Yoano 3
3
Yesu ne Nikodema
1Kabiji kwajinga mwanamulume umo Mufaliseo, jizhina janji Nikodema, mukulumpe wa Bayudea. 2Uno waishile kwi Yesu bufuku, ne kumwambila amba, “Laabi, twayuka naamba mwi mufunjishi wafuma kwi Lesa. Mambo kafwako wakonsha kuuba bino biyukilo byo muuba anweba ne, poso Lesa uji nanji.”
3Kumvwa Yesu amba, “Kine, kine nemwambila namba, inge muntu ne kusemwa jibiji ne, kechi akonshe kumona bufumu bwa Lesa ne.”
4Nikodema wamwipwizhe amba, “Nanchi muntu akonshe kusemwa byepi byo aji mukote? Akonshe kutwela munda mwa inanji jibiji, ne kusemwa nyi?”
5Kumvwa Yesu amba, “Kine, kine, nemwambila namba, inge muntu ne kusemwa ku mema ne ku Mupashi ne, kechi akonshe kutwela mu bufumu bwa Lesa ne. 6Akya kyasemwa ku buntunshi bo buntunshi, ne akya kyasemwa ku Mupashi ye mupashi. 7Kechi mukumye byo nemwambila namba, anweba mwafwainwa kusemwa jibiji ne. 8Lubesha lupuupila ko lusaka, obewa umvwa ne jiwi jalo, bino kechi wayuka ko lufuma ne ko luya ne. Byo biji ne bonse basemwa ku Mupashi.”
9Kumvwa Nikodema wamwambijile amba, “Lelo, bino bikonsheke byepi?”
10Kumvwa Yesu amba, “Anweba mwi mufunjishi wa bena Isalela, ne kwibiyuka mo byayila bino nenyi? 11Kine, kine nemwambila namba, byo twayuka byo byonka byotwamba, ne byo twamona byo byonka byo tushimuna, ne anweba bonse ne kwitabila kushimuna kwetu ne. 12Lelo umvwe byo nemubuula bya pano panshi anweba ne kwitabila ne, muketabila byepi umvwe nemubuula bya mwiulu? 13Kafwako muntu wakanjijilemo mwiulu ne, poso yenka waikijile mwiulu, aye Mwana Muntu.”
14 #
Bala 21:9
Kabiji byonka byaimikile Mosesa mulolo mungyetu, byo kyafwainwa ne Mwana Muntu akemikwe byonkabya, 15amba bonse bamwitabila bekale na bumi bwa myaka. 16Mambo Lesa byo ebatemwishe ba pano pantanda, wapaine Mwananji yenkawa umo amba, bonse bamwitabila kechi bonaike ne, poso amba bekale na bumi bwa myaka. 17Mambo Lesa kechi watumine Mwananji pano pantanda mu kwibazhachisha ba pano pantanda ne, poso amba ba pano pantanda bapulukile mwi aye. 18Aye wamwitabila kechi wazhatwa ne, pakuba awa wabula kwitabila wazhatwa kala, mambo kechi waitabila mu jizhina ja Mwana Lesa yenkawa umo ne. 19Kabiji kuzhatwa ko ko kuno, amba kyeya kyaiya pano pantanda, kabiji bantu batemwako mfishi kechi batemwa kyeya ne, mambo byubilo byabo byatama. 20Byonkabo bonse boba byatama bashikwa kyeya, ne kwiya ku kyeya ne, kuchiina amba byubilo byabo byakasoloka. 21Pakuba awa uba bya kine ye wiya ku kyeya, amba byubilo byanji bisoloke, mo byaubilwa mwi Lesa.
Yesu ne Yoano Mubatishi
22Bino byo byapwile, Yesu ne baana banji babwanga baishile mu kyalo kya Yudea, ko ko aikajile naabo, kasa babatizha. 23Ne Yoano naye wabatizhilenga mu Enona pepi na Salima, mambo ko kwajinga mema avula. Kabiji bantu baishilenga na kubatizhiwa. 24#Mat 14:3; Mako 6:17; Lu 3:19,20Ke pakuba aye Yoano waji ukyangye kutayiwa mu kaleya.
25Ponkapo kwabuukile lupata, baana babwanga ba Yoano ne umo mwina yudea na mambo a kwiovwa. 26Kabiji baishile kuji aye Yoano, ne kumwambila amba, “Laabi, awa wajinga ne anweba ku bushiya bwa Yodano, yenkawa ye mwashimwine, pano ubena kubatizha, ne bonse babena kupwila koaji.”
27Kumvwa Yoano amba, “Muntu kechi wakonsha kutambula nangwa kimotu ne, poso wapewakyo kufuma mwiulu. 28#Yoa 1:20Anweba bene mwi bakamonyi bami byo nakaine namba, kechi yami Kilishitu ne, na ambile namba, bantuma palutwe yanji. 29Awa uji na musongwa ye musongoshi, kabiji mulunda na musongoshi, yenka waimana na kumumvwa, ye usekela bingi na mambo a jiwi ja musongoshi. Byonkabyo ne luno lusekelo lwami lwafikizhiwa. 30Aye wafwainwa kuya na kutumbalala, amiwa nafwainwa kuya na kupeela.”
31Wafuma kwiulu ye wakila bonse. Wa panshi ye wa panshitu, ne bya panshi byo byo amba, wafuma mwiulu ye wakila bonse. 32Kabiji byo amwene ne kumvwa, byo byonka byo ashimuna, kabiji kafwako nangwa umo waitabila kushimuna kwanji ne. 33Awa waitabila kushimuna kwanji ye waitaba amba, Lesa ye wa kine. 34Mambo ye batuma kwi Lesa ye wamba byambo bya Lesa, mambo Lesa kechi upana Mupashi na kupima ne. 35#Mat 11:27; Lu 10:22Shanji watemwa Mwananji, kabiji wabiika byonse mu maboko anji. 36Aye wamwitabila Mwana ye uji na bumi bwa myaka, pakuba aye ubula kukookela Mwana kechi akamone bumi ne, ne bukaji bwa Lesa bwaikala pe aye.
Currently Selected:
Yoano 3: KNTP
Highlight
Share
Copy
Want to have your highlights saved across all your devices? Sign up or sign in
The Kaonde New Testament © The Bible Society of Zambia, 2019.
Yoano 3
3
Yesu ne Nikodema
1Kabiji kwajinga mwanamulume umo Mufaliseo, jizhina janji Nikodema, mukulumpe wa Bayudea. 2Uno waishile kwi Yesu bufuku, ne kumwambila amba, “Laabi, twayuka naamba mwi mufunjishi wafuma kwi Lesa. Mambo kafwako wakonsha kuuba bino biyukilo byo muuba anweba ne, poso Lesa uji nanji.”
3Kumvwa Yesu amba, “Kine, kine nemwambila namba, inge muntu ne kusemwa jibiji ne, kechi akonshe kumona bufumu bwa Lesa ne.”
4Nikodema wamwipwizhe amba, “Nanchi muntu akonshe kusemwa byepi byo aji mukote? Akonshe kutwela munda mwa inanji jibiji, ne kusemwa nyi?”
5Kumvwa Yesu amba, “Kine, kine, nemwambila namba, inge muntu ne kusemwa ku mema ne ku Mupashi ne, kechi akonshe kutwela mu bufumu bwa Lesa ne. 6Akya kyasemwa ku buntunshi bo buntunshi, ne akya kyasemwa ku Mupashi ye mupashi. 7Kechi mukumye byo nemwambila namba, anweba mwafwainwa kusemwa jibiji ne. 8Lubesha lupuupila ko lusaka, obewa umvwa ne jiwi jalo, bino kechi wayuka ko lufuma ne ko luya ne. Byo biji ne bonse basemwa ku Mupashi.”
9Kumvwa Nikodema wamwambijile amba, “Lelo, bino bikonsheke byepi?”
10Kumvwa Yesu amba, “Anweba mwi mufunjishi wa bena Isalela, ne kwibiyuka mo byayila bino nenyi? 11Kine, kine nemwambila namba, byo twayuka byo byonka byotwamba, ne byo twamona byo byonka byo tushimuna, ne anweba bonse ne kwitabila kushimuna kwetu ne. 12Lelo umvwe byo nemubuula bya pano panshi anweba ne kwitabila ne, muketabila byepi umvwe nemubuula bya mwiulu? 13Kafwako muntu wakanjijilemo mwiulu ne, poso yenka waikijile mwiulu, aye Mwana Muntu.”
14 #
Bala 21:9
Kabiji byonka byaimikile Mosesa mulolo mungyetu, byo kyafwainwa ne Mwana Muntu akemikwe byonkabya, 15amba bonse bamwitabila bekale na bumi bwa myaka. 16Mambo Lesa byo ebatemwishe ba pano pantanda, wapaine Mwananji yenkawa umo amba, bonse bamwitabila kechi bonaike ne, poso amba bekale na bumi bwa myaka. 17Mambo Lesa kechi watumine Mwananji pano pantanda mu kwibazhachisha ba pano pantanda ne, poso amba ba pano pantanda bapulukile mwi aye. 18Aye wamwitabila kechi wazhatwa ne, pakuba awa wabula kwitabila wazhatwa kala, mambo kechi waitabila mu jizhina ja Mwana Lesa yenkawa umo ne. 19Kabiji kuzhatwa ko ko kuno, amba kyeya kyaiya pano pantanda, kabiji bantu batemwako mfishi kechi batemwa kyeya ne, mambo byubilo byabo byatama. 20Byonkabo bonse boba byatama bashikwa kyeya, ne kwiya ku kyeya ne, kuchiina amba byubilo byabo byakasoloka. 21Pakuba awa uba bya kine ye wiya ku kyeya, amba byubilo byanji bisoloke, mo byaubilwa mwi Lesa.
Yesu ne Yoano Mubatishi
22Bino byo byapwile, Yesu ne baana banji babwanga baishile mu kyalo kya Yudea, ko ko aikajile naabo, kasa babatizha. 23Ne Yoano naye wabatizhilenga mu Enona pepi na Salima, mambo ko kwajinga mema avula. Kabiji bantu baishilenga na kubatizhiwa. 24#Mat 14:3; Mako 6:17; Lu 3:19,20Ke pakuba aye Yoano waji ukyangye kutayiwa mu kaleya.
25Ponkapo kwabuukile lupata, baana babwanga ba Yoano ne umo mwina yudea na mambo a kwiovwa. 26Kabiji baishile kuji aye Yoano, ne kumwambila amba, “Laabi, awa wajinga ne anweba ku bushiya bwa Yodano, yenkawa ye mwashimwine, pano ubena kubatizha, ne bonse babena kupwila koaji.”
27Kumvwa Yoano amba, “Muntu kechi wakonsha kutambula nangwa kimotu ne, poso wapewakyo kufuma mwiulu. 28#Yoa 1:20Anweba bene mwi bakamonyi bami byo nakaine namba, kechi yami Kilishitu ne, na ambile namba, bantuma palutwe yanji. 29Awa uji na musongwa ye musongoshi, kabiji mulunda na musongoshi, yenka waimana na kumumvwa, ye usekela bingi na mambo a jiwi ja musongoshi. Byonkabyo ne luno lusekelo lwami lwafikizhiwa. 30Aye wafwainwa kuya na kutumbalala, amiwa nafwainwa kuya na kupeela.”
31Wafuma kwiulu ye wakila bonse. Wa panshi ye wa panshitu, ne bya panshi byo byo amba, wafuma mwiulu ye wakila bonse. 32Kabiji byo amwene ne kumvwa, byo byonka byo ashimuna, kabiji kafwako nangwa umo waitabila kushimuna kwanji ne. 33Awa waitabila kushimuna kwanji ye waitaba amba, Lesa ye wa kine. 34Mambo ye batuma kwi Lesa ye wamba byambo bya Lesa, mambo Lesa kechi upana Mupashi na kupima ne. 35#Mat 11:27; Lu 10:22Shanji watemwa Mwananji, kabiji wabiika byonse mu maboko anji. 36Aye wamwitabila Mwana ye uji na bumi bwa myaka, pakuba aye ubula kukookela Mwana kechi akamone bumi ne, ne bukaji bwa Lesa bwaikala pe aye.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Kaonde New Testament © The Bible Society of Zambia, 2019.