Mako 9
9
1Kabiji wibambijile amba, “Kine nemubuula namba, po baji bamo baimana pano bakabula kumona lufu nangwa pacheche poso bakamone bufumu bwa Lesa bwafika na bulume.”
Yesu byo a mwekele mu musango mukwabo ku mutumba
(Mateo 17:1-13; Luka 9:28-36)
2 #
2 Pe 1:17,18 Kabiji pakupita moba atanu na jimo Yesu wasendele Petelo, ne Yakoba, ne Yoano ne kwi batwaala pa mutumba walepa bunke bwabo. Kabiji waalukile ke ungi ku meso abo, 3ne bivwalo byanji bya alukile kebibembele, byatokeshatu too! Kafwako sendwe wa pano pantanda wakonsha kwibitokesha byonkabyo ne. 4Kabiji kwamwekele ba Elaija ne Mosesa kasa besamba ne Yesu. 5Kabiji Petelo wamwambijile Yesu amba, “Laabi, pano pantu petuwamina kwikala! Tushimike matente asatu, umo wenu, mukwabo wa kwa Mosesa, ne mukwabo wa kwa Elaija.” 6Kechi wayukile bya kwamba ne, mambo aye ne bo ajinanga naabo baubile bingi moyo. 7#Mat 3:17; Mako 1:11; Lu 3:22Kabiji kwaishile jikumbi ne kwibavweta, ne jiwi jafumine mu jikumbi amba, “Uno ye Mwanami yenatemwa, mumvwai aye!” 8Kabiji ponkapotu pa kukenkenta konse konse, kechi bamwenepo nangwa umo ne, poso Yesu yenka.
9Pa kwikila ku mutumba, aye wibakainye amba, “Kechi mubule muntu nangwa umo byo mwamona ne, poso Mwana Muntu akasanguke mu bafu.” 10Onkao mambo balamine akya kyambo, sa beipuzha abo bene na bene amba, “Kusanguka kwa mu bafu kwayila muka?” 11#Mala 4:5; Mat 11:14Kabiji bamwipwizhe amba, “Mambo ka banembeshi bamba amba, patanshi Elaija wafwainwa kwiya?”
12Kumvwa aye wibakumbwile amba, “Kine Elaija wafwainwa kwiya patanshi, ne kubwezha bulongo byonse byo byajinga. Kabiji mambo ka kyanembelwa amba, Mwana Muntu ukamona bya malwa byavula ne kusuulwa? 13Pakuba amiwa ne mwambila namba Elaija waiya kala, Kabiji monka mo kya munembejilwe momo bamubijile byonse byo basakile.”
Kubukwa kwa mwanyike wajinga na mupashi wabiipa
(Mateo 17:14-21; Luka 9:37-43a)
14Kabiji byo bafikile ku baana babwanga bakwabo, bamwene jibumba jikatampe kasa jibabumba, ne banembeshi kasa bapachika naabo. 15Kabiji byo bamumwene bakuminye bingi, ba munyemejile ne kumwimuna. 16Ne aye wibepwizhe amba “Mubena kwipachika naabo kika?”
17Umo wa mu jibumba wamukumbwile amba, “Mufunjishi, najikuleeta mwanami wamulume kwi anweba, uji na mupashi wa kamaama. 18Kabiji bimye byonse byo kimukwata, kimutaya panshi, uuba kapofu ku kanwa ne kushenka ku meno ne kuumatu poo! Kabiji naji kwambila baana benu babwanga namba bamupangemo bino, baji kumukankalwa.”
19Kabiji Yesu wibakumbwile amba, “Anweba kisemi kyabula lwitabilo! Bimye binga byo nkekala? Bimye binga byo nkemutekela muchima? Muleetai kwi amiwa.” 20Ne abo bamuletele kwi Yesu.
Ponkapotu aye mupashi wabiipa pa kumumona Yesu, wamusunkakenye awa mwana, ne kumuponesha panshi na kwalang'ana ne kapofu ku kanwa.
21Kabiji Yesu wamwipwizhe shanji amba, “Lelo myaka inga yoaikala nakyo?”
Kumvwa aye wakumbwile amba, “kufumatu ne ku bwanyike.” 22“Kabiji javula kyamutayanga mu mujilo ne mu mema na kusaka kumonauna. Bino umvwe mwakonsha kuuba kintu, mwitubile lusa ne kwitukwasha.”
23Kumvwa Yesu wamwambijile amba, “Umvwe mwakonsha! Byonse byakonsheka kwi aye waitabila.”
24Ponkapotu shanja mwana wabijikile ne kwamba amba, “Naitabila, nkwashai ku milengulwila yami!”
25Ponkapo Yesu byo amwene jibumba kasa jilundumukila pamo ko aji, wamukainye awa mupashi wabiipa, ne kumwambila amba, “Obewa mupashi wa kamaama ne wakishinka matwi, na kukambizha namba, fumamo mwi aye ne kutwelamo jibiji ne!”
26Ne aye mupashi pakutama ne kumusunkankanya kyabaya, wafuminemo. Kabiji mwana wamwekele nobe wafwa, ne bavula ba ambile amba, “Wafwa!” 27Bino Yesu wamukwachile pa kuboko ne kumwimika, ne aye waimene.
28Byo atwelele mu nzubo baana banji babwanga bamwipwizhe kwa bunke bwabo amba, atweba mambo ka twajikukankelwa kumupangamo?
29Ne aye wibambijile amba, “Uno musango kechi wakonsha kufumamo na kintu kikwabo ne, kanatu na milombelo.”
Yesu byo a ambile jibiji mambo a lufu ne lusanguko lwanji
(Mateo 17:22-23; Luka 9:43-45)
30Kabiji bafumineko ne kupita mu Ngalilea. Ne aye kechi wakebele nangwa muntu umo kuyuka ne. 31Mambo wafunjishenga baana banji babwanga amba, “Mwana Muntu waya apanwe mu maboko a bantu, ne abo bakamwipaya. Kabiji pakupita moba asatu ukasanguka.”
32Baana banji babwanga kechi bekyumvwine akya kyambo mo kyayijile ne, bino bachiine kumwipuzha.
Mukulumpe ye ng'anyi?
(Mateo 18:1-5; Luka 9:46-48)
33Kabiji baishile ku Kapenama. Kabiji byo baikajile mu nzubo Yesu wibepwizhe amba, “Ikika kyo mwaji kupachikanga mu jishinda?”
34 #
Lu 22:24
Pakuba abo bazhindaminetu nzoo, mambo mu jishinda bepachikilenga abo bene amba, nanchi mukulumpe mwi atweba ng'anyi? 35#Mat 20:26,27; 23:11; Mako 10:43,44; Lu 22:26Ne Yesu waikele panshi ne kwibeta ba jikumi na babiji, ne kwibambila amba, “Umvwe muntu wasaka kwikala mukulumpe, wafwainwa kwikala ke mwanyike wa bonse, kabiji ne kwikala ke wamwingilo wa bonse.” 36Kabiji washikwile kanyike ne kwikemika mukachi kabo. Ne pa kwikashikula mu maboko anji, wibambijile amba, 37#Mat 10:40; Lu 10:16; Yoa 13:20“Awa ukatambula kamo kanyike pamo biji kano mu jizhina jami, wantambula amiwa, ne aye wantambula amiwa, kechi utambulatu amiwa yenka ne, kana ne aye wantuma.”
Awa wabula mulwanyi wetu ye wakwetu
(Luka 9:49-50)
38Yoano wamwambijile amba, “Mufunjishi, twamwene umo kasa a pangilamo bademona mu jizhina jenu, ne atweba twamukainye, mambo aye kechi witulondela atweba ne.”
39Kumvwa Yesu wibambijile amba, “Kechi mwafwainwa kumukanya ne, mambo kafwako muntu ukengila kintu kya bulume mu jizhina jami ukakonsha kung'ambila bibi ne. 40#Mat 12:30; Lu 11:23 Pakuba awa wabula kwikala mulwanyi wetu ye wakwetu.” 41#Mat 10:42 Kine, ne mwambila namba, aye ukemupa katomeno ka mema a kutoma mu jizhina jami mambo mwi ba kwa Kilishitu, kine nemwambila namba kechi akabulwe kutambula mfweto yanji nangwa pachechetu ne.
Lweseko lutwala ku bubi
(Mateo 18:6-9; Luka 17:1-2)
42“Pakuba awa ukatuntwisha kamo pa tuno twana twangitabila, kyamufwainwa aye kumukashila jibwe jikatampe ja kupelapo mu nshingo yanji, ne kumutaya naajo mu kalunga ka mema. 43#Mat 5:30 Kabiji umvwe kuboko kobe kwa kulengesha kulenga mambo, wikuchibeko! Mambo kyawama kutwela mu bumi na bulema kukila kwikala na maboko abiji ne kuya mu Ngehena, mu mujilo ubula kuzhima. 44Amo mizambo ibaja kechi ifwa ne kabiji mujilo kechi uzhima ne. #9:44 Ma buuku amo amu kigiliki kechi babikako veleshi 44 ne. Amo mizambo ibaja kechi ifwa ne kabiji mujilo kechi uzhima ne (monai veleshi 48). 45Kabiji umvwe kuulu kobe kwa kulengesha kulenga mambo, wikuchibeko! Mambo kutwela mu bumi na kusunkuta kyawama kukila kwikala na maulu abiji ne kutayiwa mu Ngehena. 46Amo mizambo ibaja kechi ifwa ne, kabiji mujilo kechi uzhima ne.#9:46 Ma buuku amo a mu kigiliki kechi aji na veleshi 46 Amo mizambo ibaja kechi ifwa ne, kabiji mujilo kechi uzhima ne. (Monai veleshi 48) 47#Mat 5:29 Kabiji umvwe jiso jobe jakulengesha kulenga mambo, jilobolemo! Mambo kyawama kutwela mu bufumu bwa Lesa na jiso jimo, pakuba kwikala na meso abiji ne kutayiwa mu Ngehena, kyatama 48#Isa 66:24 Amo mizambo ibaja kechi ifwa ne, kabiji mujilo kechi uzhima ne.
49“Mambo bonse bakatokeshiwa na mujilo, byonka bitokeshiwa bitapisho byonse na mukele.
50 #
Mat 5:13; Lu 14:34,35 “Mukele wawama, pakuba umvwe mukele wa aluka ke wasamuka, ukamubwezha byepi mu bu mukele bwanji?
“Ikalai na mukele mwi anweba bene, ne kwikala na mutende anweba bene na bene.”
Currently Selected:
Mako 9: KNTP
Highlight
Share
Copy
Want to have your highlights saved across all your devices? Sign up or sign in
The Kaonde New Testament © The Bible Society of Zambia, 2019.
Mako 9
9
1Kabiji wibambijile amba, “Kine nemubuula namba, po baji bamo baimana pano bakabula kumona lufu nangwa pacheche poso bakamone bufumu bwa Lesa bwafika na bulume.”
Yesu byo a mwekele mu musango mukwabo ku mutumba
(Mateo 17:1-13; Luka 9:28-36)
2 #
2 Pe 1:17,18 Kabiji pakupita moba atanu na jimo Yesu wasendele Petelo, ne Yakoba, ne Yoano ne kwi batwaala pa mutumba walepa bunke bwabo. Kabiji waalukile ke ungi ku meso abo, 3ne bivwalo byanji bya alukile kebibembele, byatokeshatu too! Kafwako sendwe wa pano pantanda wakonsha kwibitokesha byonkabyo ne. 4Kabiji kwamwekele ba Elaija ne Mosesa kasa besamba ne Yesu. 5Kabiji Petelo wamwambijile Yesu amba, “Laabi, pano pantu petuwamina kwikala! Tushimike matente asatu, umo wenu, mukwabo wa kwa Mosesa, ne mukwabo wa kwa Elaija.” 6Kechi wayukile bya kwamba ne, mambo aye ne bo ajinanga naabo baubile bingi moyo. 7#Mat 3:17; Mako 1:11; Lu 3:22Kabiji kwaishile jikumbi ne kwibavweta, ne jiwi jafumine mu jikumbi amba, “Uno ye Mwanami yenatemwa, mumvwai aye!” 8Kabiji ponkapotu pa kukenkenta konse konse, kechi bamwenepo nangwa umo ne, poso Yesu yenka.
9Pa kwikila ku mutumba, aye wibakainye amba, “Kechi mubule muntu nangwa umo byo mwamona ne, poso Mwana Muntu akasanguke mu bafu.” 10Onkao mambo balamine akya kyambo, sa beipuzha abo bene na bene amba, “Kusanguka kwa mu bafu kwayila muka?” 11#Mala 4:5; Mat 11:14Kabiji bamwipwizhe amba, “Mambo ka banembeshi bamba amba, patanshi Elaija wafwainwa kwiya?”
12Kumvwa aye wibakumbwile amba, “Kine Elaija wafwainwa kwiya patanshi, ne kubwezha bulongo byonse byo byajinga. Kabiji mambo ka kyanembelwa amba, Mwana Muntu ukamona bya malwa byavula ne kusuulwa? 13Pakuba amiwa ne mwambila namba Elaija waiya kala, Kabiji monka mo kya munembejilwe momo bamubijile byonse byo basakile.”
Kubukwa kwa mwanyike wajinga na mupashi wabiipa
(Mateo 17:14-21; Luka 9:37-43a)
14Kabiji byo bafikile ku baana babwanga bakwabo, bamwene jibumba jikatampe kasa jibabumba, ne banembeshi kasa bapachika naabo. 15Kabiji byo bamumwene bakuminye bingi, ba munyemejile ne kumwimuna. 16Ne aye wibepwizhe amba “Mubena kwipachika naabo kika?”
17Umo wa mu jibumba wamukumbwile amba, “Mufunjishi, najikuleeta mwanami wamulume kwi anweba, uji na mupashi wa kamaama. 18Kabiji bimye byonse byo kimukwata, kimutaya panshi, uuba kapofu ku kanwa ne kushenka ku meno ne kuumatu poo! Kabiji naji kwambila baana benu babwanga namba bamupangemo bino, baji kumukankalwa.”
19Kabiji Yesu wibakumbwile amba, “Anweba kisemi kyabula lwitabilo! Bimye binga byo nkekala? Bimye binga byo nkemutekela muchima? Muleetai kwi amiwa.” 20Ne abo bamuletele kwi Yesu.
Ponkapotu aye mupashi wabiipa pa kumumona Yesu, wamusunkakenye awa mwana, ne kumuponesha panshi na kwalang'ana ne kapofu ku kanwa.
21Kabiji Yesu wamwipwizhe shanji amba, “Lelo myaka inga yoaikala nakyo?”
Kumvwa aye wakumbwile amba, “kufumatu ne ku bwanyike.” 22“Kabiji javula kyamutayanga mu mujilo ne mu mema na kusaka kumonauna. Bino umvwe mwakonsha kuuba kintu, mwitubile lusa ne kwitukwasha.”
23Kumvwa Yesu wamwambijile amba, “Umvwe mwakonsha! Byonse byakonsheka kwi aye waitabila.”
24Ponkapotu shanja mwana wabijikile ne kwamba amba, “Naitabila, nkwashai ku milengulwila yami!”
25Ponkapo Yesu byo amwene jibumba kasa jilundumukila pamo ko aji, wamukainye awa mupashi wabiipa, ne kumwambila amba, “Obewa mupashi wa kamaama ne wakishinka matwi, na kukambizha namba, fumamo mwi aye ne kutwelamo jibiji ne!”
26Ne aye mupashi pakutama ne kumusunkankanya kyabaya, wafuminemo. Kabiji mwana wamwekele nobe wafwa, ne bavula ba ambile amba, “Wafwa!” 27Bino Yesu wamukwachile pa kuboko ne kumwimika, ne aye waimene.
28Byo atwelele mu nzubo baana banji babwanga bamwipwizhe kwa bunke bwabo amba, atweba mambo ka twajikukankelwa kumupangamo?
29Ne aye wibambijile amba, “Uno musango kechi wakonsha kufumamo na kintu kikwabo ne, kanatu na milombelo.”
Yesu byo a ambile jibiji mambo a lufu ne lusanguko lwanji
(Mateo 17:22-23; Luka 9:43-45)
30Kabiji bafumineko ne kupita mu Ngalilea. Ne aye kechi wakebele nangwa muntu umo kuyuka ne. 31Mambo wafunjishenga baana banji babwanga amba, “Mwana Muntu waya apanwe mu maboko a bantu, ne abo bakamwipaya. Kabiji pakupita moba asatu ukasanguka.”
32Baana banji babwanga kechi bekyumvwine akya kyambo mo kyayijile ne, bino bachiine kumwipuzha.
Mukulumpe ye ng'anyi?
(Mateo 18:1-5; Luka 9:46-48)
33Kabiji baishile ku Kapenama. Kabiji byo baikajile mu nzubo Yesu wibepwizhe amba, “Ikika kyo mwaji kupachikanga mu jishinda?”
34 #
Lu 22:24
Pakuba abo bazhindaminetu nzoo, mambo mu jishinda bepachikilenga abo bene amba, nanchi mukulumpe mwi atweba ng'anyi? 35#Mat 20:26,27; 23:11; Mako 10:43,44; Lu 22:26Ne Yesu waikele panshi ne kwibeta ba jikumi na babiji, ne kwibambila amba, “Umvwe muntu wasaka kwikala mukulumpe, wafwainwa kwikala ke mwanyike wa bonse, kabiji ne kwikala ke wamwingilo wa bonse.” 36Kabiji washikwile kanyike ne kwikemika mukachi kabo. Ne pa kwikashikula mu maboko anji, wibambijile amba, 37#Mat 10:40; Lu 10:16; Yoa 13:20“Awa ukatambula kamo kanyike pamo biji kano mu jizhina jami, wantambula amiwa, ne aye wantambula amiwa, kechi utambulatu amiwa yenka ne, kana ne aye wantuma.”
Awa wabula mulwanyi wetu ye wakwetu
(Luka 9:49-50)
38Yoano wamwambijile amba, “Mufunjishi, twamwene umo kasa a pangilamo bademona mu jizhina jenu, ne atweba twamukainye, mambo aye kechi witulondela atweba ne.”
39Kumvwa Yesu wibambijile amba, “Kechi mwafwainwa kumukanya ne, mambo kafwako muntu ukengila kintu kya bulume mu jizhina jami ukakonsha kung'ambila bibi ne. 40#Mat 12:30; Lu 11:23 Pakuba awa wabula kwikala mulwanyi wetu ye wakwetu.” 41#Mat 10:42 Kine, ne mwambila namba, aye ukemupa katomeno ka mema a kutoma mu jizhina jami mambo mwi ba kwa Kilishitu, kine nemwambila namba kechi akabulwe kutambula mfweto yanji nangwa pachechetu ne.
Lweseko lutwala ku bubi
(Mateo 18:6-9; Luka 17:1-2)
42“Pakuba awa ukatuntwisha kamo pa tuno twana twangitabila, kyamufwainwa aye kumukashila jibwe jikatampe ja kupelapo mu nshingo yanji, ne kumutaya naajo mu kalunga ka mema. 43#Mat 5:30 Kabiji umvwe kuboko kobe kwa kulengesha kulenga mambo, wikuchibeko! Mambo kyawama kutwela mu bumi na bulema kukila kwikala na maboko abiji ne kuya mu Ngehena, mu mujilo ubula kuzhima. 44Amo mizambo ibaja kechi ifwa ne kabiji mujilo kechi uzhima ne. #9:44 Ma buuku amo amu kigiliki kechi babikako veleshi 44 ne. Amo mizambo ibaja kechi ifwa ne kabiji mujilo kechi uzhima ne (monai veleshi 48). 45Kabiji umvwe kuulu kobe kwa kulengesha kulenga mambo, wikuchibeko! Mambo kutwela mu bumi na kusunkuta kyawama kukila kwikala na maulu abiji ne kutayiwa mu Ngehena. 46Amo mizambo ibaja kechi ifwa ne, kabiji mujilo kechi uzhima ne.#9:46 Ma buuku amo a mu kigiliki kechi aji na veleshi 46 Amo mizambo ibaja kechi ifwa ne, kabiji mujilo kechi uzhima ne. (Monai veleshi 48) 47#Mat 5:29 Kabiji umvwe jiso jobe jakulengesha kulenga mambo, jilobolemo! Mambo kyawama kutwela mu bufumu bwa Lesa na jiso jimo, pakuba kwikala na meso abiji ne kutayiwa mu Ngehena, kyatama 48#Isa 66:24 Amo mizambo ibaja kechi ifwa ne, kabiji mujilo kechi uzhima ne.
49“Mambo bonse bakatokeshiwa na mujilo, byonka bitokeshiwa bitapisho byonse na mukele.
50 #
Mat 5:13; Lu 14:34,35 “Mukele wawama, pakuba umvwe mukele wa aluka ke wasamuka, ukamubwezha byepi mu bu mukele bwanji?
“Ikalai na mukele mwi anweba bene, ne kwikala na mutende anweba bene na bene.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Kaonde New Testament © The Bible Society of Zambia, 2019.