LUKAS 3
3
Yohanes di tur tungwatu nya ei minyeiti tri nihyet
(Mat. 3:1-12; Mrk. 1:1-8; Yoh. 1:19-34)
1Mpe dino Kaisar Tiberius nok nibou ndig mem ari bingwam simnaimuhwidip tu ba, Pontius Pilatus ninyeng tak kep timiei hanjop Yudea nya ba, Herodes ninyeng tak kep timiei hanjop Galilea nya ba, Herodes nikindig Filipus ninyeng tak kep timiei hanjop Iturea kin Trakhonitis nya lene Lisanias ninyeng tak kep timiei hanjop Abilene nya ba, 2Imam Nibou Ndig nya rino Hanas kin Kayafas#3:2: Nipas kep Hanas kin Kayafas: Hanas ne Imam Nibou Ndig bibie rin ba, nipmang Kayafas ya luei nohoti bu. leu api ei ari bingwam dima Allah mbrap bit Yohanes di Zakharia nipmot tirigi noni bong ei iggum ndigsi. 3Gima rino Yohanes mbut bidem minu di gahai Minyei Yordan nyai hagom bitri tut Allah nihyet bak tungwatu nya bipai “Ma jittin ser jide sisar bijikiek ndam Allah leu api jiyai nitur je ei minyeiti leu binhyepo Allah mikos ser jide sisar.” 4#Yes. 40:3-5 Nabi Yesaya tri tut Yohanes dini nipou su bipai,
“Tungwagom nihyet tibim kwei leu nite bei iggum ndigsi bipai ‘Ma jitin puig di sren kei mem Tuhan nimbutti lene ma jiji kep njuisi sur yam kei mem Noni.
5Ma jibindei ba, mbang briep hagom sur yam kei bijiwim bikwop nungug tou kin nungug nya hagom ba, sur yam kei. Ma jipingok puig di dwei hagom ba, sren-srau hanyen bijiji kep njuisi sur yam kei.
6Tungwatu dihyeisi dini hagom mingat Allah de niteu tungwatu nya leu sisar biyai niyaijo nijep biyoti bou igyai him!’ ”
7 #
Mat. 12:34, 23:33 Tungwatu nya imang bibor ikwei ngat Yohanes ba, ijoi sut gima igyai nitur yok ei minyeiti. Noni pai kep yok “Je di jintun wou piet him e, tou risok kep je leu binhyepo jingwes ngun leu hukum di Allah mikes ei je dip i? 8#Yoh. 8:33 Ma jindo bindo tug hon jiyai munti bipia jittin ser jide sisar bijikiek ndam Allah tu! Ma jikan bipia jingwes ngun drek dip gi jintun Abraham him au. Ma jiyok ngon kep bipia Allah sindem mem gima bindei ba, tig di jo sinsiou dini yok hagom nok yo di intun Abraham him. 9#Mat. 7:19 Tungwagom tin ei mem gima wim biei nya nitriti tu. Noni miwim bikwop biei di ngat ningat di kei hi bi nya leu api ndig hagom kep hum.”
10Lene tungwatu nya ihig ser Yohanes “Nibon notou i?”
11Yohanes buhup “Suar no di nyeng tut sinsun ninda ningat can kwas hi tut no di ma sinsun hi bi. Suar no di pwoi njita kwas hi tut no di nggum.”
12 #
Luk. 7:29
Yo di igya tindei belasten di igyem tungwatu nya imuhup ikwei ngat Yohanes leu binhyepo noni tur yok ei minyeiti ba, ihig ser noni “Nibon notou i?”
13Noni buhup “Ma jidahat tungwatu nya tut belasten dor njiriek leu nimangti di nibou nya ikes ighyet tut bije au.”
14Tentara nya cem ibou poi ikwei hig ser noni “Notou mem nyeni i? Nibon notou i?”
Yohanes buhup “Ma jiba nimbuk kin niris bipos mun nyeng hi leu tungwatu nya au. Noro ma jingon cut hon jimuhup nimangti!”
15Mpe dima lene tungwatu nya sindi ihig yam tut Yohanes bipai “Mpaba noni ne Nibou Ndig di teu tungwatu nya biyai niyaijo nijep biyok di igyok ingon mem rin e?” 16Gima rino Yohanes buhup bak yahagom “Ditur je ei minyeiti noro No di ninyeng jei dor njiriek da mikwei rin ba, Noni mitur je ei Ninnei Gi Kwes kin humti. Didem mem gima dikwek Nide srop leu nimig jou bi. 17Nide hot nggram jo ei nindati leu api Noni mibicig gandum nisina billet leu ningat leu api mbus hagom keyam ei Nide ig gudanti lo, ndig nisina bai kep hum di bit bon hi mu kan bi!”
18Gima rino Yohanes ba nisinati mang bibor bisok kep tungwatu nya tirigi noni tri tut Nihyet Di Kei biyok. 19#Mat. 14:3-4; Mrk. 6:17-18 Noro noni sok kep Herodes di ninyeng tak kep hanjop Galilea tut niwak Herodias nok nitnemti. Lewo Herodias ne Herodes nikindig nitnem ri. Nok gima cem Yohanes sok kep Herodes tut nisibutti nya mang bibor. 20Noro Herodes kum ei nimbukti tug hon gi kat Yohanes binggam noni ei ig bui nsi.
Yesus yai nitur No ei minyei
(Mat. 3:13-17; Mrk. 1:9-11; Yoh. 1:32)
21Tirigi tungwatu pima yok igyai nitur yok ei minyei leu su lene Yesus cem yai nitur No ei minyei. Tirigi Yesus kes nadi bigyo lene mpia-bbed him kau kros, 22#Kej. 22:2; Mzm. 2:7; Yes. 42:1; Mat. 3:17; Mrk. 1:11; Luk. 9:35 leu lene Ninnei Gi Kwes di luei nitta binok hakimoi dwop juk bigwam ei Yesus dip. Leu api nihyet gom tibim kwei leu gwamti bipai “Nani ne Dipmot rin ba, dingon ngakei Na bidijoi sut Na cem.”
Yesus de pung di ntun him
(Mat. 1:1-17)
23Tirigi Yesus sindi kinyon ei Nide midyaiti lene Nide njap ug ei ari bingwam ningot ningai. Tungwatu nya ipai sut bipai nicig rino Yusuf ba, Yusuf ntun Eli him. 24Ba, Eli ntun Matat him ba, Matat ntun Lewi him ba, Lewi ntun Malkhi him ba, Malkhi ntun Yanai him ba, Yanai ntun Yusuf him. 25Ba, Yusuf ntun Matica him ba, Matica ntun Amos him ba, Amos ntun Nahum him ba, Nahum ntun Hesli him ba, Hesli ntun Nagai him. 26Ba, Nagai ntun Maat him ba, Maat ntun Matica him ba, Matica ntun Simei him ba, Simei ntun Yosekh him ba, Yosekh ntun Yoda him. 27Ba, Yoda ntun Yohanan him ba, Yohanan ntun Resa him ba, Resa ntun Zerubabel him ba, Zerubabel ntun Sealtiel him ba, Sealtiel ntun Neri him. 28Ba, Neri ntun Malkhi him ba, Malkhi ntun Adi him ba, Adi ntun Kosam him ba, Kosam ntun Elmadam him ba, Elmadam ntun Er him. 29Ba, Er ntun Yesua him ba, Yesua ntun Eliezer him ba, Eliezer ntun Yorim him ba, Yorim ntun Matat him ba, Matat ntun Lewi him. 30Ba, Lewi ntun Simeon him ba, Simeon ntun Yehuda him ba, Yehuda ntun Yusuf him ba, Yusuf ntun Yonam him ba, Yonam ntun Elyakim him ba, 31Elyakim ntun Melea him ba, Melea ntun Mina him ba, Mina ntun Matata him ba, Matata ntun Natan him ba, Natan ntun Daud him ba, 32Daud ntun Isai him ba, Isai ntun Obed him ba, Obed ntun Boas him ba, Boas ntun Salmon him ba, Salmon ntun Nahason him ba, 33Nahason ntun Aminadab him ba, Aminadab ntun Admin him ba, Admin ntun Arni him ba, Arni ntun Hezron him ba, Hezron ntun Peres him ba, Peres ntun Yehuda him ba, 34Yehuda ntun Yakub him ba, Yakub ntun Ishak him ba, Ishak ntun Abraham him ba, Abraham ntun Terah him ba, Terah ntun Nahor him ba, 35Nahor ntun Serug him ba, Serug ntun Rehu him ba, Rehu ntun Peleg him ba, Peleg ntun Eber him ba, Eber ntun Salmon him ba, 36Salmon ntun Kenan him ba, Kenan ntun Arpakhsad him ba, Arpakhsad ntun Sem him ba, Sem ntun Nuh him ba, Nuh ntun Lamekh him ba, 37Lamekh ntun Metusalah him ba, Metusalah ntun Henokh him ba, Henokh ntun Yared him ba, Yared ntun Mahalaleel him ba, Mahalaleel ntun Kenan him ba, 38Kenan ntun Enos him ba, Enos ntun Set him ba, Set ntun Adam him ba, Adam ntun Allah him.
Currently Selected:
LUKAS 3: HAD
Highlight
Share
Copy
Want to have your highlights saved across all your devices? Sign up or sign in
