Yoano 5
5
Lubuko ku kizhiba kya Beteseda
1Bino byo byapwile kwajinga ne kijiilo kya Bayudea, ne Yesu wayile ku Yelusalema. 2Kabiji mu Yelusalema kwipi na kibelo kya mikooko kuji kizhiba, kyo batela mu Kihebelu amba Beteseda, kuji ne tubukonde tutanu. 3Mo mwalajilenga jibumba ja bakolwa, ne bampofu, ne balemana, ne bapapa. Kasa bapembelela kutenkena kwa mema. #5:3 Kasa bapembelela kutenkena kwa mema: ma buku amo amu kigiliki kechi aji na bino byambo ne. 4Mambo malaika wa Nkambo, moba amo waikijilenga mu kizhiba na kutenkenya mema. Kabiji awa mutanshi waikijilemo pa kutenkena mema waikajile ke mutuntulu ku kikola kyanji kyo aji nakyo, nangwa kya byepi, nangwa kya byepi. #5:4 Ma buku amo a kigiliki kechi aji na veleshi 4 ne. 5Kwajinga ne muntu umo wajinga na kikola myaka makumi asatu ne myaka itanu na isatu. 6Yesu byo a mumwene kasa alaala, kabiji wayukile amba kyamutatwile kala, wamwambijile amba “Lelo, mwasakisha kwikala ke mutuntulu nyi?”
7Aye ukolwa wamukumbwile amba, “Mwane, kechi nji na wa kungikizha mu kizhiba pa kusunkena mema ne, mbena kuubatu, namba ngiyenga, mukwetu wapichila palutwe waikilamo.”
8Kumvwa Yesu amba, “Buukai, shikulai mwanya wenu, mwende.” 9Ponkapotu muntu waikajile ke mutuntulu, washikwile ne mwanya wanji kaende ne kwenda.
Ne aja juba jajinga ja Sabado. 10#Ne 13:19; Yele 17:21Kepo Bayudea ba ambijile yewa ye babukile amba, “Lelo jo ja Sabado, kizhila kushikula mwanya wenu.”
11Pakuba aye wibambijile amba, “Yenka wandengela butuntulu, ye wang'ambila amba, shikulai mwanya wenu mwende.”
12Bamwipwizhe amba, “Lelo ng'anyi muntu wimwambila amba, shikulai mwanya wenu, mwende?”
13Pakuba aye ye babukile kechi wamuyukile ne, mambo Yesu mwine wafumineko, mambo a jibumba. 14Bino byo byapwile, Yesu wamutaine mu nzubo ya Lesa, wamwambijile amba, “Talai, byo mwaikala ke mutuntulu, kechi mukabwezhepo kulenga mambo ne, mwakeya kukwatwa ne kyakila.” 15Awa muntu byo afuminepo, wakabujile Bayudea amba, “Nanchi ye Yesu wandengela butuntulu.” 16Onkao mambo Bayudea batatwile kumupata Yesu, mambo wibyubile bino mu juba ja Sabado. 17Kepo Yesu ebakumbwile amba, “Bataata ne jalelo bengila, ne amiwa pamotu nafwainwa kwingila.”
18Onkao mambo Bayudea bakebeshenga kumwipaya, kechi na mambo onka a kuzhilulula juba ja Sabado ne, nanchi ne na mambo a kumutela Lesa amba ye Shanji, ne kwiesakanya pamo na Lesa.
Luusa lwa Mwana
19Kepo Yesu ebambijile amba, “Kine, kine, nemwambila namba, aye Mwana kechi wakonsha kwiubila kintu ne, poso byonka byo amona byuba Shanji, ke pakuba byonse byo oba Shanji, byo byubapo ne Mwana pamo. 20Mambo aye Shanji watemwa Mwana, ne kumusolwela byonse byo oba aye mwine; kabiji ukamusolwela ne mingilo ikwabo yakila yo ino, mukakumyenga. 21Mambo byonka byo asangula Shanji bafu, ne kwibapa bumi, byonkabyo ne Mwana naye upana bumi ku bo aswa. 22Mambo Shanji kechi uchiba mambo a bantu nangwa a umo ne, nanchi wapana kuchiba mambo onse kwi aye Mwana, 23amba, bonse bamunemeke Mwana, byonka byo banemeka Shanji. Wabula kunemeka Mwana ye wabula kunemeka ne Shanji wamutuma.
24“Kine, kine nemwambila namba, aye waumvwa mambo ami, ne kumwitabila aye wantuma uji na bumi bwa myaka, kechi ukeya mukije ne, pakuba mu lufu wafumamo, wapitaila ku bumi. 25Kabiji kine, nemwambila namba, juba jibena kwiya, ne pano jafika kala, po bakomvwa bafu jiwi ja Mwana Lesa, ne abo bakomvwa bakekala na bumi. 26Mambo Shanji byonka byo aji na bumi mwi aye mwine, byo byo amupa ne Mwana naye ekale na bumi mwi aye mwine. 27Kabiji wamupa ne luusa lwa kuchiba mambo, mambo ye Mwana Muntu. 28Kechi mukumye kino ne, mambo juba jibena kwiya, jo bakomvwa bonse baji mu bilende jiwi janji, 29#Dan 12:2kepo bakafumamo, baubilenga byawama ku lusanguko lwa bumi, aba baubilenga byatama ku lusanguko lwa kije.
Lushimuno lwa kumushimuna Yesu
30“Amiwa kechi nakonsha kwiubila kintu nangwa pacheche ne, nchibila mambo monka monaumvwina mambo mo mwaoloka, mambo kechi nkeba kuuba mwayila muchima wami amiwa mwine ne, poso mwaswila aye wantuma.
31“Inge neshimuna amiwa mwine, byambo byami kechi bya kine ne. 32Ko aji mukwabo unshimuna, ne amiwa nayuka namba, byo anshimuna byo bya kine. 33#Yoa 1:19-27; 3:27-30Anweba mwatumine jiwi kwi Yoano, ne aye washimwine mambo a kine. 34Byonkabyo lushimuno lo ntambula amiwa kechi lwa ku bantu ne, pakuba mbena kwamba bino, namba mupuluke. 35Aye Yoano wajinga nobe lampi watemenenga ne kuuba kyeya, kabiji anweba mwaswile kusekela mu kyeya kyanji mu kimye kimo. 36Pakuba lushimuno lwami lonji nalo amiwa lwakila lwa kwa Yoano, mambo mingilo yo bampele Bataata amba wiipwishe, yonkaya mingilo yo mbena kuuba amiwa yo inshimuna amba, Shanji wamutuma. 37#Mat 3:17; Mako 1:11; Lu 3:22Ne abo bene bataata bantuma nabo banshimuna. Anweba kechi mwijumvwinepo jiwi jabo ne, nangwa kwibamonapo byo baji ne. 38Kabiji kechi mwialama mambo abo ne, mambo kechi mwa mwitabila aye ye batuma ne. 39Mukebakeba mu binembelo, mambo mulanguluka amba, byo bimupa bumi bwa myaka, nanchi ibyo binshimuna amiwa! 40Pakuba anweba kechi mwaswa kwiya kwi amiwa amba, mumone bumi, ne.
41“Amiwa kechi mbena kukeba kutambula buneme ku bantu ne. 42Pakuba nemuyuka anweba, byo mwabula butemwe bwa Lesa mwi anweba bene. 43Amiwa naiya mu jizhina ja bataata, bino anweba kechi mwantambula ne, bino inge mukwabo waiya mu jizhina janji mwine, muka mutambula. 44Nanchi mwakonsha byepi kwitabila, byo mwinemeka anweba bene na bene, ne kusaka buneme bufuma kwi Lesa yenka awa umo ne? 45Kechi mulanguluke amba, nkemushiina kwi bataata ne. Ko aji wimushiina, yenka Mosesa, ye mwaketekela. 46Ke pakuba inge mwamwitabijile Mosesa, ne amiwa inge mwangitabila, mambo aye wanembele bya amiwa. 47Inge kechi mwaitabila binembelo byanji ne, kabiji muketabila byepi byambo byami?”
Currently Selected:
Yoano 5: KNTP
Highlight
Share
Copy
Want to have your highlights saved across all your devices? Sign up or sign in
The Kaonde New Testament © The Bible Society of Zambia, 2019.
Yoano 5
5
Lubuko ku kizhiba kya Beteseda
1Bino byo byapwile kwajinga ne kijiilo kya Bayudea, ne Yesu wayile ku Yelusalema. 2Kabiji mu Yelusalema kwipi na kibelo kya mikooko kuji kizhiba, kyo batela mu Kihebelu amba Beteseda, kuji ne tubukonde tutanu. 3Mo mwalajilenga jibumba ja bakolwa, ne bampofu, ne balemana, ne bapapa. Kasa bapembelela kutenkena kwa mema. #5:3 Kasa bapembelela kutenkena kwa mema: ma buku amo amu kigiliki kechi aji na bino byambo ne. 4Mambo malaika wa Nkambo, moba amo waikijilenga mu kizhiba na kutenkenya mema. Kabiji awa mutanshi waikijilemo pa kutenkena mema waikajile ke mutuntulu ku kikola kyanji kyo aji nakyo, nangwa kya byepi, nangwa kya byepi. #5:4 Ma buku amo a kigiliki kechi aji na veleshi 4 ne. 5Kwajinga ne muntu umo wajinga na kikola myaka makumi asatu ne myaka itanu na isatu. 6Yesu byo a mumwene kasa alaala, kabiji wayukile amba kyamutatwile kala, wamwambijile amba “Lelo, mwasakisha kwikala ke mutuntulu nyi?”
7Aye ukolwa wamukumbwile amba, “Mwane, kechi nji na wa kungikizha mu kizhiba pa kusunkena mema ne, mbena kuubatu, namba ngiyenga, mukwetu wapichila palutwe waikilamo.”
8Kumvwa Yesu amba, “Buukai, shikulai mwanya wenu, mwende.” 9Ponkapotu muntu waikajile ke mutuntulu, washikwile ne mwanya wanji kaende ne kwenda.
Ne aja juba jajinga ja Sabado. 10#Ne 13:19; Yele 17:21Kepo Bayudea ba ambijile yewa ye babukile amba, “Lelo jo ja Sabado, kizhila kushikula mwanya wenu.”
11Pakuba aye wibambijile amba, “Yenka wandengela butuntulu, ye wang'ambila amba, shikulai mwanya wenu mwende.”
12Bamwipwizhe amba, “Lelo ng'anyi muntu wimwambila amba, shikulai mwanya wenu, mwende?”
13Pakuba aye ye babukile kechi wamuyukile ne, mambo Yesu mwine wafumineko, mambo a jibumba. 14Bino byo byapwile, Yesu wamutaine mu nzubo ya Lesa, wamwambijile amba, “Talai, byo mwaikala ke mutuntulu, kechi mukabwezhepo kulenga mambo ne, mwakeya kukwatwa ne kyakila.” 15Awa muntu byo afuminepo, wakabujile Bayudea amba, “Nanchi ye Yesu wandengela butuntulu.” 16Onkao mambo Bayudea batatwile kumupata Yesu, mambo wibyubile bino mu juba ja Sabado. 17Kepo Yesu ebakumbwile amba, “Bataata ne jalelo bengila, ne amiwa pamotu nafwainwa kwingila.”
18Onkao mambo Bayudea bakebeshenga kumwipaya, kechi na mambo onka a kuzhilulula juba ja Sabado ne, nanchi ne na mambo a kumutela Lesa amba ye Shanji, ne kwiesakanya pamo na Lesa.
Luusa lwa Mwana
19Kepo Yesu ebambijile amba, “Kine, kine, nemwambila namba, aye Mwana kechi wakonsha kwiubila kintu ne, poso byonka byo amona byuba Shanji, ke pakuba byonse byo oba Shanji, byo byubapo ne Mwana pamo. 20Mambo aye Shanji watemwa Mwana, ne kumusolwela byonse byo oba aye mwine; kabiji ukamusolwela ne mingilo ikwabo yakila yo ino, mukakumyenga. 21Mambo byonka byo asangula Shanji bafu, ne kwibapa bumi, byonkabyo ne Mwana naye upana bumi ku bo aswa. 22Mambo Shanji kechi uchiba mambo a bantu nangwa a umo ne, nanchi wapana kuchiba mambo onse kwi aye Mwana, 23amba, bonse bamunemeke Mwana, byonka byo banemeka Shanji. Wabula kunemeka Mwana ye wabula kunemeka ne Shanji wamutuma.
24“Kine, kine nemwambila namba, aye waumvwa mambo ami, ne kumwitabila aye wantuma uji na bumi bwa myaka, kechi ukeya mukije ne, pakuba mu lufu wafumamo, wapitaila ku bumi. 25Kabiji kine, nemwambila namba, juba jibena kwiya, ne pano jafika kala, po bakomvwa bafu jiwi ja Mwana Lesa, ne abo bakomvwa bakekala na bumi. 26Mambo Shanji byonka byo aji na bumi mwi aye mwine, byo byo amupa ne Mwana naye ekale na bumi mwi aye mwine. 27Kabiji wamupa ne luusa lwa kuchiba mambo, mambo ye Mwana Muntu. 28Kechi mukumye kino ne, mambo juba jibena kwiya, jo bakomvwa bonse baji mu bilende jiwi janji, 29#Dan 12:2kepo bakafumamo, baubilenga byawama ku lusanguko lwa bumi, aba baubilenga byatama ku lusanguko lwa kije.
Lushimuno lwa kumushimuna Yesu
30“Amiwa kechi nakonsha kwiubila kintu nangwa pacheche ne, nchibila mambo monka monaumvwina mambo mo mwaoloka, mambo kechi nkeba kuuba mwayila muchima wami amiwa mwine ne, poso mwaswila aye wantuma.
31“Inge neshimuna amiwa mwine, byambo byami kechi bya kine ne. 32Ko aji mukwabo unshimuna, ne amiwa nayuka namba, byo anshimuna byo bya kine. 33#Yoa 1:19-27; 3:27-30Anweba mwatumine jiwi kwi Yoano, ne aye washimwine mambo a kine. 34Byonkabyo lushimuno lo ntambula amiwa kechi lwa ku bantu ne, pakuba mbena kwamba bino, namba mupuluke. 35Aye Yoano wajinga nobe lampi watemenenga ne kuuba kyeya, kabiji anweba mwaswile kusekela mu kyeya kyanji mu kimye kimo. 36Pakuba lushimuno lwami lonji nalo amiwa lwakila lwa kwa Yoano, mambo mingilo yo bampele Bataata amba wiipwishe, yonkaya mingilo yo mbena kuuba amiwa yo inshimuna amba, Shanji wamutuma. 37#Mat 3:17; Mako 1:11; Lu 3:22Ne abo bene bataata bantuma nabo banshimuna. Anweba kechi mwijumvwinepo jiwi jabo ne, nangwa kwibamonapo byo baji ne. 38Kabiji kechi mwialama mambo abo ne, mambo kechi mwa mwitabila aye ye batuma ne. 39Mukebakeba mu binembelo, mambo mulanguluka amba, byo bimupa bumi bwa myaka, nanchi ibyo binshimuna amiwa! 40Pakuba anweba kechi mwaswa kwiya kwi amiwa amba, mumone bumi, ne.
41“Amiwa kechi mbena kukeba kutambula buneme ku bantu ne. 42Pakuba nemuyuka anweba, byo mwabula butemwe bwa Lesa mwi anweba bene. 43Amiwa naiya mu jizhina ja bataata, bino anweba kechi mwantambula ne, bino inge mukwabo waiya mu jizhina janji mwine, muka mutambula. 44Nanchi mwakonsha byepi kwitabila, byo mwinemeka anweba bene na bene, ne kusaka buneme bufuma kwi Lesa yenka awa umo ne? 45Kechi mulanguluke amba, nkemushiina kwi bataata ne. Ko aji wimushiina, yenka Mosesa, ye mwaketekela. 46Ke pakuba inge mwamwitabijile Mosesa, ne amiwa inge mwangitabila, mambo aye wanembele bya amiwa. 47Inge kechi mwaitabila binembelo byanji ne, kabiji muketabila byepi byambo byami?”
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Kaonde New Testament © The Bible Society of Zambia, 2019.