Mako BYA KULUMBULULA
BYA KULUMBULULA
Mambo Awama anembele Mako a tatula na byambo bya kuuba amba “Mambo Awama a Yesu Kilishitu, Mwana Lesa”. Yesu bamumweesha amba ye wa mingilo kabiji wa luusa. Luusa lwanji lwamwekele mu kufunjisha kwanji, ne bulume bwanji pa bademona ne kulekela mambo a bantu. Yesu witongwele mwine amba Mwana Muntu waishile na kupana mweo wanji ne kukuula bantu ku bubi bwabo.
Mako pa kunemba pa bwikalo bwa Yesu ne mingilo yanji, wanemba na ku londankanya ne kukosesha pa byambo byo a ambile ne pa byo afunjishenga. Pa kupwisha kwamba bya kutatwilako bya kwa Yoano Mubatishi ne lubatizhilo lwa Yesu ne kwesekwa kwanji, ponkapotu munembeshi ke kwamba mambo a mwingilo wa Yesu wa kubuka bakolwa ne kufunjisha. Pakupita kimye baana banji babwanga batatwile kumuyukisha bulongo, bino balwanyi banji bakijile kumupata. Mu ma kyapitala apelaako a uno buuku wa Mako mwanembwa bintu byamwekele mu bwikalo bwa Yesu bwa pano pantanda mu mulungu wapeleleko kikatakata kupopwa kwanji pa musalabu ne lusanguko lwanji.
Kumpelo ya uno buuku wa Mako kuji bibese bya kupezhako bibiji, kibese kya bubiji kyapelaako kitumwesha amba, kyanembelwe na muntu mukwabo wapusana ne Mako.
Mutanchi wa bintu biji mu uno buku
Ntendekelo ya Mambo Awama 1:1-13
Mwingilo wa Yesu mu Ngalilea 1:14—9:50
Kufuma ku Ngalilea kufika ku Yelusalema10:1-52
Mulungu wapeleleko mu Yelusalema ne mu mizhi ya kubwipi 11:1—15:47
Lusanguko lwa Yesu 16:1-8
Kusanguka kwa Nkambo ne kumweka kwanji kabiji ne byo a kanjijile mwiulu 16:9-20
Currently Selected:
Mako BYA KULUMBULULA: KNTP
Highlight
Share
Copy
Want to have your highlights saved across all your devices? Sign up or sign in
The Kaonde New Testament © The Bible Society of Zambia, 2019.
Mako BYA KULUMBULULA
BYA KULUMBULULA
Mambo Awama anembele Mako a tatula na byambo bya kuuba amba “Mambo Awama a Yesu Kilishitu, Mwana Lesa”. Yesu bamumweesha amba ye wa mingilo kabiji wa luusa. Luusa lwanji lwamwekele mu kufunjisha kwanji, ne bulume bwanji pa bademona ne kulekela mambo a bantu. Yesu witongwele mwine amba Mwana Muntu waishile na kupana mweo wanji ne kukuula bantu ku bubi bwabo.
Mako pa kunemba pa bwikalo bwa Yesu ne mingilo yanji, wanemba na ku londankanya ne kukosesha pa byambo byo a ambile ne pa byo afunjishenga. Pa kupwisha kwamba bya kutatwilako bya kwa Yoano Mubatishi ne lubatizhilo lwa Yesu ne kwesekwa kwanji, ponkapotu munembeshi ke kwamba mambo a mwingilo wa Yesu wa kubuka bakolwa ne kufunjisha. Pakupita kimye baana banji babwanga batatwile kumuyukisha bulongo, bino balwanyi banji bakijile kumupata. Mu ma kyapitala apelaako a uno buuku wa Mako mwanembwa bintu byamwekele mu bwikalo bwa Yesu bwa pano pantanda mu mulungu wapeleleko kikatakata kupopwa kwanji pa musalabu ne lusanguko lwanji.
Kumpelo ya uno buuku wa Mako kuji bibese bya kupezhako bibiji, kibese kya bubiji kyapelaako kitumwesha amba, kyanembelwe na muntu mukwabo wapusana ne Mako.
Mutanchi wa bintu biji mu uno buku
Ntendekelo ya Mambo Awama 1:1-13
Mwingilo wa Yesu mu Ngalilea 1:14—9:50
Kufuma ku Ngalilea kufika ku Yelusalema10:1-52
Mulungu wapeleleko mu Yelusalema ne mu mizhi ya kubwipi 11:1—15:47
Lusanguko lwa Yesu 16:1-8
Kusanguka kwa Nkambo ne kumweka kwanji kabiji ne byo a kanjijile mwiulu 16:9-20
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Kaonde New Testament © The Bible Society of Zambia, 2019.