Mako 13
13
Yesu byo ambijile jimo na mambo a konaika kwa nzubo ya Lesa
(Mateo 24:1,2; Luka 21:5,6)
1Kabiji byo a lupukilenga mu nzubo ya Lesa, umo mwananji wabwanga wamwambijile amba, “Mufunjishi, Talai, ano mabwe a kukumya ne bishimikwa bya kukumya!”
2Ne Yesu wibambijile amba, “Mwibimona bino bishimikwa bikatampe nyi? Kechi pakashaala nangwa jibwe jikatentakana pa jikwabo jo bakabula kupalang'anya ne.”
Biyukilo bya mu moba a kumpelo
(Mateo 24:3-14; Luka 21:7-19)
3Byo aikajile pa Mutumba wa olivi, kasa atalang'ana na nzubo ya Lesa, ba Petelo ne Yakoba ne Yoano ne Andeleo bamwipwizhe kwa bunke amba, 4“Tubuulai bino bintu bikamweka ng'anyi mwaka? Kabiji ne kayukilo ka kuyukilako amba bino bintu byonse ke biji pepi kufika.”
5Kepo Yesu atatwile kwibabuula amba, “Jimukai kuchiina amba, nangwa umo wakemutwala mungi. 6Bavula bakeya mu jizhina jami amba, ‘Yami iye!’ Kabiji bakebatwala mungi bavula. 7Kabiji byo mukomvwa makondo ne nkuwa ya makondo, kechi mukakamwe ne. Mambo bino byafwainwa kumweka, mpelo kasa ikyangye kufika. 8Mambo mukoka ukemeena mukoka mukwabo, ne bufumu bukemeena bufumu bukwabo. Kabiji kukekala bitentanshi kwavula, kabiji kukekala ne bipowe bya nzala. Bino bintu yo ntatwilo ya bisanso.
9 #
Mat 10:17-20; Lu 12:11,12 “Bino anweba ikalai bajimuka. Mambo bakemufikizha ku bije, ne mu mashinagoga, kabiji mukemana ku meso a bene bandamakyalo ne ku meso a bamfumu na mambo a amiwa, kikekala ke mwa kwibasapwila. 10Ne Mambo Awama afwainwa patanshi kusapwilwa ku mikoka yonse. 11Kabiji byo bakemutwala ne kwimufikizha konka, ku bambishisha jimo michima yenu nabyo mukamba ne, pakuba kyonkakya kikemupewa mu akya kimye kyokyo mukamba, mambo kechi yenu mukamba ne, poso Mupashi Wazhila. 12Mambo muntu ukafikizha mulongo wanji ku lufu, ne shanji naye ukasolola mwananji, ne baana nabo bakebabuukila bebasema, ne kwibepayisha. 13#Mat 10:22 Kabiji bakemushikwa ku bantu bonse na mambo a jizhina jami. Bino awa ukakoselamo kufika ne kumpelo ye ukapuluka.
Kya bunya kileta lonaiko
(Mateo 24:15-28; Luka 21:20-24)
14 #
Dan 9:27; 11:31; 12:11 “Kabiji byo mukamona akya kya bunya kileeta lonaiko kasa kyaimana po kyabula kufwainwa kwimana.” (Awa utanga muleke omvwe!) “Ponkapo aba baji mu Yudea bakanyemene ku mitumba. 15#Lu 17:31 Kabiji aye uji pa mutenge kechi ekile ne kutwela mu nzubo yanji amba nsende kintu ne. 16Ne yewa uji mu bujimi naye kechi akabwele na kushikula munkukumba wanji ne! 17Kabiji malwa kuboba bakekala na memi ne boba bakamwishanga baana mu oa moba! 18Lombai amba kechi kikekale mu bang'ondo ba mashika ne! 19#Dan 12:1; Lum 7:14 Mambo mu oa moba kukekala malwa akuuba, kala kechi kwajingapo akwabo a byonkabyo ne, nangwa kufuma ku ntendekelo yo alengele Lesa ntanda kufika ne luno, kabiji a byonkabyo kechi akekalako nangwa myaka yonsetu ne. 20Kabiji inge Nkambo ne kwiachibako aa moba ne, kafwako muntu nangwa umo ukapuluka ne, pakuba na mambo a basalululwa, bakeachibako aa moba.
21“Kabiji mu kyokya kimye, umvwe muntu akemwambile amba, ‘Talai, Kilishitu uji kuno!’ Nangwa amba, ‘Talai, awa uji kokwa!’ Kechi muketabe ne. 22Mambo kukamweka ba kilishitu ba bubela ne bangauzhi ba bubela. Kabiji bakamwesha biyukilo ne bya kukumya, mu kwibatwala mungi basalululwa, umvwe kyakonsheka kuubiwa. 23Bino jimukai anweba! Talai amiwa nemubujila jimo bino bintu byonse kasa bikyangye kumweka.
Kwiya kwa Mwana Muntu
(Mateo 24:29-31; Luka 21:25-28)
24 #
Isa 13:10; Yoe 2:10,31; 3:15; Lum 6:12;
Isa 13:10; Ezi 32:7 “Bino mu oa moba pakupita aa malwa, juba jikaaluka ke mfishi, ne ng'ondo naye kechi ukooba kyeya ne, 25#Isa 34:4; Lum 6:13; Yoe 2:10 ne tubangabanga twa mwiulu tukaponanga, ne bya bulume biji mwiulu bikasunkeena. 26#Dan 7:13; Lum 1:7Kabiji ponkapo bakamona Mwana Muntu kasa eya mu makumbi na bulume bukatampe ne lukumo. 27Kabiji pa kyokya kimye ukebatuma bamalaika banji ne abo bakebapwizha pamo basalululwa banji kwibafumya ku makonka ana a panopantanda, ne monse mwapela jiulu.
Kufunda ku kichi kya mukuyu
(Mateo 24:32-35; Luka 21:29-33)
28“Kabiji pano fundai kishimpi ku kichi kya mukuyu. Misampi yakyo byo inekena ne kusapuka mabuula, ke kayukilo amba pano mayoo aji pepi. 29Byonkabyo, ne anweba byo mukamona bino bintu kasa bibena kumweka, yukai amba kaaji pepi, ponka pa kibelo. 30Kine nemwambila namba, kino kisemi kechi kikapite ne, poso bino byonse bikafike. 31Jiulu ne ntanda bikapita, pakuba byambo byami kechi bikapite nangwa pachechetu ne.
Kafwako nangwa umo wayuka juba nangwa kimye ne
(Mateo 24:36-44)
32 #
Mat 24:36
“Pakuba aja juba nangwa kimye, kafwako wayuka ne nangwa bamalaika ba mwiulu, nangwa Mwana ne, poso bonka Bataata. 33Kasa mujimuka, ne kukenkenta, mambo anweba kechi mwayuka aja juba po jikeshila ne. 34#Lu 12:36-38 Kyapasha nobe muntu waya pa lwendo, upana luusa pa nzubo yanji ku bakalume banji, au mwingilo wanji au wanji, ne kukambizha malonda wakulama kibelo kulaba ne kukenkenta. 35Onkao mambo ne anweba mulabenga ne kukenkenta, mambo kechi mwayuka kimye kyo akeshilamo mwine mwina nzubo ne, kampe mabanga, nangwa pakachi ka bufuku, nangwa kumakya, nangwa lukeelo. 36Kuchiina amba wakemusolomokelatu ne kwimutaana kasa mwalaala 37Kabiji byo nemwambila anweba, namba ku bonse. Labainga ne kukenkenta.”
Currently Selected:
Mako 13: KNTP
Highlight
Share
Copy
Want to have your highlights saved across all your devices? Sign up or sign in
The Kaonde New Testament © The Bible Society of Zambia, 2019.
Mako 13
13
Yesu byo ambijile jimo na mambo a konaika kwa nzubo ya Lesa
(Mateo 24:1,2; Luka 21:5,6)
1Kabiji byo a lupukilenga mu nzubo ya Lesa, umo mwananji wabwanga wamwambijile amba, “Mufunjishi, Talai, ano mabwe a kukumya ne bishimikwa bya kukumya!”
2Ne Yesu wibambijile amba, “Mwibimona bino bishimikwa bikatampe nyi? Kechi pakashaala nangwa jibwe jikatentakana pa jikwabo jo bakabula kupalang'anya ne.”
Biyukilo bya mu moba a kumpelo
(Mateo 24:3-14; Luka 21:7-19)
3Byo aikajile pa Mutumba wa olivi, kasa atalang'ana na nzubo ya Lesa, ba Petelo ne Yakoba ne Yoano ne Andeleo bamwipwizhe kwa bunke amba, 4“Tubuulai bino bintu bikamweka ng'anyi mwaka? Kabiji ne kayukilo ka kuyukilako amba bino bintu byonse ke biji pepi kufika.”
5Kepo Yesu atatwile kwibabuula amba, “Jimukai kuchiina amba, nangwa umo wakemutwala mungi. 6Bavula bakeya mu jizhina jami amba, ‘Yami iye!’ Kabiji bakebatwala mungi bavula. 7Kabiji byo mukomvwa makondo ne nkuwa ya makondo, kechi mukakamwe ne. Mambo bino byafwainwa kumweka, mpelo kasa ikyangye kufika. 8Mambo mukoka ukemeena mukoka mukwabo, ne bufumu bukemeena bufumu bukwabo. Kabiji kukekala bitentanshi kwavula, kabiji kukekala ne bipowe bya nzala. Bino bintu yo ntatwilo ya bisanso.
9 #
Mat 10:17-20; Lu 12:11,12 “Bino anweba ikalai bajimuka. Mambo bakemufikizha ku bije, ne mu mashinagoga, kabiji mukemana ku meso a bene bandamakyalo ne ku meso a bamfumu na mambo a amiwa, kikekala ke mwa kwibasapwila. 10Ne Mambo Awama afwainwa patanshi kusapwilwa ku mikoka yonse. 11Kabiji byo bakemutwala ne kwimufikizha konka, ku bambishisha jimo michima yenu nabyo mukamba ne, pakuba kyonkakya kikemupewa mu akya kimye kyokyo mukamba, mambo kechi yenu mukamba ne, poso Mupashi Wazhila. 12Mambo muntu ukafikizha mulongo wanji ku lufu, ne shanji naye ukasolola mwananji, ne baana nabo bakebabuukila bebasema, ne kwibepayisha. 13#Mat 10:22 Kabiji bakemushikwa ku bantu bonse na mambo a jizhina jami. Bino awa ukakoselamo kufika ne kumpelo ye ukapuluka.
Kya bunya kileta lonaiko
(Mateo 24:15-28; Luka 21:20-24)
14 #
Dan 9:27; 11:31; 12:11 “Kabiji byo mukamona akya kya bunya kileeta lonaiko kasa kyaimana po kyabula kufwainwa kwimana.” (Awa utanga muleke omvwe!) “Ponkapo aba baji mu Yudea bakanyemene ku mitumba. 15#Lu 17:31 Kabiji aye uji pa mutenge kechi ekile ne kutwela mu nzubo yanji amba nsende kintu ne. 16Ne yewa uji mu bujimi naye kechi akabwele na kushikula munkukumba wanji ne! 17Kabiji malwa kuboba bakekala na memi ne boba bakamwishanga baana mu oa moba! 18Lombai amba kechi kikekale mu bang'ondo ba mashika ne! 19#Dan 12:1; Lum 7:14 Mambo mu oa moba kukekala malwa akuuba, kala kechi kwajingapo akwabo a byonkabyo ne, nangwa kufuma ku ntendekelo yo alengele Lesa ntanda kufika ne luno, kabiji a byonkabyo kechi akekalako nangwa myaka yonsetu ne. 20Kabiji inge Nkambo ne kwiachibako aa moba ne, kafwako muntu nangwa umo ukapuluka ne, pakuba na mambo a basalululwa, bakeachibako aa moba.
21“Kabiji mu kyokya kimye, umvwe muntu akemwambile amba, ‘Talai, Kilishitu uji kuno!’ Nangwa amba, ‘Talai, awa uji kokwa!’ Kechi muketabe ne. 22Mambo kukamweka ba kilishitu ba bubela ne bangauzhi ba bubela. Kabiji bakamwesha biyukilo ne bya kukumya, mu kwibatwala mungi basalululwa, umvwe kyakonsheka kuubiwa. 23Bino jimukai anweba! Talai amiwa nemubujila jimo bino bintu byonse kasa bikyangye kumweka.
Kwiya kwa Mwana Muntu
(Mateo 24:29-31; Luka 21:25-28)
24 #
Isa 13:10; Yoe 2:10,31; 3:15; Lum 6:12;
Isa 13:10; Ezi 32:7 “Bino mu oa moba pakupita aa malwa, juba jikaaluka ke mfishi, ne ng'ondo naye kechi ukooba kyeya ne, 25#Isa 34:4; Lum 6:13; Yoe 2:10 ne tubangabanga twa mwiulu tukaponanga, ne bya bulume biji mwiulu bikasunkeena. 26#Dan 7:13; Lum 1:7Kabiji ponkapo bakamona Mwana Muntu kasa eya mu makumbi na bulume bukatampe ne lukumo. 27Kabiji pa kyokya kimye ukebatuma bamalaika banji ne abo bakebapwizha pamo basalululwa banji kwibafumya ku makonka ana a panopantanda, ne monse mwapela jiulu.
Kufunda ku kichi kya mukuyu
(Mateo 24:32-35; Luka 21:29-33)
28“Kabiji pano fundai kishimpi ku kichi kya mukuyu. Misampi yakyo byo inekena ne kusapuka mabuula, ke kayukilo amba pano mayoo aji pepi. 29Byonkabyo, ne anweba byo mukamona bino bintu kasa bibena kumweka, yukai amba kaaji pepi, ponka pa kibelo. 30Kine nemwambila namba, kino kisemi kechi kikapite ne, poso bino byonse bikafike. 31Jiulu ne ntanda bikapita, pakuba byambo byami kechi bikapite nangwa pachechetu ne.
Kafwako nangwa umo wayuka juba nangwa kimye ne
(Mateo 24:36-44)
32 #
Mat 24:36
“Pakuba aja juba nangwa kimye, kafwako wayuka ne nangwa bamalaika ba mwiulu, nangwa Mwana ne, poso bonka Bataata. 33Kasa mujimuka, ne kukenkenta, mambo anweba kechi mwayuka aja juba po jikeshila ne. 34#Lu 12:36-38 Kyapasha nobe muntu waya pa lwendo, upana luusa pa nzubo yanji ku bakalume banji, au mwingilo wanji au wanji, ne kukambizha malonda wakulama kibelo kulaba ne kukenkenta. 35Onkao mambo ne anweba mulabenga ne kukenkenta, mambo kechi mwayuka kimye kyo akeshilamo mwine mwina nzubo ne, kampe mabanga, nangwa pakachi ka bufuku, nangwa kumakya, nangwa lukeelo. 36Kuchiina amba wakemusolomokelatu ne kwimutaana kasa mwalaala 37Kabiji byo nemwambila anweba, namba ku bonse. Labainga ne kukenkenta.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Kaonde New Testament © The Bible Society of Zambia, 2019.