Luka 23
23
Yesu byo bamuletele kwi Pilato
(Mateo 27:1-2,11-14; Mako 15:1-5; Yoano 18:28-38)
1Ponkapo jibumba jonse jaimene ne kumutwala kwi Pilato, 2kabiji batatwile kumubepela amba, “Twataine uno muntu kasa atwala mukoka wetu mungi ne kwitukanya kupana musonko kwi Kesala, ne kwamba amba, aye mwine ye Kilishitu, mfumu.”
3Ne Pilato wamwipwizhe amba, “Nanchi anweba mwi mfumu wa Bayudea nyi?”
Ne aye wamukumbwile amba, “Mwafikilapotu.”
4Ponkapo Pilato wibambijile bang'anga bakatampe ne mabumba amba, “Kechi naatana mambo mu ye uno muntu ne.”
5Pakuba abo bakoselekotu nalupata amba, “Walengela bantu bonse mu Yudea kusatuka na mafunjisho anji, kutatwila ku Ngalilea kufika ne kuno.”
Yesu bamutuma kwi Heloda
6Pilato pakumvwa byo byo, waipwizhe amba, “Ye mwina Ngalilea nyi?” 7Kabiji byo ayukile amba, ye wa mu bufumu bwa kwa Heloda, wamutumine kwi Heloda mambo wajinga mu Yelusalema mu oa moba. 8Ne aye Heloda byo a mumwene Yesu, wasekejile bingi mambo moba avula wasakilenga amba amumone, mambo wamumvwinengatu kabiji wa ketekejile amba Yesu usa kuubapo kiyukilo nangwa kimo. 9Ponkapo Heloda wamwipwizhe Yesu mepuzho avula, bino Yesu kechi wakumbwile ne. 10Bang'anga bakatampe ne banembeshi baimene konka, kasa bamushiina nalupata. 11Kabiji Heloda ne bashilikale banji bamulengulwile ne kumwendeleka. Kabiji bamuvwikile ne kivwalo kyalezhima, ne kumubwezha kwi Pilato. 12Ne pa jonkaja juba Heloda ne Pilato bapwang'ene bene na bene, mambo kala beikajile na mfika.
Yesu bamuchibila mambo amba wafwainwa Kufwa
(Mateo 27:15-26; Mako 15:6-15; Yoano 18:39-40; 19:1-16)
13Pilato ponkapo wakonkenye pamo bang'anga bakatampe ne ba ndamabyalo ne bantu, 14ne kwibambila amba, “Anweba mwandetela uno muntu amba ubena kusendula bantu. Ne amiwa pa kumwipuzhaipuzha ku meso enu, talai, kechi namutaana na mambo uno muntu a byobya byo mwamushiina ne. 15Nangwa Heloda naye kechi wamutaana na mambo ne, kyo amubwezhezha kwi atweba. Talai, kafwako kyo auba kyafwainwa lufu ne. 16Onkao mambo nsa kumufundatu ne kumukasulula.” 17Mambo kyamufwainwe kwibakasulwila kaili umo mu juba ja kijiilo#23:17 Amo ma buku a mu kigiliki kechi aji na veleshi 17 ne(Monai Mako 15:6)..
18Kabiji bonse babijikile pamo, amba, “Mwipayai ao muntu! Atweba mwitukasulwileko Balabasa!” 19(Balabasa wakatailwe mu kaleya na mambo a kusatuka ko basatukile mu muzhi ne na mambo a kwipayang'ana.)
20Pilato wibambijile ja bubiji, mambo wasakile kumukasulula Yesu. 21Pakuba abo batwajijile na kubijika amba, “Mupopai! Mupopai!”
22Pilato wibambijile ja busatu amba, “Nanchi mambo ka, ng'anyi kintu kyatama kyo auba? Kechi namonamo mambo mwi aye afwainwa lufu ne. Byonkabyo nsa kumupumatu ne kumukasulula.”
23Pakuba abo batwajijiletu na kubijika na mawi a peulu amba Yesu wafwainwa kupopwa pa musalabu. Ne mawi abo a mukokeeshe Pilato. 24Onkao mambo Pilato wapwishishe kuuba monka mobasakijile. 25Wamukasulwile ye basakile, yenka ye batayile mu kaleya na mambo a kusatuka ne kwipayang'ana, pakuba wibapele Yesu amba bamube monka mwasakila michima yabo.
Kupopwa kwa Yesu pa musalabu
(Mateo 27:32-44; Mako 15:21-32; Yoano 17:20-26)
26Kabiji byo bamutwajilenga, bakwachile umo Shimona mwina Kilene, wafuminenga kungi, ne kumutwika musalabu amba asende a mulondelenga Yesu.
27Kabiji jibumba jikatampe ja bantu ja mulondejilenga ne banabakazhi bamujijilenga mabingo ne kwipaapa. 28Bino Yesu waalulukile ne kwibambila amba, “Anweba baana bakazhi bamu Yelusalema, kechi munjile amiwa ne, pakuba ijilai anweba bene ne baana benu.”
29“Mambo moba abena kwiya mo bakamba amba, ‘Batokwa ba ng'umba ne mavumo abula kusemapo ne mabele abula kwamwishapo! 30#Hos 10:8; Lum 6:16Ponkapo bakatatula kwambila mitumba amba tuponenai, ne tutumbatumba amba tumvwetai!’ 31Pano umvwe bauba bibye na kichi kya talala, leelo bakooba byepi na kichi kyauma?”
32Kwajinga bakwabo babiji, batupondo bo batwajile pamo ne Yesu na kwipayiwa.
33Kabiji byo bafikile pantu patelwa amba, “Kiboyongolo,” bamupopele pa musalabu konkakwa ne batupondo, umo ku kilujo kyanji ne mukwabo ku kipiko kyanji. 34#Sala 22:18Kabiji Yesu wa ambile amba, “Taata! Balekelaiko mambo, mambo kechi bayuka kyo babena kuuba ne.”
Kabiji ne abo kasa bataaya bubale bwa kwiabenya bivwalo byanji. 35#Sala 22:7Ne bantu baimene kasa bamutala, bino bandamakyalo ke bamunene mwenga amba, “Wapulwishenga bakwabo, mulekai epulushe mwine, umvwe ye Kilishitu wasalwa kwi Lesa!”
36 #
Sala 69:21
Ne bashilikale nabo ke bamwendeleke, baishile koaji ne kumupa binyu byasasa, 37ne kwamba amba, “Inge wi mfumu wa Bayudea, ipulushe obewa mwine!”
38Pajinga ne kinembelo kyanembelwe peulu yanji amba, “UNO YE MFUMU WA BAYUDEA.”
39Ne umo wa boba batupondo ba pachikilwe nanji wamunene mwenga amba, “Kechi yenu Kilishitu nyi? Ipulushai anweba bene ne atweba pamo” 40Pakuba mukwabo wamulengulwile amba, “Anweba kechi muchiina Lesa, byo mwachibilwa mambo ne kuzhachishiwa pamo ne aye nyi? 41Bino atweba kitufwainwa, mambo atweba tubena kutambula mfweto monka mwayila byubilo byetu; pakuba uno muntu kafwako kyatama kyo auba ne.” 42Ne aye wa ambile amba, “Yesu, mukamvuluke byo mukeya mu bufumu bwenu!”
43Ne aye wamwambijile amba, “Kine nemwambila namba, jonka jino juba ja leelo musa kwikala ne amiwa mu Paladisa.”
Lufu lwa Yesu
(Mateo 27:45-56; Mako 15:33-41; Yoano 19:28-30)
44 #
Lupu 26:31-33
Byo kyafikile pepi na kushinkimana juba, kwaubile mfishi ponse pano pantanda kufika ne pa kulemba juba, 45juba jalekele kupana kyeya. Ne kipembe kya mu nzubo ya Lesa kyatabukile pakachi ke bibiji. 46#Sala 31:5Ponkapo Yesu wabijikile na jiwi jikatampe amba, “Taata! Natuula mupashi wami mu maboko enu!” Ponkapotu pakwamba byobyo wafwile.
47Kabiji mukulumpe wa bashilikale pa kumona kyaubiwe, watumbijikile Lesa amba, “Kine uno wajinga muntu wabula mambo!”
48Kabiji mabumba onse apwijile na kumona akya kintu, byo bebimwene byaubiwe, babwelele kwabo na kwipuma pa byaji byabo. 49#Lu 8:2,3Ne bonse bayukane nanji Yesu, ne banabakazhi bamulondejilenga kufuma ku Ngalilea baimene kwalepa na kumona bino bintu.
Kuzhiikwa kwa Yesu
(Mateo 27:57-61; Mako 15:42-47; Yoano 19:38-42)
50Pano kwajinga muntu umo jizhina janji Yosefwa, membala wa mukije, muntu wawama ne koloka, 51uno wajinga mwina Alimatea muzhi wa Bayudea, aye kechi waitabazhene naabo nakyo bafukwile kuuba ne, kabiji aye watengejilenga bufumu bwa Lesa. 52Uno muntu wayile kwi Pilato na kulomba mubiji wa Yesu. 53Kabiji wamwikizhe panshi ne kumupomba mu kisapi kya linenyi ne kumubika mu kilende kyo basongele mu jibwe, kyo bakyangye kubikamo muntu. 54Aja juba jajinga ja kunengezhezha jimo bya kijiilo, ne juba ja Sabado jafwenyenye ke pepi. 55Ne aba banabakazhi bo aishile naabo kufuma ku Ngalilea balondejile ne kumona kilende ne byo babikile mubiji wa Yesu monka. 56#Lupu 20:10; Mpitu 5:14Kabiji byo babwelele banengezhezhe jimo binunka bulongo ne manyi.
Kabiji mu juba ja Sabado ba kokolokele monka mwayila mukambizho.
Currently Selected:
Luka 23: KNTP
Highlight
Share
Copy
Want to have your highlights saved across all your devices? Sign up or sign in
The Kaonde New Testament © The Bible Society of Zambia, 2019.
Luka 23
23
Yesu byo bamuletele kwi Pilato
(Mateo 27:1-2,11-14; Mako 15:1-5; Yoano 18:28-38)
1Ponkapo jibumba jonse jaimene ne kumutwala kwi Pilato, 2kabiji batatwile kumubepela amba, “Twataine uno muntu kasa atwala mukoka wetu mungi ne kwitukanya kupana musonko kwi Kesala, ne kwamba amba, aye mwine ye Kilishitu, mfumu.”
3Ne Pilato wamwipwizhe amba, “Nanchi anweba mwi mfumu wa Bayudea nyi?”
Ne aye wamukumbwile amba, “Mwafikilapotu.”
4Ponkapo Pilato wibambijile bang'anga bakatampe ne mabumba amba, “Kechi naatana mambo mu ye uno muntu ne.”
5Pakuba abo bakoselekotu nalupata amba, “Walengela bantu bonse mu Yudea kusatuka na mafunjisho anji, kutatwila ku Ngalilea kufika ne kuno.”
Yesu bamutuma kwi Heloda
6Pilato pakumvwa byo byo, waipwizhe amba, “Ye mwina Ngalilea nyi?” 7Kabiji byo ayukile amba, ye wa mu bufumu bwa kwa Heloda, wamutumine kwi Heloda mambo wajinga mu Yelusalema mu oa moba. 8Ne aye Heloda byo a mumwene Yesu, wasekejile bingi mambo moba avula wasakilenga amba amumone, mambo wamumvwinengatu kabiji wa ketekejile amba Yesu usa kuubapo kiyukilo nangwa kimo. 9Ponkapo Heloda wamwipwizhe Yesu mepuzho avula, bino Yesu kechi wakumbwile ne. 10Bang'anga bakatampe ne banembeshi baimene konka, kasa bamushiina nalupata. 11Kabiji Heloda ne bashilikale banji bamulengulwile ne kumwendeleka. Kabiji bamuvwikile ne kivwalo kyalezhima, ne kumubwezha kwi Pilato. 12Ne pa jonkaja juba Heloda ne Pilato bapwang'ene bene na bene, mambo kala beikajile na mfika.
Yesu bamuchibila mambo amba wafwainwa Kufwa
(Mateo 27:15-26; Mako 15:6-15; Yoano 18:39-40; 19:1-16)
13Pilato ponkapo wakonkenye pamo bang'anga bakatampe ne ba ndamabyalo ne bantu, 14ne kwibambila amba, “Anweba mwandetela uno muntu amba ubena kusendula bantu. Ne amiwa pa kumwipuzhaipuzha ku meso enu, talai, kechi namutaana na mambo uno muntu a byobya byo mwamushiina ne. 15Nangwa Heloda naye kechi wamutaana na mambo ne, kyo amubwezhezha kwi atweba. Talai, kafwako kyo auba kyafwainwa lufu ne. 16Onkao mambo nsa kumufundatu ne kumukasulula.” 17Mambo kyamufwainwe kwibakasulwila kaili umo mu juba ja kijiilo#23:17 Amo ma buku a mu kigiliki kechi aji na veleshi 17 ne(Monai Mako 15:6)..
18Kabiji bonse babijikile pamo, amba, “Mwipayai ao muntu! Atweba mwitukasulwileko Balabasa!” 19(Balabasa wakatailwe mu kaleya na mambo a kusatuka ko basatukile mu muzhi ne na mambo a kwipayang'ana.)
20Pilato wibambijile ja bubiji, mambo wasakile kumukasulula Yesu. 21Pakuba abo batwajijile na kubijika amba, “Mupopai! Mupopai!”
22Pilato wibambijile ja busatu amba, “Nanchi mambo ka, ng'anyi kintu kyatama kyo auba? Kechi namonamo mambo mwi aye afwainwa lufu ne. Byonkabyo nsa kumupumatu ne kumukasulula.”
23Pakuba abo batwajijiletu na kubijika na mawi a peulu amba Yesu wafwainwa kupopwa pa musalabu. Ne mawi abo a mukokeeshe Pilato. 24Onkao mambo Pilato wapwishishe kuuba monka mobasakijile. 25Wamukasulwile ye basakile, yenka ye batayile mu kaleya na mambo a kusatuka ne kwipayang'ana, pakuba wibapele Yesu amba bamube monka mwasakila michima yabo.
Kupopwa kwa Yesu pa musalabu
(Mateo 27:32-44; Mako 15:21-32; Yoano 17:20-26)
26Kabiji byo bamutwajilenga, bakwachile umo Shimona mwina Kilene, wafuminenga kungi, ne kumutwika musalabu amba asende a mulondelenga Yesu.
27Kabiji jibumba jikatampe ja bantu ja mulondejilenga ne banabakazhi bamujijilenga mabingo ne kwipaapa. 28Bino Yesu waalulukile ne kwibambila amba, “Anweba baana bakazhi bamu Yelusalema, kechi munjile amiwa ne, pakuba ijilai anweba bene ne baana benu.”
29“Mambo moba abena kwiya mo bakamba amba, ‘Batokwa ba ng'umba ne mavumo abula kusemapo ne mabele abula kwamwishapo! 30#Hos 10:8; Lum 6:16Ponkapo bakatatula kwambila mitumba amba tuponenai, ne tutumbatumba amba tumvwetai!’ 31Pano umvwe bauba bibye na kichi kya talala, leelo bakooba byepi na kichi kyauma?”
32Kwajinga bakwabo babiji, batupondo bo batwajile pamo ne Yesu na kwipayiwa.
33Kabiji byo bafikile pantu patelwa amba, “Kiboyongolo,” bamupopele pa musalabu konkakwa ne batupondo, umo ku kilujo kyanji ne mukwabo ku kipiko kyanji. 34#Sala 22:18Kabiji Yesu wa ambile amba, “Taata! Balekelaiko mambo, mambo kechi bayuka kyo babena kuuba ne.”
Kabiji ne abo kasa bataaya bubale bwa kwiabenya bivwalo byanji. 35#Sala 22:7Ne bantu baimene kasa bamutala, bino bandamakyalo ke bamunene mwenga amba, “Wapulwishenga bakwabo, mulekai epulushe mwine, umvwe ye Kilishitu wasalwa kwi Lesa!”
36 #
Sala 69:21
Ne bashilikale nabo ke bamwendeleke, baishile koaji ne kumupa binyu byasasa, 37ne kwamba amba, “Inge wi mfumu wa Bayudea, ipulushe obewa mwine!”
38Pajinga ne kinembelo kyanembelwe peulu yanji amba, “UNO YE MFUMU WA BAYUDEA.”
39Ne umo wa boba batupondo ba pachikilwe nanji wamunene mwenga amba, “Kechi yenu Kilishitu nyi? Ipulushai anweba bene ne atweba pamo” 40Pakuba mukwabo wamulengulwile amba, “Anweba kechi muchiina Lesa, byo mwachibilwa mambo ne kuzhachishiwa pamo ne aye nyi? 41Bino atweba kitufwainwa, mambo atweba tubena kutambula mfweto monka mwayila byubilo byetu; pakuba uno muntu kafwako kyatama kyo auba ne.” 42Ne aye wa ambile amba, “Yesu, mukamvuluke byo mukeya mu bufumu bwenu!”
43Ne aye wamwambijile amba, “Kine nemwambila namba, jonka jino juba ja leelo musa kwikala ne amiwa mu Paladisa.”
Lufu lwa Yesu
(Mateo 27:45-56; Mako 15:33-41; Yoano 19:28-30)
44 #
Lupu 26:31-33
Byo kyafikile pepi na kushinkimana juba, kwaubile mfishi ponse pano pantanda kufika ne pa kulemba juba, 45juba jalekele kupana kyeya. Ne kipembe kya mu nzubo ya Lesa kyatabukile pakachi ke bibiji. 46#Sala 31:5Ponkapo Yesu wabijikile na jiwi jikatampe amba, “Taata! Natuula mupashi wami mu maboko enu!” Ponkapotu pakwamba byobyo wafwile.
47Kabiji mukulumpe wa bashilikale pa kumona kyaubiwe, watumbijikile Lesa amba, “Kine uno wajinga muntu wabula mambo!”
48Kabiji mabumba onse apwijile na kumona akya kintu, byo bebimwene byaubiwe, babwelele kwabo na kwipuma pa byaji byabo. 49#Lu 8:2,3Ne bonse bayukane nanji Yesu, ne banabakazhi bamulondejilenga kufuma ku Ngalilea baimene kwalepa na kumona bino bintu.
Kuzhiikwa kwa Yesu
(Mateo 27:57-61; Mako 15:42-47; Yoano 19:38-42)
50Pano kwajinga muntu umo jizhina janji Yosefwa, membala wa mukije, muntu wawama ne koloka, 51uno wajinga mwina Alimatea muzhi wa Bayudea, aye kechi waitabazhene naabo nakyo bafukwile kuuba ne, kabiji aye watengejilenga bufumu bwa Lesa. 52Uno muntu wayile kwi Pilato na kulomba mubiji wa Yesu. 53Kabiji wamwikizhe panshi ne kumupomba mu kisapi kya linenyi ne kumubika mu kilende kyo basongele mu jibwe, kyo bakyangye kubikamo muntu. 54Aja juba jajinga ja kunengezhezha jimo bya kijiilo, ne juba ja Sabado jafwenyenye ke pepi. 55Ne aba banabakazhi bo aishile naabo kufuma ku Ngalilea balondejile ne kumona kilende ne byo babikile mubiji wa Yesu monka. 56#Lupu 20:10; Mpitu 5:14Kabiji byo babwelele banengezhezhe jimo binunka bulongo ne manyi.
Kabiji mu juba ja Sabado ba kokolokele monka mwayila mukambizho.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Kaonde New Testament © The Bible Society of Zambia, 2019.