Luka 16
16
Kalama wabula bukishinka
1Yesu wa ambile ku baana banji babwanga amba, “Kwajinga muntu umo munonshi wajinga na kalama, ye balobejilemo amba, ubena kutayaula nsabo yenu. 2Ne aye wamwichile ne kumwambila amba, ‘Lelo ikika kyo na kumvwina? Pano umbuule byonse bya mu bukalama bobe, mambo pano kechi usa kukikala kalama wami ne.’ 3Ne kalama wiambijile mwine amba, ‘Lelo ngube byepi byo asaka kumpanga nkambo pa mwingilo wami? Kechi nji na ngovu ya kujima ne, kabiji nji na bumvu pa kulomba. 4Nalanguluka bya kuuba, namba byo bakampanga pa bukalama, bantu bakantambule mu ma nzubo abo.’”
5“Byonkabyo, waichile umo umo bonse bajinga na nkongole kwi nkambo yanji, wa ambijile mutanshi amba, ‘Uji na nkongole inga kwi nkambo yami?’ 6Kumvwa aye amba, ‘Kitoota kimo kya bandundundu ba manyi.’ Ne aye wamwambijile amba, ‘Tambula kyete kyobe kya nkongole, wikale panshi bukiji ne kunembapo makumi atanu.’ 7Kabiji wa ambijile ne mukwabo amba, ‘Ne obewa uji na nkongole inga?’ Wa ambile amba, ‘Kitoota kimo kya masaka a kajo.’ Wamwambijile amba, ‘Tambula kyete kyobe, unembe makumi atanu na asatu.’”
8“Kabiji nkambo yanji wamutotele awa kalama wabula koloka mambo waubile kya bujimuku. Mambo baana ba pano pantanda mukisemi kyabo bebakila kujimuka baana ba kyeya.”
9“Kabiji nemwambila namba, lengai balunda na nsabo yabula koloka, namba byo ikapwa bakemutambwile mwa kwikala myaka. 10Awa waikala wakishinka mutucheche ye waikala wakishinka ne mu byavula, ne yewa wabula kwikala wakishinka mutucheche ye wabula kwikala wakishinka ne mu byavula. 11Kabiji byonkabyo umvwe mwabula kwikala bakishinka na nsabo yabula koloka, ng'anyi ukemuketekela ne kwimupa nsabo ya kine? 12Kabiji umvwe mwabula kwikala bakishinka na kya ungi, ng'anyi ukemupa byenu anweba bene?”
13 #
Mat 6:24
“Kafwako muzha wakonsha kwingijila bankambo babiji ne, mambo ukashikwapo umo, ne kutemwapo mukwabo, nangwa ukepana ku umo ne kusuula mukwabo. Kechi mwakonsha kwingijila Lesa ne nsabo ne.”
Bimo bya ambile Yesu
(Mateo 11:12-13; 5:31-32; Mako 10:11-12)
14Bafaliseo batemwa mali, byo baumvwine bino bintu byonse, abo bamwendelekele. 15Ne aye wibambijile amba, “Anweba mwi boba bebingisha abo bene ku meso a bantu, bino Lesa wayuka michima yenu. Mambo akya kyanemekwa ku bantu kyokya bunya ku meso a Lesa.”
16 #
Mat 11:12,13 “Mizhilo ne bangauzhi bajingako kufika ne kimye kya kwa Yoano, kufuma ku kyo kyo kimye Mambo Awama a bufumu bwa Lesa abena kusapwilwa, ne bonse babena kutwela monka na mukoyo. 17#Mat 5:18Kyapeela jiulu ne ntanda kupita kukila nangwa kakinshabu ka mu buku wa Mizhilo kaapita.”
18 #
Mat 5:32; 1 Ko 7:10,11 “Awa ukana mukazhanji ne kusongola mukwabo wauba bukende, ne awa wasongola ye bakana ku mwata wanji wauba bukende.”
Munonshi ne Lazalasa
19“Kwajinga muntu umo munonshi wavwajilenga bivwalo bichila ne bya linenyi wa wamisha ne kusangalala mu byawama moba onse. 20Ne umo mulanda jizhina janji Lazalasa watujilwenga pa kibelo kyanji, mubiji kasa akumbana bilonda, 21wasakile kuja kutupona ku tebulu wa munonshi. Byonkabyo, ne bakabwa baishilenga na kumyanga pa bilonda byanji. 22Mulanda wafwile kabiji bamalaika bamutwajile mu kyaji kya Abulahama. Munonshi naye wafwile ne kumuzhiika bamuzhiikile, 23kabiji monka mu Kalunga #16:23 Kalunga: kano ke kalunga ka bafu wainwine meso anji kasa amanama, ne kumona wamwene Abulahama kwalepa, ne Lazalasa mu kyaji kyanji. 24Kabiji wabijikile amba, ‘Taata Abulahama! Ngubilai lusa mutume Lazalasa atumpe nsongo ya munwe wanji mu mema ne kuntalazha pa lujimi wami mambo namanama mu luno lubeebe lwa mujilo!’”
25“Pakuba Abulahama wa ambile amba, ‘Obewa mwana, languluka byo wajinga mumi watambwile byobe byawama, kabiji byonkabyo aye Lazalasa watambwile byatama. Pakuba pano aye watekeneshiwa, ne obewa uji mu lumanamo. 26Kabiji kuji kikwabo, pakachi ketu ne obewa, paji kimbo kyazhika kyakatazha amba, basaka kufuma kuno ne kwabukila ko uji kechi bakonsha ne, kabiji baji kooko nabo kechi bakonsha kwabukila kuno kotuji ne.’ 27Ne aye munonshi wa ambile amba, ‘Nanchi ne musashijila, taata Abulahama, mutumai ku nzubo ya bataata, 28mambo nji na balongo bami batanu. Namba ake bajimune, kuchiina amba ne abo bakeya muno mu lumanamo.’ 29Bino Abulahama wa ambile amba, ‘Baji na Mosesa ne bangauzhi ba Lesa, bebomvwe.’ 30Ne aye munonshi amba, ‘Ine, taata Abulahama, inge kuye umo wafuma mu bafu, bakalapila.’ 31Abulahama wa ambile amba, ‘Inge ne kwibomvwa ba Mosesa ne bangauzhi ne, kechi baketabizhiwa nangwa umo wasanguka mu bafu ne.’”
Currently Selected:
Luka 16: KNTP
Highlight
Share
Copy
Want to have your highlights saved across all your devices? Sign up or sign in
The Kaonde New Testament © The Bible Society of Zambia, 2019.
Luka 16
16
Kalama wabula bukishinka
1Yesu wa ambile ku baana banji babwanga amba, “Kwajinga muntu umo munonshi wajinga na kalama, ye balobejilemo amba, ubena kutayaula nsabo yenu. 2Ne aye wamwichile ne kumwambila amba, ‘Lelo ikika kyo na kumvwina? Pano umbuule byonse bya mu bukalama bobe, mambo pano kechi usa kukikala kalama wami ne.’ 3Ne kalama wiambijile mwine amba, ‘Lelo ngube byepi byo asaka kumpanga nkambo pa mwingilo wami? Kechi nji na ngovu ya kujima ne, kabiji nji na bumvu pa kulomba. 4Nalanguluka bya kuuba, namba byo bakampanga pa bukalama, bantu bakantambule mu ma nzubo abo.’”
5“Byonkabyo, waichile umo umo bonse bajinga na nkongole kwi nkambo yanji, wa ambijile mutanshi amba, ‘Uji na nkongole inga kwi nkambo yami?’ 6Kumvwa aye amba, ‘Kitoota kimo kya bandundundu ba manyi.’ Ne aye wamwambijile amba, ‘Tambula kyete kyobe kya nkongole, wikale panshi bukiji ne kunembapo makumi atanu.’ 7Kabiji wa ambijile ne mukwabo amba, ‘Ne obewa uji na nkongole inga?’ Wa ambile amba, ‘Kitoota kimo kya masaka a kajo.’ Wamwambijile amba, ‘Tambula kyete kyobe, unembe makumi atanu na asatu.’”
8“Kabiji nkambo yanji wamutotele awa kalama wabula koloka mambo waubile kya bujimuku. Mambo baana ba pano pantanda mukisemi kyabo bebakila kujimuka baana ba kyeya.”
9“Kabiji nemwambila namba, lengai balunda na nsabo yabula koloka, namba byo ikapwa bakemutambwile mwa kwikala myaka. 10Awa waikala wakishinka mutucheche ye waikala wakishinka ne mu byavula, ne yewa wabula kwikala wakishinka mutucheche ye wabula kwikala wakishinka ne mu byavula. 11Kabiji byonkabyo umvwe mwabula kwikala bakishinka na nsabo yabula koloka, ng'anyi ukemuketekela ne kwimupa nsabo ya kine? 12Kabiji umvwe mwabula kwikala bakishinka na kya ungi, ng'anyi ukemupa byenu anweba bene?”
13 #
Mat 6:24
“Kafwako muzha wakonsha kwingijila bankambo babiji ne, mambo ukashikwapo umo, ne kutemwapo mukwabo, nangwa ukepana ku umo ne kusuula mukwabo. Kechi mwakonsha kwingijila Lesa ne nsabo ne.”
Bimo bya ambile Yesu
(Mateo 11:12-13; 5:31-32; Mako 10:11-12)
14Bafaliseo batemwa mali, byo baumvwine bino bintu byonse, abo bamwendelekele. 15Ne aye wibambijile amba, “Anweba mwi boba bebingisha abo bene ku meso a bantu, bino Lesa wayuka michima yenu. Mambo akya kyanemekwa ku bantu kyokya bunya ku meso a Lesa.”
16 #
Mat 11:12,13 “Mizhilo ne bangauzhi bajingako kufika ne kimye kya kwa Yoano, kufuma ku kyo kyo kimye Mambo Awama a bufumu bwa Lesa abena kusapwilwa, ne bonse babena kutwela monka na mukoyo. 17#Mat 5:18Kyapeela jiulu ne ntanda kupita kukila nangwa kakinshabu ka mu buku wa Mizhilo kaapita.”
18 #
Mat 5:32; 1 Ko 7:10,11 “Awa ukana mukazhanji ne kusongola mukwabo wauba bukende, ne awa wasongola ye bakana ku mwata wanji wauba bukende.”
Munonshi ne Lazalasa
19“Kwajinga muntu umo munonshi wavwajilenga bivwalo bichila ne bya linenyi wa wamisha ne kusangalala mu byawama moba onse. 20Ne umo mulanda jizhina janji Lazalasa watujilwenga pa kibelo kyanji, mubiji kasa akumbana bilonda, 21wasakile kuja kutupona ku tebulu wa munonshi. Byonkabyo, ne bakabwa baishilenga na kumyanga pa bilonda byanji. 22Mulanda wafwile kabiji bamalaika bamutwajile mu kyaji kya Abulahama. Munonshi naye wafwile ne kumuzhiika bamuzhiikile, 23kabiji monka mu Kalunga #16:23 Kalunga: kano ke kalunga ka bafu wainwine meso anji kasa amanama, ne kumona wamwene Abulahama kwalepa, ne Lazalasa mu kyaji kyanji. 24Kabiji wabijikile amba, ‘Taata Abulahama! Ngubilai lusa mutume Lazalasa atumpe nsongo ya munwe wanji mu mema ne kuntalazha pa lujimi wami mambo namanama mu luno lubeebe lwa mujilo!’”
25“Pakuba Abulahama wa ambile amba, ‘Obewa mwana, languluka byo wajinga mumi watambwile byobe byawama, kabiji byonkabyo aye Lazalasa watambwile byatama. Pakuba pano aye watekeneshiwa, ne obewa uji mu lumanamo. 26Kabiji kuji kikwabo, pakachi ketu ne obewa, paji kimbo kyazhika kyakatazha amba, basaka kufuma kuno ne kwabukila ko uji kechi bakonsha ne, kabiji baji kooko nabo kechi bakonsha kwabukila kuno kotuji ne.’ 27Ne aye munonshi wa ambile amba, ‘Nanchi ne musashijila, taata Abulahama, mutumai ku nzubo ya bataata, 28mambo nji na balongo bami batanu. Namba ake bajimune, kuchiina amba ne abo bakeya muno mu lumanamo.’ 29Bino Abulahama wa ambile amba, ‘Baji na Mosesa ne bangauzhi ba Lesa, bebomvwe.’ 30Ne aye munonshi amba, ‘Ine, taata Abulahama, inge kuye umo wafuma mu bafu, bakalapila.’ 31Abulahama wa ambile amba, ‘Inge ne kwibomvwa ba Mosesa ne bangauzhi ne, kechi baketabizhiwa nangwa umo wasanguka mu bafu ne.’”
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Kaonde New Testament © The Bible Society of Zambia, 2019.