Yoano 6
6
Yesu byo ebajishishe bantu biumbi bitanu
(Mateo 14:13-21; Mako 6:30-44; Luka 9:10-17)
1Bino byo byapwile aye Yesu wa abukijile ku bushiya bwa kizhiba kya Ngalilea, kyo kizhiba kya Tibeliasa. 2Ne jibumba jikatampe ja mulondejilenga, mambo bamwene biyukilo byo aubilenga ku bakolwa. 3Ponkapo Yesu wakanjijile pa mutumba, po poaikajile na baana banji babwanga. 4Kabiji kijiilo kya Bayudea kya Lupitailo kyajinga pepi. 5Ponkapo Yesu byo ainwine meso anji, ne kumona jibumba jikatampe kasa jiiya ko aji, wa ambijile Filipa amba, “Tusakupota kwepi bashinkwa, namba bano baje?” 6Aye wa ambile bino mu kumweseka, mambo aye mwine wayukijile jimo byo asakuuba.
7Kumvwa Filipa wamwambijile amba, “Ndenali bitoota bibiji kechi asa kufikilamo kupota bashinkwa ba kukumbana bonse kutambula kacheche, kacheche ne.”
8Mwananji wabwanga umo aye Andeleo mulongo wanji Shimona Petelo, wamwambijile amba, 9“Po aji mwanyike pano, uji na bashinkwa ba mbaale batanu ne masabi abiji. Pakuba bino byakepeshatu mambo bantu bavujisha.”
10Kumvwa Yesu amba, “Bekajikai bantu.” (Kabiji akwa kwajinga nsono yavula.) Kepo baikajile panshi, banabalume pa kwibabala bajinga pepi biumbi bitanu. 11Ponkapo Yesu washikwile bashinkwa, ne kumusanchila Lesa, wibabijile baikajile panshi ne masabi nao pamo, kabiji bonse bajiile monka mwasakijile michima yabo. 12Ponkapo byo baikuchile wa ambijile baana banji babwanga amba, “Tolaulai bibese byashalapo, kechi ponaike nangwa kacheche ne.” 13Kepo batolawile, ne kuyuzha bayuzhizhe bilukwa jikumi na bibiji bya bibese bya bonkaba bashinkwa batanu ba mbaale byashajilepo pa kupwisha kuja bantu.
14Ponkapo aba bantu byo bamwene kiyukilo kyo aubile ba ambilenga amba, “Kine uno ye yewa Ngauzhi wa Lesa ye twatengejilenga pano panshi.”
15Ponkapo Yesu byo ayukile amba, basaka kwiya na kumukanjikizha amba, ekale ke mfumu, wabwelele ku mutumba kwa bunke bwanji.
Yesu byo a endele pa mema
(Mateo 14:22-33; Mako 6:45-52)
16Kabiji mabanga a bufuku baana banji babwanga bakunkulukijile ku kalunga ka mema. 17Bayile mu bwato amba, babukile ku Kapenama. Bwaubile bwaila ne kala, ne aye Yesu wajinga ukyangye kwiya ko baji. 18Kabiji pa kalunga ka mema payilenga na kuuba manyaki na mambo a kipuupu kikatampe kyapupilenga. 19Kabiji byo bavuwilenga misinso isatu nangwa ina pa mema, bamwene Yesu kasa enda pa mema, kwiya kwipi na ku bwato, ne abo baubile moyo. 20Pakuba aye wibambijile amba, “Ye amiwa bano, kechi mube moyo ne!” 21Kepo baswile kumutambula mu bwato, ponkapotu bwato bwafikile ku kitulu ko bayilenga.
Bantu byo bakebele kiyukilo
22Juba jalondejilepo, jibumba jaimene ku bushiya bwa kizhiba byo jayukile amba, kechi kwajinga bwato bukwabo kuno ne, kwajingatu bumo bonka, kabiji ne Yesu kechi wajikuya mu bwato pamo na baana banji babwanga ne, pakuba baana banji babwanga baji kuyatu bunke bwabo. 23Nangwa byonkabyo kwaishile maato akwabo afumine mu Tibeliasa kwiya kwipi nako bajiile kajo, byo apwishishe kusanta aye Nkambo. 24Kepo jibumba byo jayukile amba, Yesu kechi uji kuno ne baana banji babwanga ne, ponkapo abo bene bakanjijile mu maato, ne kuya ku Kapenama na kumukeba Yesu.
Yesu ye kajo ka bumi
25Kabiji byo bamutaine ku bushiya bwa kizhiba, bamwipwizhe amba, “Laabi, ng'anyi kimye kyo mwaji kwiya kuno?”
26Yesu wibakumbwile amba, “Kine, kine, nemwambila namba, mubena kunkeba, kechi na mambo a biyukilo byo mwamwene ne, bino na mambo onka a bashinkwa bo mwajiile ne kwikuta. 27Kechi mwingijile kajo konaika ne, pakuba ingijilai kajo kakelwa ne ku bumi bwa myaka ko akemupa Mwana Muntu. Mambo aye bamubikile kayukilo kwi Shanji, yenka Lesa.”
28Kepo ba mwambijile amba, “Tube byepi, namba twingile mingilo ya Lesa?”
29Kumvwa Yesu wibambijile amba, “Uno ye mwingilo wa Lesa, amba mu mwitabile aye yenka ye atuma.” 30Kepo ba mwambijile amba, “Nanchi ng'anyi kiyukilo kyo musa kuba namba twikimone, twimwitabile? Ng'anyi mwingilo ye musa kwingila? 31#Lupu 16:4,15; Sala 78:24Bashakulu betu bajiilenga aa manna mungyetu, monka mo kyanembelwa amba, ‘Wibapele kajo kafuma mwiulu amba baje.’ ”
32Kabiji Yesu wibambijile amba, “Kine, kine, nemwambila namba, Mosesa kechi wimupele kajo kafuma mwiulu ne, pakuba bataata bapana kajo ka kine kafuma mwiulu. 33Ke pakuba kajo ko apana aye Lesa, ke yenkawa ufuma mwiulu, ye upana bumi ku ba pano pantanda.”
34Kumvwa abo ba mwambijile amba, “Nkambo, mwitupenga kano kajo myaka ne myaka.”
35Kumvwa Yesu wibambijile amba, “Amiwa ne kajo ka bumi, aye wiya kwi amiwa kechi akomvwe nzala nangwa pacheche ne, kabiji ne awa wangitabila amiwa kechi akomvwe kilaka nangwa myaka yonsetu ne. 36Kabiji byo naji kwimwambila namba, kumona nangwa mwammona amiwa, kechi mwaitabila ne. 37Bonse bo bampa bataata bo bakeya kwi amiwa, kabiji awa wiya kwi amiwa kechi nkamupange nangwa pacheche ne. 38Mambo nafumine mwiulu, kechi mambo a kuuba kyaswa muchima wami amiwa mwine ne, poso kuuba kyaswa muchima wa kwa Aye wantuma. 39Kabiji kino kyo kyaswa muchima wa Aye wantuma amba, ku bonse bo ampele kechi nkeleepo nangwa umo ne, nanchi amba nkebasangule mu juba jikapelaako. 40Pakuba kino kyo kyaswa muchima wa bataata amba, bonse bamumona Mwana ne kumwitabila, bekale na bumi bwa myaka, kabiji ne amiwa nkebasangula mu juba jikapelaako.”
41Kepo Bayudea bamunyinyichilenga, mambo aye wa ambile amba, “Amiwa ne kajo kafuma mwiulu.” 42Ne abo ba ambile amba, “Nanchi uno kechi ye Yesu, mwana Yosefwa nyi? Bashanji ne bainanji twibayuka. Pano wa ambilaka byo byo amba nafuma mwiulu?”
43Kumvwa Yesu wibambijile amba, “Kechi munyinyitenga anweba bene na bene ne. 44Kafwako wakonsha kwiya kwi amiwa ne, poso abo Bataata bantuma bamukoka, ne amiwa nkamusangula mu juba jikapelaako. 45#Isa 54:13Kyanembwa mu buku wa bangauzhi amba, ‘Bonse bakebafunjisha kwi Lesa.’ Byonkabyo bonse bomvwa ne kufunjishiwa kwi Bataata, bo beya kwi amiwa. 46Bino kafwako wibamwenepo Bataata ne, poso yenkawa wafuma kwi Lesa, ye wibamwene Bataata. 47Kine, kine nemwambila namba, aye waitabila uji na bumi bwa myaka. 48Amiwa ne kajo ka bumi. 49Bashakulu benu bajilenga aa manna mungyetu, ne kufwa bafwile. 50Kano ko kajo kafuma mwiulu, amba muntu ajeko abule kufwa. 51Amiwa ne kajo komi kafuma mwiulu, inge muntu waja ku ko kano kajo ukekalanga na bumi myaka. Kabiji ne aka kajo ko nkapana amiwa ye mubiji wami, ye nkapana namba ba pano pantanda bekale na bumi.”
52Ponkapo abo Bayudea bapachikilenga bene na bene amba, “Nanchi uno, wakonsha byepi kwitupa mubiji wanji amba tuje?”
53Kumvwa Yesu wibambijile amba, “Kine, kine nemwambila namba, umvwe anweba ne kuja ku mubiji wa Mwana Muntu ne, ne kutoma mashi anji ne, kechi muji na bumi mwi anweba bene ne. 54Awa uja ku mubiji wami, ne kutoma mashi ami, ye uji na bumi bwa myaka, ne amiwa nkamusangula mu juba jikapelaako. 55Ke pakuba mubiji wami ko kajo ka kine, ne mashi ami byo bya kutoma bya kine. 56Awa uja ku mubiji wami ne kutoma mashi ami ye uji mwi amiwa, ne amiwa nji mwi aye. 57Byo bantumine abo bataata ba bumi, ne amiwa mbena kumwena bumi monka mwi bataata. Byonkabo awa unja amiwa, ne aye naye ukamwena bumi monka mwi amiwa. 58Kano ko kajo kafuma mwiulu, kechi pamo nako bajilengapo bashakulu benu ne, pakuba abo bekajiile ne kufwa bafwile, bino awa uja ku kano kajo ukekala na bumi myaka.”
59Bino wibyambile byo afunjishenga mu shinagoga mu Kapenama.
Byambo bya bumi bwa myaka
60Ne baana banji babwanga bavula, byo ba umvwine bino ba ambile amba, “Ano mafunjisho akatazha, ng'anyi wakonsha kwiatambula?”
61Pakuba Yesu byo ayukile mwine mu muchima wanji amba, baana banji babwanga babena kunyinyita ano mambo, wibambijile amba, “Ano mambo abena kwimutuntwisha nyi? 62Nanchi inge mukamone Mwana Muntu sa akanjila ko ajinga kala mukoba byepi? 63Ye Mupashi upana bumi, buntunshi bo bwatu. Byambo byo nemwambila byo bya mupashi, kabiji byo bya bumi. 64Bino mo baji bamo ba mwi anweba babula kwitabila.” Ke pakuba Yesu wayukijile jimo ne ku ntendekelo babula kwitabila, ne aye ukamusolola. 65Kabiji wa ambile amba, “Naji kwimwambila namba, kafwako wakonsha kwiya kwi amiwa ne, poso wapewakyo kwi bataata.”
66Ponkapo baana banji babwanga bavula babwelele mu nyuma, ne kwenda nanji jibiji ne. 67Ne aye Yesu wa ambijile ba jikumi na babiji amba, “Ne anweba musaka kufumako nyi?”
68 #
Mat 16:16; Mako 8:29; Lu 9:20 Kumvwa Shimona Petelo wamwambijile amba, “Nkambo, tukaya kwi ng'anyi? Byambo bya bumi bwa myaka muji nabyo anweba. 69Kabiji atweba twaitabila ne kuyuka namba, anweba mwi Wazhila wa kwa Lesa.”
70Yesu wibambijile amba, “Nanchi, kechi nemusalulwile anweba jikumi na babiji nenyi? Pakuba umo wa mwi anweba ye mulwanyi.”
71Wanenene Yudasa, mwana Shimona Isakaliota, mambo aye ye wajinga ukamusolola, ye umo wa boba ba jikumi na babiji.
Currently Selected:
Yoano 6: KNTP
Highlight
Share
Copy
Want to have your highlights saved across all your devices? Sign up or sign in
The Kaonde New Testament © The Bible Society of Zambia, 2019.
Yoano 6
6
Yesu byo ebajishishe bantu biumbi bitanu
(Mateo 14:13-21; Mako 6:30-44; Luka 9:10-17)
1Bino byo byapwile aye Yesu wa abukijile ku bushiya bwa kizhiba kya Ngalilea, kyo kizhiba kya Tibeliasa. 2Ne jibumba jikatampe ja mulondejilenga, mambo bamwene biyukilo byo aubilenga ku bakolwa. 3Ponkapo Yesu wakanjijile pa mutumba, po poaikajile na baana banji babwanga. 4Kabiji kijiilo kya Bayudea kya Lupitailo kyajinga pepi. 5Ponkapo Yesu byo ainwine meso anji, ne kumona jibumba jikatampe kasa jiiya ko aji, wa ambijile Filipa amba, “Tusakupota kwepi bashinkwa, namba bano baje?” 6Aye wa ambile bino mu kumweseka, mambo aye mwine wayukijile jimo byo asakuuba.
7Kumvwa Filipa wamwambijile amba, “Ndenali bitoota bibiji kechi asa kufikilamo kupota bashinkwa ba kukumbana bonse kutambula kacheche, kacheche ne.”
8Mwananji wabwanga umo aye Andeleo mulongo wanji Shimona Petelo, wamwambijile amba, 9“Po aji mwanyike pano, uji na bashinkwa ba mbaale batanu ne masabi abiji. Pakuba bino byakepeshatu mambo bantu bavujisha.”
10Kumvwa Yesu amba, “Bekajikai bantu.” (Kabiji akwa kwajinga nsono yavula.) Kepo baikajile panshi, banabalume pa kwibabala bajinga pepi biumbi bitanu. 11Ponkapo Yesu washikwile bashinkwa, ne kumusanchila Lesa, wibabijile baikajile panshi ne masabi nao pamo, kabiji bonse bajiile monka mwasakijile michima yabo. 12Ponkapo byo baikuchile wa ambijile baana banji babwanga amba, “Tolaulai bibese byashalapo, kechi ponaike nangwa kacheche ne.” 13Kepo batolawile, ne kuyuzha bayuzhizhe bilukwa jikumi na bibiji bya bibese bya bonkaba bashinkwa batanu ba mbaale byashajilepo pa kupwisha kuja bantu.
14Ponkapo aba bantu byo bamwene kiyukilo kyo aubile ba ambilenga amba, “Kine uno ye yewa Ngauzhi wa Lesa ye twatengejilenga pano panshi.”
15Ponkapo Yesu byo ayukile amba, basaka kwiya na kumukanjikizha amba, ekale ke mfumu, wabwelele ku mutumba kwa bunke bwanji.
Yesu byo a endele pa mema
(Mateo 14:22-33; Mako 6:45-52)
16Kabiji mabanga a bufuku baana banji babwanga bakunkulukijile ku kalunga ka mema. 17Bayile mu bwato amba, babukile ku Kapenama. Bwaubile bwaila ne kala, ne aye Yesu wajinga ukyangye kwiya ko baji. 18Kabiji pa kalunga ka mema payilenga na kuuba manyaki na mambo a kipuupu kikatampe kyapupilenga. 19Kabiji byo bavuwilenga misinso isatu nangwa ina pa mema, bamwene Yesu kasa enda pa mema, kwiya kwipi na ku bwato, ne abo baubile moyo. 20Pakuba aye wibambijile amba, “Ye amiwa bano, kechi mube moyo ne!” 21Kepo baswile kumutambula mu bwato, ponkapotu bwato bwafikile ku kitulu ko bayilenga.
Bantu byo bakebele kiyukilo
22Juba jalondejilepo, jibumba jaimene ku bushiya bwa kizhiba byo jayukile amba, kechi kwajinga bwato bukwabo kuno ne, kwajingatu bumo bonka, kabiji ne Yesu kechi wajikuya mu bwato pamo na baana banji babwanga ne, pakuba baana banji babwanga baji kuyatu bunke bwabo. 23Nangwa byonkabyo kwaishile maato akwabo afumine mu Tibeliasa kwiya kwipi nako bajiile kajo, byo apwishishe kusanta aye Nkambo. 24Kepo jibumba byo jayukile amba, Yesu kechi uji kuno ne baana banji babwanga ne, ponkapo abo bene bakanjijile mu maato, ne kuya ku Kapenama na kumukeba Yesu.
Yesu ye kajo ka bumi
25Kabiji byo bamutaine ku bushiya bwa kizhiba, bamwipwizhe amba, “Laabi, ng'anyi kimye kyo mwaji kwiya kuno?”
26Yesu wibakumbwile amba, “Kine, kine, nemwambila namba, mubena kunkeba, kechi na mambo a biyukilo byo mwamwene ne, bino na mambo onka a bashinkwa bo mwajiile ne kwikuta. 27Kechi mwingijile kajo konaika ne, pakuba ingijilai kajo kakelwa ne ku bumi bwa myaka ko akemupa Mwana Muntu. Mambo aye bamubikile kayukilo kwi Shanji, yenka Lesa.”
28Kepo ba mwambijile amba, “Tube byepi, namba twingile mingilo ya Lesa?”
29Kumvwa Yesu wibambijile amba, “Uno ye mwingilo wa Lesa, amba mu mwitabile aye yenka ye atuma.” 30Kepo ba mwambijile amba, “Nanchi ng'anyi kiyukilo kyo musa kuba namba twikimone, twimwitabile? Ng'anyi mwingilo ye musa kwingila? 31#Lupu 16:4,15; Sala 78:24Bashakulu betu bajiilenga aa manna mungyetu, monka mo kyanembelwa amba, ‘Wibapele kajo kafuma mwiulu amba baje.’ ”
32Kabiji Yesu wibambijile amba, “Kine, kine, nemwambila namba, Mosesa kechi wimupele kajo kafuma mwiulu ne, pakuba bataata bapana kajo ka kine kafuma mwiulu. 33Ke pakuba kajo ko apana aye Lesa, ke yenkawa ufuma mwiulu, ye upana bumi ku ba pano pantanda.”
34Kumvwa abo ba mwambijile amba, “Nkambo, mwitupenga kano kajo myaka ne myaka.”
35Kumvwa Yesu wibambijile amba, “Amiwa ne kajo ka bumi, aye wiya kwi amiwa kechi akomvwe nzala nangwa pacheche ne, kabiji ne awa wangitabila amiwa kechi akomvwe kilaka nangwa myaka yonsetu ne. 36Kabiji byo naji kwimwambila namba, kumona nangwa mwammona amiwa, kechi mwaitabila ne. 37Bonse bo bampa bataata bo bakeya kwi amiwa, kabiji awa wiya kwi amiwa kechi nkamupange nangwa pacheche ne. 38Mambo nafumine mwiulu, kechi mambo a kuuba kyaswa muchima wami amiwa mwine ne, poso kuuba kyaswa muchima wa kwa Aye wantuma. 39Kabiji kino kyo kyaswa muchima wa Aye wantuma amba, ku bonse bo ampele kechi nkeleepo nangwa umo ne, nanchi amba nkebasangule mu juba jikapelaako. 40Pakuba kino kyo kyaswa muchima wa bataata amba, bonse bamumona Mwana ne kumwitabila, bekale na bumi bwa myaka, kabiji ne amiwa nkebasangula mu juba jikapelaako.”
41Kepo Bayudea bamunyinyichilenga, mambo aye wa ambile amba, “Amiwa ne kajo kafuma mwiulu.” 42Ne abo ba ambile amba, “Nanchi uno kechi ye Yesu, mwana Yosefwa nyi? Bashanji ne bainanji twibayuka. Pano wa ambilaka byo byo amba nafuma mwiulu?”
43Kumvwa Yesu wibambijile amba, “Kechi munyinyitenga anweba bene na bene ne. 44Kafwako wakonsha kwiya kwi amiwa ne, poso abo Bataata bantuma bamukoka, ne amiwa nkamusangula mu juba jikapelaako. 45#Isa 54:13Kyanembwa mu buku wa bangauzhi amba, ‘Bonse bakebafunjisha kwi Lesa.’ Byonkabyo bonse bomvwa ne kufunjishiwa kwi Bataata, bo beya kwi amiwa. 46Bino kafwako wibamwenepo Bataata ne, poso yenkawa wafuma kwi Lesa, ye wibamwene Bataata. 47Kine, kine nemwambila namba, aye waitabila uji na bumi bwa myaka. 48Amiwa ne kajo ka bumi. 49Bashakulu benu bajilenga aa manna mungyetu, ne kufwa bafwile. 50Kano ko kajo kafuma mwiulu, amba muntu ajeko abule kufwa. 51Amiwa ne kajo komi kafuma mwiulu, inge muntu waja ku ko kano kajo ukekalanga na bumi myaka. Kabiji ne aka kajo ko nkapana amiwa ye mubiji wami, ye nkapana namba ba pano pantanda bekale na bumi.”
52Ponkapo abo Bayudea bapachikilenga bene na bene amba, “Nanchi uno, wakonsha byepi kwitupa mubiji wanji amba tuje?”
53Kumvwa Yesu wibambijile amba, “Kine, kine nemwambila namba, umvwe anweba ne kuja ku mubiji wa Mwana Muntu ne, ne kutoma mashi anji ne, kechi muji na bumi mwi anweba bene ne. 54Awa uja ku mubiji wami, ne kutoma mashi ami, ye uji na bumi bwa myaka, ne amiwa nkamusangula mu juba jikapelaako. 55Ke pakuba mubiji wami ko kajo ka kine, ne mashi ami byo bya kutoma bya kine. 56Awa uja ku mubiji wami ne kutoma mashi ami ye uji mwi amiwa, ne amiwa nji mwi aye. 57Byo bantumine abo bataata ba bumi, ne amiwa mbena kumwena bumi monka mwi bataata. Byonkabo awa unja amiwa, ne aye naye ukamwena bumi monka mwi amiwa. 58Kano ko kajo kafuma mwiulu, kechi pamo nako bajilengapo bashakulu benu ne, pakuba abo bekajiile ne kufwa bafwile, bino awa uja ku kano kajo ukekala na bumi myaka.”
59Bino wibyambile byo afunjishenga mu shinagoga mu Kapenama.
Byambo bya bumi bwa myaka
60Ne baana banji babwanga bavula, byo ba umvwine bino ba ambile amba, “Ano mafunjisho akatazha, ng'anyi wakonsha kwiatambula?”
61Pakuba Yesu byo ayukile mwine mu muchima wanji amba, baana banji babwanga babena kunyinyita ano mambo, wibambijile amba, “Ano mambo abena kwimutuntwisha nyi? 62Nanchi inge mukamone Mwana Muntu sa akanjila ko ajinga kala mukoba byepi? 63Ye Mupashi upana bumi, buntunshi bo bwatu. Byambo byo nemwambila byo bya mupashi, kabiji byo bya bumi. 64Bino mo baji bamo ba mwi anweba babula kwitabila.” Ke pakuba Yesu wayukijile jimo ne ku ntendekelo babula kwitabila, ne aye ukamusolola. 65Kabiji wa ambile amba, “Naji kwimwambila namba, kafwako wakonsha kwiya kwi amiwa ne, poso wapewakyo kwi bataata.”
66Ponkapo baana banji babwanga bavula babwelele mu nyuma, ne kwenda nanji jibiji ne. 67Ne aye Yesu wa ambijile ba jikumi na babiji amba, “Ne anweba musaka kufumako nyi?”
68 #
Mat 16:16; Mako 8:29; Lu 9:20 Kumvwa Shimona Petelo wamwambijile amba, “Nkambo, tukaya kwi ng'anyi? Byambo bya bumi bwa myaka muji nabyo anweba. 69Kabiji atweba twaitabila ne kuyuka namba, anweba mwi Wazhila wa kwa Lesa.”
70Yesu wibambijile amba, “Nanchi, kechi nemusalulwile anweba jikumi na babiji nenyi? Pakuba umo wa mwi anweba ye mulwanyi.”
71Wanenene Yudasa, mwana Shimona Isakaliota, mambo aye ye wajinga ukamusolola, ye umo wa boba ba jikumi na babiji.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Kaonde New Testament © The Bible Society of Zambia, 2019.