Mathiu 17
17
1Ɔwa kǝdarǝŋ ka mǝrei tamthǝrukin-e, Yisɔsȧŋ ɔ keranɛ Pitarȧŋ, Yemǝsȧŋ yi Yɔnȧŋ ɔwɔnt kɔŋ, kɔ gbepa ŋa rǝ kǝteŋ kǝbɔli rǝkɔm, ŋa son. 2Ka rabalanɛ rɔŋ rǝ lafthɛ rodi ka ŋaŋ. Ader rɔŋ rǝ gbɛntha mɔ aret, ɔwa ȧsuma tɔŋ tǝ fera mɔ ɔwaŋ. 3Ɔwa kǝla, Mosisȧŋ yi Ilayaŋ aŋ tɔrinɛ ro ŋaŋ, kaŋ fɔfȧnɛ kɔ. 4Ka Pitȧŋ ɔ pa, Pa, ɔfinɔ ta ȧtȧ su tǝ kǝyi nɔ. Bepi mǝ selɔ-e, i ti bɛmpa nɔ ɛgbɔm ɛsas, ŋin ta ȧtȧ mu, ŋin ta Mosis, dɛ yi ŋin ta Ilaya. 5Ma ɔ yi ka kǝfɔf-e, kǝrǝnt kǝfera kǝgbɛntha kǝ derǝr ŋa; ɔwa rim rǝ wur ka karǝnt, rǝ pa, ƆWan kȧmi ubɔthǝr kɔnɔ ɔwe, ta ɔwe pǝ thesanɛ mi finɔ. Tǝla kɔ nu. 6Ma aŋkarande aŋ tǝl ti-e, aŋ gbǝpsa, aŋ nesa ɔthasǝr. 7Kɛrɛ Yisɔsȧŋ ɔ der ɔ gboŋ ŋa, ɔ pa, Yokanɛ nu, te nu nesa. 8Maŋ ŋata ɛfɔr yaŋ-e, aŋ nənk hɛ wuni o wuni thambe Yisɔsȧŋ son.
9Ɔwa mɔ mǝ aŋ thor ka kateŋ-e, Yisɔs ɔ yamari ŋa, ɔ pa, Te kanɛ wuni o wuni mȧnǝnk ama nǝ po nənk haŋ ɔWan ka wuni ɔ kȧl yokanɛ ka rafi. 10Ka aŋkarande ŋɔŋ aŋ yif kɔ, aŋ pa, kɔyɛŋ aŋkarmɔkɔ aŋ pa Ilaya ɔ ba kǝmɔtha der-e? 11Ka Yisɔsȧŋ ɔ lasi ɔ pa ro ŋaŋ, Tǝ tɛntɛnɛ Ilaya ɔ ba tǝ kǝder, ɔwa ɔ tǝ lompǝs mətȧy bɛ. 12Kɛrɛ i kanɛ nu kǝpa, Ilaya ɔ po thɔŋ der, kɛrɛ aŋ tɛ hɛ kɔ, ɔwa aŋ po yɔ kɔ tȧy o tȧy ȧte aŋ yema. Ɔwa yaŋ sɔ ɔWan ka wuni ɔ tǝ nakasi ka mȧta maŋ. 13Ka pǝ sɔk aŋkarande ŋɔŋ kǝpa ɔ fɔfȧnɛ ŋa ta Yɔn ɔBaftays.
14Maŋ bek ka ȧruniya-e, ulaŋgba ɔ der ro ŋɔŋ, ɔ sɔna kɔ tǝwu, kɔ pa, 15Pa, ba ȧney ta ɔwan kȧmi uruni, ɔ ba kǝtuk, ɔ sɔmpanɛ ɔbaŋ, kotȧy-e ɛlɔkɔ ɛgbathi ɔ fumpɔ ro nȧnt, ɔwa sɔ-e, ɛlɔkɔ ɛgbathi ɔ fumpɔ ro mȧnt. 16Ka i po kȧrȧ kɔ ka aŋkarande a mu, kɛrɛ aŋ gbǝli hɛ damǝr kɔ. 17Ka Yisɔsȧŋ ɔ wosa ɔ pa, O rǝkomra ara te lanɛ, rǝgbolŋanɛ, to mǝ i ba kǝwon yi naŋ-e? To mǝ i ba kǝwon tǝ kǝmuyu nu-e? Kara kɔ nɔ ro mi. 18Ka Yisɔs ɔ ŋal ɔkǝrǝfi, kɔ gbapɛ kɔ, ka ɔwath ɔ sɔthɔ kǝyeŋk mǝdɛr ka ȧŋlɔkɔ ŋati gbeŋ. 19Ka aŋkarande aŋ der ka Yisɔs mǝnǝŋkanɛ, aŋ pa, kɔyɛŋ saŋ sǝ te gbǝli wurɔ kɔ-e? 20kɔ pa ro ŋaŋ, Salata kate lanɛ ka nu. Tɛntɛnɛ i kanɛ nu, Bepi gbo nǝ ba kǝlanɛ mɔ aluka ŋa amustard nǝ gbǝli pa ka kateŋ ake, Tɔnɛ nɔ mǝ kɔ ro, ɔwa kǝ tǝ tɔnɛ. Ɔwa koko rǝ tui hɛ nu tȧy. 21Kɛrɛ awunɔŋ aŋ wur hɛ thambe rǝ kǝramnɛ yi kǝwop asum.
22Ɔwa maŋ yirȧ ro Kalili-e, Yisɔsȧŋ ɔ pa ro ŋaŋ, A ba kǝlaŋkli ɔWan ka wuni ka mȧta ma aŋfǝm, 23ɔwa aŋ tǝ dif kɔ, kɛrɛ ka ȧŋrey aŋa bekȧ mǝsas-e, a tǝ yokas kɔ. Ka pǝ nɔsinɛ ŋa ɔthasǝr.
24Maŋ bek ro Kepaniyɔm-e, ŋaŋ aŋa thoŋkla ɛfȧk ya ȧŋseth ŋa Kuru aŋ der ka Pita, kaŋ pa, Ɔkarmɔkɔ ka mu ɔ la hɛ ram ȧdiyɔ? 25kɔ pa, Aŋko. Ma ɔ wɔŋ ro seth-e yeŋka ɔ fɔf rim-e, Yisɔsȧŋ ɔ pa, To mǝ nanɛ-e, Saymɔn? aŋbȧy ŋa ȧdȧru-e ka kanɛ mǝ aŋ sɔthɔ ɛfȧk-e, ka aŋwuth ŋaŋ gbeŋ thalɔm ka atik-e? 26Ɔwa ma ɔ pa, Ka atik, Yisɔs ɔ pa ro ŋɔŋ, Tiyȧŋ aŋwuth aŋ ba hɛ kǝsɔŋ. 27Kɛrɛ kȧmȧ sǝ te yɔ ŋa aŋ pǝnthbǝla-e, kɔnɛ ro baŋ mǝ fitha anǝmp, liŋ kalop ɔwe mɔtha der. Ma mǝ po kanthi kasǝŋ kɔŋ-e mǝ tǝ fir ri akala. Gbasi ŋi ɔwa sɔŋ ŋa ta ȧtȧ mi yi ta ȧtȧ mu.
Currently Selected:
Mathiu 17: TMNNT
Highlight
Share
Copy
Want to have your highlights saved across all your devices? Sign up or sign in
Themne New Testament © The Bible Society of Sierra Leone, 2009.
Mathiu 17
17
1Ɔwa kǝdarǝŋ ka mǝrei tamthǝrukin-e, Yisɔsȧŋ ɔ keranɛ Pitarȧŋ, Yemǝsȧŋ yi Yɔnȧŋ ɔwɔnt kɔŋ, kɔ gbepa ŋa rǝ kǝteŋ kǝbɔli rǝkɔm, ŋa son. 2Ka rabalanɛ rɔŋ rǝ lafthɛ rodi ka ŋaŋ. Ader rɔŋ rǝ gbɛntha mɔ aret, ɔwa ȧsuma tɔŋ tǝ fera mɔ ɔwaŋ. 3Ɔwa kǝla, Mosisȧŋ yi Ilayaŋ aŋ tɔrinɛ ro ŋaŋ, kaŋ fɔfȧnɛ kɔ. 4Ka Pitȧŋ ɔ pa, Pa, ɔfinɔ ta ȧtȧ su tǝ kǝyi nɔ. Bepi mǝ selɔ-e, i ti bɛmpa nɔ ɛgbɔm ɛsas, ŋin ta ȧtȧ mu, ŋin ta Mosis, dɛ yi ŋin ta Ilaya. 5Ma ɔ yi ka kǝfɔf-e, kǝrǝnt kǝfera kǝgbɛntha kǝ derǝr ŋa; ɔwa rim rǝ wur ka karǝnt, rǝ pa, ƆWan kȧmi ubɔthǝr kɔnɔ ɔwe, ta ɔwe pǝ thesanɛ mi finɔ. Tǝla kɔ nu. 6Ma aŋkarande aŋ tǝl ti-e, aŋ gbǝpsa, aŋ nesa ɔthasǝr. 7Kɛrɛ Yisɔsȧŋ ɔ der ɔ gboŋ ŋa, ɔ pa, Yokanɛ nu, te nu nesa. 8Maŋ ŋata ɛfɔr yaŋ-e, aŋ nənk hɛ wuni o wuni thambe Yisɔsȧŋ son.
9Ɔwa mɔ mǝ aŋ thor ka kateŋ-e, Yisɔs ɔ yamari ŋa, ɔ pa, Te kanɛ wuni o wuni mȧnǝnk ama nǝ po nənk haŋ ɔWan ka wuni ɔ kȧl yokanɛ ka rafi. 10Ka aŋkarande ŋɔŋ aŋ yif kɔ, aŋ pa, kɔyɛŋ aŋkarmɔkɔ aŋ pa Ilaya ɔ ba kǝmɔtha der-e? 11Ka Yisɔsȧŋ ɔ lasi ɔ pa ro ŋaŋ, Tǝ tɛntɛnɛ Ilaya ɔ ba tǝ kǝder, ɔwa ɔ tǝ lompǝs mətȧy bɛ. 12Kɛrɛ i kanɛ nu kǝpa, Ilaya ɔ po thɔŋ der, kɛrɛ aŋ tɛ hɛ kɔ, ɔwa aŋ po yɔ kɔ tȧy o tȧy ȧte aŋ yema. Ɔwa yaŋ sɔ ɔWan ka wuni ɔ tǝ nakasi ka mȧta maŋ. 13Ka pǝ sɔk aŋkarande ŋɔŋ kǝpa ɔ fɔfȧnɛ ŋa ta Yɔn ɔBaftays.
14Maŋ bek ka ȧruniya-e, ulaŋgba ɔ der ro ŋɔŋ, ɔ sɔna kɔ tǝwu, kɔ pa, 15Pa, ba ȧney ta ɔwan kȧmi uruni, ɔ ba kǝtuk, ɔ sɔmpanɛ ɔbaŋ, kotȧy-e ɛlɔkɔ ɛgbathi ɔ fumpɔ ro nȧnt, ɔwa sɔ-e, ɛlɔkɔ ɛgbathi ɔ fumpɔ ro mȧnt. 16Ka i po kȧrȧ kɔ ka aŋkarande a mu, kɛrɛ aŋ gbǝli hɛ damǝr kɔ. 17Ka Yisɔsȧŋ ɔ wosa ɔ pa, O rǝkomra ara te lanɛ, rǝgbolŋanɛ, to mǝ i ba kǝwon yi naŋ-e? To mǝ i ba kǝwon tǝ kǝmuyu nu-e? Kara kɔ nɔ ro mi. 18Ka Yisɔs ɔ ŋal ɔkǝrǝfi, kɔ gbapɛ kɔ, ka ɔwath ɔ sɔthɔ kǝyeŋk mǝdɛr ka ȧŋlɔkɔ ŋati gbeŋ. 19Ka aŋkarande aŋ der ka Yisɔs mǝnǝŋkanɛ, aŋ pa, kɔyɛŋ saŋ sǝ te gbǝli wurɔ kɔ-e? 20kɔ pa ro ŋaŋ, Salata kate lanɛ ka nu. Tɛntɛnɛ i kanɛ nu, Bepi gbo nǝ ba kǝlanɛ mɔ aluka ŋa amustard nǝ gbǝli pa ka kateŋ ake, Tɔnɛ nɔ mǝ kɔ ro, ɔwa kǝ tǝ tɔnɛ. Ɔwa koko rǝ tui hɛ nu tȧy. 21Kɛrɛ awunɔŋ aŋ wur hɛ thambe rǝ kǝramnɛ yi kǝwop asum.
22Ɔwa maŋ yirȧ ro Kalili-e, Yisɔsȧŋ ɔ pa ro ŋaŋ, A ba kǝlaŋkli ɔWan ka wuni ka mȧta ma aŋfǝm, 23ɔwa aŋ tǝ dif kɔ, kɛrɛ ka ȧŋrey aŋa bekȧ mǝsas-e, a tǝ yokas kɔ. Ka pǝ nɔsinɛ ŋa ɔthasǝr.
24Maŋ bek ro Kepaniyɔm-e, ŋaŋ aŋa thoŋkla ɛfȧk ya ȧŋseth ŋa Kuru aŋ der ka Pita, kaŋ pa, Ɔkarmɔkɔ ka mu ɔ la hɛ ram ȧdiyɔ? 25kɔ pa, Aŋko. Ma ɔ wɔŋ ro seth-e yeŋka ɔ fɔf rim-e, Yisɔsȧŋ ɔ pa, To mǝ nanɛ-e, Saymɔn? aŋbȧy ŋa ȧdȧru-e ka kanɛ mǝ aŋ sɔthɔ ɛfȧk-e, ka aŋwuth ŋaŋ gbeŋ thalɔm ka atik-e? 26Ɔwa ma ɔ pa, Ka atik, Yisɔs ɔ pa ro ŋɔŋ, Tiyȧŋ aŋwuth aŋ ba hɛ kǝsɔŋ. 27Kɛrɛ kȧmȧ sǝ te yɔ ŋa aŋ pǝnthbǝla-e, kɔnɛ ro baŋ mǝ fitha anǝmp, liŋ kalop ɔwe mɔtha der. Ma mǝ po kanthi kasǝŋ kɔŋ-e mǝ tǝ fir ri akala. Gbasi ŋi ɔwa sɔŋ ŋa ta ȧtȧ mi yi ta ȧtȧ mu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Themne New Testament © The Bible Society of Sierra Leone, 2009.