Luka 1
1
1Anweba Teofilusa.
Bavula baesekele kunemba mo byalondankena abya bintu bya fikizhiwa mwi atweba. 2Monka mo betubujilebyo abo bebimwene na meso kabiji bamwingilo wa Mambo Awama kufuma ku ntendekelo. 3Kabiji kyangwamijile amiwa, byo ne bilondelelondele byonse ne kumvwa bulongo kufuma ku ntendekelo, nalangulukile kwimunembela mo bya londankena anweba kinemanga Teofilusa. 4Namba muyukishetu amba, abya byambo byo mwafunjishiwe byo bya kine.
Kwambilwa jimo kwa kusemwa kwa Yoano Mubatishi
5 #
1 Moba 24:10
Mu myaka yakwa Heloda mfumu wa mu Yudea,#1:5 Yudea: Ino ke ntanda yonse ya Filishitiya. kwajinga ng'anga wa Lesa, jizhina janji Zakaliya wa mukipamo kya Abiya. Ne mukazhanji wajinga wa mu baana ba Alona, jizhina janji Elizabeta. 6Bubiji bwabo bajinga baoloka ku meso a Lesa, ba endelenga kwakubula mambo monka mu mikambizho ne mu mizhilo ya Nkambo. 7Bino kechi bajinga na mwana ne, mambo Elizabeta wajinga ng'umba, ne bonse babiji bajinga bakote.
8Juba jimo Zakaliya waingijilenga mwingilo wa bung'anga ku meso a Lesa mukipamo kyanji mokyalondankena. 9Monka mwayijile kisela kya bung'anga, aye wasalulwilwe na bubale amba atwele mu nzubo ya Nkambo na kusoka bya kufutumuna. 10Ne jibumba jonse ja bantu jalombelenga pangye pa kimye kya kusoka bya kufutumuna. 11Ponkapo kwamumwekejile malaika wa Nkambo kasa aimana ku kilujo kya kyakusokelapo bya kufutumuna. 12Ne Zakaliya byo a mumwene malaika, muchima wanji walukuchile, ne moyo wamukwachile. 13Bino malaika wamwambijile amba, “Zakaliya kechi ube moyo ne, mambo milombelo yobe yaumvwanyika, ne mukazhobe Elizabeta uka kusemena mwana wamulume, ne obewa ukamutumba jizhina janji amba Yoano. 14Ne obewa ukamona lusekelo ne kusangalala, ne bavula bakasekelela pa kusemwa kwanji! 15#Bala 6:3Mambo aye ukekala mukatampe ku meso a Nkambo. Kabiji kechi ukutoma binyu nangwa bipendang'ana ne, ne aye ukayulwa na Mupashi Wazhila kufuma munda mwa inanji. 16Ne aye ukebalulwila bavula bena Isalela kwi Nkambo Lesa wabo. 17#Mala 4:5,6 Kabiji ne aye ukatangilapo palutwe ya kwa Nkambo mu mupashi ne mu bulume bwa kwa Elaija, na kwalula michima ya bashabo ku baana, ne bamilengulwila amba bende mu maana a baoloka, amunengezhezhe jimo Nkambo bantu bo ba lumbulwila jimo.”
18Ne Zakaliya wamwipwizhe malaika amba, “Lelo kino nkekiyukila kuka? Mambo amiwa ne mukote, ne mukazhami naye wakota.”
19 #
Dan 8:16; 9:21 Ne malaika wamwambijile amba, “Amiwa yami Ngabaliela, ng'imana ku meso a Lesa, kabiji natumwa na kwisamba ne obewa, ne kukubuula ano mambo awama. 20Kabiji tala, obewa ukekala kamaama ubula kwamba kufika ne juba jo bikamweka bino bintu, mambo kechi waitaba byambo byami ne, abyo bikafikizhiwa mu kimye kyabyo.”
21Ne bantu bamupembejilenga Zakaliya, bakuminye byo abanjile mu nzubo ya Lesa. 22Byo alupukile, kechi wakonsheshe kwamba naabo ne, kabiji bayukile amba wamona kimwesho mu nzubo ya Lesa. Ne aye wibakebawilenga kasa aji kamaama.
23Kabiji kimye kyanji kya mwingilo byo kyapwile, wabwelele kwanji. 24Pakupita oa moba mukazhanji Elizabeta waimichile, ne kwifya wifiile mwine bang'ondo batanu amba, 25“Nkambo wangubila bibye mu moba o antala amiwa, wamfumya bumvu ku bantu!”
Kwambilwa jimo kwa kusemwa kwa Yesu
26Mu ng'ondo wa butanu na umo, Lesa watumine malaika Ngabaliela ku muzhi wa mu Ngalilea jizhina janji Nazala. 27#Mat 1:18 Ku muzhike wakishinka wabula kusambakanapo na mwanamulume ye baipangwizhe ku mwanamulume jizhina janji Yosefwa, wa mu kisaka kya Davida. Ne jizhina ja uno muzhike wajinga Maliya. 28Ne aye malaika waishile kwi aye ne kwamba amba, “Mutende obewa watokwa bingi, Nkambo uji ne obewa!”
29Ne aye Maliya muchima wanji walukuchile bingi na bino byambo, ne kulanguluka amba, leelo luno lwimu lwayila muka? 30Ne malaika wamwambijile amba, “Kuuba moyo ne, Maliya, mambo waubilwa bibusa kwi Lesa. 31#Mat 1:21 Kabiji tala, ukemita mwana munda mobe kabiji ukasema mwana wamulume, ne obewa ukamutumba jizhina janji amba Yesu. 32#2 Sam 7:12,13,16; Isa 9:7 Aye ukekala ke mukatampe kabiji ukatelwa amba Mwana wa Mwine Wakila. Ne Nkambo Lesa ukamupa jitanda ja bufumu bwa shanji Davida, 33kabiji aye ukekala mfumu mu kisaka kya Yakoba myaka yonsetu, ne bufumu bwanji kechi bukapwa ne.”
34Ne Maliya wamwambijile malaika amba, “Kino kikamweka byepi, byo nabula kusambakanapo na mwanamulume?”
35Ne malaika wamukumbwile amba, “Mupashi Wazhila ukeya pe obewa ne bulume bwa Mwine Wakila bukakunyeng'amina onkao mambo awa mwana ukasemwa wazhila ukatelwa amba, Mwana Lesa. 36Kabiji tala, mulongo wobe Elizabeta naye mu bukote bwanji waimita mwana wamulume, ne uno ke ng'ondo wa butanu na umo yenkawa ye batelelenga amba ng'umba. 37#Nte 18:14Mambo aye Lesa kafwako kyo akankalwa ne.”
38Ne Maliya wa ambile amba, “Amiwa bano muzha wa Nkambo; kingubilwe amiwa monka mwayila byambo byenu.” Ne ponkapo malaika wamushiile ne kumusha.
Maliya byo amupempwile Elizabeta
39Mu onka a moba Maliya waimene kuya lubilo ku ntanda ya mu mintumba, ku muzhi wa mu Yuda.
40Kabiji watwelele mu nzubo ya kwa Zakaliya ne kumwimuna Elizabeta. 41Ne Elizabeta byo a umvwine lwimu lwa kwa Maliya, ponkapo mwana wafunkiishe munda mwanji. Ne Elizabeta wayujilwe na Mupashi Wazhila, 42ne aye wabijikile na jiwi jikatampe, ne kwamba amba, “Wakila mu kutokwa obewa mu banabakazhi, ne kipangwa kya munda mobe nakyo kyatokwa! 43Kabiji mambo ka kino kyaubiwa kwi amiwa, amba inanji Nkambo yami waiya kwi amiwa? 44Mambo tala, jiwi ja lwimu lobe byo jaji kufika mu matwi ami, mwana waji kufunkisha na lusekelo. 45Kabiji watokwa awa mwanamukazhi waitabila amba kikafikizhiwa akya kyaambiwe kwi aye kufuma kwi Nkambo!”
Lwimbo wa Maliya wa lutotelo
46Ne Maliya wa ambile amba,
“Muchima wami wamutumbijika Nkambo;
47ne mupashi wami wasekela mwi Lesa, Mupulushi wami,
48 #
1 Sam 1:11
mambo watala pa buyanji bwa muzha wanji!
Kabiji talai, kufuma pa juba ja leelo ba mu bisemi byonse bakanteela amba watokwa
49mambo aye wa bulume ye wangubila bintu bikatampe.
Ne jizhina janji jo jazhila,
50lusa lwanji luji pa boba bamwakamwa,
kufuma ku kisemi ne kufika ku kisemi kikwabo.
51Wauba mingilo ya bulume na kuboko kwanji;
ne kupalang'anya betota mu milanguluko ya mu michima yabo.
52 #
Yoba 5:11; 12:19 Wibafumya ba mfumu pa matanda abo,
ne kwi batumbijika bapelulwa.
53Baji na nzala wibekusha na bintu byawama,
ne banonshi wibemanya mabokotu.
54Wamukwasha kalume wanji Isalela,
byo avuluka lusa lwanji,
55 #
Nte 17:7
#
1 Sam 2:1-10
byonka byo a ambile ku bashakulu betu,
kwi Abulahama ne ba mukisemi kyanji myaka ne myaka.”
56Kabiji Maliya waikajile nanji pepi bang'ondo basatu kepo abwelele ku nzubo yanji.
Kusemwa kwa Yoano Mubatishi
57Pano Elizabeta ng'ondo wanji wa kusema mwana wafikile, ne aye wasemene mwana wamulume. 58Ne bo aikajile naabo ne balongo banji baumvwine amba Nkambo wamubila lusa lukatampe, ne abo basekejile nanji pamo.
59 #
Levi 12:3
Ne mu juba ja butanu na busatu baishile kumuba mwana kisela kya mukanda. Ne abo bakebele kumutumba jizhina amba Zakaliya jizhina ja shanji. 60Kumvwa inanji amba, “Ajo ne! Janji Yoano.”
61Kumvwa abo amba, “Kafwako mulongo wobe uji na jojo jizhina ne.” 62Ponkapo bamwipwizhe shanji mu bu kamaama amba, “Mwasaka mwana ku mutumba amba ng'anyi?”
63Ne aye walombele kya kunembapo, ne kunemba wanembele amba “Jizhina janji Yoano.” Ne bonse bakuminye. 64Ne ponkapotu jiwi janji ja shinkukile ne lujimi wanji wakasulukile, ne kwamba wa ambile, ne kutota Lesa. 65Ne moyo wibakwachile bonse bo aikajile naabo kwipi, ne bino byonse bya ambilwe monse mu ntanda ya mitumba ya Yudea. 66Ne bonse bebyumvwine bebilamine mu michima yabo amba, “Lelo uno mwana ukekala wa byepi?” Mambo kuboko kwa Nkambo kwajinga pe aye.
Bungauzhi bwa kwa Zakaliya
67Ne shanji Zakaliya wayujilwe na Mupashi Wazhila ne kwaula amba,
68“Atotwe Nkambo Lesa wa bena Isalela,
mambo wapesha bantu banji ne kwibakuula.
69Witwimenya lusengo wa lupulukilo
mu kisaka kya kalume wanji Davida,
70Byonka byo a ambile pa kanwa ka bangauzhi banji bazhila kufuma kukala.
71Amba uketupulusha kufuma ku balwanyi betu,
ne kufuma mukuboko kwa bonse betushikwa.
72Kumwesha lusa ku bashakulu betu
ne kuvuluka mulaye wanji wazhila.
73Luchipo loachipile ku mushakulu wetu Abulahama,
74lwa kwitupa atweba amba, tupokololwe kufuma ku kuboko kwa balwanyi betu,
tukamwingijilenga kwakubula moyo,
75monka mu buzhile ne mu bololoke ku meso anji
moba a bumi bwetu bonse.”
76 #
Mala 3:1
“Kine obewa mwana ukatelwa amba ngauzhi wa Mwine Wakila;
mambo obewa ukatangila kulutwe ya Nkambo na kumunengezhezha mashinda anji.
77Na kwibapa maana a lupulukilo bantu banji
mu kwibalekela mambo a bubi bwabo.
78Mambo Lesa wetu wa lusa,
usa kwitupempula, byonka byo jiseela juba mwiulu,
79 #
Isa 9:2
mu kwibasaamina abo baikala mu mfishi ne mu kimvule kya lufu,
ne kutangijila maulu etu mu jishinda ja mutende.”
80Ne mwana wakomenenga kasa aya na kukosa mu mupashi. Waikajilenga mungye kufika ne juba jo akesolwele ku bena Isalela.
Currently Selected:
Luka 1: KNTP
Highlight
Share
Copy
Want to have your highlights saved across all your devices? Sign up or sign in
The Kaonde New Testament © The Bible Society of Zambia, 2019.
Luka 1
1
1Anweba Teofilusa.
Bavula baesekele kunemba mo byalondankena abya bintu bya fikizhiwa mwi atweba. 2Monka mo betubujilebyo abo bebimwene na meso kabiji bamwingilo wa Mambo Awama kufuma ku ntendekelo. 3Kabiji kyangwamijile amiwa, byo ne bilondelelondele byonse ne kumvwa bulongo kufuma ku ntendekelo, nalangulukile kwimunembela mo bya londankena anweba kinemanga Teofilusa. 4Namba muyukishetu amba, abya byambo byo mwafunjishiwe byo bya kine.
Kwambilwa jimo kwa kusemwa kwa Yoano Mubatishi
5 #
1 Moba 24:10
Mu myaka yakwa Heloda mfumu wa mu Yudea,#1:5 Yudea: Ino ke ntanda yonse ya Filishitiya. kwajinga ng'anga wa Lesa, jizhina janji Zakaliya wa mukipamo kya Abiya. Ne mukazhanji wajinga wa mu baana ba Alona, jizhina janji Elizabeta. 6Bubiji bwabo bajinga baoloka ku meso a Lesa, ba endelenga kwakubula mambo monka mu mikambizho ne mu mizhilo ya Nkambo. 7Bino kechi bajinga na mwana ne, mambo Elizabeta wajinga ng'umba, ne bonse babiji bajinga bakote.
8Juba jimo Zakaliya waingijilenga mwingilo wa bung'anga ku meso a Lesa mukipamo kyanji mokyalondankena. 9Monka mwayijile kisela kya bung'anga, aye wasalulwilwe na bubale amba atwele mu nzubo ya Nkambo na kusoka bya kufutumuna. 10Ne jibumba jonse ja bantu jalombelenga pangye pa kimye kya kusoka bya kufutumuna. 11Ponkapo kwamumwekejile malaika wa Nkambo kasa aimana ku kilujo kya kyakusokelapo bya kufutumuna. 12Ne Zakaliya byo a mumwene malaika, muchima wanji walukuchile, ne moyo wamukwachile. 13Bino malaika wamwambijile amba, “Zakaliya kechi ube moyo ne, mambo milombelo yobe yaumvwanyika, ne mukazhobe Elizabeta uka kusemena mwana wamulume, ne obewa ukamutumba jizhina janji amba Yoano. 14Ne obewa ukamona lusekelo ne kusangalala, ne bavula bakasekelela pa kusemwa kwanji! 15#Bala 6:3Mambo aye ukekala mukatampe ku meso a Nkambo. Kabiji kechi ukutoma binyu nangwa bipendang'ana ne, ne aye ukayulwa na Mupashi Wazhila kufuma munda mwa inanji. 16Ne aye ukebalulwila bavula bena Isalela kwi Nkambo Lesa wabo. 17#Mala 4:5,6 Kabiji ne aye ukatangilapo palutwe ya kwa Nkambo mu mupashi ne mu bulume bwa kwa Elaija, na kwalula michima ya bashabo ku baana, ne bamilengulwila amba bende mu maana a baoloka, amunengezhezhe jimo Nkambo bantu bo ba lumbulwila jimo.”
18Ne Zakaliya wamwipwizhe malaika amba, “Lelo kino nkekiyukila kuka? Mambo amiwa ne mukote, ne mukazhami naye wakota.”
19 #
Dan 8:16; 9:21 Ne malaika wamwambijile amba, “Amiwa yami Ngabaliela, ng'imana ku meso a Lesa, kabiji natumwa na kwisamba ne obewa, ne kukubuula ano mambo awama. 20Kabiji tala, obewa ukekala kamaama ubula kwamba kufika ne juba jo bikamweka bino bintu, mambo kechi waitaba byambo byami ne, abyo bikafikizhiwa mu kimye kyabyo.”
21Ne bantu bamupembejilenga Zakaliya, bakuminye byo abanjile mu nzubo ya Lesa. 22Byo alupukile, kechi wakonsheshe kwamba naabo ne, kabiji bayukile amba wamona kimwesho mu nzubo ya Lesa. Ne aye wibakebawilenga kasa aji kamaama.
23Kabiji kimye kyanji kya mwingilo byo kyapwile, wabwelele kwanji. 24Pakupita oa moba mukazhanji Elizabeta waimichile, ne kwifya wifiile mwine bang'ondo batanu amba, 25“Nkambo wangubila bibye mu moba o antala amiwa, wamfumya bumvu ku bantu!”
Kwambilwa jimo kwa kusemwa kwa Yesu
26Mu ng'ondo wa butanu na umo, Lesa watumine malaika Ngabaliela ku muzhi wa mu Ngalilea jizhina janji Nazala. 27#Mat 1:18 Ku muzhike wakishinka wabula kusambakanapo na mwanamulume ye baipangwizhe ku mwanamulume jizhina janji Yosefwa, wa mu kisaka kya Davida. Ne jizhina ja uno muzhike wajinga Maliya. 28Ne aye malaika waishile kwi aye ne kwamba amba, “Mutende obewa watokwa bingi, Nkambo uji ne obewa!”
29Ne aye Maliya muchima wanji walukuchile bingi na bino byambo, ne kulanguluka amba, leelo luno lwimu lwayila muka? 30Ne malaika wamwambijile amba, “Kuuba moyo ne, Maliya, mambo waubilwa bibusa kwi Lesa. 31#Mat 1:21 Kabiji tala, ukemita mwana munda mobe kabiji ukasema mwana wamulume, ne obewa ukamutumba jizhina janji amba Yesu. 32#2 Sam 7:12,13,16; Isa 9:7 Aye ukekala ke mukatampe kabiji ukatelwa amba Mwana wa Mwine Wakila. Ne Nkambo Lesa ukamupa jitanda ja bufumu bwa shanji Davida, 33kabiji aye ukekala mfumu mu kisaka kya Yakoba myaka yonsetu, ne bufumu bwanji kechi bukapwa ne.”
34Ne Maliya wamwambijile malaika amba, “Kino kikamweka byepi, byo nabula kusambakanapo na mwanamulume?”
35Ne malaika wamukumbwile amba, “Mupashi Wazhila ukeya pe obewa ne bulume bwa Mwine Wakila bukakunyeng'amina onkao mambo awa mwana ukasemwa wazhila ukatelwa amba, Mwana Lesa. 36Kabiji tala, mulongo wobe Elizabeta naye mu bukote bwanji waimita mwana wamulume, ne uno ke ng'ondo wa butanu na umo yenkawa ye batelelenga amba ng'umba. 37#Nte 18:14Mambo aye Lesa kafwako kyo akankalwa ne.”
38Ne Maliya wa ambile amba, “Amiwa bano muzha wa Nkambo; kingubilwe amiwa monka mwayila byambo byenu.” Ne ponkapo malaika wamushiile ne kumusha.
Maliya byo amupempwile Elizabeta
39Mu onka a moba Maliya waimene kuya lubilo ku ntanda ya mu mintumba, ku muzhi wa mu Yuda.
40Kabiji watwelele mu nzubo ya kwa Zakaliya ne kumwimuna Elizabeta. 41Ne Elizabeta byo a umvwine lwimu lwa kwa Maliya, ponkapo mwana wafunkiishe munda mwanji. Ne Elizabeta wayujilwe na Mupashi Wazhila, 42ne aye wabijikile na jiwi jikatampe, ne kwamba amba, “Wakila mu kutokwa obewa mu banabakazhi, ne kipangwa kya munda mobe nakyo kyatokwa! 43Kabiji mambo ka kino kyaubiwa kwi amiwa, amba inanji Nkambo yami waiya kwi amiwa? 44Mambo tala, jiwi ja lwimu lobe byo jaji kufika mu matwi ami, mwana waji kufunkisha na lusekelo. 45Kabiji watokwa awa mwanamukazhi waitabila amba kikafikizhiwa akya kyaambiwe kwi aye kufuma kwi Nkambo!”
Lwimbo wa Maliya wa lutotelo
46Ne Maliya wa ambile amba,
“Muchima wami wamutumbijika Nkambo;
47ne mupashi wami wasekela mwi Lesa, Mupulushi wami,
48 #
1 Sam 1:11
mambo watala pa buyanji bwa muzha wanji!
Kabiji talai, kufuma pa juba ja leelo ba mu bisemi byonse bakanteela amba watokwa
49mambo aye wa bulume ye wangubila bintu bikatampe.
Ne jizhina janji jo jazhila,
50lusa lwanji luji pa boba bamwakamwa,
kufuma ku kisemi ne kufika ku kisemi kikwabo.
51Wauba mingilo ya bulume na kuboko kwanji;
ne kupalang'anya betota mu milanguluko ya mu michima yabo.
52 #
Yoba 5:11; 12:19 Wibafumya ba mfumu pa matanda abo,
ne kwi batumbijika bapelulwa.
53Baji na nzala wibekusha na bintu byawama,
ne banonshi wibemanya mabokotu.
54Wamukwasha kalume wanji Isalela,
byo avuluka lusa lwanji,
55 #
Nte 17:7
#
1 Sam 2:1-10
byonka byo a ambile ku bashakulu betu,
kwi Abulahama ne ba mukisemi kyanji myaka ne myaka.”
56Kabiji Maliya waikajile nanji pepi bang'ondo basatu kepo abwelele ku nzubo yanji.
Kusemwa kwa Yoano Mubatishi
57Pano Elizabeta ng'ondo wanji wa kusema mwana wafikile, ne aye wasemene mwana wamulume. 58Ne bo aikajile naabo ne balongo banji baumvwine amba Nkambo wamubila lusa lukatampe, ne abo basekejile nanji pamo.
59 #
Levi 12:3
Ne mu juba ja butanu na busatu baishile kumuba mwana kisela kya mukanda. Ne abo bakebele kumutumba jizhina amba Zakaliya jizhina ja shanji. 60Kumvwa inanji amba, “Ajo ne! Janji Yoano.”
61Kumvwa abo amba, “Kafwako mulongo wobe uji na jojo jizhina ne.” 62Ponkapo bamwipwizhe shanji mu bu kamaama amba, “Mwasaka mwana ku mutumba amba ng'anyi?”
63Ne aye walombele kya kunembapo, ne kunemba wanembele amba “Jizhina janji Yoano.” Ne bonse bakuminye. 64Ne ponkapotu jiwi janji ja shinkukile ne lujimi wanji wakasulukile, ne kwamba wa ambile, ne kutota Lesa. 65Ne moyo wibakwachile bonse bo aikajile naabo kwipi, ne bino byonse bya ambilwe monse mu ntanda ya mitumba ya Yudea. 66Ne bonse bebyumvwine bebilamine mu michima yabo amba, “Lelo uno mwana ukekala wa byepi?” Mambo kuboko kwa Nkambo kwajinga pe aye.
Bungauzhi bwa kwa Zakaliya
67Ne shanji Zakaliya wayujilwe na Mupashi Wazhila ne kwaula amba,
68“Atotwe Nkambo Lesa wa bena Isalela,
mambo wapesha bantu banji ne kwibakuula.
69Witwimenya lusengo wa lupulukilo
mu kisaka kya kalume wanji Davida,
70Byonka byo a ambile pa kanwa ka bangauzhi banji bazhila kufuma kukala.
71Amba uketupulusha kufuma ku balwanyi betu,
ne kufuma mukuboko kwa bonse betushikwa.
72Kumwesha lusa ku bashakulu betu
ne kuvuluka mulaye wanji wazhila.
73Luchipo loachipile ku mushakulu wetu Abulahama,
74lwa kwitupa atweba amba, tupokololwe kufuma ku kuboko kwa balwanyi betu,
tukamwingijilenga kwakubula moyo,
75monka mu buzhile ne mu bololoke ku meso anji
moba a bumi bwetu bonse.”
76 #
Mala 3:1
“Kine obewa mwana ukatelwa amba ngauzhi wa Mwine Wakila;
mambo obewa ukatangila kulutwe ya Nkambo na kumunengezhezha mashinda anji.
77Na kwibapa maana a lupulukilo bantu banji
mu kwibalekela mambo a bubi bwabo.
78Mambo Lesa wetu wa lusa,
usa kwitupempula, byonka byo jiseela juba mwiulu,
79 #
Isa 9:2
mu kwibasaamina abo baikala mu mfishi ne mu kimvule kya lufu,
ne kutangijila maulu etu mu jishinda ja mutende.”
80Ne mwana wakomenenga kasa aya na kukosa mu mupashi. Waikajilenga mungye kufika ne juba jo akesolwele ku bena Isalela.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Kaonde New Testament © The Bible Society of Zambia, 2019.