Luka 24
24
Lusanguko
(Mateo 28:1-10; Mako 16:1-8; Yoano 20:1-10)
1Bino pa juba jitanshi ja mulungu, kumakyamakya, bayile ku kilende, kasa basenda binunka bulongo byo banengezhezhe jimo. 2Kabiji bataine jibwe bejaalumunako kala ku kilende, 3bino byo batwelelemo kechi batainemo mubiji wa Nkambo Yesu ne. 4Byo baimene na kukumya na mambo a kino, talai banabalume babiji baimene ko baji mu bivwalo bibekauka. 5Kabiji byo baubile moyo ne kukunyika bilungi byabo panshi, aba banabalume bebambijile amba, “Musakila ka mumi mu bafu? 6#Mat 16:21; 17:22,23; 20:18,19; Mako 8:31; 9:31; 10:33,34; Lu 9:22; 18:31-33Kechi uji muno ne, wasanguka. Vulukai byo emwambijile, byo akijinga mu Ngalilea amba, 7‘Mwana Muntu kyamufwainwa akasololwe ku maboko a babi, ne kupopwa kabiji mu juba ja busatu ukasanguka.’”
8Kepo bavulukile byambo byanji, 9kabiji bafumineko ku kilende, babwelele na kwibabuula byonse ba jikumi na umo ne bonse bakwabo. 10Bano bajinga Maliya wa ku Magadala ne Yoana ne Maliya ina Yakoba, ne bakwabo banabakazhi bo bajinga naabo bo bakabujile batumwa bino bintu. 11Bino abya byambo byamwekele ku batumwa nobe byambotu, kabiji kechi bebitabile ne. 12Pakuba Petelo waimene ne kunyemena ku kilende; wabandamine na kusumbilamo, wamwene bisapi bya linenyi pa bunke; kabiji wabwelele ku nzubo na kukumya akya kyamwekele.
Lwendo lwa kuya ku Emasa
(Mako 16:12,13)
13Kabiji talai, mu jonkaja juba babiji ba mwi abo bayilenga ku muzhi yebateela amba Emasa, pajinga mailoshi atanu na abiji kufuma ku Yelusalema, 14kabiji besambilenga abo bene na mambo a abya byonse byamwekele. 15Kasa ba amba ne kwisamba, Yesu mwine wafwenyenye kwipi kaye ne naabo. 16Bino meso abo ashinkilwe amba, kuchiina ba kamuyuka. 17Ne Yesu wibambijile amba, “Lelo ng'anyi misambo yo mubena kuya na kwisamba kasa mubena kwenda?”
Kabiji baimene nzo, na bilungi bya bulanda. 18Kumvwa umo jizhina janji Kileopasa amba, “Lelo anweba mwi mwenyi mu Yelusalema bunke bwenu byo mwabula kuyuka byalukutamo mu ano moba nyi?”
19Kumvwa Yesu amba, “Ibika?” Ne abo ba mwambijile amba.
“Bya Yesu wa ku Nazala, uno muntu wajinga ngauzhi mukatampe mu byubilo ne mu byambo kwi Lesa ne ku bantu bonse. 20Ne bang'anga bakatampe ne bandamakyalo bamuzhachishe amba, wafwainwa kufwa. Ne kupopa bamupopele pa musalabu. 21Pakuba atweba twaketekejile namba, ye ukakuula bena Isalela. Kine, kabiji ne kikwabo, jino jo juba ja busatu kufuma mu juba jo byamwekele bino bintu. 22Ne bamo banabakazhi ba mwiatweba betulengela kukumya; bajinga ku kilende lukelokelo, 23kabiji byo baji kubula kutanamo mubiji wanji, baji kwiya na kwamba amba, bamona kimwesho kya bamalaika bo ba amba amba, ye mumi. 24Bamo bakwetu botwajinga naabo baji kuya ku kilende ne ku kataana byonka byo ba amba banabakazhi, bino aye kechi baji kumumona ne.”
25Kepo Yesu ebambijile amba, “Anweba bilubi, ba michima ibanda kwitaba byonse byamba bangauzhi ba Lesa! 26Nanchi kechi kyamufwainwe Kilishitu kumanama bino bintu ne kutwela mu lukumo lwanji nenyi?” 27Ne kutatwila kwi Mosesa ne bonse bangauzhi, Yesu wi balumbulwijile mu binembelo byonse bintu byaamba pe aye mwine.
28Kabiji byo bafwenyenye kubwipi na muzhi ko bayilenga, Yesu waubile nobe ubena kupitaila, 29bino abo bamukainye amba, “Ikalai ne atweba, mambo ke mabanga, juba jaya kala.” Byonkabyo watwelele ne kwikala naabo. 30Kabiji byo aikajile ku tebulu na kuja naabo, washikwile shinkwa ne pa kupesha ne kumutebula wibapele. 31Ponkapo meso abo alabile, ne kumuyuka bamuyukile, bino aye wazhimang'ene ku meso abo. 32Kabiji ba ambang'ene bene na bene amba, “Nanchi michima yetu kechi yaji kutemanga munda byo aji kwisambanga ne atweba pa jishinda, ne byo aji kwitulumbulwilanga binembelo nenyi?”
33Ponkapo baimene pa kyonkakya kimye ne kubwela ku Yelusalema. Kabiji bebataine ba jikumi na umo ne bo bajinga naabo kasa bapwila pamo, 34kasa bamba amba, “Nkambo kine wasanguka, kabiji waji kumwekana kwi Shimona!”
35Ne abo babiji ba ambile byamwekele pa jishinda, ne byo a yukanyikilwe kwi abo pa kutebula shinkwa.
Yesu byo a mwekele ku baana banji babwanga
(Mateo 28:16-20; Mako 16:14-18; Yoano 20:9-23; Byubilo 1:6-8)
36Kabiji byo bakyambilenga pa bino bintu, Yesu mwine waimene mukachi kabo, ne kwibambila amba, “Mutende kwi anweba!”
37Pakuba abo bakakilwe bingi ne kubisha moyo kabiji balangulukile amba, bamona kipuku. 38Kepo aye ebambijile amba, “Lelo mambo ka kyo mwakatazhiwa? Kabiji mambo ka luzhinauko lwabukila mu michima yenu? 39Talai maboko ami ne maulu ami, amba yami iye. Nkwatai, ne kumona. Mambo mupashi kechi uji na mubiji wa nyama ne bikupa byo mwamona amiwa byonji nabyo ne.”
40Kabiji byo a ambile bino, wibamwesheshe maboko anji ne maulu anji. 41Kabiji byo bakizhinaukilenga na mambo a lusekelo ne kukumya, wibambijile amba, “Mujipo na kajo ka kuja nyi?” 42Kabiji bamupele kibese kya jisabi ja kukanga, 43ne aye watambwile ne kuja ku meso abo.
44Ponkapo wibambijile amba, “Bino byo byambo byami byo nemwambijile byo nakijinga nenu namba, kyafwainwa byonse bifike byanembelwa amiwa mu buku wa mizhilo wa Mosesa ne mu wa bangauzhi ne mu Masalamo.”
45Ponkapo wibashinkwile michima yabo amba bomvwishe binembelo, 46kabiji wibambijile amba, “Kino byo byo kyanembwa amba, Kilishitu wafwainwa kumona bya malwa ne kusanguka mu juba ja busatu, 47kabiji amba lulapilo ne lulekelo lwa mambo byafwainwa kusapwilwa mu jizhina janji ku mikoka yonse ya bantu, kutatwila mu Yelusalema. 48Ne anweba mwi batumonyi ba bibye bintu. 49#Byu 1:4Kabiji talai amiwa mwine nkemutumina akya kyalayile Bataata pe anweba. Pakuba anweba mwafwainwa kupembelela mu muzhi poso mukavwikwe na bulume kufuma mwiulu.”
Kutwalwa kwa Yesu mwiulu
(Mako 16:19,20; Byubilo 1:9-11)
50 #
Byu 1:9-11
Ponkapo aye wibatangijile kuya na kufika ku Betani, kabiji byo asuntwile maboko anji wibapesheshe ne kwibapesha. 51Byo ebapesheshenga, aye wa abene naabo ne kutwalwa watwajilwe mwiulu. 52Ne abo bamupopwejile kabiji babwelele ku Yelusalema na lusekelo lukatampe, 53Kabiji bakelelwenga mu nzubo ya Lesa kasa batota Lesa.
Currently Selected:
Luka 24: KNTP
Highlight
Share
Copy
Want to have your highlights saved across all your devices? Sign up or sign in
The Kaonde New Testament © The Bible Society of Zambia, 2019.
Luka 24
24
Lusanguko
(Mateo 28:1-10; Mako 16:1-8; Yoano 20:1-10)
1Bino pa juba jitanshi ja mulungu, kumakyamakya, bayile ku kilende, kasa basenda binunka bulongo byo banengezhezhe jimo. 2Kabiji bataine jibwe bejaalumunako kala ku kilende, 3bino byo batwelelemo kechi batainemo mubiji wa Nkambo Yesu ne. 4Byo baimene na kukumya na mambo a kino, talai banabalume babiji baimene ko baji mu bivwalo bibekauka. 5Kabiji byo baubile moyo ne kukunyika bilungi byabo panshi, aba banabalume bebambijile amba, “Musakila ka mumi mu bafu? 6#Mat 16:21; 17:22,23; 20:18,19; Mako 8:31; 9:31; 10:33,34; Lu 9:22; 18:31-33Kechi uji muno ne, wasanguka. Vulukai byo emwambijile, byo akijinga mu Ngalilea amba, 7‘Mwana Muntu kyamufwainwa akasololwe ku maboko a babi, ne kupopwa kabiji mu juba ja busatu ukasanguka.’”
8Kepo bavulukile byambo byanji, 9kabiji bafumineko ku kilende, babwelele na kwibabuula byonse ba jikumi na umo ne bonse bakwabo. 10Bano bajinga Maliya wa ku Magadala ne Yoana ne Maliya ina Yakoba, ne bakwabo banabakazhi bo bajinga naabo bo bakabujile batumwa bino bintu. 11Bino abya byambo byamwekele ku batumwa nobe byambotu, kabiji kechi bebitabile ne. 12Pakuba Petelo waimene ne kunyemena ku kilende; wabandamine na kusumbilamo, wamwene bisapi bya linenyi pa bunke; kabiji wabwelele ku nzubo na kukumya akya kyamwekele.
Lwendo lwa kuya ku Emasa
(Mako 16:12,13)
13Kabiji talai, mu jonkaja juba babiji ba mwi abo bayilenga ku muzhi yebateela amba Emasa, pajinga mailoshi atanu na abiji kufuma ku Yelusalema, 14kabiji besambilenga abo bene na mambo a abya byonse byamwekele. 15Kasa ba amba ne kwisamba, Yesu mwine wafwenyenye kwipi kaye ne naabo. 16Bino meso abo ashinkilwe amba, kuchiina ba kamuyuka. 17Ne Yesu wibambijile amba, “Lelo ng'anyi misambo yo mubena kuya na kwisamba kasa mubena kwenda?”
Kabiji baimene nzo, na bilungi bya bulanda. 18Kumvwa umo jizhina janji Kileopasa amba, “Lelo anweba mwi mwenyi mu Yelusalema bunke bwenu byo mwabula kuyuka byalukutamo mu ano moba nyi?”
19Kumvwa Yesu amba, “Ibika?” Ne abo ba mwambijile amba.
“Bya Yesu wa ku Nazala, uno muntu wajinga ngauzhi mukatampe mu byubilo ne mu byambo kwi Lesa ne ku bantu bonse. 20Ne bang'anga bakatampe ne bandamakyalo bamuzhachishe amba, wafwainwa kufwa. Ne kupopa bamupopele pa musalabu. 21Pakuba atweba twaketekejile namba, ye ukakuula bena Isalela. Kine, kabiji ne kikwabo, jino jo juba ja busatu kufuma mu juba jo byamwekele bino bintu. 22Ne bamo banabakazhi ba mwiatweba betulengela kukumya; bajinga ku kilende lukelokelo, 23kabiji byo baji kubula kutanamo mubiji wanji, baji kwiya na kwamba amba, bamona kimwesho kya bamalaika bo ba amba amba, ye mumi. 24Bamo bakwetu botwajinga naabo baji kuya ku kilende ne ku kataana byonka byo ba amba banabakazhi, bino aye kechi baji kumumona ne.”
25Kepo Yesu ebambijile amba, “Anweba bilubi, ba michima ibanda kwitaba byonse byamba bangauzhi ba Lesa! 26Nanchi kechi kyamufwainwe Kilishitu kumanama bino bintu ne kutwela mu lukumo lwanji nenyi?” 27Ne kutatwila kwi Mosesa ne bonse bangauzhi, Yesu wi balumbulwijile mu binembelo byonse bintu byaamba pe aye mwine.
28Kabiji byo bafwenyenye kubwipi na muzhi ko bayilenga, Yesu waubile nobe ubena kupitaila, 29bino abo bamukainye amba, “Ikalai ne atweba, mambo ke mabanga, juba jaya kala.” Byonkabyo watwelele ne kwikala naabo. 30Kabiji byo aikajile ku tebulu na kuja naabo, washikwile shinkwa ne pa kupesha ne kumutebula wibapele. 31Ponkapo meso abo alabile, ne kumuyuka bamuyukile, bino aye wazhimang'ene ku meso abo. 32Kabiji ba ambang'ene bene na bene amba, “Nanchi michima yetu kechi yaji kutemanga munda byo aji kwisambanga ne atweba pa jishinda, ne byo aji kwitulumbulwilanga binembelo nenyi?”
33Ponkapo baimene pa kyonkakya kimye ne kubwela ku Yelusalema. Kabiji bebataine ba jikumi na umo ne bo bajinga naabo kasa bapwila pamo, 34kasa bamba amba, “Nkambo kine wasanguka, kabiji waji kumwekana kwi Shimona!”
35Ne abo babiji ba ambile byamwekele pa jishinda, ne byo a yukanyikilwe kwi abo pa kutebula shinkwa.
Yesu byo a mwekele ku baana banji babwanga
(Mateo 28:16-20; Mako 16:14-18; Yoano 20:9-23; Byubilo 1:6-8)
36Kabiji byo bakyambilenga pa bino bintu, Yesu mwine waimene mukachi kabo, ne kwibambila amba, “Mutende kwi anweba!”
37Pakuba abo bakakilwe bingi ne kubisha moyo kabiji balangulukile amba, bamona kipuku. 38Kepo aye ebambijile amba, “Lelo mambo ka kyo mwakatazhiwa? Kabiji mambo ka luzhinauko lwabukila mu michima yenu? 39Talai maboko ami ne maulu ami, amba yami iye. Nkwatai, ne kumona. Mambo mupashi kechi uji na mubiji wa nyama ne bikupa byo mwamona amiwa byonji nabyo ne.”
40Kabiji byo a ambile bino, wibamwesheshe maboko anji ne maulu anji. 41Kabiji byo bakizhinaukilenga na mambo a lusekelo ne kukumya, wibambijile amba, “Mujipo na kajo ka kuja nyi?” 42Kabiji bamupele kibese kya jisabi ja kukanga, 43ne aye watambwile ne kuja ku meso abo.
44Ponkapo wibambijile amba, “Bino byo byambo byami byo nemwambijile byo nakijinga nenu namba, kyafwainwa byonse bifike byanembelwa amiwa mu buku wa mizhilo wa Mosesa ne mu wa bangauzhi ne mu Masalamo.”
45Ponkapo wibashinkwile michima yabo amba bomvwishe binembelo, 46kabiji wibambijile amba, “Kino byo byo kyanembwa amba, Kilishitu wafwainwa kumona bya malwa ne kusanguka mu juba ja busatu, 47kabiji amba lulapilo ne lulekelo lwa mambo byafwainwa kusapwilwa mu jizhina janji ku mikoka yonse ya bantu, kutatwila mu Yelusalema. 48Ne anweba mwi batumonyi ba bibye bintu. 49#Byu 1:4Kabiji talai amiwa mwine nkemutumina akya kyalayile Bataata pe anweba. Pakuba anweba mwafwainwa kupembelela mu muzhi poso mukavwikwe na bulume kufuma mwiulu.”
Kutwalwa kwa Yesu mwiulu
(Mako 16:19,20; Byubilo 1:9-11)
50 #
Byu 1:9-11
Ponkapo aye wibatangijile kuya na kufika ku Betani, kabiji byo asuntwile maboko anji wibapesheshe ne kwibapesha. 51Byo ebapesheshenga, aye wa abene naabo ne kutwalwa watwajilwe mwiulu. 52Ne abo bamupopwejile kabiji babwelele ku Yelusalema na lusekelo lukatampe, 53Kabiji bakelelwenga mu nzubo ya Lesa kasa batota Lesa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Kaonde New Testament © The Bible Society of Zambia, 2019.