧnt, ro kǝkulɔ yi kȧŋȧkŋȧk ɛsek kǝ yi.
51Kɔ pa ro ŋaŋ, Mȧtȧy ame bɛ mǝ sɔk nu-i? Aŋ lasi, kaŋ pa, Aŋko, Pa. 52Kɔ pa ro ŋaŋ, Tiyȧŋ ukarmɔkɔ o karmɔkɔ ɔwe a thǝksa ta rȧbȧy ra ro riyana ɔ bȧlȧnɛ mɔ ulaŋgba ɔwe ba aseth-e, ɔwe mǝ wur ka ɔbɛnɛnɛ wɔŋ yɛt ɛfu yi yɛt ɛkur.
53Ka pǝ re yi ma Yisɔs ɔ po gbanthi ɛlomɔ ɛye-e, ɔ wur ri. 54Ma ɔ der ka ȧŋthɔf ŋɔŋ-e, ɔ thǝksa ŋa ka ȧŋseth ŋaŋ agbanɛ haŋ aŋ kabanɛ, aŋ pa, Reke ɔlaŋgba ɔwe ɔ sɔthɔ kȧtemp ake, dɛ yi mȧyɔs ma afɔsɔ ame-e? 55Ɔwan ka ɔkamdɛr kɔn tha ɔwe-i? Ɔwa a bont hɛ ɔkara kɔŋ Meri-i? Aŋwɔnt ŋɔŋ, ŋa tha yi Yemǝs, Yosef, Saymɔn yi Yudaŋ-i? 56Ɔwa aŋwɔnt ŋɔŋ abɛra ŋa bɛ aŋ yi hɛ yi saŋ-i? Reke thɔŋ ɔwuni ɔwe ɔ sɔthɔ mȧtȧy ame bɛ-e? 57Ka pǝ kɛtha ŋa ta atɔŋ. Kɛrɛ Yisɔsȧŋ ɔ pa ro ŋaŋ, Unabi ɔ paŋ hɛ ayiki, thambe ka ȧŋthɔf ŋɔŋ gbeŋ, ɔwa ro seth kɔŋ sɔ. 58Tiyȧŋ ɔ yɔ hɛ ri mǝyɔs ma afɔsɔ mǝgbathi salata kate ka ŋaŋ lanɛ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Themne New Testament © The Bible Society of Sierra Leone, 2009.