Luka 15
15
Kishimpi kya mukooko wataikile
(Mateo 18:12-14)
1 #
Lu 5:29,30 Kabiji basonkeshi ne bandengamambo bafwenyenyenga kwipi na kumumvwa. 2Kepo Bafaliseo ne banembeshi banyinyichilenga amba, “Awe muntu utambwila bandengamambo ne kuja naabo.” 3Onkao mambo Yesu wibatayile kino kishimpi amba.
4“Lelo ng'anyi muntu wa mwi anweba uba, umvwe uji na mikooko kitoota kimo, paluba umo, ubula kuleka aya makumi atanu na ana ne itanu na ina mungyetu, kalondele awa wabuulapo poso wamumona? 5Ne pa kumumona, wamubiika pakipuzhi kyanji na lusekelo, 6ne pakufika ku nzubo yanji, wapwizha pamo balunda nanji ne boekala naabo amba, sekelai pamo ne amiwa mambo na mumona mukooko wami wataikile! 7Byonkabyo nemwambila namba, mukekala lusekelo lwakila mwiulu pa ndengamambo umo walapila kukila pa bantu makumi atanu na ana ne batanu na baana baoloka babula kusaka kulapila.”
Kishimpi kya jali jataikile
8“Nangwa ng'anyi mwanamukazhi uba, umvwe uji na mali jikumi, watayapo jimo, ubula kwambula lampi ne kupyanga mu nzubo ne kukebeshamo poso wijimona. 9Kabiji pa kwijimona aja jali wapwizha pamo balunda nanji ne boekala naabo amba, ‘Sekelai pamo ne amiwa, mambo nejimona aja jali jonataile!’ 10Byonkabyo, nemwambila namba, kuji lusekelo ku meso a bamalaika ba Lesa pa ndengamambo umo walapila.”
Mwana walubile
11Kabiji aye wibambijile amba, “Kwajinga muntu umo wajinga na baana babalume babiji. 12Ne aye wa mwanyike wa ambijile bashanji amba, ‘Taata mumpele jimo nsabo yami ya bu bwana.’ Ne aye wibabenye nsabo yanji. 13Ne moba avula kechi apichilepo ne, awa mwana wa mwanyike wabungulwile byanji byonse kabiji waimene lwendo ne kuya ku ntanda ingi kwalepa, ne konkakwa aye watayaikile nsabo yanji na bwikalo buncha. 14Ne byo apwishishe kutaya nsabo yonse, kwabuukile kipowe kya nzala kikatampe mu yoya ntanda, ponkapo watatwile kuyanda. 15Byonkabyo wayile na kwiteeka ku muntu wa mu yoya ntanda, ne aye wamutumine mu biputu byanji na kufunga ba nkumba. 16Kabiji aye wasakile kuja ne kwikuta na ntotoolo yo bajilengapo ba nkumba, kabiji kafwako muntu nangwa umo wamupelepo kintu ne. 17Bino pa kulubuluka muchima wanji wa ambile amba, ‘Byo bavula bamingilo ba bataata baji na kajo kavula ne kusubukamo, pakuba amiwa mbena kufwa na nzala! 18Leka ng'imane ne kuya kwi bataata, nkebambile namba, Taata, nalenga mambo kwiulu ne ku meso enu. 19Pano kechi nafwainwa kutelwa bu mwanenu ne, mungalule ke pamo na umo wamwingilo wenu.’ 20Byonkabyo aye waimene kaye kwi shanji.
“Bino kasa akiji kwalepa bashanji bamumwene ne kumubila lusa, kabiji wamunyemejile lubilo kepo a mukumbachile ne kumufyompa. 21Ne aye mwana wamwambijile amba, ‘Taata, nalenga mambo kwiulu ne ku meso enu. Kechi nafwainwa pano kutelwa bu mwanenu ne.’ 22Bino shanji wa ambijile ba kalume banji amba, ‘Kaletai bukiji awa mukangyo wa wamisha mumuvwike. Kabiji mumuvwike ne kambalaminwe ku munwe wanji ne makwabilo ku maulu anji. 23Kabiji kaletai aka ka ng'ombe kanuna mwipaye, tuje ne kusangalala. 24Mambo uno mwanami waji wafwa, bino leelo ke mumi, kabiji wajinga waluba, pano wamweka.’ Ponkapo batatwile kusangalala.”
25“Kabiji mwananji wa mukulumpe wajinga mu bujimi, ne byo aishilenga pa kunanga ku nzubo, wa umvwine kasa bemba ne kuzha. 26Ne aye waichile umo wamwingilo ne ku mwipuzha amba, ‘Kwapya ka?’ 27Kumvwa aye amba, ‘Nkasenu waiya, ne bashenu baipaya aka ka ng'ombe kanuna, mambo bamutambula kasa ajiitu bulongo na bumi.’ 28Pakuba aye kolojanji wazhingijile kabiji wakaine kutwelamo. Bashanji balupukile ne kumusashijila amba atwele. 29Kumvwa aye wibakumbwile bashanji amba, ‘Talai, myaka yavula yo nemwingijila, kabiji ne kulengululapo mukambizho wenu ne, bino kechi mwampelepo nangwa kaana kambuzhi, amba tusangalale na bakwetu ne! 30Bino byo afika uno mwanenu, waonauna nsabo yenu na bankende, mwamwipaila aka ka ng'ombe kanuna!’ 31Kepo aye a mwambijile amba, ‘Mwanami, obewa wikala ne amiwa moba onse, ne byonse byonji naabyo byo byobe! 32Kyaji kufwainwa atweba kusangalala ne kusekela, mambo uno nkasobe waji wafwa, pano ke mumi, kabiji waji waluba, pano wamweka.’”
Currently Selected:
Luka 15: KNTP
Highlight
Share
Copy
Want to have your highlights saved across all your devices? Sign up or sign in
The Kaonde New Testament © The Bible Society of Zambia, 2019.
Luka 15
15
Kishimpi kya mukooko wataikile
(Mateo 18:12-14)
1 #
Lu 5:29,30 Kabiji basonkeshi ne bandengamambo bafwenyenyenga kwipi na kumumvwa. 2Kepo Bafaliseo ne banembeshi banyinyichilenga amba, “Awe muntu utambwila bandengamambo ne kuja naabo.” 3Onkao mambo Yesu wibatayile kino kishimpi amba.
4“Lelo ng'anyi muntu wa mwi anweba uba, umvwe uji na mikooko kitoota kimo, paluba umo, ubula kuleka aya makumi atanu na ana ne itanu na ina mungyetu, kalondele awa wabuulapo poso wamumona? 5Ne pa kumumona, wamubiika pakipuzhi kyanji na lusekelo, 6ne pakufika ku nzubo yanji, wapwizha pamo balunda nanji ne boekala naabo amba, sekelai pamo ne amiwa mambo na mumona mukooko wami wataikile! 7Byonkabyo nemwambila namba, mukekala lusekelo lwakila mwiulu pa ndengamambo umo walapila kukila pa bantu makumi atanu na ana ne batanu na baana baoloka babula kusaka kulapila.”
Kishimpi kya jali jataikile
8“Nangwa ng'anyi mwanamukazhi uba, umvwe uji na mali jikumi, watayapo jimo, ubula kwambula lampi ne kupyanga mu nzubo ne kukebeshamo poso wijimona. 9Kabiji pa kwijimona aja jali wapwizha pamo balunda nanji ne boekala naabo amba, ‘Sekelai pamo ne amiwa, mambo nejimona aja jali jonataile!’ 10Byonkabyo, nemwambila namba, kuji lusekelo ku meso a bamalaika ba Lesa pa ndengamambo umo walapila.”
Mwana walubile
11Kabiji aye wibambijile amba, “Kwajinga muntu umo wajinga na baana babalume babiji. 12Ne aye wa mwanyike wa ambijile bashanji amba, ‘Taata mumpele jimo nsabo yami ya bu bwana.’ Ne aye wibabenye nsabo yanji. 13Ne moba avula kechi apichilepo ne, awa mwana wa mwanyike wabungulwile byanji byonse kabiji waimene lwendo ne kuya ku ntanda ingi kwalepa, ne konkakwa aye watayaikile nsabo yanji na bwikalo buncha. 14Ne byo apwishishe kutaya nsabo yonse, kwabuukile kipowe kya nzala kikatampe mu yoya ntanda, ponkapo watatwile kuyanda. 15Byonkabyo wayile na kwiteeka ku muntu wa mu yoya ntanda, ne aye wamutumine mu biputu byanji na kufunga ba nkumba. 16Kabiji aye wasakile kuja ne kwikuta na ntotoolo yo bajilengapo ba nkumba, kabiji kafwako muntu nangwa umo wamupelepo kintu ne. 17Bino pa kulubuluka muchima wanji wa ambile amba, ‘Byo bavula bamingilo ba bataata baji na kajo kavula ne kusubukamo, pakuba amiwa mbena kufwa na nzala! 18Leka ng'imane ne kuya kwi bataata, nkebambile namba, Taata, nalenga mambo kwiulu ne ku meso enu. 19Pano kechi nafwainwa kutelwa bu mwanenu ne, mungalule ke pamo na umo wamwingilo wenu.’ 20Byonkabyo aye waimene kaye kwi shanji.
“Bino kasa akiji kwalepa bashanji bamumwene ne kumubila lusa, kabiji wamunyemejile lubilo kepo a mukumbachile ne kumufyompa. 21Ne aye mwana wamwambijile amba, ‘Taata, nalenga mambo kwiulu ne ku meso enu. Kechi nafwainwa pano kutelwa bu mwanenu ne.’ 22Bino shanji wa ambijile ba kalume banji amba, ‘Kaletai bukiji awa mukangyo wa wamisha mumuvwike. Kabiji mumuvwike ne kambalaminwe ku munwe wanji ne makwabilo ku maulu anji. 23Kabiji kaletai aka ka ng'ombe kanuna mwipaye, tuje ne kusangalala. 24Mambo uno mwanami waji wafwa, bino leelo ke mumi, kabiji wajinga waluba, pano wamweka.’ Ponkapo batatwile kusangalala.”
25“Kabiji mwananji wa mukulumpe wajinga mu bujimi, ne byo aishilenga pa kunanga ku nzubo, wa umvwine kasa bemba ne kuzha. 26Ne aye waichile umo wamwingilo ne ku mwipuzha amba, ‘Kwapya ka?’ 27Kumvwa aye amba, ‘Nkasenu waiya, ne bashenu baipaya aka ka ng'ombe kanuna, mambo bamutambula kasa ajiitu bulongo na bumi.’ 28Pakuba aye kolojanji wazhingijile kabiji wakaine kutwelamo. Bashanji balupukile ne kumusashijila amba atwele. 29Kumvwa aye wibakumbwile bashanji amba, ‘Talai, myaka yavula yo nemwingijila, kabiji ne kulengululapo mukambizho wenu ne, bino kechi mwampelepo nangwa kaana kambuzhi, amba tusangalale na bakwetu ne! 30Bino byo afika uno mwanenu, waonauna nsabo yenu na bankende, mwamwipaila aka ka ng'ombe kanuna!’ 31Kepo aye a mwambijile amba, ‘Mwanami, obewa wikala ne amiwa moba onse, ne byonse byonji naabyo byo byobe! 32Kyaji kufwainwa atweba kusangalala ne kusekela, mambo uno nkasobe waji wafwa, pano ke mumi, kabiji waji waluba, pano wamweka.’”
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Kaonde New Testament © The Bible Society of Zambia, 2019.