Mark 15
15
1Ma pə sɔk-e, ka ɔlɛmp wati aŋfode abana aŋ nəŋkanɛ yi aŋbȧki yi aŋkarmɔkɔ dɛ yi aŋSanhedrin bɛ, kaŋ sek Yisɔsȧŋ, aŋ kera kɔ, kaŋ lȧnki kɔ ka Paylet. 2Ka Payletȧŋ ɔ yif kɔ, Munɔ yi ɔbȧy ka aŋYuda-i? kɔ wosa kəpa, Ya mə pa. 3Ka aŋfode abana aŋ gbanthir kɔ ta mȧtȧy məgbathi, kɛrɛ ɔ wosa hɛ. 4Ka Paylet ɔ yif kɔ sɔ, ɔ pa, Mə gbaki hɛ-i? Kəli mȧtȧy məgbathi a gbanthir mu-a. 5Kɛrɛ Yisɔs ɔ wosa hɛ haŋ Paylet ɔ kabanɛ.
6Ɔwa ka ȧŋlɔkɔ ŋa amet ame Payletȧŋ ɔ la tera ŋa wuni utand ukin, ɔwe aŋYuda aŋ tholir kɔ. 7Ka ulaŋgba a bont Barabas ɔ yi utand yi ŋaŋ aŋa fak atotok, ɔwe dif wuni ka aŋtotok. 8Ka ȧruniya rə təp kəyif Paylet tə kəyɔ mɔ mɔ la tanɛ tə kəyɔnȧ ŋaŋ. 9Ka Payletȧŋ ɔ pa, Nə yema kȧmȧ i tera nu ɔbȧy ka aŋYuda-i? 10kotȧy-e ɔ tȧrȧ kəpa aŋfode abana aŋ lȧnki kɔ ta kətut. 11Kɛrɛ aŋfode abana aŋ gbisəŋa ȧruniya kȧmȧ ɔ tera ŋa Barabasȧŋ. 12Ka Paylet ɔ pa ro ŋaŋ, To nə yema kȧmȧ i yɔna kɔ ɔwe nə bont ɔbȧy ka aŋYuda-e? 13kaŋ woŋa sɔ, Tȧŋ kɔ rə akənt kəpəŋkinɛ. 14Ka Payletȧŋ ɔ pa ro rɔŋaŋ, Kɔɛŋ-a? Ko ɔləs wɔŋ ɔ po yɔ-e? kaŋ bȧr woŋa kəwoŋa kəbana, Tȧŋ kɔ rə akənt kəpəŋkinɛ. 15Ɔwa Payletȧŋ, ma ɔ yema thesis ɛmerȧ ya ȧruniya-e, ɔ tera ŋa Barabas, ɔwa ma ɔ po sap Yisɔsȧŋ, ɔ lȧnki kɔ kȧmȧ a tȧŋ kɔ ka akənt kəpəŋkinɛ.
16Antim aŋ kera kɔ rokor ka ȧŋbare aŋa a bont Pritoriɔm, kaŋ tela aŋtim bɛ dɛr rɔkin. 17kaŋ wɔns kɔ ruma rəyim, kaŋ ru ȧniyɔ ŋa təbaŋk, aŋ reŋ kɔ ŋi. 18kaŋ wɔŋ kəkori kɔ aŋ pa, To pɛ, ɔbȧy ka aŋYuda-e? 19kaŋ sapa kɔ ro bomp yi kəthaŋkɛ, aŋ thufər kɔ, aŋ sɔna kɔ təwu, aŋ bȧtho kɔ. 20Maŋ po sel kɔ-e, aŋ bus kɔ aruma rəyim, aŋ wɔns kɔ ȧsuma tɔŋ, kaŋ kera kɔ tə kətaŋ kɔ ka akənt kəpəŋkinɛ. 21Ɔwa Saymɔn ro Sirini, ɔkas ka Alɛksanda yi Rufɔs-e, ma ɔ bɔ thas ri kəwur ro gbaŋ-e, aŋ fumpər kɔ tə kəgbanɛ akənt kəpəŋkinɛ. 22kaŋ kȧrȧ kɔ ka ɔdɛr a bont Kɔlkɔtha, ro pə yi ma a tepa, a bont ɔdɛr wa kəgbɛŋkət. 23Aŋ sɔŋ kɔ məber məkuluŋanɛ ȧŋma, kɛrɛ ɔ mun hɛ ma. 24Maŋ po tȧŋ kɔ ka akənt kəpəŋkinɛ-e, aŋ yeranɛ ȧsuma tɔŋ, aŋ fak məthəŋ ta ti, tə kətara ara wuni o wuni mɔ ba. 25Ka a tȧŋ kɔ ka akənt kəpəŋkinɛ ka ȧŋlɔkɔ ŋa aŋgbeleŋ aŋa bekȧ məsas. 26Ka a gbal mȧtȧy ama a gbanthir kɔ rokɔm kɔŋ kəpa, ƆBȦY KA AŊYUDA. 27kaŋ tȧŋ sɔ afəm akey ŋarəŋ rə tənt təpəŋkinɛ; ukin ka kȧdiyɔ kɔŋ, ɔwa ukin ka kȧmɛrɔ kɔŋ. 28Ɔwa a lasər mȧgbal ama pa, A kuluŋ kɔ ka aŋfəm aləs. 29Ɔwa aŋfəm aŋa thas ri-e, aŋ nal kɔ, aŋ fil fil tabomp taŋ, aŋ pa, Yɔ! Munɔ mə ləsər ȧŋseth ŋa Kuru, mə kȧl təmər ŋi rə mərey məsas, 30kisisnɛ kȧmȧ mə thor ka akənt kəpəŋkinɛ. 31Aŋfode abana sɔ yi aŋkarmɔkɔ aŋ sel kɔ, aŋ pa ukin ka ulɔm, Ɔ la kisis alɔm, kɛrɛ ɔ gbəli hɛ kisisnɛ. 32Ta ɔKrayst ɔbȧy ka aŋIsrɛl ɔ thor ka-ake ka akənt kəpəŋkinɛ kȧmȧ sə nənk, sə lanɛ. Hali aŋa a tȧŋ yi kɔnɔ rə tənt təpəŋkinɛ aŋ sambos kɔ.
33Ma aŋgbeleŋ aŋa bekȧ tamthərukin aŋ bek-e, asum aŋ wɔŋ ka ȧŋthɔf bɛ, haŋ ka aŋgbeleŋ aŋa bekȧ tȧmthərɛŋanlɛ. 34Ɔwa ka aŋgbeleŋ aŋa bekȧ tamthərɛŋanlɛ-e, Yisɔsȧŋ ɔ sel ɛrɔŋ lɛɔ, ɔ pa, Ilɔi, Ilɔi, lama Sabakthani? Ȧtȧ a tepa kəpa, ƆKuru kȧmi, ɔKuru kȧmi, kɔyɛŋ mə ter mi-e? 35Aŋlɔm aŋa təmȧ ri maŋ təl ti-e, aŋ pa, Kəli, ɔ tela Ilaya. 36Ka wuni kin ɔ gbukɛ ɔ lasər asponge yi afinika, ɔ bot ŋi rə kəthaŋkɛ, ɔ sɔŋ kɔ tə kəmun, ɔ pa, Kar, ta sə kəli bepi Ilayaŋ ɔ tə der thora kɔ. 37Kɛrɛ Yisɔsȧŋ ɔ wurɔ rim rəbɔli rəkɔm, kɔ ternɛ. 38Ka ȧŋkunklanɛ ŋa ȧŋseth ŋa Kuru aŋ gbayanɛ ratɔŋ kətəp rokɔm haŋ roratha. 39Ma ɔkurgba ɔwe təmȧ ɔ lomanɛ kɔ ɔ nənk kəpa ɔ po ternɛ-e, ɔ pa, Tɛntɛnɛ ɔlaŋgba ɔwe ɔ yi ɔWan ka Kuru. 40Afəm abom sɔ aŋ təmȧ ɔbɔli poŋ, aŋ kəli; Meri ɔwe ro Makdala, Meri ɔkara ka Yeməs ɔfɛth yi Yoses, yi Salome, aŋ yi kətɔŋ ka ŋaŋ; 41maŋ yi ro Kalili-e, aŋ tȧŋ kɔ aŋ yɔna kɔ. Ka afəm abom alɔm sɔ aŋ paya kɔ haŋ aŋ bek ro Yerusalɛm.
42Ma rȧfɔy rə po bek-e, maŋ yi ȧŋrey ŋa kabɛnɛnɛ, ȧŋrey aŋa təmȧ aŋsabath kədi-e, 43Yosɛf ɔwe ro Arimathia, wuni ka aŋSanhedrin ɔwe a wop yiki, ɔwa kɔn kɔnɔnɛ ɔ kəlɛnɛ rȧbȧy ra Kuru, ɔ der, ɔwa ɔ wɔŋ yi kəmintha ka Paylet kȧmȧ ɔ thola kabel ka Yisɔs. 44Kɛrɛ Payletȧŋ ɔ kabanɛ ma ɔ təl kəpa ɔ po thɔŋ fi. Kɔ tela ɔkurgba ɔ yif kɔ bepi ɔ po fi ɔwoni. 45Ma ɔ təl ti ka ɔkurgba-e, ɔ sɔŋ kabel ka Yosɛf. 46kɔ wai kotha kəlinɛn, ɔ thora kɔ, kɔ rapər kɔ ka akotha kəlinɛn, ɔ bot kɔ ka kəboma ȧke a bɛs rə ȧsar, kɔ bənkli ȧsar ka kadare ka kȧboma. 47Ka Meri ɔwe ro Makdala yi Meri ɔkara ka Yoses aŋ nənk ro a bot kɔ.
Currently Selected:
Mark 15: TMNNT
Highlight
Share
Copy
Want to have your highlights saved across all your devices? Sign up or sign in
Themne New Testament © The Bible Society of Sierra Leone, 2009.
Mark 15
15
1Ma pə sɔk-e, ka ɔlɛmp wati aŋfode abana aŋ nəŋkanɛ yi aŋbȧki yi aŋkarmɔkɔ dɛ yi aŋSanhedrin bɛ, kaŋ sek Yisɔsȧŋ, aŋ kera kɔ, kaŋ lȧnki kɔ ka Paylet. 2Ka Payletȧŋ ɔ yif kɔ, Munɔ yi ɔbȧy ka aŋYuda-i? kɔ wosa kəpa, Ya mə pa. 3Ka aŋfode abana aŋ gbanthir kɔ ta mȧtȧy məgbathi, kɛrɛ ɔ wosa hɛ. 4Ka Paylet ɔ yif kɔ sɔ, ɔ pa, Mə gbaki hɛ-i? Kəli mȧtȧy məgbathi a gbanthir mu-a. 5Kɛrɛ Yisɔs ɔ wosa hɛ haŋ Paylet ɔ kabanɛ.
6Ɔwa ka ȧŋlɔkɔ ŋa amet ame Payletȧŋ ɔ la tera ŋa wuni utand ukin, ɔwe aŋYuda aŋ tholir kɔ. 7Ka ulaŋgba a bont Barabas ɔ yi utand yi ŋaŋ aŋa fak atotok, ɔwe dif wuni ka aŋtotok. 8Ka ȧruniya rə təp kəyif Paylet tə kəyɔ mɔ mɔ la tanɛ tə kəyɔnȧ ŋaŋ. 9Ka Payletȧŋ ɔ pa, Nə yema kȧmȧ i tera nu ɔbȧy ka aŋYuda-i? 10kotȧy-e ɔ tȧrȧ kəpa aŋfode abana aŋ lȧnki kɔ ta kətut. 11Kɛrɛ aŋfode abana aŋ gbisəŋa ȧruniya kȧmȧ ɔ tera ŋa Barabasȧŋ. 12Ka Paylet ɔ pa ro ŋaŋ, To nə yema kȧmȧ i yɔna kɔ ɔwe nə bont ɔbȧy ka aŋYuda-e? 13kaŋ woŋa sɔ, Tȧŋ kɔ rə akənt kəpəŋkinɛ. 14Ka Payletȧŋ ɔ pa ro rɔŋaŋ, Kɔɛŋ-a? Ko ɔləs wɔŋ ɔ po yɔ-e? kaŋ bȧr woŋa kəwoŋa kəbana, Tȧŋ kɔ rə akənt kəpəŋkinɛ. 15Ɔwa Payletȧŋ, ma ɔ yema thesis ɛmerȧ ya ȧruniya-e, ɔ tera ŋa Barabas, ɔwa ma ɔ po sap Yisɔsȧŋ, ɔ lȧnki kɔ kȧmȧ a tȧŋ kɔ ka akənt kəpəŋkinɛ.
16Antim aŋ kera kɔ rokor ka ȧŋbare aŋa a bont Pritoriɔm, kaŋ tela aŋtim bɛ dɛr rɔkin. 17kaŋ wɔns kɔ ruma rəyim, kaŋ ru ȧniyɔ ŋa təbaŋk, aŋ reŋ kɔ ŋi. 18kaŋ wɔŋ kəkori kɔ aŋ pa, To pɛ, ɔbȧy ka aŋYuda-e? 19kaŋ sapa kɔ ro bomp yi kəthaŋkɛ, aŋ thufər kɔ, aŋ sɔna kɔ təwu, aŋ bȧtho kɔ. 20Maŋ po sel kɔ-e, aŋ bus kɔ aruma rəyim, aŋ wɔns kɔ ȧsuma tɔŋ, kaŋ kera kɔ tə kətaŋ kɔ ka akənt kəpəŋkinɛ. 21Ɔwa Saymɔn ro Sirini, ɔkas ka Alɛksanda yi Rufɔs-e, ma ɔ bɔ thas ri kəwur ro gbaŋ-e, aŋ fumpər kɔ tə kəgbanɛ akənt kəpəŋkinɛ. 22kaŋ kȧrȧ kɔ ka ɔdɛr a bont Kɔlkɔtha, ro pə yi ma a tepa, a bont ɔdɛr wa kəgbɛŋkət. 23Aŋ sɔŋ kɔ məber məkuluŋanɛ ȧŋma, kɛrɛ ɔ mun hɛ ma. 24Maŋ po tȧŋ kɔ ka akənt kəpəŋkinɛ-e, aŋ yeranɛ ȧsuma tɔŋ, aŋ fak məthəŋ ta ti, tə kətara ara wuni o wuni mɔ ba. 25Ka a tȧŋ kɔ ka akənt kəpəŋkinɛ ka ȧŋlɔkɔ ŋa aŋgbeleŋ aŋa bekȧ məsas. 26Ka a gbal mȧtȧy ama a gbanthir kɔ rokɔm kɔŋ kəpa, ƆBȦY KA AŊYUDA. 27kaŋ tȧŋ sɔ afəm akey ŋarəŋ rə tənt təpəŋkinɛ; ukin ka kȧdiyɔ kɔŋ, ɔwa ukin ka kȧmɛrɔ kɔŋ. 28Ɔwa a lasər mȧgbal ama pa, A kuluŋ kɔ ka aŋfəm aləs. 29Ɔwa aŋfəm aŋa thas ri-e, aŋ nal kɔ, aŋ fil fil tabomp taŋ, aŋ pa, Yɔ! Munɔ mə ləsər ȧŋseth ŋa Kuru, mə kȧl təmər ŋi rə mərey məsas, 30kisisnɛ kȧmȧ mə thor ka akənt kəpəŋkinɛ. 31Aŋfode abana sɔ yi aŋkarmɔkɔ aŋ sel kɔ, aŋ pa ukin ka ulɔm, Ɔ la kisis alɔm, kɛrɛ ɔ gbəli hɛ kisisnɛ. 32Ta ɔKrayst ɔbȧy ka aŋIsrɛl ɔ thor ka-ake ka akənt kəpəŋkinɛ kȧmȧ sə nənk, sə lanɛ. Hali aŋa a tȧŋ yi kɔnɔ rə tənt təpəŋkinɛ aŋ sambos kɔ.
33Ma aŋgbeleŋ aŋa bekȧ tamthərukin aŋ bek-e, asum aŋ wɔŋ ka ȧŋthɔf bɛ, haŋ ka aŋgbeleŋ aŋa bekȧ tȧmthərɛŋanlɛ. 34Ɔwa ka aŋgbeleŋ aŋa bekȧ tamthərɛŋanlɛ-e, Yisɔsȧŋ ɔ sel ɛrɔŋ lɛɔ, ɔ pa, Ilɔi, Ilɔi, lama Sabakthani? Ȧtȧ a tepa kəpa, ƆKuru kȧmi, ɔKuru kȧmi, kɔyɛŋ mə ter mi-e? 35Aŋlɔm aŋa təmȧ ri maŋ təl ti-e, aŋ pa, Kəli, ɔ tela Ilaya. 36Ka wuni kin ɔ gbukɛ ɔ lasər asponge yi afinika, ɔ bot ŋi rə kəthaŋkɛ, ɔ sɔŋ kɔ tə kəmun, ɔ pa, Kar, ta sə kəli bepi Ilayaŋ ɔ tə der thora kɔ. 37Kɛrɛ Yisɔsȧŋ ɔ wurɔ rim rəbɔli rəkɔm, kɔ ternɛ. 38Ka ȧŋkunklanɛ ŋa ȧŋseth ŋa Kuru aŋ gbayanɛ ratɔŋ kətəp rokɔm haŋ roratha. 39Ma ɔkurgba ɔwe təmȧ ɔ lomanɛ kɔ ɔ nənk kəpa ɔ po ternɛ-e, ɔ pa, Tɛntɛnɛ ɔlaŋgba ɔwe ɔ yi ɔWan ka Kuru. 40Afəm abom sɔ aŋ təmȧ ɔbɔli poŋ, aŋ kəli; Meri ɔwe ro Makdala, Meri ɔkara ka Yeməs ɔfɛth yi Yoses, yi Salome, aŋ yi kətɔŋ ka ŋaŋ; 41maŋ yi ro Kalili-e, aŋ tȧŋ kɔ aŋ yɔna kɔ. Ka afəm abom alɔm sɔ aŋ paya kɔ haŋ aŋ bek ro Yerusalɛm.
42Ma rȧfɔy rə po bek-e, maŋ yi ȧŋrey ŋa kabɛnɛnɛ, ȧŋrey aŋa təmȧ aŋsabath kədi-e, 43Yosɛf ɔwe ro Arimathia, wuni ka aŋSanhedrin ɔwe a wop yiki, ɔwa kɔn kɔnɔnɛ ɔ kəlɛnɛ rȧbȧy ra Kuru, ɔ der, ɔwa ɔ wɔŋ yi kəmintha ka Paylet kȧmȧ ɔ thola kabel ka Yisɔs. 44Kɛrɛ Payletȧŋ ɔ kabanɛ ma ɔ təl kəpa ɔ po thɔŋ fi. Kɔ tela ɔkurgba ɔ yif kɔ bepi ɔ po fi ɔwoni. 45Ma ɔ təl ti ka ɔkurgba-e, ɔ sɔŋ kabel ka Yosɛf. 46kɔ wai kotha kəlinɛn, ɔ thora kɔ, kɔ rapər kɔ ka akotha kəlinɛn, ɔ bot kɔ ka kəboma ȧke a bɛs rə ȧsar, kɔ bənkli ȧsar ka kadare ka kȧboma. 47Ka Meri ɔwe ro Makdala yi Meri ɔkara ka Yoses aŋ nənk ro a bot kɔ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Themne New Testament © The Bible Society of Sierra Leone, 2009.