Mako 10
10
Mambo a kwikana
(Mateo 19:1-12; Luka 16:18)
1Kabiji wafumineko ne kuya mumande a mu Yudea bushiya bwa mukola wa Yodano, ne mabumba apwijile jibiji kwi aye. Kabiji byonka byo akelwanga kuuba, watatwile kwibafunjisha.
2Kabiji Bafaliseo baishile kwi aye na kumweseka ne kumwipuzha amba, “Kana kizhila mwanamulume kukana mukazhanji nyi?”
3Ne aye wibakumbwile amba, “Mosesa wimukambizhizhe amba ka?”
4 #
Mpitu 24:1-4; Mat 5:31 Abo ba ambile amba, “Mosesa waswishishe mwanamulume kunemba nkalata ya kumukana, ne kwabana nanji.”
5Ne Yesu wibambijile amba, “Mambo a kukosa kwa michima yenu kyokyo emunembejile uno mukambizho. 6#Nte 1:27; 5:2 Bino kufuma ku ntendekelo ya lulengelo, Lesa wibalengele mwanamulume ne mwanamukazhi. 7#Nte 2:24 Onkao mambo mwanamulume ukaleka bashanji ne bainanji ne kulamachila ku mukazhanji,#10:7 Ma buuku amo a mu kigiliki kechi banembele mba Ne kulamachila ku mukazhanji ne 8ne abo babiji bakekala ke mubiji umo, onkao mambo kechi baji babiji ne, ke mubiji umo. 9Byonkabyo akya kya lamankanya Lesa, muntu kechi ekyabanye ne.”
10Kabiji mu nzubo baana babwanga ba mwipwizhe jibiji ano mambo. 11#Mat 5:32; 1 Ko 7:10,11Kumvwa aye wibambijile amba, “Awa wa kumukana mukazhanji ne kusongola mukwabo, wauba bukende. 12Kabiji umvwe mwanamukazhi wakana mwata wanji ne kusongolwa ku mukwabo, ne aye naye wauba bukende.”
Yesu byo ebapesheshe baana ba bacheche
(Mateo 19:13-15; Luka 18:15-17)
13Kabiji baletele baana ba bacheche amba ebabike maboko, pakuba baana banji babwanga bebakainye. 14Pakuba Yesu byo ekimwene, kyamufichile ku muchima, ne kwibambila amba, “Balekai baana ba bacheche beye kwi amiwa, kwibakanya ne, mambo bufumu bwa Lesa bo bwabo baji bibye. 15#Mat 18:3Kine nemwambila namba, awa wabula kutambula bufumu bwa Lesa pamo nobe mwana mucheche, kechi akatwelemo nangwa pachechetu ne.” 16Ponkapo aye wibatambwile mu maboko anji, ne kwibapesha.
Nsongwalume munonshi
(Mateo 19:16-30; Luka 18:18-30)
17Kabiji byo ayilenga mu jishinda, kwamunyemejile muntu umo, ne pa kumufukamina panshi, wamwipwizhe amba, “Mufunjishi wawama, nanchi ikika kyo nafwainwa kuuba namba ntambule bumi bwa myaka?”
18Kumvwa Yesu wamwambijile amba, “Mambo ka mwantelela amba, wawama? Kafwako wawama ne, posotu yenka Lesa. 19#Lupu 20:13; Mpitu 5:17; Lupu 20:14; Mpitu 5:18; Lupu 20:15; Mpitu 5:19; Lupu 20:16; Mpitu 5:20; Lupu 20:12; Mpitu 5:16 Anweba mwayuka mizhilo, ‘Kwipayang'ana ne, kuuba bukende ne, kwiba ne, kubepela mukwenu ne, kujimbang'ana ne, nemeka bashobe ne bainobe.’ ”
20Kumvwa aye amba, “Mufunjishi, abyo byonse nebilaminenga kufuma ku bwanyike bwami.”
21Ne Yesu pa kumutala wamutemenwe, ne ku mwambila amba, “Kuji kintu kimo kyo mwabulwa. Yainga mukapoteshe byonse byo muji naabyo, ne kupana ku balanda, kabiji mukekala na nsabo mwiulu, bino mwiye mundondele.” 22Ne aye wapopomenwe na kyokya kyambo, kabiji wafumineko na bulanda mu muchima wanji, mambo aye wajinga na bunonshi bwavula.
23Kabiji Yesu watajile konse konse ne kwibambila baana banji babwanga amba, “Kyakatazha bingi banonshi kukatwela mu bufumu bwa Lesa!”
24Ne baana babwanga bakuminye bingi byambo byanji. Ne Yesu wibambijile jibiji amba, “Anweba baana, kyakatazha bingi kutwela mu bufumu bwa Lesa! 25Kyapeela ngamela kupita mu jiiso ja nguya kukila munonshi kutwela mu bufumu bwa Lesa.”
26Kabiji bakuminye bingi ne kwiipuzha bene na bene amba, “Nanchi ng'anyi wakonsha kupuluka?” 27Yesu pa kwibatala wibambijile amba, “Ku bantu kechi kyakonsheka kubiwa ne, pakuba byonse byakonsheka kubiwa na Lesa.”
28Petelo watatwile kumwambila amba, “Talai, atweba twaleka byonse ne kwimulondela.”
29Kumvwa Yesu amba, “Kine ne mwambila namba, kafwako muntu washa nzubo, nangwa balongo, nangwa banyenga yanji, nangwa bainanji, nangwa bashanji, nangwa baana, nangwa majimi, na mambo a amiwa, ne na mambo a Mambo Awama, 30ukabula kutambula muyonka ino myaka kitoota kya mazubo, nangwa balongo, nangwa banyenga, nangwa bainanji, nangwa baana, nangwa majimi, ne bya lupato pamo, kabiji ne mu myaka ikeya namo bumi bwa myaka. 31#Mat 20:16; Lu 13:30 Pakuba bavula batanshi bakekala ke bapelaako, kabiji bapelaako bakekala ke batanshi.”
Kwamba kwa Yesu jabusatu mambo a lufu lwanji
(Mateo 20:17-19; Luka 18:31-34)
32Kabiji bajinga mu jishinda kasa baya ku Yelusalema. Ne Yesu kasa a tangilako, ne abo baana babwanga baubile moyo, pakwibeta jibiji koaji ba jikumi ne babiji aye watatwile kwibabula abya bintu bikamumwekela. 33Amba, “Talai, tubena kuya ku Yelusalema, kabiji Mwana Muntu bakamusolola ku bang'anga bakatampe ne ku banembeshi, ne abo nabo bakamufwisha nao a lufu, ne kumupana ku Bangentila 34kabiji ne abo bakamwendeleka ne kumushipila mate, ne kumututaula, ne kumwipaya. Kabiji pakupita moba asatu ukasanguka.”
Kyalombele Yakoba ne Yoano
(Mateo 20:20-28)
35Kabiji Yakoba ne Yoano, baana bakwa Zebede, baishile ko aji ne kumwambila amba, “Mufunjishi, twasaka mwituubile akya kyotusa kwimwipuzha.”
36Kumvwa aye amba, “Ikika kyo musaka amiwa kwimubila?”
37Kabiji abo ba mwambijile amba, “Tupai twikale nenu, umo ku kuboko kwenu kwa kilujo, ne mukwabo ku kipiko kyenu, mu lukumo lwenu.”
38 #
Lu 12:50
Pakuba Yesu wibambijile amba, “Kechi mwayuka kyo musaka ne. Mwakonsha kutoma katomeno kontoma amiwa nyi? Nangwa kubatizwa na lubatizhilo lombatizwa amiwa nyi?”
39Ne abo bamwambijile amba, “Twakonsha.”
Ne Yesu wibambijile amba, “Kine mukatoma aka katomeno kontoma amiwa, ne lubatizhilo lo mbatizha amiwa, nalo mukelubatizwa. 40Pakuba kwikala ku kilujo kyami nangwa ku kipiko kyami kechi kyo kyami kya kupana ne, kyokya bonkaba bo banengezhezhakyo.”
41Kabiji baana babwanga bakwabo jikumi byo bekyumvwine, batatwile kwibazhingijila ba Yakoba ne Yoano. 42#Lu 22:25,26Ne Yesu wibechile ko aji ne kwibambila amba, “Mwayuka amba, abo batelwa amba bamfumu mu Bangentila bebobila bantu babo bunkambo, ne bakulumpe babo nabo bebobila luusa. 43#Mat 23:11; Mako 9:35; Lu 22:26Pakuba kechi kiji byonkabyo mwi anweba ne. Bino aye wasaka kwikala mukulumpe wenu, ekale ke wamwingilo wenu; 44ne aye wasaka kwikala mutanshi pa bonse, ekale ke muzha wa bonse. 45Mambo ne Mwana Muntu kechi waishile amba bamwingijile ne; poso amba ebengijile, ne kupana mweo wanji ke kya kukuula bavula.”
Yesu byo a bukile mpofu Batemesa
(Mateo 20:29-34; Luka 18:35-43)
46Kabiji bafikile ku Yeliko, ne byo afuminenga mu Yeliko na baana banji babwanga ne jibumba jikatampe, Batemesa mwana Temesa mpofu wa lulombo kasa aikala kunsa ya jishinda. 47Ne aye pakumvwa amba, Yesu wa ku Nazala watatwile kubijika ne kwamba amba, “Yesu! Mwana Davida! Ngubilai lusa!”
48Ne bavula bamukainye amba azhindame. Bino aye kepo abijikishe amba, “Anweba Mwana Davida! Ngubilai lusa!”
49Ne Yesu waimene ne kwamba amba, “Mwitai.”
Ponkapo bamwichile mpofu, ne kumwambila amba, “Sekela! Imana, ubena kukwita.”
50Ne aye watayile kivwalo kyanji, ne kwimana lubilo kwiya kwi Yesu.
51Ne Yesu wamwipwizhe amba, “Ikika kyo mwasaka amiwa kwimubila?”
Ne mpofu wamukumbwile amba, “Laabi, nasaka namba mmone jibiji.”
52Ne Yesu wamwambijile amba, “Yainga, lwitabilo lwenu lwimupulusha.”
Kabiji ponkapotu watatwile kumona jibiji ne ku mulondela mu jishinda.
Currently Selected:
Mako 10: KNTP
Highlight
Share
Copy
Want to have your highlights saved across all your devices? Sign up or sign in
The Kaonde New Testament © The Bible Society of Zambia, 2019.
Mako 10
10
Mambo a kwikana
(Mateo 19:1-12; Luka 16:18)
1Kabiji wafumineko ne kuya mumande a mu Yudea bushiya bwa mukola wa Yodano, ne mabumba apwijile jibiji kwi aye. Kabiji byonka byo akelwanga kuuba, watatwile kwibafunjisha.
2Kabiji Bafaliseo baishile kwi aye na kumweseka ne kumwipuzha amba, “Kana kizhila mwanamulume kukana mukazhanji nyi?”
3Ne aye wibakumbwile amba, “Mosesa wimukambizhizhe amba ka?”
4 #
Mpitu 24:1-4; Mat 5:31 Abo ba ambile amba, “Mosesa waswishishe mwanamulume kunemba nkalata ya kumukana, ne kwabana nanji.”
5Ne Yesu wibambijile amba, “Mambo a kukosa kwa michima yenu kyokyo emunembejile uno mukambizho. 6#Nte 1:27; 5:2 Bino kufuma ku ntendekelo ya lulengelo, Lesa wibalengele mwanamulume ne mwanamukazhi. 7#Nte 2:24 Onkao mambo mwanamulume ukaleka bashanji ne bainanji ne kulamachila ku mukazhanji,#10:7 Ma buuku amo a mu kigiliki kechi banembele mba Ne kulamachila ku mukazhanji ne 8ne abo babiji bakekala ke mubiji umo, onkao mambo kechi baji babiji ne, ke mubiji umo. 9Byonkabyo akya kya lamankanya Lesa, muntu kechi ekyabanye ne.”
10Kabiji mu nzubo baana babwanga ba mwipwizhe jibiji ano mambo. 11#Mat 5:32; 1 Ko 7:10,11Kumvwa aye wibambijile amba, “Awa wa kumukana mukazhanji ne kusongola mukwabo, wauba bukende. 12Kabiji umvwe mwanamukazhi wakana mwata wanji ne kusongolwa ku mukwabo, ne aye naye wauba bukende.”
Yesu byo ebapesheshe baana ba bacheche
(Mateo 19:13-15; Luka 18:15-17)
13Kabiji baletele baana ba bacheche amba ebabike maboko, pakuba baana banji babwanga bebakainye. 14Pakuba Yesu byo ekimwene, kyamufichile ku muchima, ne kwibambila amba, “Balekai baana ba bacheche beye kwi amiwa, kwibakanya ne, mambo bufumu bwa Lesa bo bwabo baji bibye. 15#Mat 18:3Kine nemwambila namba, awa wabula kutambula bufumu bwa Lesa pamo nobe mwana mucheche, kechi akatwelemo nangwa pachechetu ne.” 16Ponkapo aye wibatambwile mu maboko anji, ne kwibapesha.
Nsongwalume munonshi
(Mateo 19:16-30; Luka 18:18-30)
17Kabiji byo ayilenga mu jishinda, kwamunyemejile muntu umo, ne pa kumufukamina panshi, wamwipwizhe amba, “Mufunjishi wawama, nanchi ikika kyo nafwainwa kuuba namba ntambule bumi bwa myaka?”
18Kumvwa Yesu wamwambijile amba, “Mambo ka mwantelela amba, wawama? Kafwako wawama ne, posotu yenka Lesa. 19#Lupu 20:13; Mpitu 5:17; Lupu 20:14; Mpitu 5:18; Lupu 20:15; Mpitu 5:19; Lupu 20:16; Mpitu 5:20; Lupu 20:12; Mpitu 5:16 Anweba mwayuka mizhilo, ‘Kwipayang'ana ne, kuuba bukende ne, kwiba ne, kubepela mukwenu ne, kujimbang'ana ne, nemeka bashobe ne bainobe.’ ”
20Kumvwa aye amba, “Mufunjishi, abyo byonse nebilaminenga kufuma ku bwanyike bwami.”
21Ne Yesu pa kumutala wamutemenwe, ne ku mwambila amba, “Kuji kintu kimo kyo mwabulwa. Yainga mukapoteshe byonse byo muji naabyo, ne kupana ku balanda, kabiji mukekala na nsabo mwiulu, bino mwiye mundondele.” 22Ne aye wapopomenwe na kyokya kyambo, kabiji wafumineko na bulanda mu muchima wanji, mambo aye wajinga na bunonshi bwavula.
23Kabiji Yesu watajile konse konse ne kwibambila baana banji babwanga amba, “Kyakatazha bingi banonshi kukatwela mu bufumu bwa Lesa!”
24Ne baana babwanga bakuminye bingi byambo byanji. Ne Yesu wibambijile jibiji amba, “Anweba baana, kyakatazha bingi kutwela mu bufumu bwa Lesa! 25Kyapeela ngamela kupita mu jiiso ja nguya kukila munonshi kutwela mu bufumu bwa Lesa.”
26Kabiji bakuminye bingi ne kwiipuzha bene na bene amba, “Nanchi ng'anyi wakonsha kupuluka?” 27Yesu pa kwibatala wibambijile amba, “Ku bantu kechi kyakonsheka kubiwa ne, pakuba byonse byakonsheka kubiwa na Lesa.”
28Petelo watatwile kumwambila amba, “Talai, atweba twaleka byonse ne kwimulondela.”
29Kumvwa Yesu amba, “Kine ne mwambila namba, kafwako muntu washa nzubo, nangwa balongo, nangwa banyenga yanji, nangwa bainanji, nangwa bashanji, nangwa baana, nangwa majimi, na mambo a amiwa, ne na mambo a Mambo Awama, 30ukabula kutambula muyonka ino myaka kitoota kya mazubo, nangwa balongo, nangwa banyenga, nangwa bainanji, nangwa baana, nangwa majimi, ne bya lupato pamo, kabiji ne mu myaka ikeya namo bumi bwa myaka. 31#Mat 20:16; Lu 13:30 Pakuba bavula batanshi bakekala ke bapelaako, kabiji bapelaako bakekala ke batanshi.”
Kwamba kwa Yesu jabusatu mambo a lufu lwanji
(Mateo 20:17-19; Luka 18:31-34)
32Kabiji bajinga mu jishinda kasa baya ku Yelusalema. Ne Yesu kasa a tangilako, ne abo baana babwanga baubile moyo, pakwibeta jibiji koaji ba jikumi ne babiji aye watatwile kwibabula abya bintu bikamumwekela. 33Amba, “Talai, tubena kuya ku Yelusalema, kabiji Mwana Muntu bakamusolola ku bang'anga bakatampe ne ku banembeshi, ne abo nabo bakamufwisha nao a lufu, ne kumupana ku Bangentila 34kabiji ne abo bakamwendeleka ne kumushipila mate, ne kumututaula, ne kumwipaya. Kabiji pakupita moba asatu ukasanguka.”
Kyalombele Yakoba ne Yoano
(Mateo 20:20-28)
35Kabiji Yakoba ne Yoano, baana bakwa Zebede, baishile ko aji ne kumwambila amba, “Mufunjishi, twasaka mwituubile akya kyotusa kwimwipuzha.”
36Kumvwa aye amba, “Ikika kyo musaka amiwa kwimubila?”
37Kabiji abo ba mwambijile amba, “Tupai twikale nenu, umo ku kuboko kwenu kwa kilujo, ne mukwabo ku kipiko kyenu, mu lukumo lwenu.”
38 #
Lu 12:50
Pakuba Yesu wibambijile amba, “Kechi mwayuka kyo musaka ne. Mwakonsha kutoma katomeno kontoma amiwa nyi? Nangwa kubatizwa na lubatizhilo lombatizwa amiwa nyi?”
39Ne abo bamwambijile amba, “Twakonsha.”
Ne Yesu wibambijile amba, “Kine mukatoma aka katomeno kontoma amiwa, ne lubatizhilo lo mbatizha amiwa, nalo mukelubatizwa. 40Pakuba kwikala ku kilujo kyami nangwa ku kipiko kyami kechi kyo kyami kya kupana ne, kyokya bonkaba bo banengezhezhakyo.”
41Kabiji baana babwanga bakwabo jikumi byo bekyumvwine, batatwile kwibazhingijila ba Yakoba ne Yoano. 42#Lu 22:25,26Ne Yesu wibechile ko aji ne kwibambila amba, “Mwayuka amba, abo batelwa amba bamfumu mu Bangentila bebobila bantu babo bunkambo, ne bakulumpe babo nabo bebobila luusa. 43#Mat 23:11; Mako 9:35; Lu 22:26Pakuba kechi kiji byonkabyo mwi anweba ne. Bino aye wasaka kwikala mukulumpe wenu, ekale ke wamwingilo wenu; 44ne aye wasaka kwikala mutanshi pa bonse, ekale ke muzha wa bonse. 45Mambo ne Mwana Muntu kechi waishile amba bamwingijile ne; poso amba ebengijile, ne kupana mweo wanji ke kya kukuula bavula.”
Yesu byo a bukile mpofu Batemesa
(Mateo 20:29-34; Luka 18:35-43)
46Kabiji bafikile ku Yeliko, ne byo afuminenga mu Yeliko na baana banji babwanga ne jibumba jikatampe, Batemesa mwana Temesa mpofu wa lulombo kasa aikala kunsa ya jishinda. 47Ne aye pakumvwa amba, Yesu wa ku Nazala watatwile kubijika ne kwamba amba, “Yesu! Mwana Davida! Ngubilai lusa!”
48Ne bavula bamukainye amba azhindame. Bino aye kepo abijikishe amba, “Anweba Mwana Davida! Ngubilai lusa!”
49Ne Yesu waimene ne kwamba amba, “Mwitai.”
Ponkapo bamwichile mpofu, ne kumwambila amba, “Sekela! Imana, ubena kukwita.”
50Ne aye watayile kivwalo kyanji, ne kwimana lubilo kwiya kwi Yesu.
51Ne Yesu wamwipwizhe amba, “Ikika kyo mwasaka amiwa kwimubila?”
Ne mpofu wamukumbwile amba, “Laabi, nasaka namba mmone jibiji.”
52Ne Yesu wamwambijile amba, “Yainga, lwitabilo lwenu lwimupulusha.”
Kabiji ponkapotu watatwile kumona jibiji ne ku mulondela mu jishinda.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Kaonde New Testament © The Bible Society of Zambia, 2019.