Mateo 28
28
Lusanguko
(Mako 16:1-10; Luka 24:1-12; Yoano 20:1-10)
1Kabiji juba ja Sabado pakupita ke buye na kukya mu juba jitanshi ja mulungu, baishile ba Maliya wa ku Magadala ne Maliya mukwabo na kumona kilende. 2Kabiji ponkapo kwajinga kitentanshi kikatampe, mambo malaika wa Nkambo waikijile mwiulu kwiya na kwalumunako jibwe, waikajile ne ponka pa jibwe. 3Wamwekelenga nobe kubeesha kwa mvula, kabiji kivwalo kyanji kyatokele pamo nobe sino. 4Kabiji na mambo a kumuchiina bakalama bazakaminenga, ne kwaluka ba alukile pamo nobe bafwa. 5Ne malaika wibambijile banabakazhi amba, “Kechi mube moyo ne mambo nayuka namba mubena kumukeba Yesu, ye bapopele pa musalabu. 6Kechi uji muno ne. Wasanguka, monka mo a ambijile. Iyai mumone poalaajile Nkambo. 7Kabiji yainga lubilo, mukebabule baana banji babwanga amba wasanguka mu bafu, kabiji umvwai, watangilako ku Ngalilea. Akwa ko mukamumona, umvwai byo nemubuula.”
8Kabiji bafumineko bukiji ku kilende, bino bajinga na moyo ne lusekelo lukatampe pamo, bayile lubilo na kwibabuula baana banji babwanga. 9Kabiji ponkapo, Yesu wibasambakene amba, “Mutende!”
Kabiji baishile na kumukwata ku maulu, ne kumupopwela bamupopwejile. 10Kepo Yesu ebambijile amba, “Kechi mube moyo ne, yainga kebabuulai balongo bami bayenga ku Ngalilea, ko ko bakantaana.”
11Byo bakiilenga, ponkapo bamo bakalama baishile mu muzhi, ne kwibabula bang'anga bakatampe bintu byonse byamwekele. 12Kabiji byo bapwijile pamo na bakulumpe bachibile kije, ne kwibapa bakalama mali avula, 13amba “Mukambe amba, baana banji babwanga baji kwiya bufuku, ne kumwiba kasa twalaala. 14Kabiji umvwe jikafike mu matwi a ndamakyalo, tukamukanjikizha ne kwimulamwina.”
15Kepo batambwile mali, baubile monka mo bebambijile. Ne ano mambo akumbene monse mu Bayudea ne buji leelo.
Yesu byo amwekele ku batumwa banji
(Mako 16:14-18; Luka 24:36-49; Yoano 20:19-23; Byubilo 1:6-8)
16 #
Mat 26:32; Mako 14:28 Pakuba baana banji babwanga jikumi na umo bayile ku Ngalilea, konka ku mutumba ye ebalayile Yesu. 17Kabiji pa kumumona, bamupopwejilenga, pakuba bamo bazhinaukilenga. 18Kabiji Yesu waishile ko baji ne kwibambila amba, “Luusa lonse napewalo, lwa mwiulu ne lwa pano panshi. 19#Byu 1:8Onkao mambo yainga na kulenga baana babwanga muba mikoka yonse ya bantu, muke babatizhenga mu jizhina ja Taata ne ja Mwana ne ja Mupashi Wazhila, 20ne kwibafunjisha balamenga byonse byo nemukambizhizhe. Kabiji talai, amiwa nji nenu moba onse, kufika ne ku juba jikapelaako.”
Currently Selected:
Mateo 28: KNTP
Highlight
Share
Copy
Want to have your highlights saved across all your devices? Sign up or sign in
The Kaonde New Testament © The Bible Society of Zambia, 2019.
Mateo 28
28
Lusanguko
(Mako 16:1-10; Luka 24:1-12; Yoano 20:1-10)
1Kabiji juba ja Sabado pakupita ke buye na kukya mu juba jitanshi ja mulungu, baishile ba Maliya wa ku Magadala ne Maliya mukwabo na kumona kilende. 2Kabiji ponkapo kwajinga kitentanshi kikatampe, mambo malaika wa Nkambo waikijile mwiulu kwiya na kwalumunako jibwe, waikajile ne ponka pa jibwe. 3Wamwekelenga nobe kubeesha kwa mvula, kabiji kivwalo kyanji kyatokele pamo nobe sino. 4Kabiji na mambo a kumuchiina bakalama bazakaminenga, ne kwaluka ba alukile pamo nobe bafwa. 5Ne malaika wibambijile banabakazhi amba, “Kechi mube moyo ne mambo nayuka namba mubena kumukeba Yesu, ye bapopele pa musalabu. 6Kechi uji muno ne. Wasanguka, monka mo a ambijile. Iyai mumone poalaajile Nkambo. 7Kabiji yainga lubilo, mukebabule baana banji babwanga amba wasanguka mu bafu, kabiji umvwai, watangilako ku Ngalilea. Akwa ko mukamumona, umvwai byo nemubuula.”
8Kabiji bafumineko bukiji ku kilende, bino bajinga na moyo ne lusekelo lukatampe pamo, bayile lubilo na kwibabuula baana banji babwanga. 9Kabiji ponkapo, Yesu wibasambakene amba, “Mutende!”
Kabiji baishile na kumukwata ku maulu, ne kumupopwela bamupopwejile. 10Kepo Yesu ebambijile amba, “Kechi mube moyo ne, yainga kebabuulai balongo bami bayenga ku Ngalilea, ko ko bakantaana.”
11Byo bakiilenga, ponkapo bamo bakalama baishile mu muzhi, ne kwibabula bang'anga bakatampe bintu byonse byamwekele. 12Kabiji byo bapwijile pamo na bakulumpe bachibile kije, ne kwibapa bakalama mali avula, 13amba “Mukambe amba, baana banji babwanga baji kwiya bufuku, ne kumwiba kasa twalaala. 14Kabiji umvwe jikafike mu matwi a ndamakyalo, tukamukanjikizha ne kwimulamwina.”
15Kepo batambwile mali, baubile monka mo bebambijile. Ne ano mambo akumbene monse mu Bayudea ne buji leelo.
Yesu byo amwekele ku batumwa banji
(Mako 16:14-18; Luka 24:36-49; Yoano 20:19-23; Byubilo 1:6-8)
16 #
Mat 26:32; Mako 14:28 Pakuba baana banji babwanga jikumi na umo bayile ku Ngalilea, konka ku mutumba ye ebalayile Yesu. 17Kabiji pa kumumona, bamupopwejilenga, pakuba bamo bazhinaukilenga. 18Kabiji Yesu waishile ko baji ne kwibambila amba, “Luusa lonse napewalo, lwa mwiulu ne lwa pano panshi. 19#Byu 1:8Onkao mambo yainga na kulenga baana babwanga muba mikoka yonse ya bantu, muke babatizhenga mu jizhina ja Taata ne ja Mwana ne ja Mupashi Wazhila, 20ne kwibafunjisha balamenga byonse byo nemukambizhizhe. Kabiji talai, amiwa nji nenu moba onse, kufika ne ku juba jikapelaako.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Kaonde New Testament © The Bible Society of Zambia, 2019.