Luka BYA KULUMBULULA
BYA KULUMBULULA
Mambo Awama a nembele Luka amwesha Yesu amba ye Mupulushi walayilwe ku bena Isalela kabiji amba ye Mupulushi wa mitundu yonse ya bantu. Luka wanemba amba Yesu waichilwe na Mupashi wa Nkambo “Usapwile Mambo Awama ku balanda,” (4:18) ne ano Mambo Awama ateshako maana ku bantu bakajilwa mu misango yonse. Lusekelo lwamwekeshatu mu Luka, kikatakata mu ma kyapitala atanshi mwa ambiwa kwiya kwa Yesu, kabiji ne kupezhako, Yesu byo ayile mwiulu. Kukoma ne kukumbana kwa Lwitabilo lwa bwina Kilishitu wa amba uno munembeshi Yesu kasa aya kala mwiulu mu Byubilo Bya Batumwa.
Kibese kya bubiji ne kya butanu na kimo (monai mu mutanchi wa bintu biji mu uno buku panshi) muji bintu byavula mu uno buku wa Mambo Awama, biji nobe lwimbo wa bamalaika ne ba kafunga mikooko pa kusemwa Yesu, kabiji ne Yesu byo ajinga mu nzubo yazhila ya Lesa kasa akiji mwanyike, ne bishimpi bya mwina Samaliya wawama ne mwana walubile. Mu onse ano Mambo Awama wa ambisha kyabaya pa milombelo, ne pa Mupashi Wazhila, ne pa lubaji lwa bainetu mu mwingilo wa Yesu, ne pa kulekelwa bubi kwi Lesa.
Mutanchi wa bintu biji mu uno buku
Bya kutatwilako 1:1-4
Kusemwa kwa Yoano Mubatishi ne kwa Yesu 1:5—2:52
Mwingilo wa Yoano Mubatishi 3:1-20
Ku batizhiwa ne lweseko lwa Yesu 3:21—4:13
Mwingilo wa Yesu mu Ngalilea 4:14—9:50
Kufuma ku Ngalilea kuya ku Yelusalema 9:51—19:27
Mulungu wapeleleko mu Yelusalema ne mizhi ya ku bwipi 19:28—23:56
Lusanguko, ne kumweka, ne kuya mwiulu kwa Nkambo 24:1-53
Currently Selected:
Luka BYA KULUMBULULA: KNTP
Highlight
Share
Copy
Want to have your highlights saved across all your devices? Sign up or sign in
The Kaonde New Testament © The Bible Society of Zambia, 2019.
Luka BYA KULUMBULULA
BYA KULUMBULULA
Mambo Awama a nembele Luka amwesha Yesu amba ye Mupulushi walayilwe ku bena Isalela kabiji amba ye Mupulushi wa mitundu yonse ya bantu. Luka wanemba amba Yesu waichilwe na Mupashi wa Nkambo “Usapwile Mambo Awama ku balanda,” (4:18) ne ano Mambo Awama ateshako maana ku bantu bakajilwa mu misango yonse. Lusekelo lwamwekeshatu mu Luka, kikatakata mu ma kyapitala atanshi mwa ambiwa kwiya kwa Yesu, kabiji ne kupezhako, Yesu byo ayile mwiulu. Kukoma ne kukumbana kwa Lwitabilo lwa bwina Kilishitu wa amba uno munembeshi Yesu kasa aya kala mwiulu mu Byubilo Bya Batumwa.
Kibese kya bubiji ne kya butanu na kimo (monai mu mutanchi wa bintu biji mu uno buku panshi) muji bintu byavula mu uno buku wa Mambo Awama, biji nobe lwimbo wa bamalaika ne ba kafunga mikooko pa kusemwa Yesu, kabiji ne Yesu byo ajinga mu nzubo yazhila ya Lesa kasa akiji mwanyike, ne bishimpi bya mwina Samaliya wawama ne mwana walubile. Mu onse ano Mambo Awama wa ambisha kyabaya pa milombelo, ne pa Mupashi Wazhila, ne pa lubaji lwa bainetu mu mwingilo wa Yesu, ne pa kulekelwa bubi kwi Lesa.
Mutanchi wa bintu biji mu uno buku
Bya kutatwilako 1:1-4
Kusemwa kwa Yoano Mubatishi ne kwa Yesu 1:5—2:52
Mwingilo wa Yoano Mubatishi 3:1-20
Ku batizhiwa ne lweseko lwa Yesu 3:21—4:13
Mwingilo wa Yesu mu Ngalilea 4:14—9:50
Kufuma ku Ngalilea kuya ku Yelusalema 9:51—19:27
Mulungu wapeleleko mu Yelusalema ne mizhi ya ku bwipi 19:28—23:56
Lusanguko, ne kumweka, ne kuya mwiulu kwa Nkambo 24:1-53
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Kaonde New Testament © The Bible Society of Zambia, 2019.