Matalikilo 47
47
1Aboobo Josefa wakaya kuyooambila Falo kuti, “Taata abapati bangu basika kuzwa ku Kenani, baletelela amatanga aabo aambelele, aaŋombe alimwi alubono loonse ndobajisi. Nkobali ku Gosyeni.” 2Naakamana kukanana, wakatondezya aabo banabokwabo bosanwe kuli Falo. 3Lino Falo wakababuzya kuti, “Ino muzi mulimo nzi?” Mpoonya bakamwiingula kuti, “Tuli beembezi omwami, mbubonya mbuli bwakali bamatata. 4Twaboola kuti tuzookkale munyika iino nkaambo omwami, nzala ilunzya kasuko ku Kenani cakuti mane takucikwe amacelelo mabotu aamatanga eesu ooko. Nkaako omwami, tukumbila kuti tukkale mu Gosyeni.”
5Mpawo Falo wakaambila Josefa kuti, “Uso abapati bako bakusikila 6inga bakkala ku Gosyeni. Nkabela naa ulizi bamwi babo bakonzya kweembela kabotu, ubape bulangi bwabutanga bwangu abwalo.” 7Aboobo Josefa wakaleta Jakobo wisi akuzoomutondezya kuli Falo. Aawo Jakobo wakaleleka Falo. 8Falo wakabuzya Jakobo kuti, “Ino uli aamyaka yongaye?” 9Jakobo wakaingula kuti, “Myaka yakweendeenda kwangu iili mwaanda amakumi otatwe. Eeyi myaka mice alimwi njabuyumu-yumu, tiili mbuli myaka njibakapona bamatata mukweendeenda kwabo pe.” 10Amane kwiingula boobo Jakobo wakalaya Falo akuunka. 11Eelyo Josefa wakapa wisi abanabokwabo cipaanzi canyika ya Ijipiti mbotu kwiinda. Wakababikka munyika iili kubbazu lyaku Lamesisi, mbubonya mbuli Falo mbwaakalailila. 12Josefa wakali kupa zilyo kuli wisi akubanabokwabo, alimwi akuli boonse bamukwasyi mbuli kumweelwe wabo.
Josefa mbwaakeendelezya muciindi canzala mpati
13Inzala yakakomena kapati cakuti tiikwakali kujanika cilyo munyika yoonse mbwiibede, mane bantu bamu Ijipiti amu Kenani bakagonkelwa akaambo kanzala. 14Eelyo Josefa wakabungika mali ngobakali kuuzya cakulya bantu ba Ijipiti abaku Kenani, wakatola mali aaya kuŋanda ya Falo. 15Lino mali oonse naakabamanina bantu bamu Ijipiti abamu Kenani bakasika kuli Josefa akuzoomwaambila kuti, “Tulomba cilyo! Bona tulakufwida. Kayi mali atumanina.” 16Mpawo Josefa wakabaingula kuti, “Anooli mali aanu amumanina, mweelede kweeta lubono lwabanyama akubbadela kulindime, ndendilyo nenga ndamupa cakulya.” 17Nkabela bakaleta lubono lwabo lwabanyama kuli Josefa, walo wakabapa cilyo mukusintana amabbiza aabo, mbelele zyabo, ŋombe ambongolo zyabo. Mwaka ooyo Josefa wakabapa bantu cilyo mukusintana abanyama babo.
18Mumwaka wakatobela bantu bakaboola kulinguwe alimwi akuzooti, “Tatukonzyi kusisa makani aaya kulinduwe mwami, aakuti mali eesu oonse atumanina, alimwi lubono lwesu lwabanyama lulikulinduwe sunu. Nkokuti swebo taakwe acomwe ncotujisi cakunga twakupa pe, ccita buyo mibili yesu amyuunda yesu. 19Sena ncibotu kuti tufwe swebo amyuunda yesu? Utuule swebo alimwi uule amyuunda yesu mukusintana acakulya. Tulaba bazike ba Falo, alimwi ngonguwe uutitole amyuunda yesu. Utupe maila kutegwa tupone, tutafwi anzala kuti nyika itanyonyooki.”
20Aboobo Josefa wakaula myuunda yoonse mu Ijipiti, yakaba ya Falo nkaambo muntu oonse mu Ijipiti wakauzya muunda wakwe, nkaambo nzala yakali mpati kapati munyika. 21Munzila eeyi Josefa wakaula bantu banyika yoonse ya Ijipiti mboizulwa baba bazike. 22Inyika njaatakaula njeeyo yakali yabapaizi. Balo taakwe nibakauzya myuunda yabo nkaambo Falo wakali kubavozya mali mace aakuponena mpawo. 23Nkabela Josefa wakaambila bantu kuti, “Amubone! Sunu ndamuula nywebo amyuunda yanu mwaba bantu ba Falo. Lino ngaaya maila ngomweelede kusyanga mumyuunda. 24Ciindi cakutebula mweelede kuti mukape cipaanzi casanu cazilyo zyanu kuli Falo. Citikasyaale ciyooba canu, cikabe cakuyoosyanga acakulya canu amikwasyi yanu.” 25Balo bakaingula kuti, “Watufutula, watucita kabotu. Lino swebo twaba bazike ba Falo.” 26Josefa wakacita kuti ube mulawo wacisi ca Ijipiti wakupa cipaanzi casanu cazyakulya zyatebulwa kuli Falo. Mane ooyu mulawo nkuucili asunu. Pele myuunda yabapaizi ilikke njiyatakali ya Falo.
Jakobo waambilizya mbwayanda kuti bana bakwe bakacite aakufwa
27Bana ba Isilayeli bakakkala mu Ijipiti ku Gosyeni. Bakayuma akuba aabana banji. 28Jakobo wakakkala myaka iili kkumi aciloba mu Ijipiti, kusikila waba aamyaka iili mwaanda amakumi one aciloba. 29Lino nicakaswena aafwiifwi ciindi calufu lwakwe, wakaita mwanaakwe Josefa akuti kulinguwe, “Konkezya kulindime, bikka janza lyako kunsi lya cibelo cangu akusyomezya kuti uyoosyomeka kapati kulindime. Ciindi ndaakufwa utakandizikkili mu Ijipiti pe. 30Ndiyanda kuyoozikkilwa ooko kulede bamatata. Ukandiyumune kuzwa mu Ijipiti akuyoondizikka kucuumbwe cabo.” Josefa wakaingula kuti, “Mbubo, ndiyoocita oobo mbooamba.”
31Isilayeli wakaamba kuti, “Konkezya kulindime kuti uyoocita ncobeni.” Mpoonya Josefa wakakonkezya. Eelyo Isilayeli wakakotamina kumitwe lyabulo bwakwe akukomba Leza.
Currently Selected:
Matalikilo 47: Tonga96
Highlight
Share
Copy
Want to have your highlights saved across all your devices? Sign up or sign in
Tonga Bible © United Bible Societies, 1994.
Matalikilo 47
47
1Aboobo Josefa wakaya kuyooambila Falo kuti, “Taata abapati bangu basika kuzwa ku Kenani, baletelela amatanga aabo aambelele, aaŋombe alimwi alubono loonse ndobajisi. Nkobali ku Gosyeni.” 2Naakamana kukanana, wakatondezya aabo banabokwabo bosanwe kuli Falo. 3Lino Falo wakababuzya kuti, “Ino muzi mulimo nzi?” Mpoonya bakamwiingula kuti, “Tuli beembezi omwami, mbubonya mbuli bwakali bamatata. 4Twaboola kuti tuzookkale munyika iino nkaambo omwami, nzala ilunzya kasuko ku Kenani cakuti mane takucikwe amacelelo mabotu aamatanga eesu ooko. Nkaako omwami, tukumbila kuti tukkale mu Gosyeni.”
5Mpawo Falo wakaambila Josefa kuti, “Uso abapati bako bakusikila 6inga bakkala ku Gosyeni. Nkabela naa ulizi bamwi babo bakonzya kweembela kabotu, ubape bulangi bwabutanga bwangu abwalo.” 7Aboobo Josefa wakaleta Jakobo wisi akuzoomutondezya kuli Falo. Aawo Jakobo wakaleleka Falo. 8Falo wakabuzya Jakobo kuti, “Ino uli aamyaka yongaye?” 9Jakobo wakaingula kuti, “Myaka yakweendeenda kwangu iili mwaanda amakumi otatwe. Eeyi myaka mice alimwi njabuyumu-yumu, tiili mbuli myaka njibakapona bamatata mukweendeenda kwabo pe.” 10Amane kwiingula boobo Jakobo wakalaya Falo akuunka. 11Eelyo Josefa wakapa wisi abanabokwabo cipaanzi canyika ya Ijipiti mbotu kwiinda. Wakababikka munyika iili kubbazu lyaku Lamesisi, mbubonya mbuli Falo mbwaakalailila. 12Josefa wakali kupa zilyo kuli wisi akubanabokwabo, alimwi akuli boonse bamukwasyi mbuli kumweelwe wabo.
Josefa mbwaakeendelezya muciindi canzala mpati
13Inzala yakakomena kapati cakuti tiikwakali kujanika cilyo munyika yoonse mbwiibede, mane bantu bamu Ijipiti amu Kenani bakagonkelwa akaambo kanzala. 14Eelyo Josefa wakabungika mali ngobakali kuuzya cakulya bantu ba Ijipiti abaku Kenani, wakatola mali aaya kuŋanda ya Falo. 15Lino mali oonse naakabamanina bantu bamu Ijipiti abamu Kenani bakasika kuli Josefa akuzoomwaambila kuti, “Tulomba cilyo! Bona tulakufwida. Kayi mali atumanina.” 16Mpawo Josefa wakabaingula kuti, “Anooli mali aanu amumanina, mweelede kweeta lubono lwabanyama akubbadela kulindime, ndendilyo nenga ndamupa cakulya.” 17Nkabela bakaleta lubono lwabo lwabanyama kuli Josefa, walo wakabapa cilyo mukusintana amabbiza aabo, mbelele zyabo, ŋombe ambongolo zyabo. Mwaka ooyo Josefa wakabapa bantu cilyo mukusintana abanyama babo.
18Mumwaka wakatobela bantu bakaboola kulinguwe alimwi akuzooti, “Tatukonzyi kusisa makani aaya kulinduwe mwami, aakuti mali eesu oonse atumanina, alimwi lubono lwesu lwabanyama lulikulinduwe sunu. Nkokuti swebo taakwe acomwe ncotujisi cakunga twakupa pe, ccita buyo mibili yesu amyuunda yesu. 19Sena ncibotu kuti tufwe swebo amyuunda yesu? Utuule swebo alimwi uule amyuunda yesu mukusintana acakulya. Tulaba bazike ba Falo, alimwi ngonguwe uutitole amyuunda yesu. Utupe maila kutegwa tupone, tutafwi anzala kuti nyika itanyonyooki.”
20Aboobo Josefa wakaula myuunda yoonse mu Ijipiti, yakaba ya Falo nkaambo muntu oonse mu Ijipiti wakauzya muunda wakwe, nkaambo nzala yakali mpati kapati munyika. 21Munzila eeyi Josefa wakaula bantu banyika yoonse ya Ijipiti mboizulwa baba bazike. 22Inyika njaatakaula njeeyo yakali yabapaizi. Balo taakwe nibakauzya myuunda yabo nkaambo Falo wakali kubavozya mali mace aakuponena mpawo. 23Nkabela Josefa wakaambila bantu kuti, “Amubone! Sunu ndamuula nywebo amyuunda yanu mwaba bantu ba Falo. Lino ngaaya maila ngomweelede kusyanga mumyuunda. 24Ciindi cakutebula mweelede kuti mukape cipaanzi casanu cazilyo zyanu kuli Falo. Citikasyaale ciyooba canu, cikabe cakuyoosyanga acakulya canu amikwasyi yanu.” 25Balo bakaingula kuti, “Watufutula, watucita kabotu. Lino swebo twaba bazike ba Falo.” 26Josefa wakacita kuti ube mulawo wacisi ca Ijipiti wakupa cipaanzi casanu cazyakulya zyatebulwa kuli Falo. Mane ooyu mulawo nkuucili asunu. Pele myuunda yabapaizi ilikke njiyatakali ya Falo.
Jakobo waambilizya mbwayanda kuti bana bakwe bakacite aakufwa
27Bana ba Isilayeli bakakkala mu Ijipiti ku Gosyeni. Bakayuma akuba aabana banji. 28Jakobo wakakkala myaka iili kkumi aciloba mu Ijipiti, kusikila waba aamyaka iili mwaanda amakumi one aciloba. 29Lino nicakaswena aafwiifwi ciindi calufu lwakwe, wakaita mwanaakwe Josefa akuti kulinguwe, “Konkezya kulindime, bikka janza lyako kunsi lya cibelo cangu akusyomezya kuti uyoosyomeka kapati kulindime. Ciindi ndaakufwa utakandizikkili mu Ijipiti pe. 30Ndiyanda kuyoozikkilwa ooko kulede bamatata. Ukandiyumune kuzwa mu Ijipiti akuyoondizikka kucuumbwe cabo.” Josefa wakaingula kuti, “Mbubo, ndiyoocita oobo mbooamba.”
31Isilayeli wakaamba kuti, “Konkezya kulindime kuti uyoocita ncobeni.” Mpoonya Josefa wakakonkezya. Eelyo Isilayeli wakakotamina kumitwe lyabulo bwakwe akukomba Leza.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tonga Bible © United Bible Societies, 1994.