Yoano 4
4
Yesu ne mwanamukazhi mwina Samaliya
1Bafaliseo ba umvwine amba, aye Yesu ubena kulenga ne kubatizha baana babwanga bavula kukila Yoano, 2(nangwa byo byo kechi mwine Yesu wabatizhilenga ne, kana bonka baana banji babwanga). 3Yesu, byo ayukile, wafumineko ku Yudea, wabwelele ku Ngalilea. 4Kabiji wafwainwe kupita mu Samaliya.
5 #
Nte 33:19; Yosh 24:32 Kepo afikile ku muzhi umo wa mu Samaliya yebateela amba Saikala, pepi na ku mushiji wapaine Yakoba kwi mwananji Yosefwa. 6Mushima wa kwa Yakoba naye wajinga konka. Yesu byo akookele na lwendo, waikajile ku mushima, juba kasa jashinkimana pa mitwe.
7Kwaishile ne mwanamukazhi mwina Samaliya na kutapula mema. Yesu wamwambijile amba, “Mpepo mema ntome.” 8(Baana banji babwanga kasa baya kala mu muzhi na kupota kajo).
9 #
Eze 4:1-5; Ne 4:1,2 Kepo mwanamukazhi mwina Samaliya a mukumbwile amba, “Anweba, byo muji mwina yudea, mambo ka o mundombela bya kutoma, amiwa mwanamukazhi mwina Samaliya?” (Ke pakuba Bayudea kechi bomvwang'ana na bena Samaliya ne#4:9 Ke pakuba Bayudea kechi bomvwang'ana na bena Samaliya ne: Nangwa amba Bayudea kechi bakonsheshe kwingijisha bya kutomenako nangwa bya kujiilapo pamo na bena Samaliya ne ).
10Kumvwa Yesu amba, “Umvwe wajikuyuka akya kipana Lesa, ne aye ubena kukulomba amba, mpepo mema ntome inge wajikumulomba aye, aye naye inge wajikukupa mema a bumi.”
11Mwanamukazhi wamwambijile amba, “Mwane, kechi muji na kya kutapulako ne, ne mushima naye wazhika, nanchi ao mema a bumi mwi afumye pi? 12Nanchi anweba mwakila mushakulu wetu Yakoba, witupele uno mushima nyi? Kabiji aye mwine watomenengamo, ne baana banji, ne banyama banji.”
13Kumvwa Yesu wamwambijile amba, “Bonse batoma ano mema bakomvwa kilaka jibiji, 14pakuba awa ukatoma mema o nkamupa amiwa, kechi ukomvwa kilaka myaka ne myaka ne. Mambo aa mema o nkamupa akaaluka munda mwanji ke nsulo ya mema, kasa atupauka ne ku bumi bwa myaka.”
15Mwanamukazhi wamwambijile amba, “Mwane, mpai ao mema, ntome! Pakuba amba kechi nkomvwe jikwabo kilaka ne, nangwa kwiya kuno na kutapula mema ne.”
16Ne Yesu wamwambijile amba, “Kamwite mwata obe, wiye nanji kuno.”
17Kumvwa mwanamukazhi amba, “Kechi nji na mulume ne.”
Ne Yesu wamwambijile amba, “Wa amba bulongo, byo wa amba amba, kechi uji na mulume ne. 18Mambo waikajile na banabalume batanu, ne yewo ye uji nanji kechi mwata obe ne. Abyo byo wa amba, wa amba kine.”
19Kumvwa mwanamukazhi amba, “Mwane, nanchi pano nayuka namba anweba mwi ngauzhi. 20Bashakulu betu bapopwejilenga Lesa mu ye uno mutumba, pakuba anweba amba, mu Yelusalema mo bafwainwa bantu kumupopwela Lesa.”
21Yesu wa ambile amba, “Obewa mwanamukazhi ngitabile amiwa, juba jibena kwiya jo mukabula kupopwela Bataata pa ye uno mutumba, nangwa mu Yelusalema ne. 22Anweba mupopwela kyo mwabula kuyuka, atweba tupopwela kyo twayuka, mambo lupulukilo lufuma ku Bayudea. 23Kabiji kimye kibena kwiya, ne pano kyafika kala, kyo bakebapopwelanga Bataata ku bapopweshi bakine mu Mupashi ne mu bukine, mambo bo bo bakeba Bataata amba, bampopwele. 24Lesa ye Mupashi, ne bonse bamupopwela bafwainwa kumupopwela na Mupashi ne na bukine.”
25Kumvwa mwanamukazhi amba, “Nayuka aye Mesiasa ukeya (yebateela amba Kilishitu,) aye byo akeya uketulumbulwila byonse.”
26Kumvwa Yesu amba, “Ye amiwa uno ye wisamba nanji.”
27Ponkapo baana banji babwanga babwelele, kabiji bakuminye byo a ambilenga na mwanamukazhi. Bino kafwako wa ambile amba, “Mubena kukeba ka? Nangwa amba, ‘Mambo ka kyo mwisambila nanji?’”
28Ponkapo mwanamukazhi washiile mulondo wanji, kaye ne kuya ku muzhi, wakebabujiile bantu amba, 29“Twayai, mukamone muntu, wambuula byonse byo naubile kala. Uno kana ye Kilishitu nyi?” 30Ponkapo bafumine mu muzhi, ke beye ne ko aji Yesu.
31Akwa kunyuma baana banji babwanga bamusashijile amba, “Laabi, jai!”
32Pakuba aye wibambijile amba, “Amiwa nji na kajo ka kuja ko mwabula kuyuka anweba.”
33Kepo baana banji babwanga beipwizhenga bene na bene amba, “Kuji wa kumuletela kajo nyi?”
34Kumvwa Yesu amba, “Kajo kami, ko kuuba kyaswa muchima wa aye wantuma, ne kupwisha mwingilo wanji. 35Anweba mwamba amba, ‘Kwashala bang'ondo bana, kepo ke kunowa.’ Talai, amiwa nemwambila namba, inunai meso enu, mumone majimi, byo atooka kala afwainwa kunowa. 36Kabiji awa unowa utambula mfweto, ubungizha ne kajo ka ku bumi bwa myaka; namba ne yewa ukusa nkunwa ne yewa unowa basekele pamo. 37Mambo pano po paji bukine bwakyo kino kyambo, mukwabo ukusa nkunwa, mukwabo unowa. 38Amiwa nemutumine anweba po mwabujile ne kwingila, bakwenu baingijilengamo, anweba mwajiila mu mingilo yabo.”
39Ne bavula bena Samaliya ba kuyewa muzhi bamwitabijile mambo a byambo bya mwanamukazhi, byo a ambile amba, “Wambuula byonse byo naubile kala.” 40Kabiji bena Samaliya byo baishile ko aji, bamusashijile amba, bekale nanji mu muzhi wabo, byonkabyo wazhikijilwe monka moba abiji. 41Bavula bakwabo baitabijile mambo a byambo byanji mwine, 42Ne abo ba mwambijile mwanamukazhi amba, “Pano twaitabila, kechi na mambo a byambo byobe ne, bino mambo ne atweba bene twiumvwina, ne kuyuka twayuka namba, uno kine ye Mupulushi wa ba pano pantanda.”
Kubukwa kwa mwana wa mukulumpe wa kyalo
43Kabiji pakupwa ao moba abiji Yesu wafumineko, ne kuya ku Ngalilea. 44#Mat 13:57; Mako 6:4; Lu 4:24Mambo aye mwine Yesu wa ambile amba, “Ngauzhi kechi uji na buneme mu kyalo kyanji mwine ne.” 45#Yoa 2:23Byonkabyo byo aishile mu Ngalilea, bena Ngalilea bamutambwile, mambo bamwene byonse byo aubilenga mu Yelusalema mu moba a kijiilo mambo ne abo bayile ku kijiilo.
46 #
Yoa 2:1-11
Kepo abwelele mu Kena wa mu Ngalilea, konka ko a alulwile mema ke binyu, kabiji ku Kapenama kwajinga ne kinemanga, wajinga na mwananji wamulume wakolelwenga. 47Ne aye byo a umvwine amba, Yesu wafuma kala ku Yudea waiya ku Ngalilea, ponkapo wayile ko ajinga, na kumusashijila amba, amubuke mwananji, mambo wajinga pepi na kufwa. 48Ne Yesu wamwambijile amba, “Anweba kechi mwitabila ne kanatu mwamona biyukilo ne bya kukumya.”
49Kinemanga wamwambijile amba, “Mwane beye, kasa akyangye kufwa mwanami.”
50Kumvwa Yesu amba, “Yainga, mwanenu pano ke mumi!”
Ponkapo aye mwanamulume waitabile byambo byo a mwambijile Yesu, kaye ne kuya. 51Byo akiyilenga, bakalume banji bamusambakene, ne kumwambila amba, “Mwanenu ke mumi.”
52Ponkapo wibepwizhe amba, “Ng'anyi kimye kyo atatwile kukosa?” Abo bamukumbwile amba, “Kesha mabanga pa kimye kya butanu ne bubiji po amulekele mashika.” 53Kabiji shanji wayukile amba, po pa kyonkakya kimye kyo ang'ambijile Yesu amba, “Mwanenu ke mumi.” Ne aye mwine waitabijile, ne ba munzubo yanji bonse. 54Kino kyo kiyukilo kya bubiji kyaubile Yesu byo afumine mu Yudea kwiya mu Ngalilea.
Currently Selected:
Yoano 4: KNTP
Highlight
Share
Copy
Want to have your highlights saved across all your devices? Sign up or sign in
The Kaonde New Testament © The Bible Society of Zambia, 2019.
Yoano 4
4
Yesu ne mwanamukazhi mwina Samaliya
1Bafaliseo ba umvwine amba, aye Yesu ubena kulenga ne kubatizha baana babwanga bavula kukila Yoano, 2(nangwa byo byo kechi mwine Yesu wabatizhilenga ne, kana bonka baana banji babwanga). 3Yesu, byo ayukile, wafumineko ku Yudea, wabwelele ku Ngalilea. 4Kabiji wafwainwe kupita mu Samaliya.
5 #
Nte 33:19; Yosh 24:32 Kepo afikile ku muzhi umo wa mu Samaliya yebateela amba Saikala, pepi na ku mushiji wapaine Yakoba kwi mwananji Yosefwa. 6Mushima wa kwa Yakoba naye wajinga konka. Yesu byo akookele na lwendo, waikajile ku mushima, juba kasa jashinkimana pa mitwe.
7Kwaishile ne mwanamukazhi mwina Samaliya na kutapula mema. Yesu wamwambijile amba, “Mpepo mema ntome.” 8(Baana banji babwanga kasa baya kala mu muzhi na kupota kajo).
9 #
Eze 4:1-5; Ne 4:1,2 Kepo mwanamukazhi mwina Samaliya a mukumbwile amba, “Anweba, byo muji mwina yudea, mambo ka o mundombela bya kutoma, amiwa mwanamukazhi mwina Samaliya?” (Ke pakuba Bayudea kechi bomvwang'ana na bena Samaliya ne#4:9 Ke pakuba Bayudea kechi bomvwang'ana na bena Samaliya ne: Nangwa amba Bayudea kechi bakonsheshe kwingijisha bya kutomenako nangwa bya kujiilapo pamo na bena Samaliya ne ).
10Kumvwa Yesu amba, “Umvwe wajikuyuka akya kipana Lesa, ne aye ubena kukulomba amba, mpepo mema ntome inge wajikumulomba aye, aye naye inge wajikukupa mema a bumi.”
11Mwanamukazhi wamwambijile amba, “Mwane, kechi muji na kya kutapulako ne, ne mushima naye wazhika, nanchi ao mema a bumi mwi afumye pi? 12Nanchi anweba mwakila mushakulu wetu Yakoba, witupele uno mushima nyi? Kabiji aye mwine watomenengamo, ne baana banji, ne banyama banji.”
13Kumvwa Yesu wamwambijile amba, “Bonse batoma ano mema bakomvwa kilaka jibiji, 14pakuba awa ukatoma mema o nkamupa amiwa, kechi ukomvwa kilaka myaka ne myaka ne. Mambo aa mema o nkamupa akaaluka munda mwanji ke nsulo ya mema, kasa atupauka ne ku bumi bwa myaka.”
15Mwanamukazhi wamwambijile amba, “Mwane, mpai ao mema, ntome! Pakuba amba kechi nkomvwe jikwabo kilaka ne, nangwa kwiya kuno na kutapula mema ne.”
16Ne Yesu wamwambijile amba, “Kamwite mwata obe, wiye nanji kuno.”
17Kumvwa mwanamukazhi amba, “Kechi nji na mulume ne.”
Ne Yesu wamwambijile amba, “Wa amba bulongo, byo wa amba amba, kechi uji na mulume ne. 18Mambo waikajile na banabalume batanu, ne yewo ye uji nanji kechi mwata obe ne. Abyo byo wa amba, wa amba kine.”
19Kumvwa mwanamukazhi amba, “Mwane, nanchi pano nayuka namba anweba mwi ngauzhi. 20Bashakulu betu bapopwejilenga Lesa mu ye uno mutumba, pakuba anweba amba, mu Yelusalema mo bafwainwa bantu kumupopwela Lesa.”
21Yesu wa ambile amba, “Obewa mwanamukazhi ngitabile amiwa, juba jibena kwiya jo mukabula kupopwela Bataata pa ye uno mutumba, nangwa mu Yelusalema ne. 22Anweba mupopwela kyo mwabula kuyuka, atweba tupopwela kyo twayuka, mambo lupulukilo lufuma ku Bayudea. 23Kabiji kimye kibena kwiya, ne pano kyafika kala, kyo bakebapopwelanga Bataata ku bapopweshi bakine mu Mupashi ne mu bukine, mambo bo bo bakeba Bataata amba, bampopwele. 24Lesa ye Mupashi, ne bonse bamupopwela bafwainwa kumupopwela na Mupashi ne na bukine.”
25Kumvwa mwanamukazhi amba, “Nayuka aye Mesiasa ukeya (yebateela amba Kilishitu,) aye byo akeya uketulumbulwila byonse.”
26Kumvwa Yesu amba, “Ye amiwa uno ye wisamba nanji.”
27Ponkapo baana banji babwanga babwelele, kabiji bakuminye byo a ambilenga na mwanamukazhi. Bino kafwako wa ambile amba, “Mubena kukeba ka? Nangwa amba, ‘Mambo ka kyo mwisambila nanji?’”
28Ponkapo mwanamukazhi washiile mulondo wanji, kaye ne kuya ku muzhi, wakebabujiile bantu amba, 29“Twayai, mukamone muntu, wambuula byonse byo naubile kala. Uno kana ye Kilishitu nyi?” 30Ponkapo bafumine mu muzhi, ke beye ne ko aji Yesu.
31Akwa kunyuma baana banji babwanga bamusashijile amba, “Laabi, jai!”
32Pakuba aye wibambijile amba, “Amiwa nji na kajo ka kuja ko mwabula kuyuka anweba.”
33Kepo baana banji babwanga beipwizhenga bene na bene amba, “Kuji wa kumuletela kajo nyi?”
34Kumvwa Yesu amba, “Kajo kami, ko kuuba kyaswa muchima wa aye wantuma, ne kupwisha mwingilo wanji. 35Anweba mwamba amba, ‘Kwashala bang'ondo bana, kepo ke kunowa.’ Talai, amiwa nemwambila namba, inunai meso enu, mumone majimi, byo atooka kala afwainwa kunowa. 36Kabiji awa unowa utambula mfweto, ubungizha ne kajo ka ku bumi bwa myaka; namba ne yewa ukusa nkunwa ne yewa unowa basekele pamo. 37Mambo pano po paji bukine bwakyo kino kyambo, mukwabo ukusa nkunwa, mukwabo unowa. 38Amiwa nemutumine anweba po mwabujile ne kwingila, bakwenu baingijilengamo, anweba mwajiila mu mingilo yabo.”
39Ne bavula bena Samaliya ba kuyewa muzhi bamwitabijile mambo a byambo bya mwanamukazhi, byo a ambile amba, “Wambuula byonse byo naubile kala.” 40Kabiji bena Samaliya byo baishile ko aji, bamusashijile amba, bekale nanji mu muzhi wabo, byonkabyo wazhikijilwe monka moba abiji. 41Bavula bakwabo baitabijile mambo a byambo byanji mwine, 42Ne abo ba mwambijile mwanamukazhi amba, “Pano twaitabila, kechi na mambo a byambo byobe ne, bino mambo ne atweba bene twiumvwina, ne kuyuka twayuka namba, uno kine ye Mupulushi wa ba pano pantanda.”
Kubukwa kwa mwana wa mukulumpe wa kyalo
43Kabiji pakupwa ao moba abiji Yesu wafumineko, ne kuya ku Ngalilea. 44#Mat 13:57; Mako 6:4; Lu 4:24Mambo aye mwine Yesu wa ambile amba, “Ngauzhi kechi uji na buneme mu kyalo kyanji mwine ne.” 45#Yoa 2:23Byonkabyo byo aishile mu Ngalilea, bena Ngalilea bamutambwile, mambo bamwene byonse byo aubilenga mu Yelusalema mu moba a kijiilo mambo ne abo bayile ku kijiilo.
46 #
Yoa 2:1-11
Kepo abwelele mu Kena wa mu Ngalilea, konka ko a alulwile mema ke binyu, kabiji ku Kapenama kwajinga ne kinemanga, wajinga na mwananji wamulume wakolelwenga. 47Ne aye byo a umvwine amba, Yesu wafuma kala ku Yudea waiya ku Ngalilea, ponkapo wayile ko ajinga, na kumusashijila amba, amubuke mwananji, mambo wajinga pepi na kufwa. 48Ne Yesu wamwambijile amba, “Anweba kechi mwitabila ne kanatu mwamona biyukilo ne bya kukumya.”
49Kinemanga wamwambijile amba, “Mwane beye, kasa akyangye kufwa mwanami.”
50Kumvwa Yesu amba, “Yainga, mwanenu pano ke mumi!”
Ponkapo aye mwanamulume waitabile byambo byo a mwambijile Yesu, kaye ne kuya. 51Byo akiyilenga, bakalume banji bamusambakene, ne kumwambila amba, “Mwanenu ke mumi.”
52Ponkapo wibepwizhe amba, “Ng'anyi kimye kyo atatwile kukosa?” Abo bamukumbwile amba, “Kesha mabanga pa kimye kya butanu ne bubiji po amulekele mashika.” 53Kabiji shanji wayukile amba, po pa kyonkakya kimye kyo ang'ambijile Yesu amba, “Mwanenu ke mumi.” Ne aye mwine waitabijile, ne ba munzubo yanji bonse. 54Kino kyo kiyukilo kya bubiji kyaubile Yesu byo afumine mu Yudea kwiya mu Ngalilea.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Kaonde New Testament © The Bible Society of Zambia, 2019.