Mathiu 14
14
1Ka ȧŋlɔkɔ ŋati Herodȧŋ ɔtɛtrark ɔ tǝl tȧgbuŋ ta Yisɔs. 2kɔ pa ka ɛbɔy yɔŋ, Ɔwe-e, Yɔnȧŋ ɔBaftays kɔnɔȧŋ. Ɔ po yokanɛ ka rafi, te ba ti mȧyɔs mǝkabanɛ ame mǝ tɔrinɛ ro ŋɔŋ. 3Ȧtesoma-e Herodȧŋ ɔ po wop Yɔnȧŋ, ɔ sek kɔ, kɔ bot kɔ ka ȧŋseth ŋa tǝrǝŋka salata Herodias, ɔrani ka Filip ɔwɔnt kɔŋ. 4Ȧtesoma-e Yɔn ɔ pa ro ŋɔŋ, Pǝ yi hɛ ɔlompi ta munɔ tǝ kǝba kɔ. 5Ɔwa ma ɔ yema dif kɔ-e, ɔ nesa aŋfǝm, pǝkasifɛ aŋ nanɛ Yɔnȧŋ tǝ kǝyi unabi. 6Kɛrɛ ka amet ma ȧŋrey aŋa a kom Hɛrɔdȧŋ-e, ɔwan ubɛra ka Hɛrɔdiyȧs ɔ thɔmɔ kǝtɔŋ ka ŋaŋ, ka pǝ bɔnɛ Hɛrɔdȧŋ. 7Ta ȧŋsabu ŋati ɔ lahiri rǝ agbiŋ rokɔm tǝ kǝsɔŋ ɔbɔrkɔ koko ɔ thola. 8Kɔnɔŋ, mɔ mǝ ɔya kɔŋ ɔ kanɛ kɔ-e, ɔ pa, Sɔŋ mi nɔ rǝ alɛfa rȧbomp ra Yɔn ɔBaftays. 9Ka pǝ kɛtha ɔbȧy, kɛrɛ salata aŋgbiŋ ŋɔŋ-e, dɛ yi ŋaŋ aŋa yirȧ yi kɔn ka kǝdi-e, ɔ yamari tǝ kǝsɔŋ kɔ ri. 10kɔ som kȧmȧ a gbetha rȧbomp ra Yɔn ka ȧŋseth ŋa tǝrǝŋka. 11Ka a kȧrȧ rȧbomp rɔŋ ka alɛfa, ɔwa a sɔŋ ri ka ɔwath bɛra, kɔ kera ri ka ɔkara kɔŋ. 12Ka aŋkarande ŋa Yɔn aŋ de gbasi kabel, kaŋ maŋk kɔ, kaŋ kɔ kanɛ ti ka Yisɔs.
13Ma Yisɔsȧŋ ɔ tǝl ti-e, ɔ gbasi abil, kɔ kɔ rǝ dɛr ɔyeŋ. Ma aŋfǝm aŋ tǝl ti-e, aŋ tȧŋ kɔ ro gbaŋ kǝwur ka tapet. 14kɔ wur ka ȧŋbil, ɔ nənk ȧruniya rǝbana, kɔ nǝŋka ŋa ȧney, ɔ damǝr aŋboma ŋaŋ. 15Ɔwa ma rȧfɔy rǝ bek-e, aŋkarande ŋɔŋ aŋ der ro ŋɔŋ, aŋ pa, Ɔdɛr ɔwe ɔ yeŋ, ɔwa ȧŋlɔkɔ aŋ po thɔŋ thas. Ter aŋfǝm aŋ kɔnɛ, kȧmȧ aŋ kɔ ka tagbɔm, aŋ wayanɛ yɛt ɛdi. 16Kɛrɛ Yisɔsȧŋ ɔ pa ro ŋaŋ, Aŋ ba hɛ tǝ kǝkɔ, sɔŋ ŋa nu yɛt ɛdi. 17kaŋ pa ro ŋɔŋ, Sǝ ba gbo anɔ tǝbo tamath dɛ yi ɛlop ŋarǝŋ. 18kɔ pa, Kara yi nɔ ro rɔmi. 19kɔ yamari aŋfǝm kȧmȧ aŋ yirȧ ka akereŋ, kɔ gbasi tabo tamath yi ɛlop ŋarǝŋ, ɔwa ɔ kǝli rokɔm ka ȧkȧriyana, ɔ ruba yi, kɔ simǝth tabo, ɔ sɔŋ ti aŋkarande ŋɔŋ, ka aŋkarande aŋ sɔŋ aŋfǝm. 20Ka ŋa bɛ aŋ di, aŋ namra. Kaŋ gbas ɛbɛm ɛtianɛ aŋ lasǝr tǝbǝlai tɔfɔt tǝrǝŋ. 21Ɔwa ŋaŋ aŋa di-e, aŋ yi mɔlɔ ma afǝm aruni ɛwul tamath kǝte lɔmanɛ bom-ŋaŋ dɛ yi afɛth.
22Ka ɔlɛmp wati Yisɔsȧŋ ɔ tɔri aŋkarande ŋɔŋ tǝ kǝbaka ka ȧŋbil kȧmȧ aŋ tǝma kɔ kǝdi romɔri, haŋ ɔ po ter aŋfǝm aŋ kɔnɛ. 23Ma ɔ po ter aŋfǝm-e, ɔ gbep ka kateŋ, kɔn son tǝ kǝramnɛ. Ɔwa ma rȧfɔy rǝ bek-e, ɔ yirȧ ri kɔn son. 24Kɛrɛ ȧŋbil aŋ yi thɔŋ ro baŋ ratɔŋ, ka ɛmuŋkǝl ɛ sɔmpa ŋi, kotȧy-e aŋfef aŋ wurǝr ŋa rodi. 25Ma pǝ yema sɔk-e, Yisɔsȧŋ ɔ der ro ŋaŋ, ɔ kɔth ka kȧbȧŋ rokɔm. 26Ma aŋkarande aŋ nənk kɔ mɔ mǝ ɔ kɔth ka kȧbȧŋ rokɔm-e, aŋ nesa, kaŋ pa, Ayina ŋaŋ. Kaŋ sel ɛrɔŋ yi rǝnes. 27Ka ɔlɛmp wati Yisɔsȧŋ ɔ pa ro ŋaŋ, Bȧk nu tǝbuth; minɛȧŋ. Te nu nesa. 28Ka Pitarȧŋ ɔ pa, Pa, bepi munɔȧŋ-e, yamari mi i der ro rɔmu ka ȧmȧnt rokɔm. 29kɔ pa, Der. Ka Pitarȧŋ ɔ wur ro bil, ɔ kɔth ka ȧmȧnt rokɔm tǝ kǝder ka Yisɔs. 30Kɛrɛ ma ɔ nənk aŋfef abȧki-e, ɔ nesa. Ɔ tǝp kǝmɔta, kɔ sel ɛrɔŋ ɔ pa, Pa, kisis mi. 31Ka ɔlɛmp wati Yisɔsȧŋ ɔ thanthi kȧta kɔŋ, ɔ wop kɔ, ɔ pa ro ŋɔŋ, Munɔ, mun ba kǝlanɛ kǝthan, kɔyɛŋ mǝ sikɛ-e? 32Ɔwa maŋ po wɔŋ ka ȧŋbil-e, aŋfef aŋ thɔfɔla. 33Ka ŋaŋ aŋa yi ro bil aŋ bȧtho kɔ, aŋ pa, Tɛntɛnɛ munɔ yi ɔWan ka Kuru.
34Maŋ po fǝsi romɔri-e, aŋ bek ka aŋgbaŋ ŋa ro Kɛnɛsarɛt. 35Ma aŋfǝm ŋa ɔdɛr wati aŋ tȧrȧ kɔ-e, aŋ som ka ȧŋthɔf ŋati bɛ, aŋ kȧrȧ ro ŋɔŋ aŋfǝm bɛ aŋa yi atuy. 36kaŋ nɛmthɛnɛ kɔ kȧmȧ aŋ gboŋ hali gbo amɛsɛ ma aruma rɔŋ. Ɔwa ŋaŋ bɛ aŋa gboŋ kɔ-e, aŋ sɔthɔ kǝyeŋk mǝdɛr.
Currently Selected:
Mathiu 14: TMNNT
Highlight
Share
Copy
Want to have your highlights saved across all your devices? Sign up or sign in
Themne New Testament © The Bible Society of Sierra Leone, 2009.
Mathiu 14
14
1Ka ȧŋlɔkɔ ŋati Herodȧŋ ɔtɛtrark ɔ tǝl tȧgbuŋ ta Yisɔs. 2kɔ pa ka ɛbɔy yɔŋ, Ɔwe-e, Yɔnȧŋ ɔBaftays kɔnɔȧŋ. Ɔ po yokanɛ ka rafi, te ba ti mȧyɔs mǝkabanɛ ame mǝ tɔrinɛ ro ŋɔŋ. 3Ȧtesoma-e Herodȧŋ ɔ po wop Yɔnȧŋ, ɔ sek kɔ, kɔ bot kɔ ka ȧŋseth ŋa tǝrǝŋka salata Herodias, ɔrani ka Filip ɔwɔnt kɔŋ. 4Ȧtesoma-e Yɔn ɔ pa ro ŋɔŋ, Pǝ yi hɛ ɔlompi ta munɔ tǝ kǝba kɔ. 5Ɔwa ma ɔ yema dif kɔ-e, ɔ nesa aŋfǝm, pǝkasifɛ aŋ nanɛ Yɔnȧŋ tǝ kǝyi unabi. 6Kɛrɛ ka amet ma ȧŋrey aŋa a kom Hɛrɔdȧŋ-e, ɔwan ubɛra ka Hɛrɔdiyȧs ɔ thɔmɔ kǝtɔŋ ka ŋaŋ, ka pǝ bɔnɛ Hɛrɔdȧŋ. 7Ta ȧŋsabu ŋati ɔ lahiri rǝ agbiŋ rokɔm tǝ kǝsɔŋ ɔbɔrkɔ koko ɔ thola. 8Kɔnɔŋ, mɔ mǝ ɔya kɔŋ ɔ kanɛ kɔ-e, ɔ pa, Sɔŋ mi nɔ rǝ alɛfa rȧbomp ra Yɔn ɔBaftays. 9Ka pǝ kɛtha ɔbȧy, kɛrɛ salata aŋgbiŋ ŋɔŋ-e, dɛ yi ŋaŋ aŋa yirȧ yi kɔn ka kǝdi-e, ɔ yamari tǝ kǝsɔŋ kɔ ri. 10kɔ som kȧmȧ a gbetha rȧbomp ra Yɔn ka ȧŋseth ŋa tǝrǝŋka. 11Ka a kȧrȧ rȧbomp rɔŋ ka alɛfa, ɔwa a sɔŋ ri ka ɔwath bɛra, kɔ kera ri ka ɔkara kɔŋ. 12Ka aŋkarande ŋa Yɔn aŋ de gbasi kabel, kaŋ maŋk kɔ, kaŋ kɔ kanɛ ti ka Yisɔs.
13Ma Yisɔsȧŋ ɔ tǝl ti-e, ɔ gbasi abil, kɔ kɔ rǝ dɛr ɔyeŋ. Ma aŋfǝm aŋ tǝl ti-e, aŋ tȧŋ kɔ ro gbaŋ kǝwur ka tapet. 14kɔ wur ka ȧŋbil, ɔ nənk ȧruniya rǝbana, kɔ nǝŋka ŋa ȧney, ɔ damǝr aŋboma ŋaŋ. 15Ɔwa ma rȧfɔy rǝ bek-e, aŋkarande ŋɔŋ aŋ der ro ŋɔŋ, aŋ pa, Ɔdɛr ɔwe ɔ yeŋ, ɔwa ȧŋlɔkɔ aŋ po thɔŋ thas. Ter aŋfǝm aŋ kɔnɛ, kȧmȧ aŋ kɔ ka tagbɔm, aŋ wayanɛ yɛt ɛdi. 16Kɛrɛ Yisɔsȧŋ ɔ pa ro ŋaŋ, Aŋ ba hɛ tǝ kǝkɔ, sɔŋ ŋa nu yɛt ɛdi. 17kaŋ pa ro ŋɔŋ, Sǝ ba gbo anɔ tǝbo tamath dɛ yi ɛlop ŋarǝŋ. 18kɔ pa, Kara yi nɔ ro rɔmi. 19kɔ yamari aŋfǝm kȧmȧ aŋ yirȧ ka akereŋ, kɔ gbasi tabo tamath yi ɛlop ŋarǝŋ, ɔwa ɔ kǝli rokɔm ka ȧkȧriyana, ɔ ruba yi, kɔ simǝth tabo, ɔ sɔŋ ti aŋkarande ŋɔŋ, ka aŋkarande aŋ sɔŋ aŋfǝm. 20Ka ŋa bɛ aŋ di, aŋ namra. Kaŋ gbas ɛbɛm ɛtianɛ aŋ lasǝr tǝbǝlai tɔfɔt tǝrǝŋ. 21Ɔwa ŋaŋ aŋa di-e, aŋ yi mɔlɔ ma afǝm aruni ɛwul tamath kǝte lɔmanɛ bom-ŋaŋ dɛ yi afɛth.
22Ka ɔlɛmp wati Yisɔsȧŋ ɔ tɔri aŋkarande ŋɔŋ tǝ kǝbaka ka ȧŋbil kȧmȧ aŋ tǝma kɔ kǝdi romɔri, haŋ ɔ po ter aŋfǝm aŋ kɔnɛ. 23Ma ɔ po ter aŋfǝm-e, ɔ gbep ka kateŋ, kɔn son tǝ kǝramnɛ. Ɔwa ma rȧfɔy rǝ bek-e, ɔ yirȧ ri kɔn son. 24Kɛrɛ ȧŋbil aŋ yi thɔŋ ro baŋ ratɔŋ, ka ɛmuŋkǝl ɛ sɔmpa ŋi, kotȧy-e aŋfef aŋ wurǝr ŋa rodi. 25Ma pǝ yema sɔk-e, Yisɔsȧŋ ɔ der ro ŋaŋ, ɔ kɔth ka kȧbȧŋ rokɔm. 26Ma aŋkarande aŋ nənk kɔ mɔ mǝ ɔ kɔth ka kȧbȧŋ rokɔm-e, aŋ nesa, kaŋ pa, Ayina ŋaŋ. Kaŋ sel ɛrɔŋ yi rǝnes. 27Ka ɔlɛmp wati Yisɔsȧŋ ɔ pa ro ŋaŋ, Bȧk nu tǝbuth; minɛȧŋ. Te nu nesa. 28Ka Pitarȧŋ ɔ pa, Pa, bepi munɔȧŋ-e, yamari mi i der ro rɔmu ka ȧmȧnt rokɔm. 29kɔ pa, Der. Ka Pitarȧŋ ɔ wur ro bil, ɔ kɔth ka ȧmȧnt rokɔm tǝ kǝder ka Yisɔs. 30Kɛrɛ ma ɔ nənk aŋfef abȧki-e, ɔ nesa. Ɔ tǝp kǝmɔta, kɔ sel ɛrɔŋ ɔ pa, Pa, kisis mi. 31Ka ɔlɛmp wati Yisɔsȧŋ ɔ thanthi kȧta kɔŋ, ɔ wop kɔ, ɔ pa ro ŋɔŋ, Munɔ, mun ba kǝlanɛ kǝthan, kɔyɛŋ mǝ sikɛ-e? 32Ɔwa maŋ po wɔŋ ka ȧŋbil-e, aŋfef aŋ thɔfɔla. 33Ka ŋaŋ aŋa yi ro bil aŋ bȧtho kɔ, aŋ pa, Tɛntɛnɛ munɔ yi ɔWan ka Kuru.
34Maŋ po fǝsi romɔri-e, aŋ bek ka aŋgbaŋ ŋa ro Kɛnɛsarɛt. 35Ma aŋfǝm ŋa ɔdɛr wati aŋ tȧrȧ kɔ-e, aŋ som ka ȧŋthɔf ŋati bɛ, aŋ kȧrȧ ro ŋɔŋ aŋfǝm bɛ aŋa yi atuy. 36kaŋ nɛmthɛnɛ kɔ kȧmȧ aŋ gboŋ hali gbo amɛsɛ ma aruma rɔŋ. Ɔwa ŋaŋ bɛ aŋa gboŋ kɔ-e, aŋ sɔthɔ kǝyeŋk mǝdɛr.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Themne New Testament © The Bible Society of Sierra Leone, 2009.