Luka 17
17
Byambo bimo bya Yesu
(Mateo 18:6-7,21-22; Mako 9:42)
1Ne aye wibambijile baana banji babwanga amba, “Kechi kyaswishiwa bibwezha mu nyuma bibulenga kufika ne, bino malwa kwiyewa wibileta! 2Kyamufwainwa aye kumukashila jibwe ja kupelapo mu nshingo yanji ne kutayiwa mu kalunga ka mema kukila kulengela kamo ka mutuno twana twa tucheche kwitutuntwisha. 3#Mat 18:15Onkao mambo iketai anweba bene!”
“Umvwe mulongo obe walengamambo, umulengulule, kabiji umvwe walapila, mulekelai mambo. 4Kabiji umvwe wa kulenga mambo jitanu na jibiji mu juba jimo, kabiji jitanu na jibiji, wabwela ko uji amba, ‘nalapila,’ mwafwainwa kumulekela mambo.”
Lwitabilo
5Batumwa ba ambile kwi Nkambo amba, “Baishai lwitabilo lwetu!” 6Ne Nkambo wa ambile amba, “Inge mwajinga na lwitabilo nobe ka jipeke ka Masitate, mwakonsha kwambila kino kichi kya malubenyi amba, ‘Zhujika, ujimbwe mu mema a mu kalunga,’ kabiji ki ke mukookela anweba.”
Mingilo ya kalume
7“Ng'anyi mwi anweba uji na kalume ubena kujima nangwa ubena kulama mikooko pa kufuma ku majimi umwambila amba, ‘Iya ponka pano wikale uje?’ 8Ne kumwambila amba, ‘Nengezhai jimo bya kuja byami, uvwale ne bulongo, ne kung'ingijila byo mbena kuja ne kutoma, ne pa kupwisha bino uje ne kutoma?’ 9Kana umusanchila kalume mambo wauba byo akambizhiwa nyi? 10Byonkabyo ne anweba, pa kupwisha kuuba byonse byo mwa kambizhiwa, mwambe amba, ‘Twi bakalume baatu, twaubatu byonkabya byo twafwainwa kuuba.’”
Kubukwa kwa bambumba jikumi
11Kabiji byo bayilenga ku Yelusalema, aye wapichilenga mu mupaka aku Samaliya aku Ngalilea. 12Kabiji byo atwelele mu muzhi umo wasambakene banabalume jikumi bambumba. Baimene kwalepa 13ne abo basanswile mawi abo amba, “Yesu, Nkambo, tubilai lusa!”
14 #
Levi 14:1-32
Byo ebamwene wibambijile amba, “Yainga mukemweshe ku bang'anga.”
Ne byo bayilenga babukilwe.#17:14 Babukilwe: monai 5:12 15Ne umo wa mwi abo, pa kumona byo a bukiwa wabwelele, katumbijike Lesa na jiwi jikatampe. 16Ne kupona waponene ku maulu a Yesu ne kumusanchila. Uno muntu wajinga mwina Samaliya. 17Ne Yesu wa ambile amba, “Nanchi kechi bajinga jikumi babukwa nenyi? Pakuba batanu na baana baji pi? 18Mambo ka uno ungi ye yenka wabwela na kupana lukumo kwi Lesa?” 19Ne aye wamwambijile amba, “Imanai muyenga kwenu, lwitabilo lwenu lwimupulusha.”
Kwiya kwa bufumu bwa Lesa
(Mateo 24:23-28,37-41)
20Kabiji Bafaliseo bamwipwizhe kimye kikeya bufumu bwa Lesa. Aye wibakumbwile amba, “Bufumu bwa Lesa kechi bwiya na bimwesho bimweka ku meso ne, 21nangwa kechi bakamba amba, ‘Talai buji kuno!’ Nangwa, ‘Kokwa!’ Mambo talai, bufumu bwa Lesa buji mukachi kenu.”#17:21 Mukachi kenu: nangwa amba pakachi kenu nangwa amba ponkapotu mukachi kenu
22Ne aye wibambijile baana banji babwanga amba, “Moba abena kwiya mo mukasaka kumona juba jimo ja Mwana Muntu, kabiji kechi mukejimona ne. 23Kabiji bakemwambila amba, ‘Talai, kokwa!’ Nangwa amba, ‘Talai, kuno!’ Kechi mukayeko nangwa kwibalondela ne. 24Mambo byonka byuba kubeesha kwa mvula byo abeesha kuntu kumo mwiulu kwamweka ne konse kukwabo mwiulu, byonkabyo ne Mwana Muntu byo akooba mu juba janji. 25Pakuba patanshi wafwainwa amone bya malwa byavula ne kumukana ku kino kisemi. 26#Nte 6:5-8Kabiji byonka byo kyajinga mu myaka ya kwa Nowa, byo byo kikekala ne mu myaka ya Mwana Muntu. 27#Nte 7:6-24Bajiilenga ne kutoma ne kusongola ne kusongolwa, kufika ne ku juba joatwelele Nowa mu bwato, ne muyuulo waishile ne kwibonauna bonse. 28#Nte 18:20—19:25Kabiji byonka byo kyaubilwe mu myaka ya Lota; bajiilenga ne ku toma, bapotelenga ne kupotesha, kujima ne kushimika, 29bino mu joja juba joafumine Lota mu Sodoma, kwa ponene mujilo kufuma mwiulu ne kibiliki ne kwibonauna bonse. 30Byo byo kikekala ne mu juba ja Mwana Muntu byo akamweka.”
31 #
Mat 24:17,18; Mako 13:15,16 “Mu joja juba awa ukekala peulu pa mutenge bintu byanji kasa biji mu nzubo, kechi akekile kwiya na kwibifumyamo ne, byonkabyo ne yewa uji mubujimi kechi akabwele ne. 32#Nte 19:26Langulukai muka Lota! 33#Mat 10:39; 16:25; Mako 8:35; Lu 9:24; Yoa 12:25Awa usaka kupulusha mweo wanji ukamutaya, bino awa ukataya mweo wanji ukamulama. 34Nemubuula namba, mu bobwa bufuku kukekala babiji pa mwanya umo. Umo bakamusenda ne mukwabo bakamusha. 35Kukekala banabakazhi babiji bakapelanga pamo. Umo bakamusenda ne mukwabo ukashala. 36Banabalume babiji bakengilanga mu bujimi; umo bakamusenda, ne mukwabo bakamusha.”
37Ne abo baana babwanga bamwipwizhe amba, “Kwepi, Nkambo?”#17:37 Jino jipuzho ja kuuba amba “Kwepi Nkambo?” Jayila mukuuba amba kwepi ko bikamwekela bino bintu, nangwa amba aba bo bakasenda bakaya kwepi?
Kepo Yesu ebambijile amba, “Konka kuji mubiji wafwa, ko kukapwilakena makubi.”
Currently Selected:
Luka 17: KNTP
Highlight
Share
Copy
Want to have your highlights saved across all your devices? Sign up or sign in
The Kaonde New Testament © The Bible Society of Zambia, 2019.
Luka 17
17
Byambo bimo bya Yesu
(Mateo 18:6-7,21-22; Mako 9:42)
1Ne aye wibambijile baana banji babwanga amba, “Kechi kyaswishiwa bibwezha mu nyuma bibulenga kufika ne, bino malwa kwiyewa wibileta! 2Kyamufwainwa aye kumukashila jibwe ja kupelapo mu nshingo yanji ne kutayiwa mu kalunga ka mema kukila kulengela kamo ka mutuno twana twa tucheche kwitutuntwisha. 3#Mat 18:15Onkao mambo iketai anweba bene!”
“Umvwe mulongo obe walengamambo, umulengulule, kabiji umvwe walapila, mulekelai mambo. 4Kabiji umvwe wa kulenga mambo jitanu na jibiji mu juba jimo, kabiji jitanu na jibiji, wabwela ko uji amba, ‘nalapila,’ mwafwainwa kumulekela mambo.”
Lwitabilo
5Batumwa ba ambile kwi Nkambo amba, “Baishai lwitabilo lwetu!” 6Ne Nkambo wa ambile amba, “Inge mwajinga na lwitabilo nobe ka jipeke ka Masitate, mwakonsha kwambila kino kichi kya malubenyi amba, ‘Zhujika, ujimbwe mu mema a mu kalunga,’ kabiji ki ke mukookela anweba.”
Mingilo ya kalume
7“Ng'anyi mwi anweba uji na kalume ubena kujima nangwa ubena kulama mikooko pa kufuma ku majimi umwambila amba, ‘Iya ponka pano wikale uje?’ 8Ne kumwambila amba, ‘Nengezhai jimo bya kuja byami, uvwale ne bulongo, ne kung'ingijila byo mbena kuja ne kutoma, ne pa kupwisha bino uje ne kutoma?’ 9Kana umusanchila kalume mambo wauba byo akambizhiwa nyi? 10Byonkabyo ne anweba, pa kupwisha kuuba byonse byo mwa kambizhiwa, mwambe amba, ‘Twi bakalume baatu, twaubatu byonkabya byo twafwainwa kuuba.’”
Kubukwa kwa bambumba jikumi
11Kabiji byo bayilenga ku Yelusalema, aye wapichilenga mu mupaka aku Samaliya aku Ngalilea. 12Kabiji byo atwelele mu muzhi umo wasambakene banabalume jikumi bambumba. Baimene kwalepa 13ne abo basanswile mawi abo amba, “Yesu, Nkambo, tubilai lusa!”
14 #
Levi 14:1-32
Byo ebamwene wibambijile amba, “Yainga mukemweshe ku bang'anga.”
Ne byo bayilenga babukilwe.#17:14 Babukilwe: monai 5:12 15Ne umo wa mwi abo, pa kumona byo a bukiwa wabwelele, katumbijike Lesa na jiwi jikatampe. 16Ne kupona waponene ku maulu a Yesu ne kumusanchila. Uno muntu wajinga mwina Samaliya. 17Ne Yesu wa ambile amba, “Nanchi kechi bajinga jikumi babukwa nenyi? Pakuba batanu na baana baji pi? 18Mambo ka uno ungi ye yenka wabwela na kupana lukumo kwi Lesa?” 19Ne aye wamwambijile amba, “Imanai muyenga kwenu, lwitabilo lwenu lwimupulusha.”
Kwiya kwa bufumu bwa Lesa
(Mateo 24:23-28,37-41)
20Kabiji Bafaliseo bamwipwizhe kimye kikeya bufumu bwa Lesa. Aye wibakumbwile amba, “Bufumu bwa Lesa kechi bwiya na bimwesho bimweka ku meso ne, 21nangwa kechi bakamba amba, ‘Talai buji kuno!’ Nangwa, ‘Kokwa!’ Mambo talai, bufumu bwa Lesa buji mukachi kenu.”#17:21 Mukachi kenu: nangwa amba pakachi kenu nangwa amba ponkapotu mukachi kenu
22Ne aye wibambijile baana banji babwanga amba, “Moba abena kwiya mo mukasaka kumona juba jimo ja Mwana Muntu, kabiji kechi mukejimona ne. 23Kabiji bakemwambila amba, ‘Talai, kokwa!’ Nangwa amba, ‘Talai, kuno!’ Kechi mukayeko nangwa kwibalondela ne. 24Mambo byonka byuba kubeesha kwa mvula byo abeesha kuntu kumo mwiulu kwamweka ne konse kukwabo mwiulu, byonkabyo ne Mwana Muntu byo akooba mu juba janji. 25Pakuba patanshi wafwainwa amone bya malwa byavula ne kumukana ku kino kisemi. 26#Nte 6:5-8Kabiji byonka byo kyajinga mu myaka ya kwa Nowa, byo byo kikekala ne mu myaka ya Mwana Muntu. 27#Nte 7:6-24Bajiilenga ne kutoma ne kusongola ne kusongolwa, kufika ne ku juba joatwelele Nowa mu bwato, ne muyuulo waishile ne kwibonauna bonse. 28#Nte 18:20—19:25Kabiji byonka byo kyaubilwe mu myaka ya Lota; bajiilenga ne ku toma, bapotelenga ne kupotesha, kujima ne kushimika, 29bino mu joja juba joafumine Lota mu Sodoma, kwa ponene mujilo kufuma mwiulu ne kibiliki ne kwibonauna bonse. 30Byo byo kikekala ne mu juba ja Mwana Muntu byo akamweka.”
31 #
Mat 24:17,18; Mako 13:15,16 “Mu joja juba awa ukekala peulu pa mutenge bintu byanji kasa biji mu nzubo, kechi akekile kwiya na kwibifumyamo ne, byonkabyo ne yewa uji mubujimi kechi akabwele ne. 32#Nte 19:26Langulukai muka Lota! 33#Mat 10:39; 16:25; Mako 8:35; Lu 9:24; Yoa 12:25Awa usaka kupulusha mweo wanji ukamutaya, bino awa ukataya mweo wanji ukamulama. 34Nemubuula namba, mu bobwa bufuku kukekala babiji pa mwanya umo. Umo bakamusenda ne mukwabo bakamusha. 35Kukekala banabakazhi babiji bakapelanga pamo. Umo bakamusenda ne mukwabo ukashala. 36Banabalume babiji bakengilanga mu bujimi; umo bakamusenda, ne mukwabo bakamusha.”
37Ne abo baana babwanga bamwipwizhe amba, “Kwepi, Nkambo?”#17:37 Jino jipuzho ja kuuba amba “Kwepi Nkambo?” Jayila mukuuba amba kwepi ko bikamwekela bino bintu, nangwa amba aba bo bakasenda bakaya kwepi?
Kepo Yesu ebambijile amba, “Konka kuji mubiji wafwa, ko kukapwilakena makubi.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Kaonde New Testament © The Bible Society of Zambia, 2019.