Luka 2
2
Kusemwa kwa Yesu
(Mateo 1:18-25)
1Kabiji mu oa moba kwafumine mukambizho kwa Kesala Augusatusa, amba bantu bonse ba mu ntanda banembwe. 2Kuno kwajinga kunembwa kutanshi byo ajinga mwine ndamakyalo wa mu Silya aye Kilenyusa. 3Ne bonse bayile na kwinembesha, au ku muzhi wanji au ku muzhi wanji.
4Ne Yosefwa naye wafumine mu Nazala, muzhi wa mu Ngalilea, kuya ku Yudea muzhi wa Davida, watelwa amba Betelema, mambo wajinga wa mu kisaka kya kwa Davida. 5Wayile na kwinembesha aye mwine ne Maliya pamo, awa ye a ipangwizhe, kasa aji na jiimi. 6Ne byo bakijinga konkakwa, moba anji a kusema afikile. 7Ne aye wasemene mwana wamulume mubeji kabiji wamupombele mu bisapi ne kumubika mu kijiilamo banyama, mambo mu nzubo ya benyi kechi mwajinga mwakufikila ne.
Bakafunga mikooko ne bamalaika
8Kabiji kwajinga ba kafunga mikooko mu yoya ntanda baikajile bufuku mungye na kulama jitanga jabo. 9Ne malaika wa Nkambo wamwekele kwi abo, ne lukumo lwa Nkambo lwibasamiine konse konse, ne moyo mukatampe wibakwachile. 10Kabiji malaika wibambijile amba, “Kuuba moyo ne! Talai ne muletela Mambo Awama a lusekelo lukatampe lwa bantu bonse. 11Mambo kwi anweba ja leelo kwimusemenwa Mupulushi mu muzhi wa Davida, ye Kilishitu Nkambo. 12Ne kano ko kayukilo kenu, mukataana mwana wapombwa mu bisapi kasa alaala mu kijiilamo banyama.”
13Ne ponkapotu kwamwekele kuji malaika jibumba ja nzhita ya mwiulu kasa jitota Lesa amba,
14“Lukumo lwikale kwi Lesa mwiulu mwine,
ne pano pa ntanda mutende ekale na bantu bamutokesha pa muchima.”
15Kabiji bamalaika byo bebashiile ne kubwela mwiulu, ba kafunga ba ambang'ene bene na bene amba, “Twayai tuye ku Betelema na kumona kino kintu kya mweka kyo etubula Nkambo.”
16Ne pa kusondoka lubilo bataine ba Maliya ne Yosefwa, ne mwana kasa alaala mu kijiilamo banyama. 17Ne byo bamumwene, ba ambile mambo a uno mwana. 18Ne bonse baumvwine bakuminye byo bebabujile ku ba kafunga. 19Pakuba Maliya wibilamine bino byambo byonse, kasa ebilanguluka mu muchima wanji. 20Ne aba ba kafunga babwelele kasa batumbijika ne kutota Lesa, mambo a byonse byo baumvwine ne ku mona, monka mo bebabujile byo.
Yesu ba mutumba jizhina
21 #
Levi 12:3;
Lu 1:31
Ne pakupita moba atanu na asatu, byo bamuubile kisela kya mukanda, ne abo bamutumbile jizhina amba Yesu, jizhina jo bamutumbile kwi malaika kasa bakyangye kumwimita munda.
Yesu byo a painwe mu nzubo ya Lesa
22Ne moba a kutokeshiwa kwabo byo afikile mwayila mizhilo ya Mosesa, bamuletele ku Yelusalema amba bamupane kwi Nkambo, 23#Lupu 13:2,12 monka mo kyanembelwa mu mizhilo ya Nkambo amba, “Bonse babeji babalume bakatelwa amba bazhila kwi Nkambo.” 24#Levi 12:6-8Ne abo bapaine kitapisho monka mwayila byo ba amba mu buku wa mizhilo ya Nkambo amba, “Tuteela tubiji, nangwa twana twa nkunda tubiji.”
25Kabiji kwajinga muntu mu Yelusalema, jizhina janji Shimeona, ne uno muntu wajinga waoloka kabiji wa akamwa Lesa, kasa apembelela lutekenesho lwa bena Isalela, ne Mupashi Wazhila wajinga pe aye. 26Kabiji kya mubujilwe kala ku Mupashi Wazhila amba, kechi akamone lufu ne poso patanshi aka mumone Kilishitu ye alayile Nkambo. 27Ne aye bamutangijiile ku Mupashi kwiya mu nzubo ya Lesa. Ne bansemi byo bamuletele mwanaabo Yesu mu nzubo ya Lesa amba bamubile monka mwayila buku wa Mizhilo, 28ponkapo Shimeona wa mutambwile mu maboko anji kamutote Lesa amba,
29“Nkambo pano mwanswisha amiwa kalume wenu kufumapo mu mutende,
monka mwayila byambo byenu.
30Mambo meso ami amona lupulukilo lwenu
31lo mwamwenejile jimo mukachi ka bantu bonse.
32 #
Isa 42:6; 49:6; 52:10 Kyeya kya kwibamwesha Bangentila
ne lukumo lwa bantu benu bena Isalela.”
33Bashanji ne bainanji bakuminye bya ambiwe payewa mwana. 34Ne Shimeona wibapesheshe ne kumwambila inanji Maliya amba, “Uno mwana watongwelwa kupona ne kubuuka kwa bavula mu Isalela, ne kwikala kayukilo kanenwa bibi, 35pakuba amba milanguluko ya mu michima ya bavula ikasololwe, kine ne mpoko ikapichila mu muchima wobe.”
36Kabiji kwajinga umo ngauzhi wamukazhi, jizhina janji Ana mwana Fanuela, wa mu mukoka wa Ashela. Wajinga na myaka yavula bingi, waikajile na mwata wanji myaka itanu ne ibiji kufuma ku bukamwale bwanji, 37kabiji aye wajinga mwanamukazhi wafwilwa myaka makumi atanu ne makumi asatu ne myaka ina, #2:37 Wajinga mwanamukazhi wafwilwa myaka makumi atanu ne makumi asatu ne myaka ina: nangwa amba, waikajile myaka makumi atanu ne asatu ne myaka ina kasa afwilwa kechi wafumanga mu nzubo ya Lesa ne, kasa apopwela Lesa na kuzhikilwa na nzala ne kulomba bufuku ne mute. 38Ne aye waishile pa kyonkakya kimye ne kusanchila Lesa ne kwamba na mambo a yewa mwana ku bonse bapembejilenga kukuulwa kwa Yelusalema.
Byo babwelele ku Nazala
39 #
Mat 2:23
Ne abo byo bapwishishe kuuba byonse mwayila buku wa mizhilo ya Nkambo babwelele ku muzhi wabo Nazala wa mu Ngalilea. 40Ne mwana wakomene kakose ne kukosa, wayujilwe na maana, ne bupe bwa Lesa bwajinga pe aye.
Yesu byo bamutaine mu nzubo ya Lesa
41 #
Lupu 12:1-27; Mpitu 16:1-8 Kabiji bansemi yanji bayanga ku Yelusalema pa mwaka pa mwaka ku Kijiilo kya Lupitailo. 42Ne byo afikizhe myaka jikumi na ibiji, bayileko monka mwayijile kisela kya kijiilo. 43Ne kijiilo byo kyapwile, pa kubwela mwanabo Yesu washajile mu Yelusalema. Bansemi yanji kechi bayukile ne, 44bino abo balangulukile amba uji mu jibumba ba endele lwendo lwa juba jimo, kepo batatwile kumukeba mu balongo babo ne mu bakwabo. 45Byo bakankelwe ku mumona, babwelele ku Yelusalema, na kumukeba. 46Pakupita moba asatu bamutaine mu Nzubo ya Lesa, kasa aikala mukachi ka bafunjishi, na kwibomvwa ne kwibepuzha. 47Ne bonse bamumvwine bakuminye maana anji ne mikumbu yanji. 48Kabiji bansemi yanji byo bamumwene, bakuminye. Ne inanji wamwambijile amba, “Mwanami, mambo ka kyo witubila bibye? Tala, bashobe ne amiwa tubakukebenga na kijikila.”
49Ne aye wibambijile amba, “Mambo ka kyo mwaji kunkebelanga? Kechi mwayuka amba, nafwainwa kwikala mu nzubo ya Bataata nenyi?” 50Ne abo kechi bekyumvwine kyambo kyo ebambijile ne.
51Ponkapo aye wayile naabo ne kufika wafikile ku Nazala kasa ebanekenena. Ne inanji wibilamine bino bintu byonse mu muchima wanji. 52#1 Sam 2:26; Maana 3:4Ne Yesu wakomenenga mu maana ne mu kimino ne mukutalwa bulongo kwi Lesa ne ku bantu.
Currently Selected:
Luka 2: KNTP
Highlight
Share
Copy
Want to have your highlights saved across all your devices? Sign up or sign in
The Kaonde New Testament © The Bible Society of Zambia, 2019.
Luka 2
2
Kusemwa kwa Yesu
(Mateo 1:18-25)
1Kabiji mu oa moba kwafumine mukambizho kwa Kesala Augusatusa, amba bantu bonse ba mu ntanda banembwe. 2Kuno kwajinga kunembwa kutanshi byo ajinga mwine ndamakyalo wa mu Silya aye Kilenyusa. 3Ne bonse bayile na kwinembesha, au ku muzhi wanji au ku muzhi wanji.
4Ne Yosefwa naye wafumine mu Nazala, muzhi wa mu Ngalilea, kuya ku Yudea muzhi wa Davida, watelwa amba Betelema, mambo wajinga wa mu kisaka kya kwa Davida. 5Wayile na kwinembesha aye mwine ne Maliya pamo, awa ye a ipangwizhe, kasa aji na jiimi. 6Ne byo bakijinga konkakwa, moba anji a kusema afikile. 7Ne aye wasemene mwana wamulume mubeji kabiji wamupombele mu bisapi ne kumubika mu kijiilamo banyama, mambo mu nzubo ya benyi kechi mwajinga mwakufikila ne.
Bakafunga mikooko ne bamalaika
8Kabiji kwajinga ba kafunga mikooko mu yoya ntanda baikajile bufuku mungye na kulama jitanga jabo. 9Ne malaika wa Nkambo wamwekele kwi abo, ne lukumo lwa Nkambo lwibasamiine konse konse, ne moyo mukatampe wibakwachile. 10Kabiji malaika wibambijile amba, “Kuuba moyo ne! Talai ne muletela Mambo Awama a lusekelo lukatampe lwa bantu bonse. 11Mambo kwi anweba ja leelo kwimusemenwa Mupulushi mu muzhi wa Davida, ye Kilishitu Nkambo. 12Ne kano ko kayukilo kenu, mukataana mwana wapombwa mu bisapi kasa alaala mu kijiilamo banyama.”
13Ne ponkapotu kwamwekele kuji malaika jibumba ja nzhita ya mwiulu kasa jitota Lesa amba,
14“Lukumo lwikale kwi Lesa mwiulu mwine,
ne pano pa ntanda mutende ekale na bantu bamutokesha pa muchima.”
15Kabiji bamalaika byo bebashiile ne kubwela mwiulu, ba kafunga ba ambang'ene bene na bene amba, “Twayai tuye ku Betelema na kumona kino kintu kya mweka kyo etubula Nkambo.”
16Ne pa kusondoka lubilo bataine ba Maliya ne Yosefwa, ne mwana kasa alaala mu kijiilamo banyama. 17Ne byo bamumwene, ba ambile mambo a uno mwana. 18Ne bonse baumvwine bakuminye byo bebabujile ku ba kafunga. 19Pakuba Maliya wibilamine bino byambo byonse, kasa ebilanguluka mu muchima wanji. 20Ne aba ba kafunga babwelele kasa batumbijika ne kutota Lesa, mambo a byonse byo baumvwine ne ku mona, monka mo bebabujile byo.
Yesu ba mutumba jizhina
21 #
Levi 12:3;
Lu 1:31
Ne pakupita moba atanu na asatu, byo bamuubile kisela kya mukanda, ne abo bamutumbile jizhina amba Yesu, jizhina jo bamutumbile kwi malaika kasa bakyangye kumwimita munda.
Yesu byo a painwe mu nzubo ya Lesa
22Ne moba a kutokeshiwa kwabo byo afikile mwayila mizhilo ya Mosesa, bamuletele ku Yelusalema amba bamupane kwi Nkambo, 23#Lupu 13:2,12 monka mo kyanembelwa mu mizhilo ya Nkambo amba, “Bonse babeji babalume bakatelwa amba bazhila kwi Nkambo.” 24#Levi 12:6-8Ne abo bapaine kitapisho monka mwayila byo ba amba mu buku wa mizhilo ya Nkambo amba, “Tuteela tubiji, nangwa twana twa nkunda tubiji.”
25Kabiji kwajinga muntu mu Yelusalema, jizhina janji Shimeona, ne uno muntu wajinga waoloka kabiji wa akamwa Lesa, kasa apembelela lutekenesho lwa bena Isalela, ne Mupashi Wazhila wajinga pe aye. 26Kabiji kya mubujilwe kala ku Mupashi Wazhila amba, kechi akamone lufu ne poso patanshi aka mumone Kilishitu ye alayile Nkambo. 27Ne aye bamutangijiile ku Mupashi kwiya mu nzubo ya Lesa. Ne bansemi byo bamuletele mwanaabo Yesu mu nzubo ya Lesa amba bamubile monka mwayila buku wa Mizhilo, 28ponkapo Shimeona wa mutambwile mu maboko anji kamutote Lesa amba,
29“Nkambo pano mwanswisha amiwa kalume wenu kufumapo mu mutende,
monka mwayila byambo byenu.
30Mambo meso ami amona lupulukilo lwenu
31lo mwamwenejile jimo mukachi ka bantu bonse.
32 #
Isa 42:6; 49:6; 52:10 Kyeya kya kwibamwesha Bangentila
ne lukumo lwa bantu benu bena Isalela.”
33Bashanji ne bainanji bakuminye bya ambiwe payewa mwana. 34Ne Shimeona wibapesheshe ne kumwambila inanji Maliya amba, “Uno mwana watongwelwa kupona ne kubuuka kwa bavula mu Isalela, ne kwikala kayukilo kanenwa bibi, 35pakuba amba milanguluko ya mu michima ya bavula ikasololwe, kine ne mpoko ikapichila mu muchima wobe.”
36Kabiji kwajinga umo ngauzhi wamukazhi, jizhina janji Ana mwana Fanuela, wa mu mukoka wa Ashela. Wajinga na myaka yavula bingi, waikajile na mwata wanji myaka itanu ne ibiji kufuma ku bukamwale bwanji, 37kabiji aye wajinga mwanamukazhi wafwilwa myaka makumi atanu ne makumi asatu ne myaka ina, #2:37 Wajinga mwanamukazhi wafwilwa myaka makumi atanu ne makumi asatu ne myaka ina: nangwa amba, waikajile myaka makumi atanu ne asatu ne myaka ina kasa afwilwa kechi wafumanga mu nzubo ya Lesa ne, kasa apopwela Lesa na kuzhikilwa na nzala ne kulomba bufuku ne mute. 38Ne aye waishile pa kyonkakya kimye ne kusanchila Lesa ne kwamba na mambo a yewa mwana ku bonse bapembejilenga kukuulwa kwa Yelusalema.
Byo babwelele ku Nazala
39 #
Mat 2:23
Ne abo byo bapwishishe kuuba byonse mwayila buku wa mizhilo ya Nkambo babwelele ku muzhi wabo Nazala wa mu Ngalilea. 40Ne mwana wakomene kakose ne kukosa, wayujilwe na maana, ne bupe bwa Lesa bwajinga pe aye.
Yesu byo bamutaine mu nzubo ya Lesa
41 #
Lupu 12:1-27; Mpitu 16:1-8 Kabiji bansemi yanji bayanga ku Yelusalema pa mwaka pa mwaka ku Kijiilo kya Lupitailo. 42Ne byo afikizhe myaka jikumi na ibiji, bayileko monka mwayijile kisela kya kijiilo. 43Ne kijiilo byo kyapwile, pa kubwela mwanabo Yesu washajile mu Yelusalema. Bansemi yanji kechi bayukile ne, 44bino abo balangulukile amba uji mu jibumba ba endele lwendo lwa juba jimo, kepo batatwile kumukeba mu balongo babo ne mu bakwabo. 45Byo bakankelwe ku mumona, babwelele ku Yelusalema, na kumukeba. 46Pakupita moba asatu bamutaine mu Nzubo ya Lesa, kasa aikala mukachi ka bafunjishi, na kwibomvwa ne kwibepuzha. 47Ne bonse bamumvwine bakuminye maana anji ne mikumbu yanji. 48Kabiji bansemi yanji byo bamumwene, bakuminye. Ne inanji wamwambijile amba, “Mwanami, mambo ka kyo witubila bibye? Tala, bashobe ne amiwa tubakukebenga na kijikila.”
49Ne aye wibambijile amba, “Mambo ka kyo mwaji kunkebelanga? Kechi mwayuka amba, nafwainwa kwikala mu nzubo ya Bataata nenyi?” 50Ne abo kechi bekyumvwine kyambo kyo ebambijile ne.
51Ponkapo aye wayile naabo ne kufika wafikile ku Nazala kasa ebanekenena. Ne inanji wibilamine bino bintu byonse mu muchima wanji. 52#1 Sam 2:26; Maana 3:4Ne Yesu wakomenenga mu maana ne mu kimino ne mukutalwa bulongo kwi Lesa ne ku bantu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Kaonde New Testament © The Bible Society of Zambia, 2019.